Víkurfréttir - 12.02.2015, Blaðsíða 22

22 fimmtudagurinn 12. febrúar 2015 • VÍKURFRÉTTIR
-íþróttir pósturu seth@vf.is
„Við fengum SMS frá félögum
okkar í nóvember þegar ljóst var
að Ísland fékk sæti á HM – og þar
var lagt á ráðin að fara í þessa
ferð. Á þeim tíma voru litlar líkur
á því að þetta gæti gengið upp,“
segja þeir félagar þegar þeir eru
inntir eftir aðdragandanum að
því að þeir fóru til Katar.
„Staðan breyttist síðan þegar hringt
var frá skrifstofu HSÍ rétt fyrir jólin
– þar fengum við boð um að fara,
allt frítt, í boði mótshaldara. Það
var ekki hægt að láta slíkt framhjá
sér fara og tveir félagar okkar bætt-
ust síðan í hópinn með okkur. Þetta
símtal var lyginni líkast og það tók
smá tíma að ná þessu.“
Einar Sigurpálsson og Ólafur Thor-
dersen, miklir stuðningsmenn ís-
lenska landsliðsins, voru með þeim
í för en þeir hafa unnið fyrir hand-
boltahreyfinguna í yfir 30 ár.
Upplifun þeirra félaga af borginni
Doha var að mörgu leyti undarleg.
„Landið er lítið og skýjakljúfar eru
helstu einkenni borgarinnar sem er
umlukin eyðimörk. Það sem kom
okkur verulega á óvart var hversu
hrikalega léleg umferðamenn-
ingin var. Það fór vel um okkur á
glæsilegu hóteli þar sem allt var
innifalið nema barinn. Áfengislög-
gjöfin í Katar er engu lík – engar
undanþágur og bannað að vera
með áfengi á almannafæri. Sér-
valin hótel voru með bari og það
þurfti að skanna vegabréfið til þess
að komast inn á slíka staði. Bjór-
verðið var hátt, ca 1.200 – 1.600 kr
á ½ líter.“
Það var nægur frítími fyrir þá fé-
laga sem voru í Katar og það var
margt hægt að gera. „Við nýttum
okkur þá aðstöðu sem var í boði
á hótelinu; líkamsræktina, pottinn
og gufubaðið. Versluðum aðeins og
fórum í kvikmynda- og kaffihús.
Það var lítið annað við að vera. Við
fórum einnig í eyðimörkina á fjór-
hjól og þar héldum við að lands-
mót UMFÍ væri á dagskrá. Ekkert
nema tjaldborgir úti í eyðimörk-
inni. Það var virkilega gaman að
aka um á fjórhjólunum í sandinum.
Við fórum einnig á bak á kamel-
dýri og það var upplifun. Það eru
einnig skýrar reglur á ströndinni,
en þar má ekki vera ber að ofan,
aðeins stuttbuxur og bolur í boði.
Við vorum á kaldasta tíma ársins
í Katar en þrátt fyrir það var hita-
stigið á bilinu 20-25 gráður.“
Þeir sem eru fæddir í Katar telja
um 300.000 en tæplega 2 millj-
ónir búa í landinu – þar af 1,5
milljónir manns sem eru verka-
fólk eða í þjónustustörfum. „Íbúar
Kata vissu ekkert um Ísland. Það
er margt undarlegt þarna. Engin
smámynt, aðeins seðlar og hækkað
upp í næsta tug til þess að þurfa
ekki að gefa til baka. Bensínlíterinn
er á 36 kr og hamborgaramáltíð
á 750 kr. Þjónar á almenningsa-
lernum sem rétta manni pappírinn,
gríðarleg stéttaskipting og kon-
urnar í búrkum þar sem aðeins sést
í augun á þeim. Það er nokkuð ljóst
að við færum ekki aftur til Katar
nema að rík ástæða væri á baki við
slíka ferð. Það er lítið um að vera
þarna.“

Gísli og Hafsteinn eru báðir starf-
andi sem handboltadómarar í Olís
deildunum hér á landi og þeir velja
orðin af kostgæfni þegar þeir voru
spurðir um dómgæsluna á HM –
sem var umdeild, svo ekki sé meira
sagt. „Umræðan um dómgæsluna
var neikvæð, sérstaklega í leikjum
Katar. Það besta við þetta er að
við sjáum hvað íslensku dómar-
arnir eru góðir,“ segir þeir í léttum
tón. „Hvað varðar sögusagnir um
mútur til dómara á HM þá erum
við ekki í aðstöðu til þess að meta
það. Það hefur margt verið gagn-
rýnt og áhrifamenn úr röðum IHF
hér á Íslandi í gegnum tíðina hafa
gagnrýnt dómgæsluna og eftirlitið.
Gísli og Hafsteinn hafa hug
á því að dæma handbolta á
meðan þeir hafa gaman af
því.
„Við erum í þessu af því þetta er
skemmtilegt og það er borin
virðing fyrir því sem við erum
að gera. Við byrjuðum að dæma
árið 1982, þá 16-17 ára gamlir, og
vorum sjálfir að spila handbolta
með Keflavík. Tímabilin eru því 33
hjá okkur og í efstu deild frá árinu
1989. Það eru líkega 1.600 leikir að
baki í öllum aldursflokkum. Það fer
að styttast í þessu hjá okkur.“ Gísli
verður fimmtugur í haust og Haf-
steinn næsta vor. „Það gæti verð
fínt að henda þetta eftir 35 tíma-
bilið eftir 1-2 ár.“
Þegar þeir eru spurðir um furðu-
legasta atvikið á löngum dómar-
ferli kemur þessi saga fram.
„Það er alltaf gaman að fara í leiki
og höfum við dæmt mikið úti á
landi og þá sérstaklega á Akur-
eyri og í Vestmannaeyjum. Áður
fyrr vorum við ekkert í sérstöku
uppáhaldi á þessum stöðum. Sér-
staklega þegar Gísli dæmdi í fót-
boltanum líka og áhorfendur fengu
ekki frið eða pásu frá Gísla allt árið.
Eitt skiptið á Akureyri vorum við
að dæma og aðkomuliðið var ekki
ánægt með okkar verk í lokin og
voru þá mikil læti. Það tók okkur
þó nokkurn tíma til að klára skýrslu
eftir leik og vorum því seinir úti
á flugvöll. Þar var aðkomuliðið
komið og farið inn í vél og tjáði
öllum að allir væru komnir. Þegar
við komum út á flugvöll var búið
að setja vélina í gang og við skildir
eftir – sunnudagskvöld á Akureyri
og við gerðum bara gott úr því og
fórum snemma morguninn eftir.”
Gísli Hlynur Jóhannsson og Hafsteinn Ingibergsson upplifðu heimsmeistaramótið í handknatt-
leik í Katar frá hliðarlínunni sem stuðningsmenn Íslands. Þeir félagar eru virkir í starfi HSÍ sem dómarar og
þeir hafa farið á fjölmörg stórmót á undanförnum árum. Víkurfréttir fékk þá félaga til þess að fara í örstuttu
máli yfir ferðasöguna til Katar – þar sem margt kom þeim á óvart.
- Suðurnesjamennirnir Gísli og Hafsteinn upplifðu HM í Katar frá hliðarlínunni.
Bannað að vera ber
á ofan á ströndinni
Bjarni Sigurðsson var endur-kjörinn sem formaður skot-
deildar Keflavíkur á aðalfundi
félagsins fyrir skemmstu. Bjarni
varð sjálfkjörinn í embættið
og situr sama stjórn og í fyrra.
Bjarni segir í samtali við Víkur-
fréttir að deildin standi nokkuð
vel fjárhagslega en skortur á inni-
æfingaaðstöðu hamlar starf fé-
lagsins.
„Við keyptum nýverið tvær nýjar
leirdúfukastvélar sem verða settar
upp í vor. Úitsvæðið okkar er mjög
flott og er búið að eyða mjög miklu
í endurbætur á riffilvellinum. Eina
sem okkur vantar er að fá inniað-
stöðu fyrir „smærri caliber“ til
að standa jafnfætis öðrum skot-
félögum á landinu. Það er nokkuð
undarleg staða og til skammar – þar
sem við erum næst stærsta skot-
íþróttafélag á landinu,“ segir Bjarni
en vonir stóðu til að fá inniaðstöðu
á Patterson flugvellinum sem her-
inn skildi eftir og er hannað fyrir
inniskotfimi.
„Við erum með hripleka loftbyssu
aðstöðu á Sunnubrautinni sem við
fengum á sínum tíma en er að sjálf-
sögðu betri en engin. Við stönd-
um klárlega ekki jafnfætis öðrum
íþróttagreinum í Reykjanesbæ
þar sem við stöndum sjálfir undir
rekstri á öllum okkar húsum.“
Keppnisliðið úr Keflavík endaði í
fjórða sæti í liðakeppni á síðasta
móti sem fram fór í Egilshöll en þar
tók fimm lið þátt. „Við getum verið
sátt að ná slíkum árangri miðið
við að inniaðstaðan til æfinga er
enginn.“
Eitt mót á vegum STÍ mun fara
fram á keppnissvæðinu hjá skot-
deild Keflavíku í maí – þar sem
nýju vélarnar verða notaðar.
Stöndum ekki jafnfætis öðrum
Skortur á inniaðstöðu hjá næst fjölmennasta skotfélagi landsins
Fjórmenningarnir frá Suðurnesjum í fjöri með fleirum.
Hafsteinn, Gísli og Einar Sigurpálsson sleikja sólina.