Feykir - 08.01.2015, Page 10

10 1/2015
Norðurland vestra
Fallegir tónar í lok jóla
Aðventunni og jólunum fylgir
gjarnan tónleikahald og aðrir
menningarviðburðir. Þannig voru
jólin sungin út á Þrettándagleði
Heimis, sem er árviss viðburður í
Menningarhúsinu Miðgarði.
Húsfyllir var á tónleikunum og höfðu
Heimismenn fengið til liðs við sig Þór
Breiðfjörð einsöngvara, Jón Þorstein
Reynisson harmónikkuleikara og Pétur
Ingólfsson á kontrabassa.
Kirkjukór Hólaneskirkju var einnig
með tónleika í ársbyrjun, en kórinn
heimsótti Blönduóskirkju með vel
heppnaða tónleika. Þessi gamalgróni
kór hyggur nú á sína fyrstu utanlands-
ferð og er förinni heitið til Kanada. /KSE
Áhorfendur í sal voru hæstánægðir með Þrettándagleði Heimismanna.
Litið um öxl á nýju ári > Þórður Pálsson ráðunautur á Blönduósi
Góður bati sonarins
Hvað finnst þér eftirminnilegast af
því sem gerðist á þínu svæði á
nýliðnu ári?
-Fyrir mig persónulega er góður bati
sonar míns í erfiðum veikindum það
sem stendur uppúr á árinu og annað
virðist hálf smávægilegt í samanburði.
En vinnulega séð var gleðilegur
góður árangur húnvetnskra bænda á
árinu; nythæsta kúabúið, hæst
dæmdi 4. vetra stóðhesturinn og
sífellt betri árangur sauðfjárbænda á
svæðinu.
Hver var skemmtilegasta uppá-
koman að þínu mati?
-Var nú lítið heima á árinu og missti
því af þeim uppákomum sem þar
voru en vinna á Landsmóti
hestamanna í vonsku veðri er
eftirminnileg og gott að næsta mót
verður í veðurblíðunni á Hólum í
Hjaltadal.
Hvernig voru jólin og áramótin hjá
þér?
-Jól og áramót voru haldin í faðmi
fjölskyldu og vina. Samkvæmt venju
var áramótunum fagnað í sumar-
bústað í Varmahlíð í góðra vina hópi.
Gæðastundir þar sem gert var vel við
sig í mat og drykk.
Hef trú á að nýtt ár verði okkur
hagstætt með áframhaldandi fram-
förum og nýjum tækifærum. /KSE
Myndir frá tónleikunum á Blönduósi: Höskuldur B. Erlingsson
Myndir frá tónleikum Heimis: Kristín Sigurrós Einarsdóttir