Víkurfréttir - 30.06.2005, Qupperneq 8

8 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Útgefandi:
Afgreiðsla, ritstjórn og auglýsingar:
Ritstjóri og ábm.:
Fréttastjóri:
Blaðamenn:
Auglýsingadeild:
Útlit, umbrot og prentvistun:
Hönnunardeild Víkurfrétta:
Prentvinnsla:
Dagleg stafræn útgáfa:
Skrifstofa Víkurfrétta:
Víkurfréttir ehf., kt. 710183-0319
Grundarvegi 23, 260 Njarðvík, Sími 421 0000 Fax 421 0020
Páll Ketilsson, sími 421 0007, pket@vf.is
Hilmar Bragi Bárðarson, sími 421 0002, hilmar@vf.is, postur@vf.is
Þorgils Jónsson, sími 421 0003, gilsi@vf.is, sport8vf.is
Margrét Engilberts, sími 421 0004, margret@vf.is
Atli Már Gylfason, sími 421 0014, atli@vf.is
Jófríður Leifsdóttir, sími 421 0008, jofridur@vf.is
Jón Björn Ólafsson, sími 421 0001, jbo@vf.is
Víkurfréttir ehf.
Kolbrún Jóna Pétursdóttir, s: 421 0005, kolla@vf.is
Anita Hafdís Björnsdóttir, s: 421 0013, anita@vf.is
Þorsteinn Kristinsson, s: 421 0006, steini@vf.is
Prentsmiðjan Oddi hf.
www.vf.is og vikurfrettir.is
Guðrún Karitas Garðarsdóttir, sími 421 0009, gudrun@vf.is
Aldís Jónsdóttir, sími 421 1010, aldis@vf.is
RITSTJÓRN VÍKURFRÉTTA
Afgreiðsla Víkurfrétta er opin alla virka daga frá kl. 09-12 og 13-17.
Athugið að föstudaga er opið til kl. 15
Með því að hringja í síma 421 0000 er hægt að velja beint samband
við auglýsingadeild, fréttadeild og hönnunardeild.
Fréttavakt allan sólarhringinn er í síma 898 2222
FRÉTTASÍMINN
SÓLARHRINGSVAKT
898 2222
Vals
fimmtud
ags
EFTIR VAL KETILSSON
Kallinn á kassanum
Í ljósi umræðna í fjölmiðlum um að Heilbrigð-isstofnun Suðurnesja hafi farið fram úr fjárlögum, eftir útgáfu greinargerðar Ríkis-
endurskoðunar um framkvæmd fjárlaga hefur
Heilbrigðisstofnun Suðurnesja sent frá sér frétta-
tilkynningu.
Í henni segir meðal annars: „Þann 1. júní 2004
samþykkti heilbrigðisráðherra framtíðarsýn HSS
til 7 ára. Í henni er staðfest að HSS skuli sjá um
alla heilsugæsluþjónustu og almenna sjúkrahús-
þjónustu, það er skurðlækningar, lyflækningar,
öldrunarþjónustu, endurhæfingu og fæðingahjálp.
Í framtíðarsýn HSS er jafnframt tekið tillit til
þess mikla uppbyggingastarfs sem fara þarf fram
á innviðum stofnunarinnar svo framtíðarsýnin
megi ganga eftir.“
Þá er sagt frá því að á síðastliðnum tveimur árum
hefur starfsemi HSS því verið endurskipulögð
og lögð hefur verið áhersla á að byggja upp aftur
heilsugæsluþjónustuna í kjölfar þeirra erfiðleika
sem brotthvarf heilsugæslulækna á árinu 2002
ollu. Á sama tíma hefur verið unnið að innleið-
ingu nýs fjárhags-, bókhalds- og innkaupakerfis.
Aðgangur að upplýsingum til ákvörðunartöku
hefur því stórbatnað. Þennan tíma hefur heilbrigð-
isráðherra reglulega verið upplýstur um gang
mála.
Ef starfsemistölur eru skoðaðar má sjá að upp-
byggingin er að skila árangri. Á árunum 2003
og 2004 fjölgaði innlögnum sjúklinga um 60%,
legudögum hefur fjölgað um 40%, komum á
heilsugæslu hefur fjölgað um 40% og fjöldi bráða-
koma 30%.
Á næstu mánuðum verður árskýrslan fyrir árið
2004 tilbúin og þá getur almenningur fylgst með
starfseminni. Hægt verður að nálgast hana á
heimasíðunni, www.hss.is.
Uppbygging skilar árangri
HSS svarar gagnrýni:
Íbúar Reykjanesbæjar og Gr i n d a v í k u r g e t a n ú horft á sjónvarp í gegnum
ADSL-tengingu hjá Símanum.
Síminn hóf í fyrra sjónvarps-
útsendingar í gegnum ADSL
á 10 stöðum á landsbyggðinni
en innan tíðar munu slíkar út-
sendingar ná til flestra staða á
suð-vestur horninu.
Til að byrja með verða 10 sjón-
varpsstöðvar í boði en strax
með haustinu verður unnt að
horfa á allt að 60 sjónvarpsrásir
gegnum ADSL. Að auki verður
veitt gagnvirk þjónusta, sem er
eins konar rafræn myndbanda-
leiga, og er það algjör nýjung á
íslenskum sjónvarpsmarkaði.
Þessi byltingarkennda þjónusta
Símans var í upphafi boðin á
10 þéttbýlisstöðum en nær nú
til 50 bæjarfélaga um land allt
og verður sífellt umfangsmeiri.
Víða um land eru allt að 70%
þeirra sem hafa ADSL-tengingu
áskrifendur að sjónvarpsþjón-
ustunni, enda myndgæðin mun
meiri en fólk á að venjast og úr-
val sjónvarpsstöðva mun meira.
Þess má geta að með haustinu
verður í boði sérstök rás sem
mun sýna frá enska boltanum
og verður hægt að sýna fjóra
leiki samtímis á mismunandi
rásum.
Með þessari tækni eiga við-
skiptavinir okkar kost á mun
meiri gagnvirkni en áður hefur
þekkst hér á landi. Nú í haust
er ætlunin að fara af stað með
„myndbandaleigu” í sjónvarp-
inu. Áhorfendur geta þá farið
inn í valmynd á skjánum og
valið úr hundruðum kvikmynda
og þátta. Við gerum ráð fyrir
því að verð fyrir kvikmynd sem
pöntuð er sérstaklega úr gagn-
virku myndbandaleigunni, verði
svipað því sem gengur og gerist
á myndbandaleigum.
Hægt er að panta þjónustuna
á vefnum okkar, www.siminn.
is/sjonvarp. Það er mjög ein-
falt að tengjast þjónustunni
því starfsmenn Símans koma
heim til viðskiptavina og setja
upp nýjan þráðlausan búnað
fyrir ADSL kerfið og stafrænan
myndlykil. Annað þarf ekki til
þess að unnt sé að horfa á sjón-
varp í bestu mögulegu mynd-
og hljóðgæðum. Þess má geta
að uppsetningin er án viðbótar-
kostnaðar.
Hægt er að panta þjónustuna
á vefnum okkar, www.siminn.
is/sjonvarp. Það er mjög ein-
falt að tengjast þjónustunni
því starfsmenn Símans koma
heim til viðskiptavina og setja
upp nýjan þráðlausan búnað
fyrir ADSL kerfið og stafrænan
myndlykil. Annað þarf ekki til
þess að unnt sé að horfa á sjón-
varp í bestu mögulegu mynd-
og hljóðgæðum. Þess má geta
að uppsetningin er án viðbótar-
kostnaðar.
Eva Magnúsdóttir, upplýsinga-
fulltrúi Símans
Bjóða íbúum Suðurnesja
sjónvarp gegnum ADSL
Fjögur tilboð bárust Ríkiskaupum í rekstur mötuneytis grunnskóla Reykjanesbæjar og tilboði í hádegismáltíðir til aldraðra og öryrkja.
Það voru fyrirtækin Matarlyst Atlanta ehf., Sláturfélag Suður-
lands, HH veitingar ehf. og Flugþjónustan á Keflavíkurflugvelli
ehf.
Um þessar mundir er unnið að úrvinnslu tilboða hjá Ríkis-
kaupum og er sá ferill tveggja til sex vikna langur. Heimilt var
að bjóða í einstaka hluta úboðsins, þ.e. að bjóða í einstaka skóla
eða fleiri og sérstaklega í máltíðir fyrir aldraða. Einnig var heim-
ilt að bjóða afslátt af einingarverði ef að boðið var í fleiri en
einn hluta útboðsins.
Ríkiskaup sér einnig um útboð vegna mötuneytis Fjölbrauta-
skóla Suðurnesja og ræstinga í skólanum en svarfrestur hefur
runnið út í báðum útboðunum. Ekki hefur ennþá verið gefið út
hverjir eða hve margir buðu í það.
Fjögur tilboð í rekstur
mötuneytis grunnskóla
Maður var farinn að halda
að Kallinn væri fastur oní
Kassanum...
MUNDI
Mundi
KALLINN ER SPENNTUR fyrir því að fá „Skítuga Harry“ til
landsins og dregur það ekki í efa að fyrirætlaðar kvikmyndatökur
verði Íslendingum til framdráttar. Náttúruverndarsinnar mega
malda í móinn en Kallinum sýnist að búið sé að tryggja að
náttúruspjöllum verði haldið í algjöru lágmarki og blæs því á
svartsýnisraddir. Sandvík er Kallinum hugfólgin enda hefur hann
átt þar margar sælustundir og því ötull talsmaður þess að meira
verði gert úr svæðinu en áður. Einmitt það sem kvikmyndin „Flags
of our Fathers“ mun gera fyrir Sandvíkina.
KALLINN HEFUR verið duglegur að fara á leiki í fótboltanum og
finnst alltaf gaman, sérstaklega ef vel gengur eins og núna. Það er
samt fáránlegt og í raun óþolandi að sjá fullorðið fólk sem getur
ekki látið tvo tíma líða í góðum félagsskap án þess að kveikja sér í lík-
kistunagla og púa. Kallinn veit um hvað málið snýst því hann stund-
aði sjálfur þennan ósið fyir margt löngu og veit að það deyr enginn
þó hann skilji pakkann eftir heima.
KALLINN ER ÁNÆGÐUR með það að spjallþræðir séu komnir í
gang að nýju á vef Víkurfrétta. Ekki er nú umræðan upp á marga
fiska en inn á milli detta beittir pungar sem gaman er að lesa.
Ekki hefur Kallinn látið verða að því að taka þátt í spjallinu en er
sammála mörgu sem þarna hefur verið sagt og einnig gjörsamlega
ósammála öðru. Þetta er sem sagt eins og þetta á að vera. Það nýjasta
á spjallinu sem Kallinn fylgist spenntur með eru „uppljóstranir“
aðila sem kallar sig PAO og fjalla um framtíð Varnarliðsins.
KALLINN ER BÚINN með sitt sumarfrí og ætlar því að skrifa
ferskur í blaðið í allt sumar, svo framarlega sem ritstjórinn hendir
ekki út pistlinum fyrir auglýsingar, sem hefur gerst annað slagið.
Kveðja, kallinn@vf.is
pistlar Vals eru líka á vf.is