Dagblaðið Vísir - DV - 31.03.2017, Síða 12

Helgarblað 31. mars–3. apríl 201712 Fréttir
„Hún hata ði barnið“
n Pálína María Árnadóttir segir deildarstjóra á leikskóla á Reyðarfirði komast upp með harðræði gagnvart börnum n Sakar deildarstjórann einnig um að hafa lagt sig í einelti í vinnunni
H
ún hataði barnið og í eitt
skiptið hrifsaði hún í það
með þeim afleiðingum að
barnið skallaði dyrakarm,“
Þetta segir Pálína María
Árnadóttir, fyrrverandi starfsmaður
á leikskóla á Reyðarfirði, sem ber
deildarstjóra á deildinni þar sem
hún starfaði þungum sökum. Pálína
segir deildarstjórann hafa beitt
börnin á deildinni harðræði. Til
dæmis hafi hún dregið barn, sem
var með mótþróa, út í frost á nær-
fötunum og klætt það þar í útiföt. Þá
segir Pálína að deildarstjórinn hafi
lagt hana í einelti. Pálína hrökklað-
ist úr starfi vorið 2016 vegna þess að
ekki var hlustað á hana, þegar hún
sagði frá meintu harðræði og vegna
vinnustaðareineltisins. Deildar-
stjórinn starfar enn á sama leikskóla.
Pálína segir að mikil þöggun ríki
um málið, þó svo að flestir hafi feng-
ið veður af því, á Reyðarfirði vegna
smæðar samfélagsins. Hún vill koma
því skýrt á framfæri að starfið á öðr-
um deildum leikskólans hafi verið til
fyrirmyndar á meðan hún starfaði
þar. Þá segir Pálína að þrátt fyrir ótal
kvartanir og fundi með leikskóla-
stjóra og fræðslustjóra á svæðinu
hafi aldrei verið gripið til viðeigandi
ráðstafana gagnvart deildarstjór-
anum. Fjölmargir, sem þekkja mál-
ið frá fyrstu hendi og DV ræddi við,
taka undir orð Pálínu og staðfesta að
á henni hafi verið brotið.
Tilbúin að stíga fram
Þóroddur Helgason, fræðslustjóri
Fjarðabyggðar, staðfestir í samtali
við DV að Pálína hafi rætt við sig
vorið 2016. Hann getur ekki tjáð sig
um mál einstakra starfsmanna en
bætir við að ætíð sé unnið að úr-
lausn eftir reglum Fjarðabyggðar
þegar athugasemdir eru gerðar.
Frá því að Pálína hætti á leikskól-
anum hefur nýr leikskólastjóri, Lísa
Lotta Björnsdóttir, tekið við leik-
skólanum. Sú sem var leikskóla-
stjóri á þeim tíma sem Pálína starf-
aði þar lét af störfum sumarið 2016.
Lísa Lotta segir að ekki hafi verið
kvartað undan umræddum deildar-
stjóra frá því að hún hóf störf við
skólann haustið 2016.
Þrátt fyrir ítrekaðar tilraunir náði
blaðamaður DV ekki tali af deildar-
stjóranum. Þegar blaðamaður leit-
aði til leikskólastjóra eftir aðstoð við
að koma þeim skilaboðum áfram
til deildarstjórans að blaðamað-
ur þyrfti nauðsynlega að ræða við
hann sendi Lísa Lotta þetta svar til
baka:
„Málefni einstaka starfsmanna
eru tekin í ferli hjá Fjarðabyggð eftir
tilefni þeirra. Ég hef ekki meiru við
málið að bæta.“
Smæð samfélagsins ýtir undir
þöggun
DV hefur undir höndum skýrslu af
atvikum sem Pálína varð vitni að
og upplifði sjálf á meðan hún starf-
aði á leikskólanum. Foreldrar barna
sem rætt er um í skýrslunni, stað-
festa í samtali við DV, að Pálína fari
með rétt mál, og eru uggandi um líð-
an barna sinna á deildinni þar sem
konan starfar. Þau segja hana mjög
umdeilda og vita til þess að hún
hafi beitt börnin á deildinni sem og
undirmenn meintu harðræði.
Nokkrir þeirra sem DV ræddi við
ákváðu að koma fram undir nafni.
Blaðamaður DV talaði þó við tölu-
vert fleiri foreldra og fyrrverandi
starfsmenn leikskólans sem vildu
ekki vera nafngreindir vegna smæð-
ar samfélagsins. Allir viðmælendur
DV eru sammála um að íbúar verði
að geta treyst á að börnunum líði
vel á daginn svo barnafólk vilji búa
í bænum. Þá er þeim tíðrætt um að
mikil þöggun hafi verið um málið
síðustu ár þrátt fyrir að flestir geri
sér fullkomlega grein fyrir alvarleika
málsins.
Það sem gerði að verkum að all-
margir íbúar á Reyðarfirði eru til-
búnir að stíga fram og ræða þetta
óeðlilega ástand á leikskóla bæjar-
ins er atvik sem Una Sigríður Jóns-
dóttir greindi frá í síðustu viku. Una
vakti athygli á því að tveggja ára son-
ur hennar hefði verið settur út kuld-
ann, í matarstólnum sínum, af því
að hann óhlýðnaðist starfsfólki á
leikskólanum Kærabæ á Fáskrúðs-
firði í matartímanum. Mikil umræða
upphófst í framhaldinu um velferð
barna í dagvistun.
„Þetta mál,
þessi þöggun,
hefur legið mjög
þungt á mér.
Gagnrýna þöggun
Mæður og fyrrverandi starfsmenn stíga fram
Anna Kristín Kristinsdóttir
„Það vill enginn vinna með henni og börnin haga sér öðruvísi þegar hún er
á staðnum.“ Þetta segir Anna Kristín Kristinsdóttir, fyrrverandi leikskóla-
kennari á leikskólanum, um konuna sem Pálína sakar um harðræði og að
hafa lagt hana í einelti. Anna Kristín staðfestir frásögn Pálínu en hún hætti
að vinna á leikskólanum í lok árs 2016.
„Hún nýtur þess ekki að vinna með börnum. Hún er algjör harðstjóri
og hikar ekki við að sýna vald sitt. Það besta fyrir börnin, og auðvitað hina
starfsmennina, væri að hún myndi hætta.“
Karen Ösp Garðarsdóttir
„Mér finnst afskaplega mikil þöggun á öllu sem viðkemur þessum starfs-
manni og það er alveg rétt hjá Pálínu. Það var hvorki tekið á hennar máli
né því sem viðkom börnunum. Mögulega fékk hún eitthvert tiltal en það
er alls ekki nóg,“ segir Karen Ösp sem starfaði á leikskólanum þar til í júní
2016. Karen á barn á deildinni.
Ester Tómasdóttir
„Ég tók son minn af leikskólanum í tvær vikur eftir að Pálína sagði mér frá
því að deildarstjórinn hefði sagst hata son minn og tekið þannig í hann
að höfuð hans slengdist utan í hurðarhún. Ég frétti þetta reyndar annars
staðar frá líka,“ segir Ester sem tók son inn af leikskólanum í tvær vikur
eftir að hún frétti af atvikinu sem fjallað er um í skýrslu sem Pálína lagði
fyrir fræðslustjóra Fjarðabyggðar og fyrrverandi leikskólastjóra. Ester fór á
fund með leikskólastjóra, eftir að hún heyrði af máli sonar síns, og krafðist
úrbóta. Í framhaldinu voru gerðar breytingar sem Ester er ágætlega sátt
við.
„Þessi kona er reyndar enn deildarstjóri á deildinni hans en strákurinn
er hættur að kvarta undan henni.“
Ester segir að hún spyrji son sinn ítrekað hvort deildarstjórinn sé góður við
hann og hann svarar ætíð játandi. „Ég verð að geta treyst leikskólanum
fyrir barninu mínu. Hann grætur ekki lengur þegar ég fer með hann á
leikskólann. Áður hágrét hann í hvert einasta skipti sem hann átti að fara í
leiksólann. Það var mjög átakanlegt.“
Ester bendir á að miklar mannabreytingar hafi verið á leikskólanum
upp á síðkastið og umtalað sé að starfsfólk leikskólans neiti að vinna á
deildinni þar sem deildarstjórinn starfar. „Þetta getur starfsfólkið gert en
börnin eiga ekkert val. Auðvitað vill maður þessa manneskju í burtu. Hún
á ekki að vinna með börnum. Við erum bara orðin svo samdauna þessu
hérna og kúguð.“
Kristín Clausen
kristin@dv.is