Land & synir - 15.04.2002, Qupperneq 6

SVÍÞJÓ0
Pelle Polis/Pelle lögga
2000 - Stjórn: Pál Hollender
Pál Hollender hefur nú ímynd skelmisins í sænskri heimildar-
myndagerð. í tveimur mynda sinna, þ.á.m. þessari, sést höfund-
urinn stunda kynlíf með fólkinu sem hann er að lýsa, segist þurfa
þess til að komast í nógu náið samband. Þetta hefur orðið tilefni
áberandi blaðaskrifa og ákafrar umræðu í Svíþjóð. Pál segist fást
við persónulega myndgerð en ekki óhlutdræga fféttamennsku.
Lögreglumaðurinn Pelle hefur frá því á áttunda áratugnum
verið frægur fýrir áhuga sinn á drengjum og var dæmdur 1993
fyrir kynferðislega misnotkun á tveimur 13 og 14 ára strákum en
hélt starfmu. Hann hafði að fyrra bragði samband við Pál um
gerð myndarinnar.
1:35 klst. Beta SP

SL0VAKÍA
Zeleznicstanica II. Triedy - Kral’ovany /
Járnbrautarstöð í flokki 2
1998 - Stjórn: Marek Kubos
”í þessari ræmu eru 279 myndskeið” stendur í fortextum
myndarinnar. Síðan er talið niður og við sjáum 279 leiftur af
lífinu í og umhverfis járnbrautarstöðina Kral’ovany sem er í
”öðrum flokki”. Myndin er frjálsleg í formi, með fjörugum
leikbrúðuatriðum og skemmtilegum tilvörum fólks. Hreingern-
ingakonan telur að ferðalög eigi að kenna í grunnskólum því
fólk gangi nútildags svo illa um vagnana. Þetta er mynd um
lítinn en fjölbreyttan stöðvarheim, ern líka um jafnstraum,
riðstraum og ást.
20 mín, Beta SP.
•••••••••••••••••••••••••••••••••••••••••••••••••••
SVÍÞJÓD
Muraren - ett portrett av skádespelaren /
Múrarinn, mynd af leikaranum
2002 - Stjórn: Stefan Jarl
Stefan Jarl er einn þekktasti og áhrifamesti heimildarmynda-
gerðarmaður á Norðurlöndum, ekki síst kunnur af róttækri og
félagslegri virkni sinni og fyrir umdeildar aðferðir í kvikmynda-
gerð. Mods-þríleikur hans mótaði marga í faginu. Undanfarin ár
hefur hann gert margar myndir um listamenn og þessi fjallar um
Thommy Berggren, einn frægasta leikara Svía, sem lék mikið hjá
Bo Widerberg. Myndin segir frá æskuárum hans í verkamanna-
stétt í Gautaborg og leikferli hans. En jafnhliða er myndin um
list almennt. Hvert sækir listamaður efnivið? Hvað rekur hann
áfram? Hvert er samspil lífshlaups og listar einstaklingsins?
95 mín, Beta SP.
6 LAND & SYNIR