Víkurfréttir - 16.07.2015, Blaðsíða 2

2 fimmtudagur 16. júlí 2015 • VÍKURFRÉTTIR
-fréttir pósturu vf@vf.is
„Þetta er nánast árlegt vandamál.
Allavega einu sinni yfir sumarið
er búið að rífa upp sumarblóm og
búið að grýta þeim um svo að þau
liggja eins og hráviði um svæðið.
Oft gerist þetta þegar blómin eru
nýkomin en svo gerist þetta líka
núna í júlí,“ segir Berglind Ás-
geirsdóttir, garðyrkjufræðingur
hjá vinnuskóla Reykjanesbæjar.
Sumarblómum hefur ítrekað
verið kippt upp úr moldinni í
skrúðgarðinum í Keflavík.
Berglind segir að ekki sé um að
ræða örfá blóm, heldur séu þetta
tugir blóma víða um skrúðgarðinn.
Sum liggi jafnvel enn hálf í holunni.
„Blómastúlkurnar hjá vinnuskóla
Reykjanesbæjar sjá um að gera
beðin fín og setja niður sumar-
blóm, vökva og týna dauð blóm.
Þá er leitt að horfa upp á að búið
sé að skemma það sem búið var að
eyða tíma í. Það virðist einhverjum
finnast þetta spennandi og kannski
kunna ekki að umgangast blóm, ég
veit ekki. Ég á erfitt með að ímynda
mér að þetta sé bara einskær ásetn-
ingur. Þetta er eitthvað nýtt sem
laðar að.“
Þá segir Berglind einhverja hafa
nefnt við hana að hafa séð til barna
henda blómunum í hvert annað í
einhverjum leik, en hún hafi engar
sannanir fyrir því. „Lögreglan var
eitt sinn kölluð til í skrúðgarðinn
í Njarðvík þar sem fullorðinn ein-
staklingur var að ná sé í sumar-
blóm, setja þau í bakka að fara með
þau heim. Honum var gert að setja
þau aftur á sinn stað.“
Berglind segist aðallega vilja vekja
athygli á þessu og ef einhver verður
vitni af slíkum skemmdaverkum þá
væri gott ef hann gæti látið lögregl-
una eða þau hjá vinnuskólanum
vita. „Þetta eru bara skemmdar-
verk. Við förum þó alltaf og lögum
þetta, við gefumst ekkert upp.“
Sumarblóm liggja eins og hráviði um garðinn:
Skemmdarverk í skrúð-
garðinum í Keflavík
Söngvararnir Egill Ólafsson, Eyþór Ingi Gunn-laugsson, Pétur Guðmundsson og Stefanía Svav-
arsdóttir munu taka þátt í sýningunni Lög unga
fólksins í ár þar sem horft verður til hins vinsæla
útvarpsþáttar með tilheyrandi nostalgíu. Lög unga
fólksins eru hátíðarsýnins Ljósanætur og fimmta
sýning hópsins Með blik í auga en sýningar fara fram í
Andrews leikhúsinu á Ásbrú.
Söngvurum til halds og traust verður að venju stór-
hljómsveit undir stjórn tónlistarsjóra Arnórs B. Vil-
bergssonar auk bakraddanna og bryddað verður upp á
ýmsum nýjungum í sviðsetningu að sögn aðstandenda.
Kynnir er að venju Kristján Jóhannsson og hefst miða-
sala 10. ágúst.
Egill, Eyþór, Pétur og Stefanía
í Lögum unga fólksins
STÖRF Í BOÐI
HLJÓMAHÖLL
VIÐBURÐIR
FRAMUNDAN
ÁTTU PÓSTKORTASAFN
SEM ÞÚ VILT SÝNA?
Velferðarsvið: Starfsfólk í liðveislu.
Njarðvíkurskóli: Kennari í afleysingar.
Hljómahöll: Umsjónarmaður veitinga.
Fræðslusvið: Talmeinafræðingur.
Holtaskóli: Umsjónakennari yngsta stig.
Sækja skal um öll störfin á vef Reykjanesbæjar,
www.reykjanesbaer.is/stjornkerfi/laus-storf þar sem einnig
er að finna upplýsingar um menntunar- og hæfniskröfur,
starfssvið og tengilið.
Stapi 24. október:
Af fingrum fram með Gunnari Þórðarsyni
og Jóni Ólafssyni.
Stapi 30. desember:
Hljómsveitin Valdimar kemur fram á stórtónleikum.
Miðasala í fullum gangi á hljomaholl.is.
Bókasafn Reykjanesbæjar óskar eftir póstkortasafni
til að sýna í læstum glerskáp á jarðhæð Ráðhússins.
Áhugasamir hafi samband við Sigurrósu í bókasafn-
inu sími 421-6770 milli kl. 09:00 og 16:00 virka daga eða í
netfangið sigurros.i.sigurbergsdottir@reykjanesbaer.is.
ER NÁGRANNI ÞINN
AÐ GERA GÓÐA HLUTI?
SEGÐU OKKUR FRÁ ÞVÍ!
SUMARSÝNINGAR
DUUS SAFNAHÚSA
Umhverfissvið mun veita umhverfisviðurkenningar í
sumarlok. Óskað er eftir ábendingum frá íbúum bæjar-
ins um fallega garða, fallega endurbyggingu á gömlum
húsum og lóðum hjá einstaklingum og fyrirtækjum.
Hægt er að senda ábendingar á netfangið
berglind.asgeirsdottir@reykjanesbaer.is eða hringja
í Þjónustumiðstöð Reykjanesbæjar í síma 420-3200,
milli kl. 08:00 og 16:00.
Huldufley.
Skipa- og bátamyndir Kjarvals.
Klaustursaumur og filmuprjón.
Textíll í höndum kvenna.
Konur í sögu bæjarins.
Brot úr sagnaþáttum Mörtu Valgerðar Jónsdóttur.
Sýningarnar standa til 23. ágúst. Duus safnahús eru
opin alla daga kl. 12:00 – 17:00 og er aðgangur ókeypis.