Morgunblaðið - 15.03.2017, Side 11

FRÉTTIR 11Innlent
MORGUNBLAÐIÐ MIÐVIKUDAGUR 15. MARS 2017
Guerlain kynnir með stolti nýjasta ilminn sinn, Mon Guerlain.
Ilmurinn sem er innblásinn af Angelinu Jolie verður kynntur
15. – 17. mars í Snyrtivöruversluninni Glæsibæ.
Guerlain sérfræðingur verður á staðnum og tekur vel á móti þér.
TAX FREE
af öllum snyrtivörum
ímars
Björn Jóhann Björnsson
bjb@mbl.is
Embætti landlæknis hefur frá ára-
mótum tekið við tilkynningum frá
heilsugæslustöðvum og bráðamót-
tökum um ríflega 100 tilfelli um nið-
urgang í viku hverri. Í nýlegu yfirliti
sóttvarnalæknis um flensu og aðrar
pestir segir að fjöldi tilkynninga um
niðurgang sé eins og gera megi ráð
fyrir á þessum árstíma.
Með yfirlitinu er birt meðfylgjandi
tafla sem sýnir tíðni niðurgangs eftir
vikum og árum allt aftur til 2012. Þar
sést greinileg aukning er nær dreg-
ur jólum og áramótum og sömuleiðis
hafa gjarnan komið toppar kringum
páska og í sumarbyrjun.
Toppurinn um jólin
Þórólfur Guðnason sóttvarna-
læknir segir þessa tölfræði að mörgu
leyti áhugaverða og sýna glögglega
hvað sýkingar og umgangspestir
geti verið árstíðabundnar, líkt og
flensan, sem nú er í rénun hér á landi
og úti í Evrópu.
„Við höfum velt fyrir okkur hvern-
ig á þessu stendur með niðurgangs-
pestir. Sumir hafa nefnt jólahlað-
borðin í nóvember og desember,
þegar fólk fer mikið út að borða. Það
er svolítið sláandi hvað þetta er svip-
uð þróun frá ári til árs. Toppurinn
kringum jólin er mest áberandi en
einnig áhugavert hvað gerist jafnan í
byrjun sumars og á vorin. Kannski
má rekja það til þess þegar grillver-
tíðin hefst og fólk er meira á ferðinni.
Við höfum ekki nákvæmar skýringar
á þessu,“ segir Þórólfur og ítrekar
mikilvægi þess að gæta fyllsta hrein-
lætis í allri matargerð, utan sem inn-
an dyra. „Eftir því sem fólk ferðast
meira, fer út að borða og mikill hraði
er í matseldinni þá aukast líkurnar á
einhverju smiti.“
Flensan á undanhaldi
Frá því í lok nóvember sl. hefur
inflúensa af stofninum A(H3N2) ver-
ið staðfest hjá 392 einstaklingum og
inflúensa B hjá sex einstaklingum.
Talsvert hefur dregið úr fjölda
þeirra sem hafa greinst á heilsu-
gæslustöðvum með inflúensulík ein-
kenni. Gerir sóttvarnalæknir ráð
fyrir að tilfellum muni fækka á næst-
unni, en ekki sé þó útilokað að inflú-
ensa B eigi eftir að koma í kjölfarið á
næstu vikum.
Þórólfur segir flensuna oft hafa
verið útbreiddari hér miðað við
undanfarin ár. Aldrei hafi verið
bólusett eins mikið og núna í vetur,
og það geti haft sitt að segja þó að
virknin gegn þessum stofni,
A(H3N2), hafi ekki verið nema í
kringum 40-50%. Bóluefni virki
ekki jafn vel gegn þessum stofni og
t.d. H1N1, sem hafi verið ríkjandi
hin síðari ár.
„Við vitum aldrei fyrirfram
hvernig þetta verður. Sex mismun-
andi öndunarfæraveirur hafa verið
í gangi og stundum getur verið erf-
itt að greina hvort þetta er inflú-
ensa eða eitthvað annað,“ segir
Þórólfur en mörg dæmi eru um fólk
sem hefur veikst þrátt fyrir að hafa
fengið flensusprautu.
RSV-veiran svonefnda hefur
greinst hjá 163 einstaklingum síðan
í október. Oftast er um ung börn að
ræða en veiran greinist einnig hjá
eldra fólki. Metapneumo-veiran
hefur greinst hjá 41 einstaklingi í
vetur, allt frá tveggja mánaða til 85
ára aldurs.
Þróun á niðurgangi
svipuð frá ári til árs
 Flest tilfelli kringum jólin og í upphafi grillsumarsins
Tíðni niðurgangs eftir vikum 2012-2017
Jól
Fjöldi tilfella
Vika árs
Heimild: Landlæknir
300
250
200
150
100
50
0
27 29 31 33 35 37 39 41 43 45 47 49 51 1 3 5 7 9 11 13 15 17 19 21 23 25
2012-2013
2013-2014
2014-2015
2015-2016
2016-2017
Morgunblaðið/Sverrir
Kvef Flensan er í rénun en nið-
urgangurinn jafn og stöðugur.
Helgi Bjarnason
helgi@mbl.is
Nýtt deiliskipulag fyrir landið við
Skógafoss er nú á lokastigi undirbún-
ings hjá Rangárþingi eystra. Það
tekur einkum til aðkomu að svæðinu,
bílastæðum og göngustígum. Um-
hverfisstofnun vinnur nú þegar að
gerð göngustígs að fossinum sem
hægt verður að framlengja þegar
bílastæðin verða færð.
Rangárþing eystra vinnur að
skipulaginu í samráði við Umhverf-
isstofnun enda er fossinn og næsta
nágrenni hans friðlýst náttúruvætti.
Áhugi er hjá Umhverfisstofnun að
færa friðlýsingarlínuna örlítið út á
kafla við Skógaá til þess að öll áin sé
innan svæðisins.
Deilur urðu um deiliskipulags-
breytingar sem unnið var að á síð-
asta kjörtímabili vegna staðsetn-
ingar hótels. Þær tillögur sem nú er
unnið að gera ekki ráð fyrir hótelinu,
heldur snúast einkum um aðkomu að
svæðinu, bílastæðum og göngustíg-
um. Bílastæði og tjaldsvæði verða
færð fjær fossinum, út fyrir friðlýsta
svæðið.
Framkvæmt á tveimur stöðum
Skipulagsnefndin hvetur landeig-
endur til að hefja sem fyrst uppbygg-
ingu á nýju tjaldsvæði.
Svæðið við Skógafoss liggur undir
skemmdum vegna fjölgunar ferða-
fólks. Umhverfisstofnun hefur unnið
að því í vetur að gera nýja göngu-
stíga. Annars vegar er unnið uppi á
Skógaheiði að uppbyggingu fyrsta
hluta gönguleiðarinnar yfir Fimm-
vörðuháls, um 650 metra kafla.
Hákon Ásgeirsson, sérfræðingur hjá
Umhverfisstofnun, segir að jafn-
framt þurfi að afmarka stíginn og
loka minni stígum. Í næsta áfanga á
að lagfæra 2100 metra langan kafla á
gönguleiðinni, væntanlega síðar á
þessu ári.
Stígurinn sem liggur frá núver-
andi salernishúsi og bílastæðum að
Skógafossi er ónýtur og er verið að
byggja hann upp frá grunni. Þegar
bílastæðin hafa verið færð lengra frá
og nýtt þjónustuhús byggt verður
hægt að lengja stíginn þangað. Í
framhaldinu verður gróðurlendið við
stíginn girt af og gróður end-
urheimtur þar sem hann hefur eyðst.
Mikilvægt er að skapa góða að-
stöðu fyrir gesti á láglendinu framan
við fossinn með góðum stígum og út-
sýnispalli, samkvæmt upplýsingum
Finns Kristinssonar landslags-
arkitekts sem vinnur að skipulaginu.
Það er mikilvægasti staðurinn til að
skoða fossinn. Góð aðstaða þar
minnkar álagið á brekkurnar og
tröppurnar upp með fossinum, að
hans sögn.
Í skipulaginu er gert ráð fyrir nýj-
um tröppustíg upp með fossinum,
breiðari en sá sem nú er.
Ljósmynd/Umhverfisstofnun
Skógafoss Verktaki vinnur að stígagerð við fossinn og uppi á Skógaheiði.
Frekari framkvæmdir ráðast af skipulagi sem nú er í vinnslu.
Bílastæðin færð
frá Skógafossi
„Bretland hefur ekki sóst eftir við-
ræðum við EFTA til að kanna
möguleika á aðild og það eru ekki í
gangi viðræður á milli Bretlands
og EFTA um þessi mál,“ segir Að-
alsteinn Leifsson, forstöðumaður á
skrifstofu fram-
kvæmdastjóra
EFTA, í svari
við fyrirspurn
Morgunblaðsins.
Fram hefur
komið að þing-
menn á breska
þinginu sem eiga
sæti í nefnd um
alþjóðaviðskipti,
hafa lagt til að
kannaður verði sá kostur að Bretar
verði aðilar að EFTA samhliða úr-
sögninni úr Evrópusambandinu og
að farin verði mýkri leið við út-
gönguna úr ESB. Nefndin birti ný-
lega skýrslu sem hefur titilinn
„Valmöguleikar Bretlands í al-
þjóðaviðskiptum eftir 2019“ þar
sem kannaðir voru ýmsir valmögu-
leikar eða sviðsmyndir og ein
þeirra var aðild að EFTA. Að sögn
Aðalsteins sótti nefndin sér upplýs-
ingar frá EFTA um innihald
EFTA-samningsins, sem nær til
viðskipta- og efnahagssamstarfs
milli EFTA-ríkjanna sjálfra, efni
og umfang fríverslunarsaminga
sem EFTA hefur gert við 38 ríki
og landsvæði og um EES-samning-
inn. Niðurstaða nefndarinnar er
m.a. að mæla með því að breska
ríkisstjórnin kanni kosti og galla
þess að ganga í EFTA með það
fyrir augum að ganga til mögu-
legra viðræðna um aðild fyrir árs-
lok.
Aðalsteinn bendir á að ríkis-
stjórn Bretlands er ekki bundin af
þessum tilmælum þingnefndarinn-
ar „og eftir því sem ég kemst næst
þá liggur ekkert fyrir um hvort
þeim verði fylgt eftir“. omfr@mbl.is
Bretar ekki sóst
eftir viðræðum
 Áhugi í Bretlandi á EFTA-aðild
EFTA Aðildarlöndin eru Liechten-
stein, Noregur, Sviss og Ísland.
Aðalsteinn
Leifsson