Víkurfréttir - 15.05.2014, Blaðsíða 18
fimmtudagurinn 15. maí 2014 • VÍKURFRÉTTIR18
Talsvert hefur verið
fjallað um ársreikn-
ing Reykjanesbæjar
síðustu vikurnar. Fjár-
málastjóri bæjarins
hefur í þeirri umræðu
látið hafa eftir sér að
reksturinn sé hag-
kvæmur en ársreikningur sýnir samt
gífurlegt tap.
Hvernig getur viðvarandi taprekstur
verið hagkvæmur? Ég á nokkuð erf-
itt með að skilja hvað fjármálastjóri
Reykjanesbæjar er að fara með yfir-
lýsingu sinni.
Á árinu 2013 tapaði bæjarsjóður
um 540 milljónum króna. Öll vitum
við að þegar við eyðum meiru en
við öflum þá þurfum við að fá lán.
Það hefur bæjarsjóður gert og rúm-
lega það. Tekin voru ný lán upp á
1,4 milljarða til að fjármagna tap og
afborganir eldri lána Reykjanesbæjar.
Ársreikningur bæjarins segir þá ein-
földu sögu að kostnaður er meiri en
tekjur og þess vegna þurfti bærinn að
fjármagna sig með nýjum lántökum.
Það er ekki vegna þess að reksturinn
sé hagkvæmur, heldur þvert á móti.
Reksturinn er ekki sjálfbær og það
veit aldrei á gott.
Rekstur bæjarfélags er rétt eins og
rekstur heimilis, tekjur þurfa að vera
jafnar eða hærri en útgjöldin annars
lendum við í vandræðum. Þá þurfum
við að redda okkur t.d. með því að
taka út lífeyrissparnaðinn, selja fjöl-
skyldusilfrið eða ef við höfum veð-
hæfar eignir með því að taka lán. Það
hefur Reykjanesbær gert síðstu ár.
Undanfarna mánuði hefur bær-
inn vígt falleg hús og ýmsa garða
og annað sem er mjög fallegt og
skemmtilegt. Þetta er hins vegar dýr
skemmtun og minnir á árið 2007
þegar við gátum gert allt sem okkur
langaði. Er ekki kominn tími til að
bæjarfélagið verði rekið miðað við
forsendur ársins 2014. Ég kýs ábyrga
fjármálastjórn og set mitt X við Á-
listann.
Guðni Þór Gunnarsson,
endurskoðandi.
Ein af þe im hug-
myndum sem Fram-
sókn í Reykjanesbæ er
með á sinni stefnuskrá
er Frístundakort fyrir
aldraða. Frístunda-
kortið væri á sama
formi og sambærilegt
kort fyrir börn og unglinga. Íbúar
Reykjanesbæjar sem náð hafa 67 ára
aldri gætu sótt um slíkt kort og notað
það til niðurgreiðslu tómstundastarfs.
Framsókn vill einnig að stofnað verði
Öldungaráð, og form þess yrði það
sama og Ungmennaráðs sem starfað
hefur í 2 ár með góðum árangri.
Maður er manns gaman
Tómstundastarf fyrir eldri borgara
er nokkuð blómlegt í Reykjanesbæ
og eldri borgarar eru duglegir að
nýta sér það sem í boði er. Maður
er manns gaman og það eykur lífs-
gæði verulega að eiga líflegt félags-
líf, hvort sem maður er ungur eða
gamall. Frístundakortið myndi gilda
fyrir allar tómstundir, hvort sem þær
væru á vegum bæjarins eða ekki.
Eina skilyrðið væri að viðkomandi
tómstundafélag gerði samning við
Reykjanesbæ um starf sitt í þágu eldri
borgara.
Syngjum og syndum
Kortið myndi til dæmis nýtast á þá
leið að „Jóna“ setti hluta af upphæð
kortsins í að kaupa árskort í sund og
síðan hluta í að greiða fyrir kórinn
eða þann klúbb sem hún vill starfa
í. Ef Jóna stundar ekki sund gæti
hún notað allt kortið eða hluta þess
í annað frístundastarf. Aðalatriðið er
að allir sem náð hafa ellilífeyrisaldri
gætu sótt um frístundakort og nýtt til
að greiða fyrir þátttöku í félagsstarfi
sem gert hefur tilhlýðandi samning
við Reykjanesbæ.
Kostnaður bæjarsjóðs er áætlaður
um 200 milljónir miðað við 1200
eldri borgara. Fjármögnun væri
tryggð með því að hagræða í rekstri
og forgangsraða á annan hátt en gert
hefur verið sl. 12 ár. Það eru innvið-
irnir sem skipta máli, ekki yfirborðið.
Aldnir og vitrir
Framsókn í Reykjanesbæ mun styðja
stofnun Öldungaráðs sem mun hafa
það hlutverk að fjalla um og koma að
stefnumótun í málefnum aldraðra.
Eitt af þeim málefnum sem Fram-
sókn átti frumkvæði að á liðnu kjör-
tímabili var stofnun Ungmennaráðs
sem hefur komið með og mótað hug-
myndir er varða starf og málefni ung-
menna í Reykjanesbæ. Ráðið hefur
starfað í um 2 ár og kom m.a. með
hugmynd að stofnun ungmenna-
garðs við 88 húsið sem vakið hefur
mikla lukku. Öldungaráð yrði vett-
vangur skoðana og stefnumótunar
fyrir eldri borgara. Eldri borgara vilja
nefnilega ekki bara fá þjónustu, þeir
vilja líka hafa eitthvað um málin að
segja og hafa áhrif í bæjarfélaginu.
Framsókn ætlar að beita sér fyrir að
svo verði.
Kristinn Þór Jakobsson,
oddviti Framsóknar í Reykjanesbæ
B ör num og ung l -
ingum er tamt að
nýta tölvutækni í leik
og starfi. Með spjald-
tölvuvæðingu í grunn-
s k ó l u nu m au k u m
við möguleika á að
nýta tölvutæknina á margan hátt.
Eitt af því sem við sjálfstæðismenn
í Reykjanesbæ viljum gera er að
bjóða nemendum grunnskólanna að
kjósa rafrænt um holla matseðla og
hafa þannig áhrif á val hádegismál-
tíðar sem er í skólunum. Slíkt eflir
lýðræðisvitund meðal grunnskóla-
barna í bænum, undirbýr þau við að
taka eigin ákvarðanir, kennir þeim
hvernig ná megi samstöðu og mála-
miðlunum og vekur upp ábyrgðar-
tilfinningu meðal þeirra. Tæknin er
til staðar, hvort sem unnið verður
í gegnum íbúavefinn eða með sér-
stökum kosningum í skólunum.
Myndræn framsetning gefur jafn-
framt yngri börnum skólanna tæki-
færi á að taka þátt í slíkri kosningu.
Börnin fá hafragraut á morgn-
ana og hollt í hádeginu
Við sjálfstæðismenn erum stolt af því
að hafa verið í forystu fyrir meira en
10 árum síðan við að bjóða heitan
mat í hádeginu í öllum grunnskólum
sveitarfélagsins. Skólamáltíðin er
ódýrust í Reykjanesbæ þegar borin
eru saman stærstu sveitarfélög lands-
ins og munum við tryggja áfram
ódýrar og góðar hádegismáltíðir
í grunnskólunum og tryggja gæði
og heilbrigði þeirra. En við viljum
stíga skrefinu lengra. Mörg börn í
Reykjanesbæ hefja daginn snemma
t.d. með íþróttaæfingum fyrir skóla-
tíma á morgnana og fara jafnvel á
aðrar æfingar seinna um daginn eða
í leikfimi og sund í skólanum. Mikil-
vægt er að huga að næringu og svefni
allra barna, þetta eru lykilþættir sem
skipta miklu máli í lífi barnsins. Því
er brýnt að orkuþörf þeirra sé svarað
þegar þau koma í skóla að morgni.
Við viljum bjóða upp á hafragraut í
morgunmat fyrir þau börn sem þess
óska sér að kostnaðarlausu. Í þessari
viku munu öll börn í grunnskólum
Reykjanesbæjar geta fengið sér hafra-
graut í löngu frímínútunum. Fái Sjálf-
stæðisflokkurinn til þess stuðning í
kosningunum 31.maí munu íbúar sjá
þessar hugmyndir verða að veruleika
strax á næsta skólaári.
Anna Sigríður Jóhannesdóttir
frambjóðandi D-lista sjálf-
stæðismanna
VERÐUR HALDINN FIMMTUDAGINN 22. MAÍ
GRÆNÁSBRAUT 506, ÁSBRÚ
KLUKKAN 17:00
AÐALFUNDUR
SAMTAKA ATVINNUREKENDA
Á REYKJANESI
-aðsent pósturu vf@vf.is
Þrjú framboð verða í Garði fyrir komandi sveitarstjórnarkosn-
inar. Þau eru D-listi Sjálfstæðis-
flokks og óháðra, N-listinn, listi
nýrra tíma og svo nýtt framboð sem
heitir Samstaða - samstarf, sam-
félagsleg ábyrgð, samvinna og býður
fram undir listabókstafnum Z.
Á því kjörtímabili sem nú er að ljúka
eru einnig þrjú framboð með bæjar-
fulltrúa. L-listinn er eitt þeirra og
skipar hann meirihluta í Garði ásamt
Sjálfstæðisflokknum. L-listinn býður
ekki fram í komandi kosningum en
bæjarfulltrúi L-listans segist vera hlað-
inn verkefnum í námi og því ekki tími
til að stunda bæjarmál af sama kappi.
Því hafi verið ákveðið að bjóða ekki
fram að þessu sinni.
ÞRJÚ FRAM-
BOÐ Í GARÐI
Svava Hallgrímsdóttir,
Guðmundur Sigurðsson, Valgerður Sigurðardóttir,
Svava Sigurðardóttir, Ásdís Sigurðardóttir.
Elskulegur sonur minn og bróðir okkar
Hallgrímur Sigurðsson,
Vatnsnesvegi 22, Reykjanesbæ
verður jarðsunginn frá Keflavíkurkirkju
föstudaginn 16. maí 2014 kl.13:00.
Fanney Elísdóttir
Jónas Dagur Jónasson Katrín Guðmundsdóttir
Bryndís B. Jónasdóttir Bjarni Sigurðsson
Önundur Jónasson Díana Hilmarsdóttir
Og barnabörn
Elskulegur maðurinn minn, faðir, tengdafaðir og afi
Jónas G. Ingimundarson
andaðist á Landspítalanum sunnudaginn 11. maí.
Velkomin
á opnun kosningamiðstöðvar okkar
Af því tilefni bjóðum við þér að koma til okkar milli kl. 16.00 og 18.00.
Boðið verður upp á skemmtiatriði og léttar veitingar og að sjálfsögðu verða
frambjóðendur á staðnum til að ræða málefnin og áherslur okkar.
Kosningamiðstöðin verður opin alla virka daga kl. 10–18 og 11–16 um helgar.
Boðið verður upp á súpu í hádeginu alla virka daga frá og með mánudeginum 5. maí.
Sjáumst á fimmtudaginn!
Sjálfstæðisflokkurinn í Reykjanesbæ
opnar kosningamiðstöð sína að
Hafnargötu 90, fimmtudaginn 1. maí.
Sjálfstæðisflokkurinn í Reykjanes æ
■■ Anna Sigríður Jóhannesdóttir skrifar:
Rafrænar kosningar um skólamat
■■ Einar Bragi Einarsson skrifar:
Gerum betur
■■ Guðni Þór Gunnarsson skrifar:
Getur tap verið hagstætt?
■■ Kristinn Þór Jakobsson skrifar:
Öldungar til áhrifa
Undanfarna daga hef ég verið að
keyra um bæinn líkt og margir aðr-
ir. Á þessum ferðum mínum hef ég
rekið augun á svo margt sem betur
mætti fara. Það er einn hlutur sem ég
verð frekar mikið var við og langar
mig að nota tækifærið til að vekja
athygli á þeim ákveðna hlut eða ætti
ég að segja vandamáli. Á nokkrum
stöðum hér í Reykjanesbæ er erfitt
fyrir suma einstaklinga sem glíma við
fötlun að komast leiðar sinnar hindr-
unarlaust. Hvort sem um ræðir ein-
staklinga sem notast við hjólastóla,
göngugrindur eða glíma við fötlun af
einhverju öðru tagi. Það sýnir sig að
enn í dag, í okkar nútímasamfélagi
sem við erum svo stolt af, gleymist
alltaf einhver og því miður er það
oftast sami hópurinn sem verður
útundan.
Það eru til dæmi um stórfyrirtæki
sem eru með útibú hér, en svo virðist
sem að þau hafi ekki gert ráð fyrir að-
gengi fatlaðra. Sem dæmi má nefna
var ég að versla hjá ónefndu fyrirtæki
hér í Reykjanesbæ. Þennan dag var
ágætis veður úti, ég sá tvo einstakl-
inga koma inn planið. Annar þeirra
var í hjólastól og hinn var gangandi,
þegar þeir voru komnir upp að þeirri
verslun sem þeir ætluðu að fara í fór
sá aðili sem gat gengið, inn og átti
ekki í neinum vandræðum með að
versla og sinna sínum erindum, en sá
sem sat í hjólastólnum þurfti að dúsa
fyrir utan á meðan bara vegna þess
að hann komst hvergi inn á stólnum,
þetta var sárt að horfa upp á og situr
fast í minningunni.
Endilega segið mér hvað er rétt við
þetta? Erum við ekki öll jöfn og
ættum við ekki að sitja við sama
borð? Hvað á að gera fyrir þessa
einstaklinga sem komast ekki allt
vegna fötlunar sinnar? Ég spyr þig
kæri kjósandi er ekki kominn tími á
að við tryggjum öllum jafnt aðgengi
og að við getum verið stolt af því að
vera bæjarfélag fyrir alla, er ekki tími
breytinga og lagfæringa?
Píratar í Reykjanesbæ vilja að allir
njóti sömu forréttinda og berjast fyrir
hagsmunum allra.
Einar Bragi Einarsson,
skipar 3. sæti á lista Pí-
rata í Reykjanesbæ