Morgunblaðið - 22.03.2017, Side 22

22 MINNINGAR
MORGUNBLAÐIÐ MIÐVIKUDAGUR 22. MARS 2017
✝ Ingveldur Alf-onsdóttir fædd-
ist 31. ágúst 1935 í
Alexandershúsi,
Ólafsvík. Hún lést á
Landspítalanum
þann 16. mars 2017
eftir stutt veikindi.
Foreldrar hennar
voru Alfons Krist-
jánsson sjómaður, f.
8. desember 1905,
d. 4. ágúst 1961, og
Ásthildur Guðmundsdóttir, hús-
freyja í Ólafsvík, f. 3. mars
1910, d. 20. maí 1989. Systkini
Ingveldar eru: Guðmundur, f.
27. ágúst 1933, d. 19.6. 2013.
Kristján, f. 26. mars 1937, d. 11.
Dóttir Ingveldar og stjúp-
dóttir Sólbjarts er Hildur
Björnsdóttir, f. 10.5. 1958, en
eiginmaður hennar er Ómar Ív-
arsson og eiga þau saman tvær
dætur og tvö barnabörn. Börn
Ingveldar og Sólbjarts eru Alf-
ons Sólbjartsson, f. 27.6. 1965,
en eiginkona hans er Ingibjörg
Steindórsdóttir og eiga þau þrjú
börn, þar af tvö saman og eitt
barnabarn; Halldóra Sólbjarts-
dóttir, f. 27.6. 1968, en maður
hennar er Guðmundur Bjarni
Yngvason og eiga þau saman
þrjú börn og eitt barnabarn;
Linda Dröfn Sólbjartsdóttir, f.
3.6. 1973, en maður hennar er
Ingvar Ragnarsson og eiga þau
saman tvö börn.
Útför Ingveldar fer fram frá
Grafarvogskirkju í dag, 22.
mars 2017, og hefst athöfnin
klukkan 13. Jarðsett verður í
Gufuneskirkjugarði í Reykja-
vík.
desember 1993.
Randver, f. 16.3.
1939, d. 12.12.
2006. Svava, f. 2.
apríl 1940. Sigríð-
ur, f. 19. febrúar
1945. Aldís, f. 14.
júní 1950.
Ingveldur giftist
Sólbjarti Sigurði
Júlíussyni þann
26.12. 1965. For-
eldrar Sólbjarts
voru Júlíus Sólbjartsson, f. 24.7.
1897, d. 9.7. 1977, sjómaður,
lengst af á Arnarstapa á Snæ-
fellsnesi, og Guðrún Sigurgeirs-
dóttir, f. 14.8. 1905, d. 25.12.
1984, húsmóðir á Arnarstapa.
Dag einn í ágúst 1990 var mér
boðið á heimili Ingu og Badda,
foreldra Halldóru, konunnar
minnar, en þau höfðu flutt stuttu
áður í Logafold í Reykjavík og
byggt þar upp fallegt heimili, en
þennan dag voru þau ekki heima.
Ég sá myndaalbúm á stofu-
borðinu og læddist í það til að
reyna að sjá hvaða fólki tilvon-
andi eiginkona væri komin út af í
albúminu. Sá ég fjölskylduna,
sem var í alla staði til fyrir-
myndar en þó tók ég sérstaklega
eftir tilvonandi tengdó, ég var
eins og flestir strákar sem óttast
tengdamæður sínar. Ingveldur
Alfonsdóttur var engin venjuleg
tengdamamma.
Hún var dugnaðarforkur, ætt-
uð af Snæfellsnesi, sem stjórnaði
búi og börnum af myndugleika.
Ég sá strax að ég gat ekki verið
með neitt múður við tengdó frek-
ar en aðrir.
Ég mun minnast Ingveldar
með söknuði sem ákveðinnar
dugnaðarkonu sem gædd var
góðum húmor og hafði sérstak-
lega gott lag á börnum og barna-
börnum, á milli okkar ríkti alltaf
vinátta og gagnkvæm virðing og
það er mikill missir fyrir okkur
fjölskylduna að sjá á eftir þessum
skörungi. Blessuð sé minning
hennar.
Guðmundur Bjarni
Yngvason.
Amma mín var engin venjuleg
kona, hún var einstök. Skemmti-
legri og sterkari karakter er erf-
itt að finna. Amma tók alltaf á
móti manni með brosi og veiting-
um. Hún var alltaf svo glöð að sjá
mig og faðmaði mig og sagði mér
ósjaldan hvað ég væri dugleg og
hversu stolt af mér hún væri.
Amma var hreinskilin og sagði
manni alltaf hvað henni fyndist
um ýmsa hluti, manni til mismik-
illar gleði. Hún var einnig dugleg
að hrósa manni. Hvert einasta
skipti sem ég kom til hennar
hrósaði hún mér fyrir hversu fal-
lega húð ég væri með og hversu
falleg og lík móðir minni ég væri.
Ég er heppin að hafa fengið að
hafa ömmu hjá mér í 28 ár en það
er samt hrikalega erfitt að
kveðja. Ég á eftir að sakna þess
að fara til hennar og spjalla við
hana um tilveruna og lífið. Ég
gæti skrifað endalausar sögur
um hana ömmu en ég læt þetta
nægja. Ég kveð þig með söknuði,
amma mín, minning þín mun lifa
með mér þar til við hittumst á ný.
Harpa Ýr Ómarsdóttir.
Elsku yndislega amma mín,
takk fyrir allar fallegu og góðu
minningarnar sem þú hefur gefið
mér. Mér er svo minnisstætt þeg-
ar ég var hjá þér og afa á Gufu-
skálum þegar ég var 4 ára, man
svo vel hvað mér leið vel hjá ykk-
ur og hvað við skemmtum okkur
vel. Ég fékk að koma með á leik-
skólann sem þú varst að vinna á,
þú sagðir mér sögur og við sung-
um saman. Ég er svo ánægð að
Nadía og Nökkvi fengu að kynn-
ast þér og alast upp með lang-
ömmu og langafa. Ég er svo
þakklát fyrir að hafa fengið að
vera hjá þér síðustu dagana og
hafa getað sagt þér hvað við elsk-
um þig mikið. Ég mun alltaf varð-
veita minningarnar okkar, elsku
amma mín, við elskum þig. Sendi
þér fallegu bænina sem þú
kenndir mér.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum)
Helena Ómarsdóttir.
Elsku amma mín, ég trúi ekki
að ég fái ekki að sjá þig aftur eða
að ég geti ekki komið og spilað
við þig Scrabble sem þér þótti svo
skemmtilegt eða koma við og fá
pönnukökur eða vöfflur hjá þér
og afa á sunnudögum sem var
alltaf svo gaman. Ég gleymi ekki
öllum sumarbústaðaferðunum
sem við fórum saman, þú varst
svo skemmtileg, ég geymi allar
þessar minningar um þig, amma
mín, í hjarta mínu.
Þín verður sárt saknað, elsku
amma.
Elsku amma mín, hvíldu í friði,
ég elska þig.
Þín
Heiðdís Tinna
Guðmundsdóttir.
Ástkæra amma mín, Ingveldur
Alfonsdóttir, þú hefur alla tíð
verið mér ofarlega í huga þegar
ég minnist þess þegar ég var lítill
á leikskóla skammt frá heimili
ykkar afa, ég fann sem oftar, þeg-
ar ég var að leika úti, þessa ynd-
islegu bökunarlykt sem ekkert
ömmubarn gat staðist.
Við það sama og þessi lykt
greip mig var ég farinn að moka
mig út undir girðingu leikskól-
ans.
Fljótlega fann leikfélagi minn
á þessari góðu lykt hvað ég átti
góða ömmu og hjálpaði mér að
moka svo að við gætum farið
saman í heimsókn til ömmu sem
bjó í næsta húsi við leikskólann
og skömmu síðar vorum við
komnir óséðir til ömmu, það var
eins og við manninn mælt, amma
var að baka.
Amma spurði mig hvort við
ættum ekki að vera á leikskólan-
um. Ég skrökvaði að það væri frí,
amma bauð okkur inn og þremur
yndislegum pönnukökum seinna
hringdi síminn, spurt var um
lobbana sem höfðu skrökvað að
ömmu, en við vorum sóttir og
vorum hinir hressustu eftir
pönnsurnar hjá ömmu.
Það mætti einnig segja að hún
amma Inga, eins og við kölluðum
hana, hafi átt stóran part í því að
gera mig að þeim manni sem ég
er í dag.
Þar sem hún var alltaf svo
yndisleg að hjálpa mér með
heimanámið í skólanum og lagði
mikið upp úr föstu verklagi,
amma sagði mér alltaf að koma
beint heim til ömmu og læra, svo
gæti ég farið út að leika. Mér
gekk alltaf vel að vinna með
ömmu.
Fyrir ekkert svo löngu rifjuð-
um við amma upp saman þegar
við frændurnir voru litlir og vor-
um gripnir á bak við sófa í stof-
unni hjá afa og ömmu. Við vissum
að afi og amma áttu mikið af
íspinnum sem voru okkar besta
sælgæti og læddumst inn um
glugga þegar enginn var heima,
afi og amma komu þó óvænt
heim, allt í einu opnast dyrnar og
afi og amma gengu inn.
Amma fór strax að segja við
afa að þetta væri eitthvað skrýt-
ið. Við frændurnir gátum varla
haldið niðri í okkur hlátrinum og
amma ekki lengi að finna okkur í
fjöru. Amma tók öllu svo vel enda
sjálf grínisti mikill. Ég naut þess
alltaf að heimsækja ömmu og afa.
Það hafa verið algjör forrétt-
indi að hafa fengið að verja með
henni þessum árum, þó ég hefði
helst óskað að þau væru fleiri.
Hvíldu í friði, elsku amma mín,
þín verður sárt saknað, þú átt
stóran stað í hjarta mér.
Friðrik Atli.
Elsku besta amma mín,
þú sem varst svo hjartahlý.
Alltaf varstu glöð og góð,
hugsaðir mikið um Hinrik Þór.
Okkur kom svo vel saman,
með þér var alltaf gaman.
Ég mun sakna þín,
elsku uppáhalds amma mín.
Hvíldu í friði, elsku engillinn
minn.
Ástarkveðja,
Hinrik Þór Guðmundsson.
Elsku systir mín hún Inga er
látin. Mér er mikill söknuður í
hjarta. Inga var fimmtán árum
eldri en ég og var mér oft sem
móðir. En stundum vorum við
líka vinkonur og þá hafði aldurs-
munurinn ekkert að segja. Við
fórum í margar sumarbústaðar-
ferðir saman og þá var nú heldur
betur glatt á hjalla með hennar
fjölskyldu og minni. Hún og ynd-
islegasti mágur minn, hann
Baddi maðurinn hennar, tóku
okkur og drengjunum okkar
Jims alltaf opnum örmum til sín
þegar við vorum stödd á Íslandi.
Alltaf þau fyrstu og síðustu sem
við heilsuðum og kvöddum. Svo
komu þau líka í heimsókn til okk-
ar í Englandi nokkrum sinnum.
Ég á margar minningar um
Ingu frá bernskuárunum í Ólafs-
vík. Við vorum 7 systkinin. Inga
var stjórnsöm, þessi elska, enda
elsta systirin.
Hún var dugleg að hjálpa
mömmu með veika pabba okkar
sem féll frá á besta aldri, enda
elskaði hún hann og dýrkaði. Nú
er hún komin í faðm hans aftur,
litla pabbastelpan.
Inga kom líka með litlu dúll-
una sína hana Hildi inn á heimilið
og ólst Hildur upp hjá okkur fjöl-
skyldunni til 7 ára aldurs. Það var
mikill fögnuður að fá að leika sér
með litla krúttið og aðallega fyrir
pabba sem komst ekki til vinnu.
Inga og Baddi voru svakalega
skemmtileg hjón og voru ákaf-
lega stolt af börnunum sínum
Alla, Halldóru, Lindu og Hildi,
enda eru þau sérstaklega vel upp
alin börn og góðar sálir sem voru
foreldrum sínum ávallt stoð og
stytta, báru þau á örmum sér, má
segja
Inga var framúrskarandi dug-
leg til vinnu og svo var hún mjög
mikil hannyrðakona enda fékk
hún 10 í einkunn fyrir hannyrðir í
Blönduósskóla og svo var hún
mikið fyrir að vera fín og hafa fínt
í kringum sig.
Drengjunum okkar þrem þótti
voða vænt um Ingu frænku sína,
fiskibollurnar hennar voru þær
bestu í heimi og svo var hún svo
voða hreinskilin og prakkari í til-
svörum.
Elsku Hildur, Alli, Halldóra og
Linda. Barnabörn og barna-
barnabörn, Við sendum ykkur
okkar innilegustu samúðaróskir.
Guð gefi ykkur styrk.
Aldís, Jim, Daníel, Alison,
Stefan, Beth, Kristófer, Jes-
sica og barnabörn.
Ingveldur
Alfonsdóttir
Frímann & hálfdán
Útfararþjónusta
Frímann
897 2468
Hálfdán
898 5765
Ólöf
898 3075
Sími: 565 9775
www.uth.is
uth@uth.is
Cadillac 2017
Ástkæri eiginmaður minn og vinur,
JÓN BENEDIKT RAFNKELSSON
vélsmiður, frá Árnanesi,
Hornafirði,
lést að heimili sínu 23. febrúar. Sérstakar
þakkir til Björgunarfélags Hornafjarðar.
Þeim sem vilja minnast hans er bent á
Björgunarfélag Hornafjarðar, reikningur 0169 26 56, kt.
640485-0439.
Ásrún Svava Jónsdóttir,
bræður og börn.
Móðir okkar, tengdamóðir, amma
og langamma,
BORGHILDUR ÞÓRÐARDÓTTIR
frá Stöðvarfirði,
lést laugardaginn 18. mars.
Útför fer fram frá Grensáskirkju föstudaginn
31. mars klukkan 15.
Þórður Helgason Svanhildur Kaaber
Guðjón Helgason
Þóra Helgadóttir Sigurður S. Sighvatsson
Sólveig Helgadóttir Óskar K. Guðmundsson
barnabörn og barnabarnabörn
Ástkær móðir okkar, tengdamóðir, amma
og langamma,
ELVÍRA HERRERA ÓLAFSSON,
lést mánudaginn 20. mars í Fuengirola
á Spáni.
Þórir V. Þórisson Auður Dúadóttir
Sveinn Þórisson
Kristján Þórisson Svala Chomchuen
Ólafur Þorkell Þórisson
barnabörn og barnabarnabörn
Ástkær móðir okkar, tengdamóðir, amma
og langamma,
ELÍSABET ÁRNÝ ÁRNADÓTTIR,
Flúðabakka 2,
Blönduósi,
sem lést fimmtudaginn 16. mars, verður
jarðsungin frá Blönduóskirkju þriðjudaginn 28. mars klukkan 14.
Árni Másson Rannveig Guðfinnsdóttir
Sveinn Másson
Aðalheiður Másdóttir Sölvi Guðmundsson
Erla Björg Másdóttir Guðmundur Gunnarsson
Vilborg Másdóttir
barnabörn og langömmubörn
Móðir okkar, tengdamóðir, amma og
langamma,
MAGGÝ VALDIMARSDÓTTIR,
Laugarnesvegi 89,
lést föstudaginn 17. mars.
Útförin fer fram frá Dómkirkjunni
föstudaginn 31. mars klukkan 13.
Vilborg Gunnlaugsdóttir Gamalíel Sveinsson
Einar Gunnlaugsson Hildigunnur Þorsteinsdóttir
Björg Gunnlaugsdóttir Gary Long
Sigríður Gunnlaugsdóttir Bruno Nielsen
barnabörn og barnabarnabörn
Móðir okkar, tengdamóðir, amma og
langamma,
SVEINGERÐUR BENEDIKTSDÓTTIR,
lést á hjúkrunarheimilinu Ási, Hveragerði,
18. mars.
Útförin auglýst síðar.
Helgi Kristmundsson Sigríður F. Þórhallsdóttir
Einar Sigurþórsson Georgía M. Kristmundsdóttir
Kristín R. Sigurþórsdóttir Snorri Baldursson
Jónas B. Sigurþórsson Margrét Þorvaldsdóttir
Þórdís Sigurþórsdóttir Jón Ólafur Óskarsson
barnabörn og barnabarnabörn
Ástkær eiginkona mín, mamma okkar,
tengdamamma, amma og langamma,
MARGRÉT ÓLAFSDÓTTIR
hjúkrunarfræðingur,
Skálateigi 3, Akureyri,
lést mánudaginn 20. mars.
Hreinn Pálsson
Lára Hreinsdóttir Erlingur Jóhannsson
Ólafur Hreinsson Sigurbjörg María Ísleifsdóttir
Guðni Hreinsson Þórey Þöll Vilhjálmsdóttir
Hans Hreinsson Harpa Sif Þórsdóttir
barnabörn og barnabarnabarn