Víkurfréttir - 14.04.2016, Síða 18

18 fimmtudagur 14. apríl 2016VÍKURFRÉTTIR
Við leitum að drífandi og
jákvæðu starfsfólki í verslun
okkar í Reykjanesbæ.
Gæði, reynsla og gott verð!
Hæfniskröfur:
Reynsla af afgreiðslustörfum æskileg
Hæfni í mannlegum samskiptum nauðsynleg
Áreiðanleiki og jákvæðni nauðsynleg
Frumkvæði og skipulögð vinnubrögð nauðsynleg
Almenn þekking og áhugi á bílum og bílavörum æskileg
Almenn tölvukunnátta æskileg
Um er að ræða sumarstörf. Starfið felst
í almennum verslunarstörfum og öðrum
tilfallandi verkefnum.
Umsóknum ásamt meðmælum skal skilað á atvinna@bilanaust.is,
umsóknarfrestur er til og með 20. apríl.
Farið verður með allar umsóknir sem trúnaðarmál.
REYKJAVÍK, Dvergshöfða 2, KÓPAVOGUR, Smiðjuvegi 4a, græn gata,
HAFNARFJÖRÐUR, Dalshrauni 17, SELFOSS, Hrísmýri 7, AKUREYRI,
Furuvöllum 15, EGILSSTAÐIR, Lyngási 13
Sími: 535 9000www.bilanaust.is
REYKJANESBÆR, Krossmóa 4
Þó að næstum áratugur sé liðinn frá
því björgunarþyrlur Varnarliðsins á
Keflavíkurflugvelli yfirgáfu Ísland þá
er þyrlubjörgunarsveitin (56th Rescue
Squadron) ennþá til. Hún er í dag
staðsett hjá Royal Air Force í Laken-
heath á Englandi. Þar gegnir hún
sömu störfum og áður þó að verkefnin
séu mun hernaðarlegri en þegar hún
var hér á landi.
Þyrlubjörgunarsveit Varnarliðsins var
með aðstöðu í flotastöðinni á Kefla-
víkurflugvelli á árunum 1971 til 2006.
Á þeim árum fóru þyrlur sveitarinnar í
næstum 500 björgunarleiðangra víðs-
vegar um Ísland og út á haf við landið.
Björgunarleiðangrar þyrlusveitarinnar
voru annað hvort á vegum Varnar-
liðsins eða í nánu samstarfi við Land-
helgisgæsluna og íslenskar björgunar-
sveitir.
Þegar þyrlusveitin kom til baka úr
björgunarleiðangri var sérstakt tákn
fyrir leiðangurinn málað á vegg í stóra
flugskýlinu á Keflavíkurflugvelli. Í
skýli 885 er enn mikil saga á veggjum
sem minnir á veru sveitarinnar. Ár-
töl áranna 1971 til 2006 eru máluð á
v e g g -
ina og síðan má sjá tákn fyrir skip,
flugvélar, Ísland, eldfjöll, jeppa, vél-
sleða og jafnvel loftbelg. Táknin eru
svo rauð eða græn, allt eftir því hvort
björgunarleiðangurinn var alfarið á
vegum þyrlusveitarinnar eða hvort
hún var íslenskum viðbragðsaðilum
til aðstoðar.
Núverandi liðsmönnum þyrlusveitar-
innar 56th Rescue Squadron var ekki
kunnugt um þá sögu sem er að finna
á veggjum flugskýlis 885 á Keflavíkur-
flugvelli. Það var ekki fyrr en Sigurður
Björgvin Magnússon, starfsmaður í
flugvallarþjónustudeild Isavia, tók
sig til og ljósmyndaði söguna og setti
inn á fésbókarsíðu NASKEF, þar sem
fyrrum Varnarliðsfólk miðlar reynslu-
sögum og myndum frá árunum á
Keflavíkurflugvelli, að boltinn fór að
rúlla.
Félagar í þyrlusveitinni hafa verið í
nánu sambandi við Sigurð, sem eins
og áður segir, myndaði veggina sem
höfðu að geyma minningar um allar
björgunarferðirnar á Íslandi. Vegg-
irnir eru annars vegar steyptir og
svo einnig úr stáli. Þeir eru farnir
að láta á sjá, þar sem engin kynding
er í flugskýlinu í dag og raki farinn
að skemma málninguna. Það hefur
svo komið í hlut Andrej Pulver, að-
stoðarflugmanns á Pave Hawk þyrlu
björgunarsveitarinnar, að endurgera
veggina í aðstöðu þyrlusveitarinnar í
Lakenheath.
Andrej Pulver var rúma viku að mála
tæplega 500 tákn frá árunum á Íslandi
en samtals eru björgunarleiðangrar
sveitarinnar í dag orðnir 958 talsins
en í seinni tíð eru leiðangrar þyrlu-
sveitarinnar orðnir meira í hernaðar-
legum tilgangi við björgun hermanna.
Gamla þyrlubjörgunarsveit Varnar-
liðsins hefur haft aðsetur í Laken-
heath á Englandi en mun brátt flytja
sig um set og setjast að til framtíðar á
Ítalíu. Veggirnir úr skýli 885 á Kefla-
víkurflugvelli verða því væntanlega
endurgerðir aftur á Ítalíu, enda segja
talsmenn sveitarinnar að táknin séu
áminning um fortíð sveitarinnar og
saga sem ekki megi gleymast.
Það var líka önnur saga sem Sigurður
Björgvin bjargaði úr flugskýli 885 á
Keflavíkurflugvelli. Loftaflísar í að-
stöðu þyrlusveitarinnar höfðu margar
hverjar að geyma mikla sögu. Með-
limir þyrlusveitarinnar á árunum
1971 til 2006 höfðu sett fótspor sín
í flísarnar með grænni málningu
og skrifað nöfn sín þar við og ártöl.
Sigurður tók niður á milli 300 til 400
loftaflísar sem hafa nú verið fluttar
til herstöðvar í Englandi sem ætlar
að koma flísunum til réttra eigenda.
Sigurður hafði birt myndir af flísunum
á fésbókarsíðu NASKEF og þar sáu
ekkjur fallinna hermanna nöfn og fót-
spor sem tilheyrðu þeim.
Nú er hins vegar spurning hvort við
Íslendingar viljum halda í þessa björg-
unarsögu þyrlubjörgunarsveitar Varn-
arliðsnis. Stóra flugskýlið, 885 á Kefla-
víkurflugvelli, er á lista yfir mannvirki
sem verða brátt rifin og munu víkja
fyrir nýjum mannvirkjum. Eins og
er þá hefur sagan verið ljósmynduð.
Hvort hún verði máluð á aðra veggi
á Keflavíkurflugvelli eða Ásbrú leiðir
framtíðin í ljós.
●● Allir●björgunarleiðangrar●merktir●á●veggi●flugskýlis●885●á●Keflavíkurflugvelli
Sögu þyrlusveitar Varnar-
liðsins bjargað frá glötun
Táknin máluð á veggi í flugskýli 885 á Keflavíkurflugvelli.
Síðasta björgunarþyrla varnarliðsins flutt frá Íslandi sumarið 2006.
Sigurður Björgvin Magnússon hefur myndað söguna á veggjum 885 og jafnframt
bjargað öllum loftaplötunum sem höfðu mikla sögu að geyma.