Feykir - 13.03.2014, Blaðsíða 2

2 Feykir 10/2014
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Berglind Þorsteinsdóttir – berglind@feykir.is & 455 7176
Blaðamenn:
Kristín Sigurrós Einarsdóttir – kristin@feykir.is & 867 3164
Óli Arnar Brynjarsson – oli@feykir.is
Hrafnhildur Viðarsdóttir – hrafnhv@nyprent.is
Áskriftarverð: 450 kr. hvert tölublað með vsk. Lausasöluverð: 490 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Fyrirmyndir
Eins og hefur tæplega farið framhjá mörgum þá var
bardagakappinn Gunnar Nelson að keppa um síðastliðna helgi.
Þá flykktust margir Íslendingar að skjánum til að fylgjast með
landa sínum taka Rússann í bakaríið og var ég ein af þeim sem
kom mér fyrir framan sjónvarpið. Líkt og aðrir vil ég ekki missa
af því þegar Íslendingar sigra heiminn, hvort sem um er að
ræða handbolta, skák, júróvision,
Magna í Rockstar eða eins og að
þessu sinni, Gunnar í bardaga-
íþróttum. Ég fylgdist spennt með
bardaganum og upplifði það
svolítið eins og að horfa á
heimildamynd frá sléttum Afríku
þar sem ljón veiðir antilópu.
Ljónið bíður færis, stekkur á bráð
sína, snýr hana niður og nær á
henni tangarhaldi. Það býður
eftir að antilópan þreytist og
gefist upp og hnykkir nokkrum sinnum á til að flýta fyrir
uppgjöfinni. Ég verð að viðurkenna að þarna leit ég undan, mér
fannst þetta ekki það fallegasta sem ég hef fylgst með
Íslendingum taka þátt í út í heimi. Og þar sem allt þetta átti sér
stað uppúr kl. 20 á laugardagskvöldi var sonur minn ekki farinn
í háttinn. Hann trítlaði inn í stofu þegar útsendingin stóð sem
hæst og ég greip náttúrulega fyrir augun á honum þar sem mér
fannst þetta ekki, eins og gefur að skilja, við hæfi þriggja ára
barns.
Í kjölfar bardagans hafa skapast miklar umræður á alnetinu um
fyrirmyndir og hvers konar fyrirmynd Gunnar er fyrir börnin
okkar. Ef ég fer aðeins út í þá umræðu þá vildi ég náttúrulega
ekki að sonur minn myndi sjá ósköpin sem gengu á í sjónvarpinu
þetta kvöld. Þrátt fyrir það þá hef ég svosem engar sérstakar
áhyggjur af því að hann myndi taka Gunnar Nelson eða aðra
sér til fyrirmyndar í þessum efnum. Í hans tilfelli er stallurinn
nú þegar frátekinn fyrir hans helstu fyrirmynd í lífinu og það er
enginn að fara að skáka henni í bráð. Þar situr afi drengsins sem
fastast. Strákurinn veit ekkert skemmtilegra en að brasa með
afa sínum í sveitinni, hvort sem það er að vinna á gröfunni, gefa
hestunum eða moka skít. Afi getur allt og veit allt best!
Sama hve mikið við reynum að halda fyrir augun á börnunum
okkar þá munum við ekki geta gert það um ókomna tíð. Þau
munu alltaf sjá misgóðar fyrirmyndir og þá er ég alls ekki að
leggja dóm á hvort Gunnar sé af öðru hvoru tagi. Hver verður
bara að meta það fyrir sig. En burtséð frá því þá breytir það
engu um þá staðreynd að það erum við sem stöndum
börnunum næst sem eru þeirra helstu fyrirmyndir. Ef við
hlúum vel að þeim og göngum á undan með góðu fordæmi þá
efast ég ekki um að þau vaxi úr grasi sem heilsteyptir og góðir
einstaklingar – hvað svo sem gengur á í sjónvarpinu.
Berglind Þorsteinsdóttir
ritstjóri
Leggja bundið slitlag á
Svínvetningabraut
sumar en lögn klæðingar skal
vera lokið fyrir 1. september
2014 og skal verkinu vera að
fullu vera lokið 1. október. /BÞ
Samgöngubætur í Húnavatnshreppi
Hér má sjá vegakaflann sem um ræðir. Mynd: Vegagerðin
KS tapar dómsmáli vegna Krossaness
Deilt um lax- og silungsveiði
Í febrúar var í Héraðsdómi
Norðurlands vestra dæmt í
dómsmáli Kaupfélags
Skagafirðinga gegn Páli
Dagbjartssyni og Sigurði
Þorsteinssyni, vegna
veiðiréttar í Húseyjarkvísl í
Skagafirði.
Dómkröfur KS voru að
viðurkennt yrði með dómi að
jörðinni Krossanesi í Skagafirði
tilheyrði veiðiréttur í Húseyjar-
kvísl í Skagafirði. Þá krafðist KS
þess að viðurkennt yrði með
dómi að Krossanesi fylgdi eitt
atkvæði í Veiðifélagi Húseyjar-
kvíslar, en deilumálið snerist
um lax- og silungsveiði.
Í niðurstöðu dóms segir að
ríkissjóður hafi selt umrædda
jörð, Krossanes, í þremur hlut-
um. Í afsali til Sigurðar Óskars-
sonar árið 1992 var veiðiréttur í
Húsaeyjarkvísl undanskilinn.
Við þinglýsingu afsalsins var
rituð athugasemd um að
óheimilt væri að undanskilja
veiðiréttinn. Hins vegar sé
ekkert minnst á veiðirétt í
Húseyjarkvísl í afsölum til
stefnanda eða stefnda, Páls.
Ágreiningur málsaðila snúist
um veiðirétt fyrir landi
Krossaness. Síðar á þessu sama
ári seldi Sigurður Óskarsson
dóttursyni sínum, stefnda
Sigurði spildu úr jörðinni en
1993 seldi ríkissjóður stefnda
Páli, spildu úr jörðinni.
Stefndi reisti tilkall sitt m.a. á
því að hans partur upphaflegu
jarðarinnar teldist lögbýli og
óheimilt hefði verið að skilja
veiðiréttinn frá lögbýlisjörðinni.
Í dómsorðum segir m.a.: „Skilja
verður kröfu stefndu um að
jörðinni Krossanesi fylgi eitt
atkvæði þannig að atkvæðis-
rétturinn tilheyri þeim og
verður hún tekin þannig til
greina.“ KS var gert að greiða
hvorum hinna stefndu rúmar
sexhundruð þúsund krónur í
málskostnað. /KSE
Sveitarstjórn Húnavatns-
hrepps hefur samþykkt
umsókn um framkvæmdaleyfi
frá Vegagerðinni, til að
endurbyggja Svínvetninga-
braut nr. 731, í 6,5 m breidd
og leggja bundnu slitlagi á
um 5,15 km löngum kafla frá
slitlagsenda vestan við
Hnjúkahlið austur fyrir
heimreið að Köldukinn.
Útboðið hefur verið auglýst
og verða þau opnuð þann 1.
apríl nk. Að sögn Gunnari Helga
Guðmundssyni svæðisstjóra
Norðursvæðis hjá Vegagerðinni
verður farið í framkvæmdirnar í
Heilbrigðisráðherra tilbúinn til
viðræðna við Svf. Skagafjörð
Heilbrigðisstofnunin Sauðárkróki
Heilbrigðisráðuneytið hefur tilkynnt
sveitarstjórn Svf. Skagafjarðar að það sé
tilbúið til þess að hefja viðræður við
sveitarfélagið um framtíð Heilbrigðisstofn-
unarinnar Sauðárkróki og um möguleikann á
yfirtöku sveitarfélagsins á rekstri stofnun-
arinnar með samningi við ríkið.
Næstu skref, að sögn Stefáns Vagns Stefáns-
sonar formanns byggðarráðs, er að mynda starfs-
hóp til þess að fara yfir málið og að setjast að
samningaborðinu við ríkið.
„Þetta er það sem við erum búin að vera bíða
eftir frá því fyrir jól, þegar við óskuðum eftir
þessu bréflega við ráðuneytið, og erum búin að
ítreka nokkrum sinnum. Þannig að það er
afskaplega ánægjulegt að ráðuneytið sé tilbúið til
viðræðu um þetta við okkur,“ sagði Stefán Vagn í
samtali við Feyki. Málið verður tekið fyrir á fundi
byggðaráðs í dag. Stefán Vagn segir málið vera á
byrjunarstigi en það er stórt og mikilvægt fyrir
Skagfirðinga. „Allir eru sammála um mikilvægi
þessarar stofnunarinnar og mikilvægi þess að
halda henni hérna heima. Sveitarstjórnin er búin
að vera einhuga um að fara í þessar viðræður, og
ítreka ég mikilvægi þess að vanda sig og að ná
góðum samningi,“ segir Stefán Vagn að lokum.
/BÞ
Heilbrigðisstofnunin Sauðárkróki. Mynd: Pétur Ingi