Fréttablaðið - 23.03.2018, Blaðsíða 12

Nígería Þrátt fyrir að tveir ráðherrar
í ríkisstjórn Muhammadu Buhari,
forseta Nígeríu, hafi þvertekið fyrir
að yfirvöld hafi greitt lausnargjald
fyrir þær 104 stúlkur sem hryðju-
verkasamtökin Boko Haram skiluðu
aftur heim til Dapchi á miðvikudag
virðist hið gagnstæða vera satt.
Nígerísk-bandaríska fréttastofan
Sahara Reporters, sem greindi fyrst
frá því að stúlkurnar væru komnar
heim, sögðu frá þessu í gær.
Heimildir Sahara Reporters
herma að yfirvöld hafi ekki bara
greitt hryðjuverkamönnunum
lausnargjald. Föngum úr röðum
Boko Haram hafi þar að auki verið
sleppt úr haldi. Ráðherrarnir tveir
sögðu hins vegar að í stað þess að
greiða lausnargjald hafi yfirvöld
samið við hryðjuverkamennina um
lausn stúlknanna.
Samkvæmt BBC er þetta ekki í
fyrsta skipti sem yfirvöld greiða
Boko Haram lausnargjald. Hundruð
milljóna hafi farið í slíkar greiðslur,
meirihlutinn frá því Buhari varð
forseti árið 2015. Til að mynda
hafi yfirvöld reitt fram myndarlega
summu til að fá þrjá háskólakenn-
ara og tíu konur leyst úr haldi. Þá
hafi um 400 milljónir króna farið
í að tryggja það að 82 stúlkum frá
Chibok yrði sleppt í fyrra og fimm
Lausnargjaldsgreiðslur til Boko
Haram stuðli að frekari ránum
Ráðherrar segja ekkert lausnargjald greitt fyrir þær 104 stúlkur sem Boko Haram slepptu úr haldi á miðviku-
dag. Fjölmiðillinn sem greindi fyrst frá málinu segir ráðherrana ljúga. Tíðar lausnargjaldsgreiðslur Buhari-
stjórnarinnar áhyggjuefni. Stjórnarandstaðan segir stjórnina hafa sviðsett allt málið til að græða atkvæði.
Sársaukafullt að geta ekki verndað dóttur sína
„Það sem er sársaukafyllst við
þetta allt er að geta ekki verndað
dóttur sína,“ sagði faðir einnar af
stúlkunum 104 sem sneru heim til
Dapchi á miðvikudag við BBC í gær.
Faðirinn fékk að hitta dóttur
sína í gær á spítala þar sem læknar
skoðuðu ástand stúlknanna.
Heimsóknin varði þó einungis í
nokkrar mínútur.
„Eftir að hafa lofað henni að
ég myndi ekki yfirgefa hana
vorum við öll beðin um að fara
og stúlkurnar voru teknar í burtu,“
sagði faðirinn enn fremur en bætti
því við að hann teldi dóttur sína
örugga í höndum ríkisstjórnar­
innar.
Stúlkurnar voru þó fleiri en 110
þegar þær voru teknar í síðasta
mánuði. Nígerískir miðlar hafa
greint frá því að fimm hafi dáið í
haldi Boko Haram. Ein sé þó enn í
haldi hryðjuverkamannanna. Hún
er sögð hafa neitað að snúast til
íslam frá kristni.
Stúlka, sem hryðjuverkasamtökin Boko Haram slepptu á miðvikudag, gengur um götur heimabæjarins Dapchi með föður sínum. NorDicpHotoS/AFp
BaNdaríkiN Tollar sem munu skila
ríkissjóði Bandaríkjanna fimmtíu
milljörðum dala verða lagðir á kín-
verskar vörur. Þá munu Bandaríkja-
menn takmarka möguleika Kín-
verja til að fjárfesta í bandarískum
fyrirtækjum. Þetta tilkynnti Donald
Trump forseti í gær. 
Í tilkynningu frá forsetaembætt-
inu sagði að þetta væru mótvægis-
aðgerðir vegna þess að Kínverjar
hefðu stolið bandarískum hug-
verkum í áraraðir. Nauðsynlegt væri
að grípa til aðgerða þar
sem ekki hafi tekist að
komast að sameigin-
legri niðurstöðu.
Enn fremur sagði
í tilkynningunni
að rannsókn á
kínverskum við-
s k i p t a h á t t u m
hafi leitt í ljós að
þeir væru hreinlega
ósanngjarnir. Kínverjar
takmörkuðu eignar-
hald útlendinga á kín-
verskum fyrirtækjum,
þeir væru ósanngjarnir
í garð bandarískra fyrir-
tækja og kínverska ríkið
styddi og stæði að tölvu-
árásum.
Rúmlega 1.000
vörur eru á lista
forsetaembættis-
ins yfir það sem til
stendur að leggja
toll á. Mun fyrir-
tækjum gefast kostur á að senda inn
umsagnir áður en endanleg ákvörð-
un verður tekin.
Gærdagurinn snerist hins vegar
um fleira en bara Kína hjá Trump
forseta. John Dowd, forsprakki
lögfræðiteymis forsetans varðandi
rannsókn Roberts Mueller, sérstaks
saksóknara, á meintum afskiptum
Rússa af forsetakosningunum 2016
og meintum tengslum Rússa við
framboð Trumps, sagði upp.
Bandarískir miðlar greindu frá
því að Dowd hafi verið kominn á þá
skoðun að Trump hundsaði flestar
ráðleggingar hans. Þá var því einn-
ig haldið fram að Trump hefði ein-
faldlega misst trúna á Dowd og hafi
beðið hann um að segja upp. – þea
Hefnir fyrir hugverkaþjófnað með tollum á kínverskar vörur
Donald trump
forseti er æfur
út í Kínverja.
Rannsókn Trumps leiddi
í ljós að viðskiptahættir
Kínverja eru „ósanngjarnir“.
hátt settum Boko Haram-liðum
sleppt úr haldi á móti.
Stjórnmálaskýrendur hafa haldið
því fram að greinilegur vilji Buhari-
stjórnarinnar til að greiða lausnar-
gjald ýti undir vilja Boko Haram
til að ræna almennum borgurum
í stórum stíl. Þessu hefur nígeríska
stjórnarandstaðan einnig haldið
fram, til að mynda þegar rán Dap-
chi-stúlknanna var rætt í öldunga-
deild þingsins í febrúar.
„Þau finna leiðir til að ræna fólki
svo þau geti svo samið við ríkis-
stjórnina um lausnargjald. Þetta
gefur þeim aukið vægi,“ sagði Joshua
Lidani öldungadeildarþingmaður í
þeim umræðum.
Stærsti stjórnarandstöðuflokkur
Nígeríu, PDP, sakaði ríkisstjórnina í
gær um að hafa sviðsett rán Dapchi-
stúlknanna í pólitískum tilgangi.
Upplýsingafulltrúi flokksins, Hon
Kola Ologbondiyan, sagði á blaða-
mannafundi að flokkurinn liti svo
á að „þessi hryllilegi verknaður, að
nota saklausar skólastúlkur sem peð
í óheiðarlegum leik, væri hannaður
til að plata Nígeríumenn og setja á
svið hetjulega björgun til að auka
sigurlíkur ríkisstjórnarinnar í kosn-
ingunum 2019“. Um væri að ræða
óafsakanlega hegðun.
Kallaði Ologbondiyan eftir því að
Sameinuðu þjóðirnar og Alþjóða-
glæpadómstóllinn lýstu því yfir að
ríkisstjórnin væri sek um glæpi gegn
mannkyninu eftir rannsókn á mál-
inu. Þá kallaði hann jafnframt eftir
handtöku allra hlutaðeigandi og því
að þau yrðu sótt til saka.
„Þetta misheppnaða Dapchi-
drama er illa skrifaður harmleikur.
Svindl sem á sér enga hliðstæðu.
Nígeríumenn munu ekki fyrirgefa
ríkisstjórninni og forsetanum þann
hrylling sem stúlkurnar og foreldrar
þeirra þurftu að þola,“ sagði Olog-
bondiyan.
thorgnyr@frettabladid.is
Þetta misheppnaða
Dapchi-drama er
illa skrifaður harmleikur.
Svindl sem á sér enga hlið-
stæðu.
Hon Kola Ologbondiya,
upplýsingafulltrúi stjórnar­
andstöðuflokksins PDP
BretlaNd Sergei Skrípal, fyrrver-
andi gagnnjósnari, og Júlía dóttir
hans eru mögulega með heilaskaða
eftir að ráðist var á þau með svo-
kölluðu novichok-taugaeitri í Salis-
bury fyrr í mánuðinum. Þetta sagði
breskur dómari í gær. Sagði hann
jafnframt óvíst hvort þau myndu
ná bata.
Bretar og bandamenn þeirra
hafa sakað Rússa um að standa að
árásinni en Skrípal var dæmdur í
fangelsi fyrir njósnir í heimalandinu
Rússlandi árið 2006. Hann hefur
hins vegar búið í Bretlandi frá 2010
eftir njósnaraskipti. Rússar hafa
hins vegar hafnað ásökunum.
Samkvæmt lækni sem dómari vís-
aði til í gær, þegar dómstóllinn veitti
leyfi fyrir töku blóðsýnis svo efna-
vopnarannsakendur gætu staðfest
að um taugaeitur hafi verið að ræða,
eru Skrípal-feðgin nú á deyfilyfjum
og geti ekki tjáð sig. – þea
Mögulega með
heilaskaða
Sergei Skrípal. NorDicpHotoS/AFp
UNgverjalaNd Stjórnarandstöðu-
flokkurinn Jobbik í Ungverjalandi
hefur frá stofnun árið 2003 verið
kenndur við öfgaþjóðernishyggju.
Flokkurinn ætlar hins vegar að
veðja á að hann fái meira fylgi í
kosningum næsta mánaðar með því
að sækja inn að miðju.
Sú þróun hefur raunar átt sér stað
á undanförnum árum samhliða því
að flokkur Viktors Orban forsætis-
ráðherra, Fidesz, hefur fært sig út á
jaðarinn með sterkri andstöðu gegn
Evrópusambandinu, sérstaklega
þegar kemur að því að neita að taka
á móti flóttamönnum.
„Þessar breytingar hugnast mér.
Ég er hrifnari af flokknum nú en
þegar hann var uppnefndur nasista-
flokkur,“ sagði sextugi kjósandinn
Dezso Borbas við Reuters í gær.
Í nýjustu könnunum mælist
Fidesz langstærstur með um helm-
ing atkvæða. Jobbik mælist næst-
stærsti flokkurinn, í tæpum tuttugu
prósentum. Þrátt fyrir þetta þver-
hnípi var Gabor Vona, formaður
Jobbik, kokhraustur í gær.
„Við erum ekki hrædd við Orban.
Nafn hans verður fært á svörtustu
síður sögunnar. Eftir 8. apríl fellur
hann,“ sagði Vona og vísaði til kjör-
dags. – þea
Pólskipti í
Ungverjalandi
Fidesz, flokkur Orbans,
mælist með um helming
atkvæða. Jobbik mælist
næststærstur með um
tuttugu prósent.
2 3 . m a r s 2 0 1 8 F Ö s t U d a g U r12 F r é t t i r ∙ F r é t t a B l a ð i ð
2
3
-0
3
-2
0
1
8

0
4
:3
5
F
B
0
6
4
s
_
P
0
6
0
K
_
N
Y
.p
1
.p
d
f
F
B
0
6
4
s
_
P
0
5
3
K
.p
1
.p
d
f
F
B
0
6
4
s
_
P
0
0
5
K
.p
1
.p
d
f
F
B
0
6
4
s
_
P
0
1
2
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
F
4
8
-A
4
F
0
1
F
4
8
-A
3
B
4
1
F
4
8
-A
2
7
8
1
F
4
8
-A
1
3
C
2
7
5
X
4
0
0
.0
0
1
5
A

F
B
0
6
4
s
_
2
2
_
3
_
2
0
1
8
C
M
Y
K