Feykir - 24.07.2014, Síða 8
8 Feykir 28/2014
Flutningur fólks
eða starfa !
AÐSENT LILJA RAFNEY MAGNÚSDÓTTIR SKRIFAR
Eins ógeðfelldir og mér
fundust fyrirhugaðir
hreppaflutningar
sjávarútvegsfyrirtækisins
Vísis á fólki á milli landshluta
þá hugnast mér ekki frekar
sú aðferðarfræði stjórnvalda
að flytja stofnanir eins og
Fiskistofu fyrirvaralaust með
manni og mús á milli
landshluta. Hvortveggja eru
þetta ruddaleg vinnubrögð
sem ekki eiga að viðgangast
og lýsa vanvirðingu gagnvart
starfsfólki og fjölskyldum
þeirra.
Aðkoma Alþingis var engin að
málinu og engar fjárheimildir
lágu fyrir vegna kostnaðar af
fyrirhuguðum flutningi. Þetta
er óvönduð stjórnsýsla og setur
svartan blett á það aðkallandi
verkefni að fjölga opinberum
störfum utan höfuðborgar-
svæðisins í réttlátara hlutfalli en
nú er.
Ég tel það vera mjög brýnt
verkefni að fjölga opinberum
störfum á landsbyggðinni ekki
bara á þéttbýlustu stöðunum
heldur ekki síður í fámennari
byggðum þar sem því verður
við komið að vinna verkefni
sem staðsetning þeirra skiptir
ekki öllu máli heldur gott
starfsfólk og öruggar háhraða-
tengingar. Reynslan af stað-
setningu opinberra starfa út
um land hefur fyrir löngu sýnt
fram á það að standast kröfur
sem gerðar eru til faglegra
vinnubragða og gott vinnu-
umhverfi og traust vinnuafl er
þar líka til staðar.
Umfang hins opinbera hefur
vaxið mjög á undanförnum 20
til 30 árum og fjölgun opinberra
starfa hefur fyrst og fremst
orðið á höfuðborgarsvæðinu
þó tekist hafi að staðsetja
nokkrar opinberar stofnanir úti
á landi á liðnum árum þá er það
eilíf barátta að halda þeim
störfum áfram í heimabyggð.
Það þekkja allir landsbyggðar-
þingmenn í gegnum tíðina þá
baráttu sem er við hver fjárlög
að verja starfsemi á lands-
byggðinni þar sem um er að
ræða fámenn stöðugildi sem
mega ekki við neinum niður-
skurði.
Það hefur verið sýnt fram á
það í rannsóknum að mikið
misræmi er í opinberum út-
gjöldum og skattheimtu eftir
landsvæðum. Það hefur
eflaust ekki verið markmið í
sjálfum sér en landsbyggðin
hefur beðið skaða af því en
höfuðborgarsvæðið hefur
notið þess.
Færð hafa verið rök fyrir
því að viðskipti landsbyggð-
arinnar á höfuðborgarsvæð-
inu eru hlutfallslega meiri
heldur en viðskipti höfuð-
borgarsvæðisins á landsbyggð-
inni. Í þessu samhengi er eðli-
legt að líta til frekari flutnings
opinberra starfa út á land til að
jafna það efnahagslega mis-
ræmi sem er staðreynd og hið
opinbera ber líka ábyrgð á með
stjórnvaldsákvörðunum sín-
um í gegnum tíðina.
Stjórnvöld verða að vinna
eftir skýrt markaðri stefnu í
flutningi opinberra starfa út á
land og að þar samræmi ráðu-
neyti og opinberar stofnanir
vinnu sína og gangi í takt.
Kynna verður með eðlilegum
fyrirvara flutning á starfsemi
ríkisins á milli landssvæða og
gæta vel að mannlega þætt-
inum og réttindum þeirra
starfsmanna sem hlut eiga að
máli og líta sérstaklega til
nýrra verkefna og starfa sem
verða til hjá hinu opinbera. Að
sjálfsögðu á að tryggja aðkomu
Alþingis að þeirri stefnumót-
unarvinnu og að fjárlögin
endurspegli þann vilja.
Allur undirbúningur þarf
að vera vandaður og landið
kortlagt hvar störfum, verk-
efnum og starfsemi er best
fyrirkomið og þá tel ég að ekki
síst eigi að horfa til þeirra
svæða sem átt hafa undir högg
að sækja undanfarin ár og
þurfa virkilega á fjölbreyttni að
halda og þar eru góðar há-
hraðatengingar lykilatriði.
Það má nefna verkefni sem
flust hafa til landsbyggðarinnar
í gegnum árin og vel hefur
tekist til með eins og Byggða-
stofnun á Sauðárkróki, Skóg-
ræktina á Héraði, Landmæl-
ingar Íslands á Akranesi,
Greiðslustofu Atvinnuleysis-
tryggingarsjóðs á Skagaströnd
og Skrifstofu Fæðingarorlofs-
sjóðs á Hvammstanga. En ég
get líka nefnt dæmi um
verkefni hjá Innheimtustofnun
sveitarfélaga sem sett var niður
á Flateyri en gekk ekki upp
vegna lélegra háhraðatenginga
og var fært yfir á Ísafjörð og
það er ekki neitt einsdæmi að
skortur á öflugum gagna-
flutningi á landsbyggðinni
hamli atvinnuuppbyggingu.
Því miður hafa opinberar
stofnanir eins og Fiskistofa t.d.
verið að hringla með störf í
útibúum sínum úti á landi í
skjóli breytinga sem orðið
hefur til þess að faglært fólk
hefur hrakist í burtu. Starfstöð
Fiskistofu á Ísafirði hefur verið
lokuð frá áramótum en
veiðieftirliti stofnunarinnar
hafði verið hætt og starfstöð
fiskeldis komið í staðin en
henni var lokað um áramótin
og engin starfsemi er þar í
gangi nú og óvissa um
framhaldið. Þetta er dæmi um
hve auðvelt er fyrir pólitíkusa
og stjórnvöld að skella í lás
þegar um litlar starfstöðvar er
að ræða og dæmi um óvönduð
vinnubrögð.
Það á ekki að kynda undir
elda milli landsbyggðar og
höfuðborgarsvæðisins með
óvönduðum vinnubrögðum
við flutning starfa og starfsemi
út á land heldur vanda vel til
verka og sýna það líka í
fjárlögum að menn vilji efla
opinbera starfsemi út um land.
Síðustu fjárlög báru þess ekki
merki þar sem gífurlegur
niðurskurður var í mörgum
verkefnum á landsbyggðinni
eins og Sóknaráætlun lands-
hlutanna er gleggsta dæmið
um.
Landsbyggðin þarf á fjöl-
breyttari atvinnutækifærum að
halda og það eru sameiginlegir
hagsmunir allra landsmanna
að vel takist til með flutning
opinberra starfa og uppbygg-
ingu atvinnustarfsemi á lands-
byggðinni því hún er jú einn
stærsti viðskiptavinur höfuð-
borgarsvæðisins.
Lilja Rafney Magnúsdóttir
alþingismaður
Unglistahátíðin Eldur í
Húnaþingi var sett í
gærkvöldi, þar sem
unglistareldurinn var
tendraður ásamt því að á
dagskrá var fjöldinn allur
af skemmtiatriðum. Það
ríkti skemmtileg stemning
og kjötsúpa var í boði fyrir
gesti og gangandi. Feykir
náði tali af framkvæmda-
stjóra hátíðarinnar, Huldu
Signý Jóhannesdóttur, og
spurði hana út í undir-
búning og framkvæmd
þessarar elleftu unglista-
hátíðar á Hvammastanga.
Hvernig kom það til að þú
tókst að þér Eld í Húnaþingi?
„Ég var í rauninni beðin um
að taka að mér hátíðina í ár og
þar sem ég vissi svona hér um
bil út á hvað hátíðin gengur þá
ákvað ég að slá til.“
Hefurðu áður stýrt þessari
hátíð eða komið að henni?
„Ég hef nú aldrei stýrt henni
áður nei, en ég held ég hafi
komið að henni með
einhverjum hætti frá því að
hún byrjaði. Þetta byggist jú
allt á því að íbúar Húnaþings
vestra séu tilbúnir til að vinna
saman að hátíðinni.“
Eru breyttar áherslur með
nýjum framkvæmdastjóra?
„Ég myndi nú segja að
áherslurnar séu svipaðar. Ég
reyni að sjálfsögðu að hafa
eitthvað fyrir alla og mín ósk
er í rauninni að færa hátíðina
svolítið „back to basic“ en það
gerist bara í smá skrefum. Eins
og núna í ár ákváðum við að
vera aftur með bílabíó sem er
ótrúlega skemmtilegt að mínu
mati.“
Hvað er helst á dagskrá? „Við
erum auðvitað með okkar
föstu viðburði. Tónleikarnir í
Borgarvirki verða á sínum
stað, og mun Kókos sjá um að
skapa rétta stemningu í virk-
inu. Svo eru tónleikar með
Ljótu hálfvitunum, fjölskyldu-
dagurinn okkar, sápurenni-
brautin verður auðvitað á
sínum stað líka og stórsveitin
Buff sér svo um að fá fólk til að
hrista á sér rassinn á dansi-
ballinu. Svo eru ýmis námskeið
í boði og fleira skemmtilegt.“
Eru einhverjar nýjungar?
„Við verðum með flugelda-
sýningu og uppistand á
opnunarhátíðinni, það hefur
ekki verið áður. Púttmót,
vatnaboltar, bubbleboltar, fjár-
sjóðsleit, og Lína Langsokkur
kemur.“
Hvernig hefur undirbúning-
urinn gengið? „Undirbúning-
urinn gengur vel bara. Þetta er
auðvitað búið að vera svolítið
púsl en þetta smellur allt á
réttum tíma einhvernvegin.“
Eitthvað annað sem þú vilt
koma á framfæri? „Ég býð
fólk bara velkomið að koma á
hátíðina okkar og gleðjast með
okkur. Það hefur alltaf verið
hálfgert Spánarveður hjá
okkur á þessum tíma og við
erum búin að panta að svo
verði einnig í ár.“
„Þetta smellur
allt á réttum tíma“
Eldur í Húnaþingi hófst í gær
VIÐTAL
Kristín Sigurrós Einarsdóttir
Hulda Signý eldhress með dagskrá Elds í Húnaþingi.
Hafðu samband
í síma 455 7176 eða sendu póst á feykir@feykir.is
...allir með!