Víkurfréttir - 16.07.2015, Blaðsíða 10

10 fimmtudagur 16. júlí 2015 • VÍKURFRÉTTIR
Tíu manna hópur leikskólakennara frá Tékklandi heimsótti nýlega Reykjanesbæ til að kynna sér
það öfluga starf sem unnið er í leikskólum bæjarins.
Að sögn Ingibjargar Bryndísar Hilmarsdóttur leik-
skólafulltrúa hafa heimsóknir verið tíðar sl. tvö ár
og þá sérstaklega til að kynna sér hvernig áherslu-
þáttum eins og læsi og stærðfræði er fléttað saman
við námið. Flestar heimsóknir hafa verið frá höfuð-
borgarsvæðinu.
Leikskólakennararnir frá Tékklandi höfðu aðsetur
í Reykjanesbæ og notuðu þeir tækifærið til þess að
skoða sig um á Suðurnesjum í heimsókninni. Megin-
markmið hópsins var að kynna sér íslenskt leikskóla-
starf og dvaldi hópurinn í þeim tilgangi í þrjá daga í
leikskólanum Hjallatúni, en þar er starfað eftir fjöl-
greindarkenningu Howards Gardner. Einnig átti
hópurinn fund með leikskólafulltrúa og sérkennslu-
ráðgjafa leikskóla þar sem gestirnir fengu innsýn og
kynningu á leikskólastarfi í Reykjanesbæ og stöðu leik-
skólamála á Íslandi. Áhugavert var að heyra hvað það
var sem vakti athygli gestanna í íslenskum leikskóla
og hvað það er sem greinir þá frá leikskólum í heima-
landinu, segir í frétt á heimasíðu Reykjanesbæjar.
„Verkefnið er bæði
spennandi og áhuga-
ver t og er starfs-
m a n n a h ó p u r i n n
fullur tilhlökkunar
að takast á við það,“
segir Kristín Helga-
dóttir leikskólastjóri
á leikskólanum Holti
í Reykjanesbæ, en skólinn fékk á
dögunum góðan styrk frá Eras-
mus+.
Með styrknum er ætlað að vinna
samstarfsverkefni með skólum í
þremur löndum í Póllandi, Slóven-
íu og á Spáni. Verkefnið ber heitið
„Through democracy to literacy“
og mun standa yfir næstu tvö árin.
Holt er stýriskóli verkefnisins og
heldur utan um skýrslur og verk-
efnið í heild. Þá gerir styrkurinn
skólanum kleift að ferðast til þess-
ara landa, skoða og kynnast starfi
samstarfsskólanna. „Eins og nafnið
ber með sér þá ætlar starfsfólk að
rýna í lýðræði og læsi og skoða
hvernig það stendur að þessum
þáttum í skólastarfinu. Markmiðið
er að bæta vinnubrögðin og læra
nýja hluti,“ segir Kristín.
Leikskólinn Holt fær Erasmus+ styrk:
Bæði spennandi og áhuga-
vert, segir leikskólastjóriBókhald, virðisaukaskattskil,
launaútreikningur,
gerð ársreiknings og skattframtals
Veitum faglega þjónustu
apal@apal.is ı Sími 535 0220
Tékkar kynntu sér leik-
skólastarf í Reykjanesbæ
-mannlíf pósturu vf@vf.is
Kvenfélagið Fjóla bauð öllum bæjarbúum Voga í afmælisveislu. Vildu þakka veittan stuðning í tæpa öld:
Mikil endurnýjun og öflugt
starf í kvenfélaginu í Vogum
Kvenfélagið Fjóla í Vogum fagnaði 90 ára afmæli 5. júlí sl. og af því tilefni buðu fé-
lagskonur öllum íbúum Sveitarfélagsins Voga
til veislu í Tjarnarsalnum. „Ég er ekki búin að
telja nöfnin í gestabókinni en líklega komu
400-500 manns. Ég hef aldrei séð svona margt
fólk í Tjarnarsalnum, röðin var út á götu.
Þarna voru ekki aðeins bæjarbúar heldur
ættingjar þeirra víða að,“ segir Hanna Helga-
dóttir formaður í samtali við Víkurfréttir.
Kvenfélagið vildi bjóða bæjarbúum til kaffi-
samsætis til að þakka fyrir veittan stuðning í
gegnum tíðina. 52 konur eru skráðir sem fé-
lagar, ásamt heiðurskonum, sú yngsta 25 ára.
„Elsta sem er enn að koma á fundi og í ferðir
með okkur er 83 ára og meðalaldur er í kringum
40 ár. Því hefur endurnýjun verið mjög mikil og
það er mjög jákvætt og alls ekki sjálfgefið,“ segir
Hanna. Elsa Björnsdóttir var heiðruð og einnig
Hrefna Kristjánsdóttir sem var búin að vera
formaður í 12 ár, en hún átti ekki heimangegnt
í Tjarnarsal þennan dag.
Kvenfélagið Fjóla er, ásamt 9 öðrum kven-
félögum, í Sambandi Gullbringu- og Kjósa-
sýslu. Það er 5. stærsta félagið í því sambandi
þrátt fyrir að vera í einu af fámennustu sveitar-
félögunum. „Þetta er öflugt félag og við erum
mjög duglegar,“ segir Hanna að lokum.