Víkurfréttir - 14.04.2005, Side 24

24 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Við áttum mjög góðan leik. Við bjuggum okkur vel undir leikinn og mættum reiðubúnir til að leggja okkur alla fram. Ég er ánægður með
leikinn og allt tímabilið í heild. Þetta er búið að vera
frábær vetur. Við vinnum Norðurlandamótið, deild-
armeistaratitilinn og gengur vel í Evrópu og svo topp-
uðum við það með Íslandsmeistaratitlinum.”
Bikarmeistararatitlarnir runnu Keflvíkingum úr
greipum í ár en Sigurður segist ekki gráta það lengur.
„Við dettum út úr bikarnum þegar við erum undir
miklu leikjaálagi en árangurinn hjá okkur í ár myndi
samt teljast ágætur á einhverjum bæjum. Þetta var
meira að segja svo gott að við Keflvíkingar erum sáttir
og þá er nokuð sagt.”
MEIRA AÐ SEGJA
KEFLVÍKINGAR ERU SÁTTIR!
SIGURÐUR INGIMUNDARSON:
Körfuknattleikslið Keflavíkur í karla- og kvennaflokki vörðu Íslands-
meistaratitla sína í síðustu viku og hafa því bæði unnið þrjú ár í
röð. Sá árangur er einstæður í íslenskum körfuknattleik og ber
glöggt vitni um öflugt starf hjá stjórn, leikmönnum, þjálfurum og
öðrum aðstandendum.
Kvennaliðið hampaði bikarnum á heimavelli eftir að hafa lagt hið
sterka lið Grindavíkur að velli í þremur leikjum í röð í úrslitarimm-
unni, en strákarnir sigruðu Snæfell annað árið í röð eftir
harðvítuga keppni innan vallar sem utan.
Bandarísku leikmennirnir Alexandria Stewart og Nick Bradford voru
valin bestu leikmenn úrslitanna og voru vel að heiðrinum komin.
Meistarastemmning í Keflavík!