Morgunblaðið - 08.07.2017, Blaðsíða 25

UMRÆÐAN 25
MORGUNBLAÐIÐ LAUGARDAGUR 8. JÚLÍ 2017
Nú hefur fallið á
geislabauginn yfir
sjómannadagsráði,
sagði virtur skipstjóri
og fyrrverandi með-
limur sjómannadags-
ráðs, í Morgunblaðinu
nýlega.
Því til sönnunar
ætla ég að segja frá
framkomu Hrafnistu-
manna við móður
mína.
Foreldrar mínir, Petrína Gísla-
dóttir, og Bjarni H. Egilsson, tóku
á leigu íbúð í Boðaþingi 24 árið
2011. Fljótlega kvisaðist út að
ekki væri allt með felldu með
rekstur og bókhald Naustavarar
ehf.
Stjórn Íbúafélagsins var því fal-
ið á fjölmennum íbúafundi að
vinna að því að Naustavör ehf.
færi að húsaleigulögum (1994 nr.
36 22. apríl). Tók þá við mikið
málþóf milli stjórnar og Hrafn-
istumanna er gerði allt til að tefja
tímann, það var eins og þeir
þyrftu að fela eitthvað meira. Því
miður neyddist stjórn íbúafélags
til að höfða dómsmál fyrir hönd
íbúanna og niðurstaða dómsins
varð að Hrafnistumenn voru
dæmdir fyrir að hafa ofrukkað
leigjendur sína í Kópavogi, Hafn-
arfirði og Reykjavík og þurfa nú
að greiða öllum leigjendum sínum
fjögur ár aftur í tímann með vöxt-
um til dagsins í dag. (Dómurinn er
Mál nr. E-1637/2016.)
Eftir dóminn fóru
Hrafnistumenn í allar
leiguíbúðir sínar og
hótuðu leigjendum
uppsögn og brott-
rekstri ef þeir afsöl-
uðu sér ekki ca.
500.000,00 kr. á íbúð.
Auðvitað urðu aldr-
aðir leigjendur, sem
eru að meðaltali 82
ára og með mismun-
andi heilsufar, hrædd-
ir og samþykktu að
gefa Hrafnistumönnum ca.
500.000, - á íbúð. Móðir mín sem
er á tíræðisaldri sagði nei. „Ég
skrifa aldrei undir þetta plagg,“
sagði hún við Aldísi Einarsdóttur,
þjónustufulltrúa Naustavarar ehf.,
þegar hún kom með samninginn
og hótunina um brottrekstur ef
hún skrifaði ekki undir.
Ekki var tekið tillit til þess að
eiginmaður hennar var nýlátinn og
við í fjölskyldunni vorum að ganga
frá dánarbúi hans.
Nokkrum vikum seinna kemur
Sigurður Garðarsson, fram-
kvæmdastjóri Naustavarar ehf.,
og spyr móður mína hvort hún
vilji nú ekki bara skrifa undir til
að losna við þetta vesen. Móðir
mín svaraði ósköp rólega: „Ég
samþykki ekki að stolið sé af eldri
borgurum.“ Einnig sagði hún við
Sigurð Garðarsson framkvæmda-
stjóra að sér hefði sárnaði mjög
þessi harka á sama tíma og hún
væri í uppnámi og sorg vegna
andláts mannsins síns, „… og ef
þið berið mig út skal ég sjá um að
fréttamenn verði við þegar ég
reisi tjald mitt á lóðinni hér fyrir
utan.“ Ekki fór meira á milli
þeirra.
Daginn sem Naustavör var búin
að lofa að greiða dómskröfuna, er
þá ekki Aldís Einarsdóttir send í
Boðaþing til að safna upp í
greiðsluna og kemur til móður
minnar og segir: „Er ekki rétt,
Petrína mín, að þú gangir nú frá
þessu og skrifir undir samning-
inn?“ Hún hélt nú ekki, hún myndi
aldrei skipta um skoðun.
Þarna ætluðu Hrafnistumenn að
næla sér í hálfa milljón af móður
minni upp í dómskröfuna sem þeir
voru dæmdir til að greiða henni,
hugsið ykkur vinnubrögðin við
aldraða leigjendur.
Ég spyr ykkur, lesendur, nálg-
ast þetta ekki að vera fjárkúgun
sem varðar við lög að Hrafnistu-
menn beiti aldraða leigjendur sína
svona hörku?
Er þetta að „búa öldruðum gott
ævikvöld?“
Eru Hrafnistumenn búnir að
gleyma einkunnarorði sínu?
Eftir Sesselju
Bjarnadóttur »Nálgast þetta ekki
að vera fjárkúgun
sem varðar við lög að
Hrafnistumenn beiti
aldraða leigjendur sína
svona hörku?
Sesselja Bjarnadóttir
Höfundur er skrifstofudama.
gudjonrj@hotmail.com
Selhella 13 | 221 Hafnarfjörður | Sími 564 1400 | kerfi@kerfi.is | kerfi.is
Fagleg & persónuleg þjónusta
Drykkjarlausnir fyrir þitt fyrirtæki
Hagkvæmara en þú heldur!
Dæmi:
AULIKA TOP
Frábær kaffivél fyrir
meðalstór fyrirtæki
Það tekur enga stund að rétta nágrönnum okkar
og vinum á Grænlandi hjálparhönd. Hringdu í
907 2003
og leggðu til 2.500 krónur í hjálparstarfið.
Söfnunarreikningur Hjálparstarfs kirkjunnar:
0334-26-056200, kennitala 450670-0499.
Það kemur fáum á óvart nú-orðið að Magnús Carlsenvinni mót en yfirburðirhans voru miklir á öðu
móti bikarsyrpunnar sem lauk um
síðustu helgi í Leuven í Belgíu.
Hann tapaði aðeins tveim skákum
og viningshlutfall hans var tæplega
75%. Í Belgíu – eins og í París á dög-
unum – tefldu 10 skákmenn einfalda
umferð at-skáka og tvöfalda umferð
hraðskáka, samtals 27 skákir. Tvö
stig gefin fyrir sigur í at-skákinni og
eitt fyrir sigur í hraðskákunum sem
voru helmingi fleiri og þannig reynt
að leita jafnvægis. Lokaniðurstaðan
varð þessi:
1. Carlsen 25,5 stig ( 20 v. af 27 )
2. So 22,5 stig 3. Vachier-Lagrave 22
stig 4. Giri 20 stig. Neðar komu
Kramnik, Aronjan, Nepomni-
achttchi, Anand, Ivanchuk og Jo-
bava.
Á HM í hraðskák undanfarin ár
hafa tímamörkin verið 3 2 sem hent-
ar betur yngri keppendunum. Þess
vegna fannst ýmsum það vel til fund-
ið hjá Garrí Kasparov, sem er einn
skipuleggjenda syrpunnar, að bæta
nokkrum sekúndum við klukkuna!
Sá grunur læddist að mönnum að nú
væri svo komið fyrir þessum gamla
baráttujaxli að hann saknaði barátt-
unnar við skákborðið. Hann hætti á
toppnum árið 2005 til að einbeita sér
að rússneskum stjórnmálum. Þess
vegna voru flestir búnir að afskrifa
þann möguleika að hann sneri aftur
til keppni. Eða þar til á miðvikudag-
inn að hann upplýsti að hann ætlaði
sér nú að taka fullan þátt í bikar-
syrpunni, Grand chess tour, og
fyrsta verkefni hans væri að tefla á
þriðja mótinu sem hefst 14. ágúst
nk. í Saint Louis í Bandaríkjunum.
Skákir með styttri umhugsunar-
tíma sem sýndar hafa verið beint á
fjölmörgum vefsvæðum hafa ótví-
rætt skemmtilgildi. Mistökin eru
mýmörg í nánast hverri skák og þau
gera baráttuna bara skemmtilegri!
Á lokaspretti mótsins í Belgíu, þ.e. í
hraðskákunum, atti Magnús kappi
við Frakkann Vachier-Lagrave.
Ekki leist sérfræðingum
Chess24.com þeim Yasser Seirawan
og Nigel Short vel á byrjunatafl-
mennsku Magnúsar þó að sá síðar-
nefndi hefði raunar bent á að svona
hefðu enskir skákmenn teflt á fyrsta
opinbera skákmótinu sem haldið var
í London árið 1851.
Magnús var ekkert að telja peðin
en peð sem braust fram til d6
þrengdi mjög að stöðu svarts og réði
síðar úrslitum:
Magnús Carlsen – Vachier Lag-
rave
Enskur leikur
1.c4 e5 2. e3 Rf6 3. Rc3 Rc6 4. g4
Bb4 5. g5 Bxc3 6. bxc3 Rg8 7. d4
Dxg5 8. d5 Rd8 9. d6 c6 10. Rf3 Df5
11. Hg1 Re6 12. e4!? Dxe4 13. Be3
Hótar að fanga drottninguna með
13. Bd3.
13. … Df5 14. Rg5 Rf4 15. Bxf4
Dxf4 16. Hg4 Df6 17. Re4 Dh6 18.
Df3 Rf6?
Misráðinn leikur. Svarta staðan er
prýðisgóð eftir 18. … g6.
19. Hxg7! Dxg7 20. Rxf6+ Kd8
21. Df5!
Skyndilega er hvítur kominn með
hartnær unnið tafl.
21. … He8 22. Rxe8 Kxe8 23. c5
b5 24. Bd3 f6 25. Ke2 Kf7 26. Hh1
Hb8 27. Kf1 Dg6 28. Df3 Dh6 29.
Hg1 Ba6 30. Dg4 Hd8 31. Hg3 e4
32. Dxe4 He8 33. Dg4 Bc8 34. Kg2
Dg5 35. Df3 Dd5 36. Dxd5 cxd5 37.
Bxh7 He5 38. f4 He2 39. Kf1 Hxh2
40. Bg8+ Kf8 41. Bxd5 Hh8 42. Kf2
Skákvélarnar fundu enga raun-
verulega galla á taflmennsku hvíts
allt frá 19. leik. Nú ræðst kóngurinn
fram og gerir út um taflið.
42. … Ba6 43. Ke3 Ke8 44. Kd4
Kd8 45. Hg7 Bc8 46. c6 dxc6 47.
Bxc6 a5 48. Kc5
– Síðustu leikina léku keppendur
leifturhratt en sú sá Vachier-
Lagrave sæng sína uppreidda og gaf
skákina.
Kasparov snýr aftur
Skák
Helgi Ólafsson
helol@simnet.is
Morgunblaðið/Ómar Óskarsson
Saknar baráttunar við skákborðið.
Hér er meistari Kasparov við taflið
í Fischer-setrinu á Selfossi.
Á hádegi fyrir nokkrum dögum setti
ég bréf í póst til Bandaríkjanna og
bað um að það færi í rekjanlegum
pósti. Mig varðaði það nokkru að
bréfið kæmist til skila því þetta var
til fagfélags sem ég hef verið í svo
áratugum skiptir. Ég vildi geta fært
sönnur á að ég hefði sent bréfið. Að
kveldi sama dags lít ég á ljósrit
bréfsins og átta mig á að ég hafði
ekki svarað einu atriði og það mundi
valda mér vandræðum.
Við opnun pósthússins næsta
morgun næ ég tali af afgreiðslu-
stúlku pósthússins sem sér í tölvu-
upplýsingum að bréfið er ekki farið
úr landi og býðst til að senda raf-
póst á viðkomandi deild og óska eft-
ir því að haft verði samband við
mig.
Ég varð harla glaður við þetta og
enn glaðari þegar hringt var í mig
30 mínútum síðar og mér boðið að
koma á stöð Íslandspósts á Stór-
höfða og lagfæra það sem lagfæra
þyrfti í bréfinu.
Allt viðmót og viðbrögð starfs-
fólks Íslandspósts var í þessu tilviki
svo frábært að mér finnst að ég eigi
að vekja á því athygli hvað við búum
við góða þjónustu og hvað starfsfólk
Íslandspósts er hjálplegt og við-
mótsþýtt.
Sigurður E. Þorvaldsson.
Velvakandi Svarað í síma 569-1100 frá kl. 10-12 velvakandi@mbl.is
Íslandspóstur veitir frábæra þjónustu
Morgunblaðið/ÞÖK
Bílar