Feykir - 13.03.2014, Síða 8

8 Feykir 10/2014
Hver er konan? -Hlín Mainka Jóhannesdóttir, BS- reiðkennari
og þjálfari.
Hvaðan ertu? -Ég er fædd og uppalin í Þýskalandi en flutti til
Íslands fyrir 18 árum, þar af hef ég búið tíu ár í Skagafirði.
Við hvað starfar þú? -Ég er að vinna hálfan daginn við þjálfun og
tamningar hjá Gísla og Mette á Þúfum og er einnig í hlutastarfi
sem kennari við ferðamáladeild Hólaskóla. Auk þess tek ég að
mér reiðkennslu, bæði úti og hér heima.
Hefurðu tekið þátt í KS deildinni áður? -Nei.
Hvernig líst þér á KS deildina í ár? -Mjög vel. Það verður
spennandi að sjá hvernig nýja fyrirkomulagið kemur út og ég
tel sniðugt að bjóða þannig nýliðum þátttöku með reyndum
knöpum. Hinsvegar finnst mér vanta eina skemmtilega grein,
þ.e. gæðingafimi, í deildina.
Varstu sátt við sæti þitt í fimmganginum? -Auðvitað hefði ég
viljað gera betur en markmiðið í úrtökunni var að skila öllum
gangtegundum og hafa upplifunina jákvæða fyrir hestinn. Ég
mun byggja á því og ríða með meiri afköstum í næstu sýningu.
Hvaða hrossum teflir þú fram í vetur?-Það verður Dúkkulísa frá
Þjóðólfshaga í fjórgangi og Glóðar frá Árgerði í fimmgangi. Síðan
þarf ég aðeins að sjá til með töltið og skeiðið. Í slaktaumatöltið
er ég að spá í að mæta með gamlan vin, Hlöðver frá Gufunesi.
Hverjir eru aðalkostir þeirra? -Dúkkulísa er efnileg fjórgangs-
hryssa sem ég fékk að láni fyrir stuttu hjá liðsfélagi mínum.
Hún er ekki reynd en er efnileg með góðar gangtegundir og
frábæran karakter.
Glóðar er ég búin að eiga í rúmt ár. Hann er gríðarlega
viljugur hestur og það er búið að fara mikil vinna í að geta
stjórnað orkustigi og skrokkbeitingu. Það væri gaman að geta
sýnt á þessu ári hvað í honum býr og safna góðri reynslu á
keppnisvelli.
Ætlar þú eða hefur þú tekið þátt í öðrum keppnum í vetur? Ef
já, hvaða? -Ég stefni að taka þátt í einhverju ísmóti og jafnvel
í fimmgangi í mótaröðinni, en sjáum til hvernig hrossin verða
stemmd.
Einhver sérviska eða hjátrú hjá þér fyrir keppni? -Gott að hafa
orkusteininn í vasanum.
Eitthvað sem þú vilt koma á framfæri? -Ég óska bara öllum
keppendum í deildinni góðs gengis og áhorfendum góðrar
skemmtunar.
Gott að hafa orku-
steininn í vasanum
Við kynnum til leiks þriðja knapann af þeim fjórum
sem eru nýir inn í KS-deildina í ár. Það er Hlín
Mainka Jóhannesdóttir, BS – reiðkennari og þjálfari
sem svarar spurningum Feykis að þessu sinni.
KS-DEILDIN / Hlín Mainka Jóhannesdóttir
Mynd: Marta Gunnars
Flaug 30 metra og endaði í skurði
Blönduósi mátti rekja óhöppin til þess að bílarnir
voru fremur vanbúnir og að bílstjórarnir hafi verið
óvanir því að aka við þær vetraraðstæður sem voru
á svæðinu. /BÞ
Lögreglufréttir
Mikil mildi þykir að ekki varð slys á fólki en bíllinn er illa farinn eftir
veltuna í Birkihlíð. Ljósmynd/Lögreglan á Sauðárkróki.
Félagslegar leigu-
íbúðir alls 174
Norðurland vestra
Í samantekt Morgun-
blaðsins sl. miðvikudag
um félagsþjónustu
sveitarfélaganna kemur
fram að alls eru um 5000
félagslegar leiguíbúðir á
landinu. Þar af eru 174 á
Norðurlandi vestra og
skiptast þær í 114
félagslegar leiguíbúðir,
25 íbúðir fyrir fatlaða og
aldrað fólk og 35 íbúðir
sem flokkast undir aðrar
íbúðir en áður er getið.

Vitnað er til könnunar
sem Varasjóður hús-
næðismála gerði á leigu-
íbúðum sveitarfélaga
árið 2012. Þar kemur
m.a. að fjöldi félagslegra
íbúða á hverja 100 íbúa
var næstmestur á Skaga-
strönd, eða 5,91 á hverja
100 íbúa. Tekið er fram
að í svo fámennu sveitar-
félagi þurfa félagslegar
íbúðir þó ekki að vera
margar til að vera hátt
hlutfall allra íbúða.
Í sömu könnun var
spurt um rekstrarvanda
sveitarfélaganna vegna
leiguíbúðanna. Kom þar
fram að rekstrarvandinn
var algengastur í þremur
sveitarfélögum, Vestur-
landi, Vestfjörðum og
Norðurlandi vestra.
Algengustu ástæður
rekstrarvandans voru
þær að leigutekjur stæðu
ekki undir rekstri. /KSE
Mikið hefur verið um umferðaróhöpp í
Skagafirði að undanförnu að sögn
lögreglunnar á Sauðárkróki og hafa þau verið
um 14 talsins frá 1. febrúar. Engin slys hafa
verið á fólki en óhöppin hafa að mestu mátt
rekja til hálku og slæmra aðstæðna.
Síðastliðið sunnudagskvöld varð umferðaó-
happ hjá Birkihlíð á Sauðárkróki og að sögn
Sigurðar Halldórssonar lögreglumanni er með
ólíkindum að viðkomandi hafi gengið óslasaður
frá þessu. Ökumaðurinn var einn í bíl og það var
mikil hálka þegar óhappið átti sér stað. Öku-
maðurinn taldi sig hafa séð skepnu á veginum,
hemlar, bíllinn snýst og fer útaf veginum. „Hann
flýgur um 30 metra og lendir með hægra afturhorn
í barði, snýst og endastingst ofan í skurð um 15
metra frá barðinu. Þannig að við erum að tala um
talsverða vegalengd,“ bætti Sigurður við. Hann
vildi koma því til áleiðis til vegfarenda að fara
gætilega þegar hálka myndast og að miða akstur
við aðstæður hverju sinni.
Þá var björgunarsveitin Skagfirðingasveit ræst
út í samvinnu við lögreglu vegna þess að búnt af
þakplötum höfðu fokið í geymslusvæði áhalda-
hússins á Sauðárkróki í hvassviðrinu sem gekk yfir
aðfaranótt þriðjudags. Flugbjörgunarsveitin í
Varmahlíð stóð líka í ströngu um helgina að
aðstoða ferðafólk á Skiptabakka sem lenti þar í
ógöngum. „Veðrið á svæðinu er farið að vesna og
búist við stórhríð og vindi þegar líður á daginn,“
sagði á Facebook-síðu björgunarsveitarinnar.
Rólegt í Húnavatnssýslum
Vikan hefur verið með allra rólegasta móti í
Húnavatnssýslum samkvæmt lögreglunni á
Blönduósi. Þó urðu tvær útafkeyrslur þann 6. mars
sl., önnur við Miklagil á Holtavörðuheiði og hin
við Gauksmýri í Húnaþingi vestra. Engin slys urðu
á fólki en í báðum tilfellum var um erlenda
ferðamenn um að ræða. Að sögn lögreglunnar á
Ítalskir ferðamenn enduðu utan vegar skammt frá Gauksmýri.
Ljósmynd/Anna Scheving.
Hérna er verið að spila upp bílinn sem lenti á hlið. Það þurfti marga
bíla í það verk. Mynd/Kjartan Björnsson, fengin af Facebook-síðu
Flugbjörgunarsveitarinnar.
Fyrirlestrarröð
Elsta sjálfsævisaga
íslenskrar
alþýðukonu
Spennandi fyrirlestur verður haldinn
sunnudaginn 16. mars kl. 14 á
vegum Byggðasafns Húnvetninga
og Strandamanna í Safnaðarheimili
Hvammstangakirkju. Þar mun
Guðný Hallgrímsdóttir sagnfræð-
ingur fjalla um Guðrúnu Ketils-
dóttur sem fæddist árið 1759 og er
saga hennar líklega elsta sjálfsævi-
saga íslenskrar alþýðukonu –
vinnukonu frá 18.öld.
Í fréttatilkynningu frá byggða-
safninu kemur fram að Guðný
Hallgrímsdóttir fékk á dögunum
Fjöruverðlaunin fyrir bók sína um
Guðrúnu Ketilsdóttur sem kom út
núna fyrir jólin og var bókin einnig
tilnefnd til Hagþenkisverðlaunanna. Í
sjálfsævisögunni fjallar Guðrún á
opinskáan hátt um líf sitt og erfitt
hjónaband með ótrúum eiginmanni.
/BÞ
( KNAPAKYNNING ) kristin@feykir.is