Víkurfréttir - 13.05.2004, Blaðsíða 24

24 VÍKURFRÉTTIR Á NETINU I www.vf.is I LESTU NÝJUSTU FRÉTTIR DAGLEGA!
Landsliðskonurnar ErlaÞorsteinsdóttir og ErlaReynisdóttir munu spila
með liði Grindavíkur á næstu
leiktíð. Þær skrifuðu undir
samninga þess efnis á föstudag-
inn og munu að sjálfsögðu
koma til með að styrkja
Grindavíkurliðið verulega,
enda báðar þrautreyndar
landsliðskonur og margfaldir
meistarar með Keflavík.
Þær nöfnur hafa verið með sterk-
ustu leikmönnum Keflavíkurliðs-
ins að undanförnum árum og
hafa tekið þátt í gríðarlegri vel-
gengni liðsins sem náði hámarki
síðasta vetur þegar Keflavík vann
alla titla sem voru í boði.
Erla Þorsteins, sem gengdi fyrir-
liðastöðunni hjá Keflavík í vetur,
sagði í samtali við Víkurfréttir að
ástæðan fyrir félagaskiptunum
væri alls ekki ósætti. „Það er viss
áskorun fyrir okkur að fara til
Grindavíkur eftir að hafa spilað í
10 ár með meistaraflokki Kefla-
víkur. Það verður auðvitað rosa
skrítið að spila á móti Keflavík
en þetta verður allt í góðu lagi.
Við erum búnar að ræða við
stjórnarfólk og stelpurnar í liðinu
og þau sýna okkur mikinn skiln-
ing.“
Erla sagðist ekki hafa áhyggjur
af gengi fyrrum félaga sinna.
„Þær eru í toppmálum þó að við
förum. Þær eru með það góða
breidd og það kemur alltaf maður
í manns stað. Ég er líka viss um
að ungu stelpurnar hjá Keflavík
geti grætt á því að fá að spila
meira þegar við erum farnar.“
Svandís Sigurðardóttir mun
einnig leika með Grindvíkingum
á næstu leiktíð, en hún lék með
ÍS í vetur.
Grindvíkingar gengu loksfrá ráðningu þjálfarafyrir karla- og kvenna-
liðin í körfubolta.
Kristinn Friðriksson var ráðinn
þjálfari karlaliðsins, en samning-
urinn milli Kristins og körfu-
knattleiksdeildarinnar er til þrig-
gja ára.
Kristinn kemur í stað Friðriks
Inga Rúnarssonar sem tók sér frí
frá körfuboltanum eftir leiktíð-
ina.
Falur Harðarson, sem þjálfaði
Keflavík ásamt Guðjóni Skúla-
syni á síðustu leiktíð, hafnaði til-
boði Grindvíkinga um starfið en
mun þess í stað taka að sér þjálf-
un yngri flokka Keflavíkur.
Grindvíkingar tilkynntu nokkru
síðar að Örvar Kristjánsson hafi
verið ráðinn til að þjálfa kvenna-
liðið næsta vetur. Örvar hefur
ekki þjálfað meistaraflokk áður,
en hefur nokkra reynslu af þjálf-
un yngri flokka hjá Njarðvík.
Grindvíkingar
ráða loks þjálfara
ERLURNAR FARNAR
TIL GRINDAVÍKUR
Umferð verður ekkihleypt á fyrsta kaflatvöfaldrar Reykjanes-
brautar fyrr en 1. október.
Verktakarnir segjast geta lok-
ið framkvæmdum 1. júlí og
opnað fyrir umferð.
Vegagerðin er ekki reiðubúin til
að inna af hendi 15 milljóna
króna aukaþóknun fyrir
skemmri framkvæmdatíma og
verða verktakarnir því fram á
haust að klára verkið með lág-
marksmannskap.
Áætlanir gerðu ráð fyrir verk-
lokum þann 1. desember, en
gengi verkið hraðar fyrir sig
hljóðaði samningurinn upp á að
verktakar fengju greitt ákveðið
flýtifé frá 1. október. Verktakar
hafa sent Vegagerðinni erindi
þess efnis að möguleiki sé á þvi
að brautin verði opnuð þann 1.
júlí ef til kemur viðbótarflýtifé,
en þeirri tillögu var hafnað.
Fulltrúar Vegagerðarinnar
sögðu í samtali við Víkufréttir
að ekki hafi þótt ástæða til að
ganga að tilboðinu þar sem
samningar hefðu gefið ríflegan
tíma til verksins og eru þeir
sáttir við það fyrirkomulag sem
þar kemur fram.
Halldór Ingólfsson, staðarstjóri
verktakanna á Reykjanesbraut-
inni segir að allt stefni í að
framkvæmdir muni standa fram
á haust vegna þess að meirihluti
mannskapsins og tækjanna sé
farin í önnur verkefni sem eru
framar í forgangsröðinni.
„Vegagerðin vildi ekki taka þátt
í þessum kostnaði. Þetta hefði
getað klárast í sumar með lítilli
fyrirhöfn, en þetta virðist bara
snúast um viljaleysi ráðherra.
Hann gæti gert þetta mögulegt,
en nú verðum við hér fram á
haust með lágmarksmannskap.“
Halldór bætti því við að málið
snerist ekki um fjármuni því að
upphæðin sem um ræðir er ein-
ungis um 2% af kostnaði við
verkið. „Það virðist bara sem
Suðurnesjamenn hafi færst aft-
ar í forgangsröð ráðuneytisins.“
Steinþór Jónsson, talsmaður
áhugahóps um örugga Reykja-
nesbraut, sagði í samtali við
Víkurfréttir að hópurinn legði
áherslu á að sú flýting sem bar-
átta þeirra og verklag verktak-
anna hefðu skilað verði ekki til
einskis. „Það mun hryggja okk-
ur ef þetta verður niðurstaðan.
Þó maður skilji forsendur begg-
ja aðila verðum við að finna
lausn á þessu máli.“
Steinþór bætti því við að hópur-
inn leggði einnig ofuráherslu á
að fá svör frá ráðherra varðandi
framhald tvöföldunarinnar alla
leið inn að Fitjum. „Við munum
ekki láta af þrýstingi fyrr en
verkinu lýkur að fullu.“
Tvöföld Reykjanesbraut
lokuð til 1. október
Umferð verður ekki hleypt á fyrsta kafla tvöfaldrar Reykja-
nesbrautar fyrr en 1. október. Verktakarnir segjast geta lok-
ið framkvæmdum 1. júlí og opnað fyrir umferð.
20. tbl. 2004 umbrot 12.5.2004 15:08 Page 24