Víkurfréttir - 12.02.2015, Blaðsíða 14

Það þótti mikill fengur að ná aftur í heimabæinn organist-
anum Arnóri Vilbergssyni. Hann
hafði gert flotta hluti á Akureyri og
Keflvíkingar gáfu honum nokkur
ár þar en sögðu svo: Komdu heim
Arnór! Hann gerði það og þessi
hressi, jákvæði og nú mikið skeggj-
aði sonur hjónanna í hinum vel
þekkta pulsuvagni í Keflavík, er
hinn tónelskandi kappi kirkjunnar.
Til að byrja á léttu nótunum sem
blaðamenn telja sig stundum kunna
er Arnór spurður gamallar og sí-
gildrar spurningar: Er starf organ-
ista í Keflavík fullt starf?
Þetta er býsna viðamikið en ég hef
oft fengið þessa spurningu. Hér er ég
mættur 8-9 á morgnana og er farinn
um þrjú, hálf fjögur og geri ekkert
allan þann tíma. (Hlær.) Nei djók.
Ég sit hérna á skrifstofunni, svara í
símann, tek og útfæri viðtöl og hitt
og þetta sem þarf að gera. Við skipu-
leggjum messuhaldið, kóræfingar
og eitt og annað sem þarf að gera
hérna. Í þessu húsi er ég með þrjá
kóra starfandi. Kirkjukórinn telur
um 50 manns, Vox Felix er ungliða-
kór, svona samstarfsverkefni allra
kirkna á Suðurnesjum - en allar
sjö sóknirnar standa að honum. Ég
skrifa allt út fyrir alla þessa kóra.
Hann er í dægurlagatengdu efni. Við
erum að reyna að finna lög sem henta
kirkjuspileríi. Það er erfitt að fá þetta
unga fólk til að syngja sálma. Ég þarf
að útsetja það fyrir þau. Svo er það
Eldey, kór eldri borgara. Fjöldinn
þar er kominn yfir sextíu. Það er í
mörg horn að líta þegar kemur að
þessu starfi. Allt þetta utanumhald
er töluvert og allt sem við þurfum að
gera hér innanhúss. Við erum ekkert
mörg að vinna hérna og stundum
er ég kominn í að skipta um perur
og þurrka af borðinu mínu á skrif-
stofunni.
En varðandi þessa sönghópa og
hversu vel gengur að fá fólk til að
taka þátt í þessu. Er Bítlabærinn að
standa undir nafni?
Fólk er bara mjög iðið við að vilja
koma. Það er oft talað um að það sé
erfitt að fá stráka til þess að koma á
æfingu. Á síðust Vox Felix æfingu
komu sjö strákar, rétt yfir tvítugt.
Þannig að það er mikið sönglíf hérna.
Og starf organistans? Messur, útfarir
og kórstarf?
Jú, jú, ég spila við kistulagningar,
útfarir og innan þessa ramma sem
organisti þarf að sinna eru æfingar,
2-3 tímar á hverjum degi. Það er bara
að sitja við hljófærið og spila. Svo
skrifar maður nótur í tvo og hálfan
tíma og skipuleggur annað hinn
tímann. Spila á sunnudögum og svo
taka útfarirnar stóran hluta úr degi.
Kóræfingar eru alltaf á kvöldin. Þetta
dreifist voða mikið og maður þarf að
eiga mjög þolinmóðan maka. Takk
Guðný mín!
Er ekki fjör framundan á hundrað
ára afmæli?
Það eru hátíðarmessur fyrir krakka
og fullorðna og aðalverkið sem við
flytjum er Sanktus eftir Karl Jenkis.
Það sem á hug minn allan eru há-
tíðartónleikar vegna afmælisins sem
við erum að stefna að 29. mars í
Hljómahöllinni. Þá ætla að sameinast
karlakór, kvennakór og kirkjukór og
við ætlum okkur að búa til strengja-
sveit sem spilar þar undir með dyggri
aðstoð frá Tónlistarskólanum. Við
ætlum að flytja Keflavíkurkantötru
eftir Eirík Árna Sigtryggsson sem
kenndi lengi í tónlistarskólanum. Þá
ætlum við að flytja sálm sem Sigurður
Sævarsson, okkar Keflvíkinga, sem
hann skrifaði fyrir kirkjuna í tilefni
95 ára afmælisins. Sóknarpresturinn
okkar, Skúli, á texta við það. Kórarnir
flytja svo líka verk sjálfir. Meiningin
er svo á Ljósanótt að vera með tvenna
flotta tónleika.
Getur hver sem er komið í kór og
annað? Þarf maður að kunna að
syngja? Segðu okkur leyndarmálið á
bak við góðan kórfélaga.
Við erum öll misjöfn. Sumir eru
rosalega sterkir raddlega, aðrir í fé-
lagsmálum. Vissulega þarftu að halda
lagi en flestöllum er hægt að hjálpa
og ég trúi því að allir geti sungið. Það
er allskonar fólk í kórnum okkar.
Þar er fólk sem er búið með 8. stig
í söng og fólk sem er að byrja að
syngja með kór. Kraftar þessa fólks
liggja oft meira í skipulagsvinnu og
félagsvinnu á meðan 8. stigs fólkið
er kannski að kenna. Það er hlutverk
fyrir alla í kirkjukór.
Þetta fólk allt, sem er í sjálfboða-
vinnu, er það alveg til í að mæta við
útfarir og messur og allt það sem
þarf?
Við notum sem betur fer Internetið
til þess að búa til hópa og það er alltaf
frjáls mæting í messu. Það eru alltaf
um 20 manns sem syngja þar. Ég hef
yfirsýn yfir það og sé hverjir melda
sig. Við útfarir erum við með radd-
formenn sem sjá um að boða í sína
rödd. Ég óska kannski eftir 3 ten-
órum, 3 bössum o.s.frv. og þau kalla
út það sem ég þarf. Þetta er mikið
skipulag sem hefur tekist að setja á
margar hendur. Þetta er ekki allt á
minni könnu. Þetta er batterí og allt
þarf að funkera svo að þetta gangi.
Og það gengur allt mjög vel.
AFMÆLISDAGSKRÁIN 100 ÁRA
15. feb. afmælismessa
Sunnudaginn 15. febrúar kl. 14:00
er afmælismessa í Keflavíkurkirkju.
Biskup Íslands þjónar fyrir altari,
ásamt dr. Gunnari Kristjánssyni.
Myndarlegt afmæliskaffi að messu
lokinni.
29. mars. Hátíðartónleikar
Hátíðartónleikar Kórs Keflavíkurkirkju
fara fram í Hljómahöll þann 29. mars.
Arnór Vilbergsson organisti stýrir dag-
skránni með þátttöku kóra á Suður-
nesjum.
1. maí Vorsöngleikur Keflavíkurkirkju
Í maí verður frumsýndur söngleikurinn
Örkin hans Nóa í tilefni afmælis Kefla-
víkurkirkju. Verkið er unnið í samvinnu
með leikfélaginu og Myllubakkaskóla.
14. júni Keflavíkurkirkja 1915
Sunnudaginn 14. júní kl. 19:15 verður
gamaldags guðsþjónusta í Keflavíkur-
kirkju undir yfirskriftinni: Keflvíkur-
kirkja 1915.
Saga kirkjunnar verður rifjuð upp
og gamlir (en kunnir) sálmar verða
sungnir.
3. sept. Ljósanótt í aldargamalli
Keflavíkurkirkju
Dagana 3.-5. september, meðan ljósa-
nótt stendur yfir, mun Keflavíkurkirkja
minnast aldarafmælis.
Sögusýning verður haldin í Duus-
húsum þar sem brugðið verður mynd
af ýmsum tímabilum í sögu kirkjunnar.
Gengið verður í Keflavíkurkirkju þar
sem listafólk tekur á móti gestum.
Miðnæturmessa aðfaranótt sunnu-
dagsins.
28. nóv. Söngleikurinn
Ljós um nótt
Á aðventu verður settur
upp söngleikurinn Ljós
um nótt eftir þá Arnór Vil-
bergsson og sr. Skúla S.
Ólafsson.
Það er hlutverk fyrir alla í kirkjukór
■■ Organistinn Arnór Vilbergsson stýrir söngmálum í Keflavíkur-
kirkju. Hann fer mikinn og stjórnar m.a. þremur kórum:
Haustið 2006 sat ég í sóknar-nefnd Keflavíkurkirkju. Þá
áttum við starfsfólk og sóknar-
nefnd saman uppbyggilega stund
í Skálholti þar sem hafin var vinna
að nýrri stefnumótun fyrir safn-
aðarstarfið. Að baki voru tímar
sundurlyndis og deilna en fram-
tíðin lofaði engu að síður góðu og
ýmis fyrirheit voru um betri stöðu
safnaðarins.
Fljótlega kom í ljós að forgangs-
röðunin var ekki eins og við vildum
hafa hana. Starfsfólk, sóknarnefnd
og aðrir leikmenn lögðust á eitt
til að breyta hugsunar- og vinnu-
hætti innan Keflavíkursóknar. Við
einbeittum okkur að því að breyta
menningunni í söfnuðinum og þar
með einbeita okkur að ákveðnum
verkefnum. Við vildum hafa færri
bolta á lofti en grípa þá alla. Farið
var af stað og spurningar lagðar
fyrir ýmsa hópa í samfélaginu. Við
fengum sjálfboðaliða með okkur í
lið í stefnumótunarvinnuna. Mynd-
aðir voru smáhópar til að vinna með
hvernig við gætum breytt og bætt
barna- og æskulýðsstarf, kærleiks-
þjónustu og sjálboðaliðastarf.
Nýjar aðstæður í kjölfar brottflutn-
ings hersins og efnahagshruns köll-
uðu á nýjan hugsunarhátt. Þá kom
sér vel að Keflavíkurkirkja var búin
að mynda nýja stefnu sem gaf okkur
betri tækifæri til að leggja krafta
okkar í ákveðin verkefni.
Velferðarsjóður á Suðurnesjum
Í byrjun október 2008 fóru sóknar-
nefnd, starfsfólk og sjálfboðaliðar
Keflavíkurkirkju í helgarferð í Skál-
holt þar sem við fórum yfir stefnu-
málin. Hugmynd kom upp um að
stofna sjóð sem myndi styðja við
Suðurnesjamenn. Daginn eftir að
heim var komið hrundi efnahagur
landsins og Geir H. Haarde forsætis-
ráðherra bað Guð að blessa Ísland.
Keflavíkurkirkja varð leiðandi í því
að mynda þennan sjóð. Hugmyndir
voru bornar upp við alla þá sem
komu að starfi við náungann, s.s.
bæjarfélög svæðisins, Rauði kross-
inn, sjúkrahúsið, félagasamtök og
líknarfélög.
Hjálparstarf kirkjunnar var með
okkur í þessari vinnu og hjálpaði
okkur að mynda reglur fyrir sjóð-
inn og skilgreina umsóknarferlið.
Öll nýsköpun og fjáröflun snerist
um Velferðarsjóðinn. Haldnir voru
markaðir, tónleikar og ýmsir við-
burðir. Við hvöttum fólk til að styðja
við sjóðinn og svo sannarlega brást
samfélagið við á þessum erfiða tíma
því frá okt.-des. 2008 söfnuðust 20
milljónir í sjóðinn. Allt framlög frá
samfélaginu. Í dag hafa safnast um
60 milljónir í sjóðinn sem er einstakt
og vitnisburður um það hversu gott
samfélag okkar er.
Allir fái heita máltíð
Við þurftum að greina þörfina. Við
vildum að öll börn fengju heita mál-
tíð í hádeginu. Því hefur sjóðurinn
greitt skólamat fyrir um 60 börn
og ungmenni á degi hverjum yfir
vetrarmánuðina. Við vildum að
öll börn fengju jöfn tækifæri til að
stunda íþróttir og tónlistarnám. Því
greiðum við slík gjöld. Ein leið til að
sporna við fátækt er menntun. Því
var lögð áhersla á að greiða fram-
haldskólagjöld, efniskostnað og
námsgögn fyrir börn og ungmenni.
Allir skjólstæðingar þurfa að koma
með göng sem sýna allar tekjur og
öll mánaðarleg útgjöld. Ef fólk er
við þau viðmiðunarmörk sem sett
eru, með tilliti til fjölskyldustærðar,
þá fær það aðstoð. Aldrei eru bein-
harðir peningar settir yfir borðið.
Í desember 2010 sáum við að ald-
ursdreifing af skjólstæðingum var á
þann hátt að 65% var undir þrítugu.
Við gerðum okkur grein fyrir því að
við urðum að gera eitthvað annað og
meira en það sem við höfðum verið
að gera. Við vildum styðja við fólk
og hjálpa því að styrkjast og vaxa.
Hjálpa því að vera sterkari að taka á
móti hverdagsleikanum.
Við vorum með ýmis námskeið þar
sem fólk lærði að fara betur með
verðmæti og efla sig á ýmsan hátt.
Við prófuðum okkur áfram, sumt
virkaði og annað ekki.
Fólkið í Keflavíkurkirkju voru
frumkvöðlar og kirkjan var leiðar-
ljós í samfélaginu. Í kirkjunni okkar
byrjaði starf sem ekki var til staðar á
þessum tíma. Síðan hafa aðrir hópar
tekið við og bjóða þjónustu við at-
vinnuleitendur og öryrkja í upp-
bygginu. Við finnum nú að sú þörf
sem við sinntum þá er ekki sú sama
og í dag.
Hvernig getum við hálpað?
Með því að rýna til gagns, spyrja
okkur hvað við erum að gera vel
og hvað erum við að gera illa, hvað
erum við að gera sem er mikilvægt
og hvað erum við að gera sem er
ekki mikilvægt. Með því að þora að
reyna ýmislegt og með því að þora
að gera mistök þá komumst við að
því hvað það er sem virkar og hvað
virkar ekki. Með því að styrkja ung-
menni til mennta getum við rofið
vítahring fátæktar.
Ef ekki væri fyrir einstaklinga,
líknarfélög, starfsmannafélög og
fyrirtæki sem legðu sjóðnum lið þá
væri þessi sjóður ekki til og fyrir það
viljum við þakka.
Í Matteusarguðspalli
segir Jesús:
Því hungraður var ég og þér gáfuð
mér að eta, þyrstur var ég og þér
gáfuð mér að drekka, gestur var ég
og þér hýstuð mig, nakinn og þér
klædduð mig, sjúkur og þér vitjuðuð
mín, í fangelsi var ég og þér komuð
til mín.
Á þessum orðum krists byggist
líknarstarf kristinnar kirkju.
Þórunn Þórisdóttir
Rekstrarstjóri Keflavíkurkirkju
VILDUM HAFA FÆRRI BOLTA Á LOFTI EN GRÍPA ÞÁ ALLAkæra sóknarbarn
keflavíkurkirkja fagnar 100 ára afmæli
þann 14. febrúar næstkomandi. af því tilefni efnir söfnuðurinn
til hátíðarguðsþjónustu sunnudaginn 15. febrúar kl. 14:00.
að athöfn lokinni býður sóknarnefnd til kaffisamsætis
í kirkjulundi, safnaðarheimili keflavíkurkirkju.
Hátíðarsunnudagaskóli kl. 11.00
Hátíðarguðsþjónusta kl. 14.00
sunnudaginn 15. febrúar
Arnór með kirkju-
kórinn á æfingu.
T.v.: Það eru ófáar uppákomur og söngskemmtanir sem hafa verið haldnar í
Keflavíkurkirkju á undanförnum árum. Það þótti mörgum mögnuð upplifun
að sjá óperuna Toscu eftir Giacomo Puccini flutta undir berum himni í ljósa-
skiptunum í Keflavík 12. ágúst 2011. Óperan var frumflutt í Keflavíkurkirkju.
Fyrsti þáttur óperunnar var í sjálfri kirkjunni, annar hluti var fluttur í safn-
aðarheimilinu Kirkjulundi og þriðji og síðasti hlutinn undir berum himni í
garði milli kirkjunnar og Kirkjulundar. Húsfyllir var á sýningunni og var söng-
fólkinu fagnað mikið og lengi í lok sýningar. Kirkjulundi og þriðji og síðasti
hlutinn undir berum himni í garði milli kirkjunnar og Kirkjulundar.
Fjör í barnamessu.
Tekið á móti veglegum styrk frá
Samkaupum í Velferðarsjóðinn
fyrir jólin 2014.