Feykir - 25.09.2014, Side 8
8 36/2014
Tónlistarneminn Jón Þorsteinn
Reynisson býr þessa dagana á
Mozartsvegi í Köben. Hann er
fæddur 1988 og segist hafa verið
heppinn „...að alast upp í Mýrakoti
á Höfðaströnd, sem almennt er
talinn fallegasti staður jarðarinnar.“
Harmonika er hljóðfæri Jóns
Þorsteins en hann er líka partýfær
á píanó og blokkflautu.
Helstu tónlistarafrek: -Yfirleitt lít ég
á það sem tónlistarafrek þegar ég er
búinn að æfa nýtt verk og flytja það
á tónleikum, enda er sú tilfinning
frábær. En ef maður hugsar um
sérstaka viðburði að þá er það líklega
tónleikaferðin sem ég fór um Ísland
árið 2012 þar sem ég spilaði 17
tónleika á 14 dögum, sem var mjög
sérstök og skemmtileg ferð en tók á
bæði líkamlega og andlega. Það að
komast inn í Det Kongelige Danske
Musikkonservatorium var einnig stórt
skref fyrir mig, og þó að ég geti ekki
gert upp á milli allra þeirra tónleika
sem ég hef spilað að þá voru tónleikar
sem ég spilaði í CCOM í Peking í vor
mjög sérstakir, enda ekki á hverjum
degi sem maður fær tækifæri til að
spila þar.
Uppáhalds tónlistartímabil? - Mest
af minni uppáhalds tónlist er frá
barokk og rómantíska tímabilinu, svo
því er líklega auðsvarað. Svo þegar ég
vil fá smá refreshment að þá hlusta ég
á sjöunda og áttunda áratugs rokk og
jazz.
Hvaða tónlist fær þig til að sperra
eyrun þessa dagana? -Ekki margt
nýtt sem er að ná mér þessa dagana,
en í augnablikinu er ég að æfa Bach
svo líklega sperri ég mest eyrun þegar
hann fer á fóninn.
Hvers konar tónlist var hlustað á á
þínu heimili? -Í Mýrakoti var gríðarlega
mikið hlustað á Rás 1, og voru yfirleitt
a.m.k. þrjú útvörp í gangi í einu á
báðum hæðum hússins, svo að þar fór
ekkert fram hjá manni. Þar fékk maður
alla flóruna í tónlist. Svo hefur maður
einnig drukkið í sig kirkjutónlistina
þar sem að mamma er organisti. Ég
á góðar minningar frá því þegar ég
sofnaði útfrá spilinu hennar á kvöldin.
Hver var fyrsta platan/diskurinn/
kasettan/niðurhalið sem þú keyptir
þér? -Ég held án djóks að fyrsti disk-
urinn sem ég keypti mér fyrir minn
eigin pening hafi verið Pottþétt 97.
Það hefur líklega verið þegar ég var
gjörsamlega búinn að fá nóg af Rás
1… Ég man hinsvegar fyrst eftir mér
nokkrum árum fyrr fá æði fyrir Queen
plötu sem var til á heimilinu og vildi ég
óska þess að það hefðu frekar verið
mín fyrstu kaup, enda væri það svar
töluvert betra.
Hvaða græjur varstu þá með? -Mig
minnir að Queen platan hafi verið
Jón Þorsteinn Reynisson / harmonikkuséní
Sperrir eyrun yfir Bach
spiluð á gömlum plötuspilara með
hvítri marmaraplötu, tengdum í
Kenwood magnara með stórum
hátölurum. Pottþétt 97 var svo líklega
mest spilaður í ferðageislaspilaranum
mínum.
Hvað syngur þú helst í sturtunni?
-Það er mjög breytilegt, og fer allt eftir
því hvernig ég vakna áður en ég fór
í sturtu. Í morgun var það Bohemian
Rhapsody.
Hvaða lag getur eyðilagt fyrir þér
daginn? -Lagið í Stubbunum, klárt
mál.
Uppáhalds Júróvisjónlagið? -Það
er Nína. Ég tók ástfóstri við þetta lag
árið sem það var í Eurovision og mínir
fyrstu opinberu tónlistargjörningar
voru þegar ég stóð upp á kökudós
á ganginum heima og söng lagið
hástöfum fyrir gesti. Ég fór þó afar
frjálslega með textann og snérist
hann yfirleitt út í óð um skítadreifara
og traktora þegar ég mundi ekki
meira.
Þú heldur dúndurpartí í kvöld, hvað
læturðu hljóma í græjunum til
að koma öllum í stuð? -Ég myndi
dúndra gömlu rokkhundunum Jerry
Lee Lewis, Elvis Presley og svo Harry
Belafonte á fóninn. Ef maður kemst
ekki í gírinn við að heyra Whole Lotta
Shakin á maður bara að vera heima
hjá sér.
Þú vaknar í rólegheitum á sunnu-
dagsmorgni, hvað viltu helst
heyra? -Píanótónlist er málið á
sunnudagsmorgnum. Chopin, Schu-
mann og Bach láta instant kaffið
bragðast mun betur.
Þú átt þess kost að fara hvert
sem er í heiminum og skella þér
á tónleika. Hvert færirðu, á hvaða
tónleika og hvern tækirðu með þér?
-Ætli ég myndi ekki fara með konunni
til Prag af því að það eru gríðarlega
flott borg, leigja mér bát með píanói
og Krystian Zimmerman og láta
hann spila það sem mér dytti í hug
á meðan við siglum á Moldá með
tékkneskan bjór og steik fyrir framan
okkur.
Hvaða tónlistarmaður hefur þig
dreymt um að vera? -Úff, örugglega
mjög margir. Held að það sé best að
segja sem minnst um það.
Hver er að þínu mati besta plata
sem gefin hefur verið út? -Það er
eiginlega ómögulegt að nefna bara
eina plötu, og í rauninni ósanngjarnt
því að það eru til svo margar plötur
sem mér finnst alveg ótrúlega góðar.
Ef við tölum um klassíska tónlist að
þá verð ég að segja að Glenn Gould
að spila Goldberg Variations (seinni
útgáfan) er mjög ofarlega á blaði.
( TÓN-LYSTIN ) oli@feykir.is
toppurinn
Vinsælustu lögin á
Playlistanum:
Ballade nr.1
CHOPIN
Prelude í D dúr
RACHMANINOV
Intervention
ARCADE FIRE
Traumerei
SCHUMANN
Ensk svíta í g moll
BACH
Perfect Strangers
DEEP PURPLE
Landbætur með góðum
árangri í Keflavík
Árið 1976 hófu hjónin Þórey
Jónsdóttir og Jóhann Már
Jóhannsson, búskap á
jörðinni Keflavík í Hegranesi í
Skagafirði. Þau tóku jörðina á
leigu en keyptu hana árið
2002. Jörðin liggur við sjó,
ákaflega snjólétt og þar hafði
útbeit verið mikið stunduð
alla tíð. Úthagi var ákaflega
rýr og beitarland takmarkað.
Keflavík var dæmi um jörð
þar sem gróðurlendið var að
stórum hluta í tötrum. Þau
hófu fljótlega landbætur á
jörðinni og hafa notað til þess
margvíslegar aðferðir. Til að
byrja með notuðu þau mest
heyrusl og búfjáráburð en
einnig nokkuð af tilbúnum
áburði.
Árið 1994 gerðust þau hjón
aðilar að verkefninu „Bændur
græða landið“ og jókst þá
notkun á tilbúnum áburði. Á eitt
uppgræðslusvæðið hefur lúpína
verið notuð með góðum árangri
frá 1980. Einnig hafa flagmóar
verið tættir og þeir græddir upp
með fræi og áburði. Hross hafa
aldrei verið mörg í Keflavík,
9-15, en á vetrum hefur þeim
verið gefið út á ógróin svæði.
Fóðurleifar og teðsla hrossanna
mynda í framhaldinu gróður-
hulu. Um 60 ha eða 43% af
úthaga í Keflavík hefur verið
tekinn til uppgræðslu. Jafnhliða
hefur verið rekið stórt sauðfjárbú
á jörðinni með um 350-370
vetrarfóðruðum kindum.
Af reynslu þeirra Keflavíkur-
bænda af uppgræðslu illa farins
lands má draga mikinn lærdóm.
Stærstur hluti uppgræðslunnar
voru melar sem gróðurþekjan
hafði fokið af. Þar virðist henta
best að bera á lífrænan úrgang,
s.s. búfjáráburð og heyrusl.
Tvígildan áburð, köfnunarefni
og fosfór, þarf einnig að bera á
þessi svæði ef þau á að nytja að
ráði til beitar. Frægjöf er ekki
nauðsynleg en flýtir þó fyrir
þéttingu svarðarins. Stuttan
tíma, 3-4 ár tekur að koma sam-
felldum gróðri í melana en til að
mynda jarðveg og bæta vatns-
búskapinn getur þurft að bera á
landið í allmörg ár í viðbót.
Þegar moldir og flagmóar
eru teknir til uppgræðslu þarf að
nota aðrar áherslur. Til að græða
upp flagmóa hefur reynst best að
tæta þá eina umferð og sá í þá
grasfræi og bera á tvígildan
áburð. Best er að valta þá fyrir
og eftir sáningu og aftur að vori.
Frægjöfin flýtir fyrir myndun
gróðurþekju, sem dregur úr
frostlyftingu. Hún er helsti
skaðvaldur gróðurs í flagmóum
og á melum. Sé lífrænn úrgangur
til staðar flýtir hann framvindu
gróðurs til muna og gott að nota
hann með tilbúna áburðinum.
Friðun fyrir beit hrossa og
sauðfjár er æskileg fyrstu tvö ár
aðgerðanna, einkum þar sem
fræ er notað. Í Keflavík er erfitt
um vik að alfriða land á vorin en
reynt er að stýra beitinni eftir
föngum. Eftir að fé er allt farið til
afréttar í lok júní er úthagi
friðaður þar til fé kemur af fjalli
um miðjan september. Vetrar-
beit er engin.
Reynslan í Keflavík af haust-
beit sauðfjár sýnir að féð sækir í
ábornu uppgræðslurnar. Það
virðist ekki koma að sök, sé þess
gætt að ganga ekki of nærri
beitinni og jafnvel vera til bóta
hvað varðar þéttingu gróður-
þekjunnar, einkum þegar upp-
græðslan er farin að taka við sér
eftir tveggja til þriggja ára
áburðargjöf. Fyrsta árið eru
borin á 300 kg/ha af tvígildum
áburði en síðan 150 – 200 kg/ha.
Þrígildur áburður er stundum
notaður þegar gróður er tekinn
að þéttast.
Bjarni Maronsson
héraðsfulltrúi Landgræðslunnar
á Norðurlandi vestra
AÐSENT BJARNI MARONSSON SKRIFAR
Bjarni Maronsson Landgræðslufulltrúi, Þórey og Jóhann Már skoða þann góða
árangur sem hefur náðst á jörðinni Keflavík. MYND ÁSKELL ÞÓRISSON
Allir finni „sína“ hreyfingu
Hreyfivikan í næstu viku
Hreyfivikan „MOVE WEEK“ fer fram um
gjörvalla Evrópu dagana 29. september – 5.
október 2014. en hún er hluti af herferð
International Sport and Culture Association
(ISCA) en framtíðarsýn herferðarinnar er að
100 milljónir fleiri Evrópubúa verði orðnir
virkir í hreyfingu og íþróttum fyrir árið 2020
að fólk finni „sína“ hreyfingu sem hentar því.
Sambandsaðilar UMFÍ munu taka virkan þátt
í Hreyfivikunni og bjóða upp á fjölda viðburða og
tækifæra fyrir fólk til að kynna sér fjölbreytta
hreyfingu sér til heilsubótar.
Fylgstu með á www.umfi.is og á http://www.
iceland.moveweek.eu/ skráðu þig og vertu með í
því að koma Ísland á hreyfingu í Hreyfivik-
unni. /BÞ