Víkurfréttir - 14.04.2016, Qupperneq 8

8 fimmtudagur 14. apríl 2016VÍKURFRÉTTIR
Sigurbergur Theodórsson
og Þórey Guðmundsdóttir
stóðu upp sem sigurvegarar
í Superform áskorun 2016.
Áskorunin hófst 11. janúar
og stóð í 12 vikur. Veitt voru
verðlaun fyrir besta árangur-
inn á glæsilegri árshátíð Su-
perform í Hljómahöll síðasta
laugardag.
Í ár voru tæplega 130 kepp-
endur skráðir til leiks og var
það umtalsverð fjölgun frá
fyrra ári. Mjótt var á munum
þeirra sem lentu í efstu
sætum. Heildarverðmæti
verðlauna í keppninni voru
rúmar 1,6 milljón króna og
voru veitt verðlaun fyrir þrjú
efstu sætin í karla- og kvenna-
flokki. Sigurvegararnir, þau
Þórey og Sigurbergur, fengu
hvort í sinn hlut 100.000
krónur og ýmis gjafabréf. Í
öðru sæti í kvennaflokki var
Sveindís Guðmundsdóttir
og í því þriðja Auður Ey-
berg Helgadóttir. Í öðru sæti
í karlaflokki var Sigurður
Karlsson og Stefán Björnsson
í því þriðja.
Meðfylgjandi myndir voru
teknar á árshátíð Superform í
Hljómahöll um síðustu helgi.
ÞÓREY OG SIGURBERGUR
SIGRUÐU Í ÁSKORUN
SUPERFORM
Sigurbergur Theodórsson og Þórey Guðmundsdóttir voru
sigurvegarar áskorunar Supurform
Sigurður Karlsson og Sveindís
Guðmundsdóttir lentu í 2. sæti
Stefán Björnsson og Auður
Eyberg Helgadóttir höfnuðu í 3. sætiÞrír efstu keppendur í karla- og kvennaflokki
ATVINNA
Við leitum að bílstjóra í 80% starf,
þurfum einnig að bæta við okkur í þvottarhúsi.
Upplýsingar á staðnum.
Íslenska er skilyrði.
Iðavöllum 11b // 230 Reykjanesbæ // 421 3555
Keflvíkingingurinn Fannar Óli Ólafs-
son hefur undanfarið ár haldið úti
vefsíðunni Veröldin.net. Vefsíðan er
hugsuð sem upplýsingaveita um vís-
indafréttir samtímans. Fannar fékk
hugmyndina að vefsíðunni þegar
hann var erlendis í námi en hann fann
að áhugi hans lá á sviði vísinda.
„Ætli þetta hafi ekki byrjað með Lif-
andi Vísindum þegar ég var strákur,
en annars hef ég verið áhugamaður
um vísindafréttir lengi. Ég fer svo að
taka eftir því að það vantar netmiðil
sem er að koma með daglegar fréttir
af vísindum, en ekki bara tímarit
sem kemur út einu sinni í mánuði.
Ég fann að þegar ég var að segja frá
svona fréttum þá hafa margir áhuga
á þeim, samt er fólk ekkert mikið að
leita af svona fréttum dagsdaglega
á erlendum miðlum,“ segir Fannar
sem var að læra upptökufræði þegar
hugmyndinni skaut upp í kollinn á
honum.
Sérfræðingur hjá Morgunútvarpinu
Viðtökur við síðunni hafa verið góð-
ar og eru vinsældir hennar sífellt að
aukast. Fannar er nemi í lífefnafræði
en hann hyggst leggja vísindin fyrir
sig og auka við starfsemi vefsíðunnar
þegar tími gefst til í framtíðinni. Nú
er hann í fullu námi og vinnur með,
þannig að vefsíðan er rekin í hjá-
verkum. Fannar hefur að undanförnu
stimplað sig inn sem sérfræðingur hjá
Morgunútvarpinu á Rás 2 þar sem
hann hefur verið reglulegur gestur
þegar fræðast þarf um vísindatengd
málefni.
„Þetta er oft frekar flókið fyrir hinn
almenna borgara, myndi ég halda.
Flestir skilja lítið þegar þeir lesa svona
greinar á ensku og tungutakið sem
fylgir vísindum. Ég reyni þannig að
þýða þetta og útskýra á mannamáli,“
segir Fannar en hann notast talsvert
við myndir og myndbönd til þess að
gera efnið enn aðgengilegra. Í fram-
tíðinni getur hann hugsað sér að fást
við einhverja dagskrárgerð sem teng-
ist vísindunum, hvort sem það væri í
sjónvarpi eða á vefnum. „Mér finnst
rosalega gaman að fylgjast með þessu
vaxa og dafna. Ég taldi mig ekkert hafa
mikinn áhuga á fjölmiðlum en eftir
að hafa verið í þessu núna í ár þá hef
ég mjög gaman af því að miðla upp-
lýsingum til fólks.“
Vinsælustu fréttir síðunnar eru oft
um tækni og geimvísindi en annars
er fjallað um nánast allt milli himins
og jarðar á Veröldinni. „Þetta er mjög
mismunandi hvað kemst á flug hverju
sinni. Markmiðið með þessu er að
reyna að vekja áhuga allra á vísindum
og hvað þau eru mögnuð. Mér finnst
mjög skemmtilegt og krefjandi að læra
eitthvað nýtt. Maður veit ekkert allt
og því er gaman að fræðast um þessa
hluti,“ segir hinn fróðleiksfúsi Fannar
að lokum.
Fræðir landsmenn um
veröldina og vísindi
●● Fannar●Óli●heldur●úti●vefsíðunni●Veröldin.net