Morgunblaðið - 22.03.2017, Side 29

DÆGRADVÖL 29
MORGUNBLAÐIÐ MIÐVIKUDAGUR 22. MARS 2017
BJÖRGUNARVÖRUR
Hafðu samband og kynntu þér
vöruúrvalið og þjónustuna
Gott úrval af björgunarvörum á lager
BJÖRGUNARBÁTAR
BJARGHRINGIR
FLUGELDAR
FLOTBÚNINGAR
BJÖRGUNARVESTI
Stjörnuspá
21. mars - 19. apríl 
Hrútur Ekki hafa allir sömu skoðanir og við-
horf til lífsins og þú. Gakktu hægt um gleðinn-
ar dyr. Þú vaknar upp við vondan draum, rækt-
in hefur setið á hakanum síðan um áramót.
20. apríl - 20. maí 
Naut Gefðu gaum að minnstu smáatriðum,
því það er aldrei að vita nema eitthvert þeirra
geymi lykilinn að lífsgátunni. Varastu að flækja
hluti þegar einfaldleikinn er bestur.
21. maí - 20. júní 
Tvíburar Það getur skapast eitthvert tóma-
rúm á vinnustað þínum, sem eðlilegt er að þú
fyllir upp í. Haltu ótrauð/ur áfram og þá mun
sannleikurinn opinberast þér.
21. júní - 22. júlí 
Krabbi Láttu það ekki á þig fá þótt þér finnist
stundum smáatriðin gera þér erfitt um vik.
Sýndu umburðarlyndi en haltu þínu striki. Þú
veist upp á þína tíu fingur að þú hefur rétt fyrir
þér í deilu við makann.
23. júlí - 22. ágúst 
Ljón Brjóttu odd af oflæti þínu og leitaðu þér
aðstoðar ef með þarf. Kannski fær makinn
launahækkun eða annan bónus. Einhver geng-
ur á eftir þér með grasið í skónum.
23. ágúst - 22. sept. 
Meyja Þú þarft á öllu þínu að halda svo þú
dragist ekki aftur úr í náminu. Láttu í ljós efa-
semdir þegar kemur að því að taka ákvörðun
um framtíð ástarsambands.
23. sept. - 22. okt. 
Vog Þú munt komast að því að hæfileikar þínir
liggja á mörgum sviðum. Markmið þitt ætti að
vera að elska sjálfa/n þig mest. Sláðu mak-
anum stundum gullhamra.
23. okt. - 21. nóv.
Sporðdreki Það er óþarfi að taka allt persónu-
lega sem sagt er í hita leiksins. Hvort er betra
að missa stjórn á sér, eða glotta og láta sem
ekkert sé? Ekki refsa með þögn.
22. nóv. - 21. des.

Bogmaður Þér er legið á hálsi fyrir að láta
starfið ganga fyrir öllu. Sumir setja sig á háan
hest þegar talið berst að menntun. Skóli lífsins
er vanmetinn.
22. des. - 19. janúar 
Steingeit Þótt þú berir ábyrgð þýðir það ekki
að þú þurfir að gera allt sjálf/ur og megir ekki
þiggja aðstoð. Farðu út fyrir þægindaram-
mann.
20. jan. - 18. febr. 
Vatnsberi Nú þarftu aldeilis að taka á honum
stóra þínum, hvort sem þér líkar betur eða
verr. Ef þú ert bjartsýn/n og gefst ekki upp
muntu ná langt.
19. feb. - 20. mars

Fiskar Samræður við aðra eru rafmagnaðar í
dag. Þér fallast hendur þegar vinur leitar ráða
hjá þér. Gerðu samt þitt besta til að aðstoða.
Fyrir viku rúmri skrifaði HjálmarFreysteinsson á fésbókarsíðu
sína: „Ég sé Morgunblaðið örsjaldan
og les þá bara eitt:
Hér kemst á hæsta stig
hroðvirkni og sleifarlag.
Það vantar vísu eftir mig
í Vísnahornið í dag!“
Páll Imsland heilsaði Leirliði undir
miðnætti á laugardag með limru um
kaptein Sigurbjörgu:
Á báti’ reri Sigurbjörg sæla
og sú var nú ekki að væla.
Hún sneri’ ei til hlés
þó að sædrífa blési’,
hvort sem sjólag var blítt eða bræla.
Helgi R. Einarsson hefur orð á því,
að í pólitíkinni skipist fljótt veður í
lofti:
Í þingheimi riðu menn röftum
og ruddu burt axarsköftum.
Við annað nú kljást,
því kræsingar fást
og krónur með engum höftum.
Um tryggingabæturnar hefur
Helgi þetta að segja:
Ég man eftir Guðmundi gikk,
sem græddi’ er á bakið fékk hnykk.
Þá hleypti’ ann í brýrnar,
keypti sér kýrnar
og konuna, allt fyrir slikk.
Því safnaðist að honum auður,
sem ævistig þrætt hafði snauður.
Hann tryggur er frúnni,
tutlar úr kúnni,
(en tryggingasalinn er dauður).
Sagan endurtekur sig, – hér yrkir
Helgi um Tyrkjaárið 2017:
Um atkvæðin Erdogan biður
og í Evrópu riðlast því friður.
Til höfðingjans sást
er af einlægri ást
hann óskar oss norður og niður.
(Fyrir Erdogan má setja Eddi nú)
Gunnar J. Straumland yrkir á Boðn-
armiði og veit hvað hann syngur!:
Oft ég gleymi hvað ég kvað
og hvað ég þyrfti að muna.
Ringlaður svo ég reyni að
ráða í lífsgátuna.
Ef við sjáum sannleikann
síst við megum treysta á hann.
Með sínum augum annar fann
útgáfuna sem hann kann.
Hreinn Guðvarðarson gefur vísna-
smiðum holl ráð á Boðnarmiði:
Flestir andann vilja virkja.
Vert og skylt að keppa að því.
En þeir sem kunna ekki að yrkja
ættu bara að sleppa því.
Halldór Blöndal
halldorblondal@simnet.is
Vísnahorn
Af sjólagi, veðri og
Guðmundi gikk
Í klípu
RÓBERT HAFÐI LOKSINS VERIÐ
BÆNHEYRÐUR. HANN GAT STRIKAÐ
ÞAÐ AF „LISTANUM“ SÍNUM.
JÆJA
ÞÁ, HVAÐ
VILT ÞÚ?!!
eftir Mike Baldwin eftir Jim Unger
„ÉG MAN EKKI HVENÆR ÞÚ
SETTIR HANDLEGGINN SÍÐAST
UTAN UM MIG Í BÍÓ.“
Hermann
Ferdinand
Hrólfur hræðilegi
Grettir
... vafin inn í
gjafapappír!
GRETTIR, ÉG
ER Í MEGRUN!
NEI
VERÐUR ÞÚ AÐ BORÐA
ÞETTA FYRIR FRAMAN MIG?
EN ÞAÐ BÆTIR
UPPLIFUNINA
DOKTOR TÓKI, STUNDUM GET ÉG
EKKI EINU SINNI HUGSAÐ UM MAT
Í LANGAN TÍMA!
HVENÆR
ER ÞAÐ?
ÉG MYNDI SEGJA OFTAST
MILLI HÁTTATÍMA OG ÞEGAR
ÉG VAKNA Á MORGNANA.
Ó…
TIL
HAMINGJU
Chuck Berry var einn af frum-kvöðlum rokksins og hefur Vík-
verja alltaf þótt hann hafa nokkra
sérstöðu í þeim hópi. Í lagi sínu Roll
Over Beethoven söng Berry að
hjarta sitt slægi í takti og sál sín
syngi án afláts blús, því ætti Beetho-
ven að snúa sér við í gröfinni og
segja Tsjaíkovskí fréttirnar. Á þess-
um tíma var ný unglingamenning að
ryðja sér til rúms og hann talaði
beint til táninganna, færði í orð og
hljóð það sem þeir voru að hugsa.
Sagt hefur verið að hann hafi vitað
hvað krakkarnir vissu áður en þeir
vissu það sjálfir.
x x x
Berry fór ótroðnar slóðir í gítar-leik og samdi frasa og takta,
sem ekki höfðu heyrst áður. Hann
lést um helgina níræður að aldri og
var haft á orði að án hans hefðu Bítl-
arnir, Rolling Stones, Bob Dylan og
aðrir sem á eftir komu hljómað öðru
vísi. Það þarf ekki annað en að spila
Johnny B. Goode til að heyra hví-
líkur snillingur þarna var á ferð.
x x x
Víkverji átti þess kost að sjáChuck Berry á sviði árið 1979 á
jazzhátíð í München. Honum fannst
nokkuð kyndugt að ákveðið hefði
verið að láta þennan rokkara reka
endahnútinn á hátíðina, en það
reyndist vel til fundið. Berry lék á
als oddi, sýndi allar sínar bestu hlið-
ar og Víkverji sér hann enn fyrir sér
á sviðinu þar sem hann hoppar á öðr-
um fæti, rekur hinn fram fyrir sig út
í loftið og slær gítarinn af krafti.
x x x
Berry tilkynnti þegar hann varðníræður 18. október í fyrra að
væntanleg væri ný plata frá honum,
tæpum 40 árum eftir að hann gaf síð-
ast út hljóðversplötu. Hún ætti að
heita Chuck, koma út í júní og á
henni yrði að mestu nýtt efni. Það er
til marks um áhrif Chucks Berrys að
þegar ákveðið var að senda gullplötu
með tónlist með geimfarinu Voyager
var eitt laga hans þar á meðal, Joh-
nny B. Goode. Það verður tónlistar-
bylting einhvers staðar í óravíddum
geimsins þegar sú plata finnst.
vikverji@mbl.is
Víkverji
Það er andinn sem lífgar, maðurinn
án hans megnar ekkert. Orðin sem ég
hef talað til yðar, þau eru andi og þau
eru líf.
(Jóh. 6:63)