Víkurfréttir - 16.07.2015, Blaðsíða 4

4 fimmtudagur 16. júlí 2015 • VÍKURFRÉTTIR
-fréttir pósturu vf@vf.is
Keilir hefur undirritað sam-komulag við Arctic Ad-
ventures um samstarf og aðkomu
þeirra að leiðsögunámi í ævin-
týraferðamennsku sem skólinn
hefur starfrækt í samstarfi við
Thompson Rivers University
(TRU) síðan haustið 2013.
Samstarfið snýr að aðgengi nem-
enda námsins að sérhæfðum bún-
aði til flúðasiglinga og jöklaferða,
auk þess sem samstarf verður milli
aðilanna við kennslu og undir-
búning námskeiða. Þá munu Arc-
tic Adventures bjóða útskrifuðum
nemendum námsins upp á mögu-
leika til starfa á sviði ævintýraferð-
mennsku sem fullt starf enda eru
mikil atvinnutækifæri fyrir faglega
menntaða ævintýraleiðsögumenn
innan greinarinnar.
Afþreyingarferðamennska er
meðal þeirra greina ferðaþjónust-
unnar sem vex hvað hraðast hér á
landi og eru mikil atvinnutækifæri
innan greinarinnar bæði hérlendis
og erlendis. Leiðsögunám Keilis
og TRU í ævintýraferðamennsku
tekur átta mánuði og fer um helm-
ingur námsins fram víðsvegar um
landið. Áhersla er lögð á verklega
nálgun á vettvangi í náttúru Íslands,
til að mynda í sjókajaknámskeiði á
Breiðfirðinum, við flúðasiglingar
á Hvítá eða við klifur á Svínafells-
jökli. Að hámarki eru teknir inn
um tuttugu nemendur árlega og
hafa þeir verið mjög eftirsóknar-
verðir starfskraftar innan greinar-
innar að námi loknu, en auk þess
hafa nemendur úr náminu haldið
áfram háskólanámi við TRU.
Samstarf Keilis og Arctic Ad-
ventures var undirritað af Arnari
Hafsteinssyni, forstöðumanni
Íþróttaakademíu Keilis og Styrmi
Þór Bragasyni, framkvæmdastjóra
Arctic Adventures, en hann væntir
mikils af samstarfinu. „Það er mjög
mikilvægt að fólk með áhuga á
útivist og ferðaþjónustu sæki sér
í auknu mæli menntunar á því
sviði“ segir Styrmir. „Við höfum
ráðið til okkar nýútskrifaða nem-
endur úr náminu og höfum góða
reynslu af þeim starfmönnum og
þeirri þjálfun sem þeir hafa hlotið
í náminu. Við munum áfram leitast
eftir að bjóða nýútsrifuðum nem-
endum framtíðarstarf hjá Arctic
Adventures, Glacier Guides og
Trek Iceland, sem í dag er stærsta
ævintýraferðaþjónustu fyrirtæki
landsins.“
Þriðji árgangur nemenda í leið-
sögunámi í ævintýraferðamennsku
hefur nám í lok ágúst næstkom-
andi og er enn hægt að sækja um
í námið. Nánari upplýsingar má
nálgast á www.adventurestudies.is
Keilir í samstarf við Arctic Adventures
Leiðsögunám í ævintýraferðamennsku
Ferðaþjónustuf yrirtækið Gray Line hefur undanfarna
mánuði skoðað möguleikann á
því að bjóða beinar rútuferðir
milli Keflavíkurflugvallar og
Akureyrar. Þannig yrði að
hluta til mætt þörfum farþega í
millilandaflugi sem eiga erindi
norður eða að norðan.
„Hugmyndin er að ferðirnar verði
í tengslum við komur og brott-
farir á Keflavíkurflugvelli síð-
degis. Við teljum að við þurfum
að byrja með a.m.k tvær ferðir
í viku, síðdegis til Akureyrar og
að norðan að morgni dags,“ segir
Þórir Garðarsson, framkvæmda-
stjóri sölu- og markaðssviðs Gray
Line, og bætir við að með þessu
móti gætu farþegar verið komnir
til Akureyrar fyrir miðnætti sama
dag og þeir lenda. Á sama hátt
gætu þeir náð síðdegisflugi frá
Keflavíkurflugvelli sama dag og
þeir leggja af stað frá Akureyri.
Gray Line leggur áherslu á að
ferðalagið verði þægilegt og
ánægjulegt og mun leggja til
leiðarinnar lúxusrútur úr flota
fyrirtækisins. Fyrirtækið hefur
kynnt þessi áform fyrir ýmsum
aðilum í ferðaþjónustunni og
fengið ágætar undirtektir.
„Beint flug til Akureyrar hefur
verið reynt og ekki gengið upp.
Vafalítið mun koma að því að
slíkar ferðir geti orðið sjálfbær
kostur. En meðan verið er að
skapa þann markað teljum við far-
sælast að byggja á þeirri staðreynd
að mestallt millilandaflug fer um
Keflavíkurflugvöll. Sá flugvöllur
þjónar öllum áfangastöðum er-
lendis en viðbúið er að beint flug
til Akureyrar tengist aðeins einum
áfangastað erlendis. Við teljum
því skynsamlegast í stöðunni að
megináherslan í markaðssetningu
Norðurlands beinist áfram að
flugfarþegum sem fara um Kefla-
vikurflugvöll, enda fara þar um 9
af hverjum 10 ferðamönnum sem
hingað koma,“ segir Þórir enn-
fremur.
Að mati Gray Line geta beinar
rútuferðir milli Keflavíkurflug-
vallar og Akureyrar stuðlað að
lengri dvöl ferðamanna fyrir
norðan og verið ákjósanlegur val-
kostur fyrir þá sem eiga aðeins er-
indi þangað og ætla ekki að stoppa
á höfuðborgarsvæðinu.
Ferðaþjónustufyrirtækið Gray Line vill mæta þörfum farþega:
Skoða rútuferðir milli Kefla-
víkurflugvallar og Akureyrar
Glæpasögur fyrir þýskt sjónvarp myndaðar á Suðurnesjum:
Sandgerðingum borgað
fyrir að mæta í jarðarför
XuUndanfarnar vikur hefur verið unnið að fram-
leiðslu þýskra kvikmynda hér á landi þar sem sögu-
sviðið er m.a. náttúra og byggðir Suðurnesja. Þannig
hafa umfangsmiklar tökur farið fram í Grindavík og á
dögunum fóru fram upptökur í Hvalsneskirkjugarði.
Daginn fyrir tökur var auglýst eftir fólki í Sandgerði
til að mæta í jarðarförina og að fólk fengi greitt fyrir
þátttöku í útförinni.
Það er íslenska kvikmyndafyrirtækið Oktober sem er
að þjónusta þýska kvikmyndafyrirtækið Neue Deutsche
Filmgesellschaft (NdF) sem í samvinnu við sjónvarp-
stöðina ZDF í Þýskalandi er að leggja grunn að röð sjón-
varpsmynda sem allar gerast á Íslandi.
Sögurnar eru glæpasögur og eru allar aðalsöguhetjurnar
íslenskar en leiknar af þýskum leikurum á þýsku. Sög-
urnar eiga það sameiginlegt að gerast allar hér á landi og
draga efnivið sinn úr íslenskum veruleika.
Áætlað er að gera 2-3 myndir á ári næstu 3 árin.
Á árinu 2015 verða teknar upp 2 myndir.
Meðfylgjandi myndir voru teknar á tökustað á Hvalsnesi.
VF-myndir: Hilmar Bragi.
ATVINNA
Smiðjuvöllum 5 a // 230 Reykjanesbær // Sími: 578-6070
Vegna mikilla anna auglýsum
við lausa stöðu í afgreiðslu:
Starfið felur einkum í sér almenna þjónustu við viðskiptavini
fyrirtækisins, kennslu á tæki og skjalafrágang.
Hæfniskröfur:
Rík þjónustulund, tölvukunnáta, tungumálakunnáta, bílpróf
og áhugi á ferðaþjónustu. Lágmarksaldur er 20 ár.
Við sækjumst eftir duglegu fólki af báðum
kynjum í skemmtilegt og krefjandi starf,
frá miðjum júlí fram til loka september 2015.
Ítarleg kennsla fer fram áður en starfsfólk hefur störf
að starfsstöð okkar, Smiðjuvöllum 5 a, Reykjanesbæ.
Umsókn sendist með upplýsingum um starfsferil (CV)
og mynd á iceland@mcrent.is. Umsóknin skal berast
fyrir 27. júlí næstkomandi.
Nánari upplýsingar eru veittar í síma 578-6070.
ATVINNA
Starfsmaður óskast í póstútburð í Vogum,Vatnsleysuströnd.
- 50% starf
- Framtíðarstarf
Nánari upplýsingar í síma 847 8770
eða á netfangið eli1@simnet.is
www.vf.is
83% LESTUR
+