Víkurfréttir - 30.04.2014, Blaðsíða 10
miðvikudagurinn 30. apríl 2014 • VÍKURFRÉTTIR10
-kosningar 2014 pósturu vf@vf.is
Friðjón Einarsson skipar 1. sæti hjá Samfylkingu og óháðum fyrir komandi
kosningar í Reykjanesbæ. Hann svaraði
nokkrum spurningum frá Víkurfréttum
nú þegar mánuður er til sveitarstjórnar-
kosninga.
Hvernig leggjast komandi
sveitarstjórnarkosningar í þig?
Spenntur og get varla beðið eftir því að hefja
kosningabaráttuna. Hópurinn okkar er
samheldinn og vinnusamur og hefur
lagt sig fram við alla stefnumótun. Við
erum mjög fjölbreyttur hópur og mikið
af ungum og efnilegum einstaklingum í
bland við eldri og gamla hunda eins og
mig. Þetta verður bara gaman og fullt
af jákvæðum
uppákomum.
Hvernig finnst þér
kosningabaráttan hafa farið af stað?
Þetta er nú rétt að byrja og of snemmt að
segja nokkuð um kosningabaráttuna en það
er mjög ánægulegt að verða var við aukinn
áhuga á bæjarbúa á bæjarmálum. Ég held
þó að í þetta sinn gæti baráttan orðið ansi
hörð og óvægin en ég vona að allir gæti hófs í
orðavali og athöfnum. Við munum reka mál-
efnalega og jákvæða kosningabaráttu, kynna
bæjarbúum okkar sýn og lausnir og hvetja þá
til þess að móta framtíð bæjarins með okkur.
Hvert er að þínu mati stærsta
kosningamálið í Reykjanesbæ?
Ég held að ekkert eitt mál muni skipta hér
mestu máli. Fjölskyldan og atvinnumálin eru
mikilvægustu málaflokkarnir auk þess að
rík krafa er meðal íbúa að gera bæinn okkar
lýðræðislegri og að umhverfismál fái
aukið vægi.
Um hvað munu kosningarnar snúast?
Kosningarnar munu snúast um fram-
tíð bæjarins okkar. Snúast um það
hvernig við getum saman mótað sam-
félag grundvallað á jöfnuði, lýðræði,
ábyrgð og gegnsæi með fjölskylduna í fyrir-
rúmi. Heilbrigðu umhverfi og lausnum sem
byggja á að styrkja atvinnulífið þannig að það
blómstri og skapi betur launuð störf fyri alla.
Hvað gerir þú þér von um að ná inn
mörgum mönnum í komandi kosningum?
Við stefnum á fjóra fulltrúa í bæjarstjórn eftir
næstu kosningar, ekki spurning. 2 karla og 2
konur, tvo reynslubolta og tvo ferska nýliða.
■■ Samfylkingin og óháðir:
Baráttan gæri orðið ansi hörð og óvægin
- segir Friðjón Einarsson sem skipar 1. sæti X-S
Kristinn Þór Jakobsson skipar 1. sæti Framsóknarflokksins í Reykjanesbæ
fyrir komandi kosningar. Hann svaraði
nokkrum spurningum frá Víkurfréttum
nú þegar mánuður er til komandi sveitar-
stjórnarkosninga.
Hvernig eru komandi
sveitarstjórnarkosningar að leggjast í þig?
Kosningarnar leggjast vel í framsóknarmenn
og við göngum bjartsýn til baráttunnar. Við
höfum stillt upp samstilltum lista með nýju
fólk þar sem Silja Dögg sem skipaði 2.
sætið í síðustu kosningum var kosin
á Alþingi fyrir ári. Halldóra Hreins-
dóttir skipar nú 2. sætið og Halldór
Ármannsson 3. sæti. Þau koma með
ferska vinda inn í málefnavinnuna og
hið sama má segja um alla aðra sem
listann skipa.
Hvernig finnst þér kosningabaráttan
hafa farið af stað?
Málefnavinnan er nánast búin og kosninga-
baráttan framundan. Málefnavinnan með
hópnum er búin að vera mjög skemmtileg og
gefandi og ég hef mikla trú á fólkinu okkar.
Okkur hlakkar til að kynna þau mál sem við
ætlum að standa fyrir á næsta kjörtímabili
en við opnum kosningamiðstöð okkar föstu-
daginn 2. maí kl. 20:00 og ætlum að bjóða
félagsmönnum og gestum upp á skemmti-
lega kvöldstund. Framsóknarmenn munu
keyra jákvæða kosningabaráttu undir kjör-
orðunum – Meiri og betri Reykjanesbær –
fyrir okkur öll!
Hvert er að þínu mati stærsta
kosningamálið í Reykjanesbæ?
Breytingar eru óumflýjanlegar, en vöxtur er
val. Kosningamálið er valið milli áframhald-
andi meirihluta skuldasöfnunar og glans-
mynda annars vegar og ráðdeildar og skyn-
semi hins vegar. Við þurfum að auka tekjur
bæjarins með aukinni atvinnu til að tryggja
velferðina sem nauðsynleg er til að tryggja
stöðugleika og uppbyggingu þar sem
fólk er í fyrirrúmi.
Um hvað munu kosningarnar snúast?
Framsókn er eina framboðið sem
gengur heilt og ólaskað til kosning-
anna. Með sterkan málefnagrunn þar
sem við leggjum áherslu á betri og
meiri Reykjanesbæ. Hægt er að draga hann
í meðal annars í eftirtalda punkta: Meiri lífs-
gæði, betri skóla, betri frístundir, meiri at-
vinnu, meira íbúalýðræði, betra umhverfi,
skynsamlega fjármálastjórnun og betri for-
gangsröðun.
Hvað gerir þú þér von um að ná inn
mörgum mönnum í komandi kosningum?
Framsókn hefur einn fulltrúa í bæjarstjórn
og stefnir á að fjölga þeim. Ef við fáum ekki
þrjá menn kjörna þá sættum við okkur við
tvo. Til þess að ná þessu þarf öflugt starf og
markvisst. Markmiðin og málefnin er skýr og
hópurinn er öflugur og samstilltur.
■■ Framsóknarflokkurinn:
Breytingar eru óumflýjanlegar
- segir Kristinn Þór Jakobsson sem skipar 1. sæti X-B
Guðbrandur Einarsson skipar 1. sæti á framboðslistanum hjá Beinni leið
í Reykjanesbæ. Hann svaraði nokkrum
spurningum frá Víkurfréttum nú þegar
mánuður er til komandi sveitarstjórnar-
kosninga.
- Hvernig eru komandi
sveitarstjórnarkosningar að leggjast í þig?
Þessar kosningar leggjast mjög vel í
mig. Ég hef verið að vinna með góð-
um hópi fólks sem er tilbúinn til að
nýta krafta sína í þágu samfélagsins.
Hópi, þar sem flestir eru að koma að
stjórnmálum í fyrsta skipti og hefur alla
burði til þess að reynast þessu bæjar-
félagi vel. Það spillir heldur ekki fyrir
að hópurinn er svo skemmtilegur og mikil
gleði ríkjandi.
Hvernig finnst þér kosningabaráttan
hafa farið af stað?
Mér sýnist þetta fara rólega af stað en það
segir svo sem ekki allt. Framboðin hafa bara
verið að vinna sína undirbúningsvinnu.
Eins eru samskiptamiðlar, eins og Facebook,
farnir að hafa áhrif á hvernig kosningabar-
áttu er háttað og við hjá Beinni leið höfum
nýtt þá talsvert. Get hins vegar ímyndað mér
að það verði snarpur endasprettur.
Hvert er að þínu mati stærsta
kosningamálið í Reykjanesbæ?
Bein leið vill að þessar kosningar snúist um
fólk, aðbúnað þess og líðan. Þar er í raun
allt undir. Við viljum ekki „með eða á móti
pólitík“, heldur eigum við að leggjast á eitt
um að gera bæinn okkar betri. Það er stærsta
kosningamálið.
Um hvað munu
kosningarnar snúast?
Eigum við ekki láta þær snúast um vilja
okkar til þess að láta gott af okkur leiða?
Að hvert og eitt okkar velti því fyrir sér
hvernig við teljum bænum okkar best
borgið til framtíðar litið. Að við virðum
og umberum vilja fólks hver sem hann er.
Hvað gerir þú þér von um að ná
inn mörgum mönnum í komandi
kosningum?
Ég er ekki spámaður en ég met það svo að
það sé vilji til breytinga og það er ástæða
þess að Bein leið býður fram. Við viljum
ná árangri og erum metnaðarfull en erum
meðvituð um það að við erum nýir leik-
endur á sviðinu og tökum því auðmjúk við
þeim stuðningi sem okkur verður úthlutað í
þessum kosningum.
■■ Bein leið:
Þessar kosningar snúist um fólk
- segir Guðbrandur Einarsson sem skipar 1. sæti X-Y
Árni Sigfússon skipar 1. sæti hjá Sjálf-stæðisflokknum fyrir komandi kosn-
ingar. Hann svaraði nokkrum spurningum
Víkurfrétta nú þegar mánuður er til kom-
andi sveitarstjórnarkosninga.
Hvernig leggjast
sveitarstjórnarkosningar í þig?
Þetta er eitt af því sem víst er að kemur
alltaf á fjögurra ára fresti. Ef maður er
öll fjögur árin að vinna með íbúum að
undirbúningi og uppskera, geta kosn-
ingar ekki annað en lagst vel í mann.
Hvernig finnst þér kosningabaráttan hafa
farið af stað?
Þetta fer vel af stað - mér sýnist flestir vera
málefnalegir.
Hvert er að þínu mati stærsta
kosningamálið í Reykjanesbæ?
Styrkja í sessi frábæran árangur okkar í
menntamálum, umhverfismálum, málefnum
aldraðra og ekki síst að uppskera í atvinnu-
málum. Við höfum sýnt að við getum boðið
góða þjónustu og náð jafnframt að lækka
skuldir.
Um hvað munu
kosningarnar snúast?
Þær munu snúast um hverjum íbúar
treysta til að leiða þá vinnu sem nú er
komin svo nærri uppskeru: að skapa
hér vel launuð og fjölbreytt störf,
styrkja umhverfismál og menntamál
í sessi, skapa bæjarstemningu sem er
skemmtileg og kraftmikil.
Hvað gerir þú þér von um að
ná inn mörgum mönnum í
komandi kosningum?
Til að við getum staðið við það sem við
segjum, án málamiðlana, er æskilegast að við
hljótum hreinan meirihluta. En það breytir
því ekki að við höfum boðið öðrum fram-
boðum til samstarfs um góð verk og munum
ítreka það í þessum kosningum og eftir þær.
■■ Sjálfstæðisflokkurinn:
Æskilegast að við hljótum
hreinan meirihluta
- segir Árni Sigfússon sem skipar 1. sæti X-D