Víkurfréttir - 29.11.2007, Blaðsíða 16
16 VÍKURFRÉTTIR Á NETINU • www.vf.is • LESTU NÝJUSTU FRÉTTIR DAGLEGA!VÍKURFRÉTTIR I 48. TÖLUBLAÐ I 28. ÁRGANGUR
Kynningarfundur Reykjanesbæjar og Félags eldri borgara á Suður-
nesjum um þjónustu við eldri borgara í
Reykjanesbæ var vel sóttur. Fundurinn
fór fram í Kirkjulundi sl. föstudag.
Á fundinum kynnti starfsfólk Reykjanes-
bæjar þjónustu við eldri borgara. Nes-
vellir kynntu þjónustu sína fyrir eldri
borgara og þá ræddi Guðrún E. Ólafs-
dóttir um hin undursamlegu efri ár.
Einnig voru Nesvellir kynntir fyrir eldri
borgurum en nú stendur yfir umfangs-
mikil uppbygging á Nesvallasvæðinu.
Nesvellir eru staðsettir á gamla knatt-
spyrnuvellinum í Njarðvík en svæðið
markast af veitingahúsinu Stapa og Sam-
kaup annars vegar og Njarðarbraut og
Vallarbraut hins vegar.
Í kynningu kom fram að Nesvellir eru
meira en hefðbundið íbúðasvæði eða
þjónustuíbúðir fyrir fólk sem náð hefur
a.m.k. 55 ára aldri og er barnlaust. Við
rekstur svæðisins verður lögð áhersla á
að vinna stöðugt að umbótum í þeim
tilgangi að uppfylla þarfir og væntingar
íbúa með það að leiðarljósi að bjóða að-
stöðu og félagsstarf sem íbúar Reykjanes-
bæjar vilja hafa aðgang að.
Nesvellir eru einstakur kostur fyrir eldri
íbúa af því að þar er verið að setja saman
heildstæða lausn sem uppfyllir þarfir
sem flestra, hvort sem í hlut eiga eru
fullhraustir einstaklingar/hjón, sem vilja,
og geta rekið eigið heimili, eða þeir sem
þurfa á einhverri aðstoð að halda.
Í raðhúsaíbúðum verður stefnt að því að
skapa andrúmsloft fyrir þá sem vilja sam-
eina það að búa sem lengst í sérbýli, en
hafa engu að síður aðgang að því öryggi
sem fylgir þjónustumiðstöð og nálægð
við samferðafólk. Í öryggisíbúðum og fjöl-
býli verður meiri áhersla á að nýta beina
tengingu við þjónustumiðstöð og nýta
sameign til þess að gefa fólki tækifæri til
að búa áfram í eigin íbúð með fullri þjón-
ustu og því öryggi sem fylgir því.
Í fyrsta áfanga framkvæmda á Nesvöllum
verður fólki boðið að leigja raðhús eða
öryggisíbúðir en síðar er fyrirhugað að
bjóða einnig til leigu íbúðir í fjölbýlis-
húsum og á hjúkrunarheimili. Allar
íbúðir verða glæsilega innréttaðar með
vönduðum gólfefnum, klæðningum og
innréttingum og verða jafnframt hann-
aðar sérstaklega til þess að gera öll heimil-
isstörf sem auðveldust.
Allar íbúðir verða afhentar til afnota full-
búnar, með vönduðum innréttingum,
heimilistækjum og eigin svölum eða ver-
önd. Lóð, bílastæði og innkeyrslur verða
fullfrágengin og íbúar þurfa ekki að hafa
áhyggjur af utanhússviðhaldi né vinnu
við lóð. Raðhús verða 95m² eða 125m²
í sérbýli á einni hæð. Húsin eru fyrir
heilsuhrausta einstaklinga og hjón sem
vilja búa í rúmgóðu sérbýli með sérinn-
gangi, innkeyrslu og/eða bílageymslu,
ásamt verönd og litlum garði.
Öryggisíbúðir verða 70 til 170m² með
sameign í fjögurra hæða húsi með kjall-
ara. Í hverri íbúð eru stofa, eldhús, bað,
1-2 svefnherbergi og 7m² svalir. Hverri
íbúð fylgir geymsla í kjallara. Íbúðirnar
eru góður kostur fyrir einstaklinga og
hjón sem vilja búa í öruggum tengslum
við þjónustu, í litlum eða rúmgóðum
íbúðum. Allar íbúðir hafa aðgang að
sameign þar sem m.a. eru breiðir gangar
með handriðum, setustofur, gestaíbúðir,
hjólageymslur, sorpgeymsla, bílastæði
og fleira.
Í þjónustu- og félagsmiðstöð verður ein
besta aðstaða fyrir félags- og tómstunda-
starf sem völ er á. Þar verður m.a. að-
staða fyrir félagsþjónustu Reykjanesbæjar
sem og stór hluti af dagskrá félagsstarfs
eldri borgara sem sveitarfélagið veitir. Í
boði verður skemmtilegt og fræðandi fé-
lagsstarf með tómstundum, námskeiðum
og heilsurækt.
Sérstök aðstaða verður í þjónustumiðstöð
fyrir heilsueflingu þar sem fyrirhugað er
að bjóða sjúkraþjálfun, leikfimi, líkams-
rækt, nudd, snyrtiþjónustu, baðaðstöðu
og fleira.
Í þjónustumiðstöð verður einnig aðstaða
fyrir dagvistun eldri borgara, auk þess
sem máltíðir og veitingaþjónusta verða í
boði. Einnig verður vinnuaðstaða í lista-
smiðju þar sem íbúum gefst kostur á að
stunda tómstundir og hannyrðir.
Í skipulagi á Nesvallasvæðinu hefur verið
lögð sérstök áhersla á að búa til ákjósan-
lega útivistaraðstöðu. Með tilliti til þess
hefur byggingum verið raðað upp til þess
að mynda skjól, göngustígar verða lagðir
á milli húsa, skapað rými fyrir opin svæði
og hluti af garði verður grafinn niður um
1–2 metra svo að íbúarnir geti notið úti-
veru í nánast hvaða veðri sem er.
Á útivistarsvæði er gert ráð fyrir aðstöðu
fyrir íþróttaiðkun, afþreyingu, garðyrkju,
gönguferðir og hvað annað sem bætir
heilsu og andlega líðan fólks.
Markmið þeirra, sem standa að uppbygg-
ingu og þjónustu á Nesvöllum, er að auka
lífsgæði íbúa á svæðinu og annarra eldri
borgara í Reykjanesbæ.
Þjónustumiðstöðin verður hjarta Nes-
valla. Þar verður aðstaða fyrsta flokks
og aðgengileg öllum. Þar eiga allir eldri
íbúar Reykjanesbæjar að geta sótt þjón-
ustu, samveru og skemmtun.
Félagsþjónusta Reykjanesbæjar verður
til húsa í þjónustumiðstöðinni og stór
hluti félags- og tómstundastarfs aldraðra
á vegum bæjarfélagsins mun fara fram í
glæsilegum húsakynnum Nesvalla. Þar
verður einnig dagvist aldraðra við góðan
kost.
Stór og bjartur veitingastaður, sem býður
íbúum svæðisins og gestum heimilis-
mat, verður á fyrstu hæðinni. Þar verður
einnig aðstaða til ýmissa uppákoma,
veisluhalds og skemmtana. Útgengt
verður á verönd og þaðan á skjólgott og
fallegt útvistarsvæði Nesvalla, þar sem
m.a. verður skrúðgarður, púttvöllur og
fleira.
Ýmis heilsutengd þjónusta verður í boði
á Nesvöllum. Gert er ráð fyrir móttöku
heilbrigðisstarfsmanna, fótsnyrtingu
og snyrtistofu. Í heilsueflingarmiðstöð
verður líkamsrækt og sjúkraþjálfun.
Þaðan er einnig útgengt á útvistarsvæði
Nesvalla og þar geta íbúar og aðrir, sem
nýta sér heilsutengda þjónustu, farið í
heita potta.
Nesvellir verða skemmtilegt samfélag þar
sem öll aðstaða, þjónusta og umgjörð eru
til þess gerð að notendur þjónustunnar
skapi í samstarfi við starfsfólk einstaka
menningu – Nesvallamenningu.
Nú þegar eru raðhús á Nesvallasvæðinu
tilbúin til afhendingar. Öryggisíbúðir í
húsinu sem er verið að byggja við Njarð-
arbrautina verða tilbúnar annars vegar í
janúar og hins vegar í maí á næsta ári. Þá
verður þjónustumiðstöðin tilbúin í mars
á næsta ári.
Nesvellir hafa opna skrifstofu í einni af
raðhúsaíbúðunum að Stapavöllum 1 alla
fimmtudaga frá kl. 13–17. Þá verður
opið hús og sýning á öryggisíbúðum um
helgina eða laugardaginn 1. desember og
sunnudaginn 2. desember nk.
Eldri borgarar áhugasamir
um þjónustu í Reykjanesbæ
Reykjanesbær, Félag eldri borgara og Nesvellir: