Læknablaðið - 01.04.2017, Síða 34

194 LÆKNAblaðið 2017/103
U M F J Ö L L U N O G G R E I N A R
minjasafnið. Honum leist vel á húsið en
fannst það of stórt til að búa í því. Hann
fór hins vegar á flug þegar við hittumst
og hann fór að velta fyrir sér möguleikum
þessa húss, sagði Högni.
Luckett sá fyrir sér fjölnotahús þar sem
hægt yrði að vera með sýningar af ýmsu
tagi, allt frá læknis- og líffræði, lýðheilsu
og náttúruvernd yfir í norðurljósa- og
stjörnuskoðun sem þakið á húsinu hent-
ar vel fyrir. Einnig væri hægt að koma
þar fyrir veitingahúsi. – Hann kynnti
þessar hugmyndir fyrir bæjarstjórn Sel-
tjarnarness og benti þeim meðal annars á
að það mætti spara töluvert í innrétting-
um hússins með því að nota tölvutækni til
þess að skipta húsinu upp í stað þess að
kaupa dýrar innréttingar, sagði Högni.
Samtímadeild Listasafnsins
Þá kemur að hlut Listasafns Íslands. Hall-
dór Björn Runólfsson sem lét af stöðu for-
stjóra Listasafnsins í byrjun ársins tók þátt
í hugmyndasmíðinni með Luckett, Högna
og fleirum. Hann hafði sótt myndlistar-
sýningu á Nesinu sumarið 2015 sem bar
nafnið Listería sem hljómar kunnuglega
í eyrum lækna. Þar voru meðal annars
sýnd verk eftir Finnboga Pétursson hljóð-
listamann og þá blasti við honum lausn á
ákveðnum vanda sem Listasafnið glímir
við.
– Við höfum verið að leita að hentugu
húsnæði fyrir nýja deild við safnið sem
við köllum Samtímadeild Listasafnsins,
sagði Halldór Björn við blaðamann. – Þar
gætum við sýnt nútímaverk eins og þau
sem Finnbogi gerir og einnig verk sem
gerð eru í margmiðlun, svonefnd víd-
eólistaverk og fleira í þeim dúr. Þetta hús
er kjörið fyrir slíka deild og getur vel
rúmast þar ásamt lækningaminjasafni.
Reyndar var ég beðinn um að sýna fram
á hvernig hægt væri að nýta húsið og átti
ekki í neinum vandræðum með að koma
þar fyrir tveimur söfnum, aðstöðu fyrir
kennslu og ráðstefnuhald ásamt kaffi- og
veitingasölu, sagði Halldór Björn. Hann
bætti því við að hann hefði rætt þessar
hugmyndir við fjölda listamanna sem
hefðu hrifist af þeim. Einnig sagði hann
ráðamenn Seltjarnarnesbæjar sjá talsverða
möguleika í því að fá veitingasölu í húsið,
hún gæti nýst til að efla útivist og heim-

LANDSPÍTALI ... ÞJÓNUSTA VIÐ LÍFIÐ SJÁLFT
NÁMSSTÖÐUR DEILDARLÆKNA Í ÖLDRUNARLÆKNINGUM VIÐ LANDSPÍTALA
Lausar eru til umsóknar námsstöður deildarlækna í öldrunarlækningum við Landspítala. Um
fullt starf og nám er að ræða og eru stöðurnar veittar til eins árs frá 1. september 2017 eða eftir
samkomulagi en möguleiki er á skemmri eða lengri ráðningu.
Starfsnámið er fjölbreytt og tekur til allra þátta öldrunarlækninga. Einnig er starfsnámið gott
innlegg til sérnáms í öldrunar-, heimilis- og lyflækningum og fleiri greinum sem og góð endur-
menntunarstaða fyrir starfandi heimilislækna. Þá má benda á möguleikann á starfsþjálfun í
öldrunarlækningum sem viðbótarsérgrein við heimilislækningar, sem er nýjung í sérfræði-
reglugerð lækna á Íslandi. Starfsvettvangur er á Landakoti og í Fossvogi. Vaktir eru á Landakoti.
Umsóknarfrestur er til og með 15.05.2017
Sjá nánari upplýsingar um starfið á heimasíðu Landspítala; www.landspitali.is/mannaudur
Landspítali er lifandi og fjölbreyttur vinnustaður þar sem yfir 5000 manns starfa í þverfaglegum teymum og samstarfi ólíkra
fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi.
Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.
Þegar blaðamaður var á ferð hafði Hönnunarmars lagt húsið undir textílsýningu.
Afgamlir fætur í
formalíni. Úr safni
Níelsar Dungal
sem er innan
vébanda Lækn-
ingaminjasafnsins.
Dæmi um holds-
veiki á höndum
og fæti, líklega frá
Holdsveikispítalan-
um í Laugarnesi.