Feykir - 05.02.2015, Blaðsíða 4

4 5/2015
Tíminn líður hratt... á
gervihnattaöld. Janúar er
liðinn og árið er 2015, á ég að
trúa þessu? Þegar ég sest
niður og hugsa um árið 2014,
sem er án efa ár breytinga í
mínu lífi, er mér efst í huga
þakklæti. Þakklæti yfir að
mínir nánustu hafa það gott
og eru
hraustir eða
hafa sigrast
á erfiðum
veikindum.
Þakklæti
yfir því að
hafa
ákveðið að flytja aftur heim í
fjörðinn fagra og búa mér til
líf hér með fjölskyldunni.
Þakklæti yfir því að hafa
þorað að taka skrefið og
stofna fyrirtæki utan um
handverkið mitt.
Þegar ég ákvað í byrjun
seinasta árs að snúa lífi mínu,
og þar af leiðandi fjölskyldu
minnar, algjörlega á hvolf og
stofna fyrirtæki vissi ég að það
myndi breyta ýmsu. Ég var
hins vegar ekki búin að átta
mig á að ég væri búin að skrá
mig í mestu rússibanareið ævi
minnar. Þar sem einn daginn
líður manni eins og maður
gæti sigrað heiminn með
brosinu einu saman en þann
næsta er maður uppfullur af
efasemdum um hvað maður sé
eiginlega að gera. Á slíkum
dögum er ómetanlegt að hafa
gott fólk í kringum sig. Góðir
vinir með breiðar axlir og
frábær fjölskylda með stóran
faðm geta gera kraftaverk.
En það sem gleymist
stundum að sé líka ómetanlegt
er að geta labbað inn í bankann
með vangaveltur, vera minnt á
að Róm var ekki byggð á einum
degi og labbað aftur út full
sjálfstrausts. Að geta farið í
kaffi til starfsfólks SSNV, fengið
uppbyggilega gagnrýni, góðar
ábendingar og liðið eins og
maður geti sigrað heiminn
þegar maður leggur bollann frá
sér. Að mæta engu nema
vinsemd og almennilegheitum
þegar maður labbar inn í
samstarfsfyrirtæki hér í bæ,
þar sem starfsfólkið vill
gjörsamlega allt fyrir mann
gera og sýnir hugmyndum og
vörum áhuga af einlægni. Að
vera stoppuð í búðinni af
ókunnugu fólki sem spyr hvort
maður sé stelpan sem gerir
flottu klútana og óróana. Fólk
sem samgleðst manni innilega
að þetta sé „það eina sem ég
geri núna“ með dassi af undrun
með.
Við ykkur vil ég segja, takk,
takk og aftur takk. Það er ekki
hægt að lýsa því með orðum
hvað þessi stuðningur, hvort
sem hann er beinn eða óbeinn,
skiptir miklu máli og því vil ég
með þessum vangaveltum og
orðum, reyna að koma því á
framfæri hvað ég er glöð með
að vera umkringd svona
frábæru fólki alla daga. Með
það í huga hlakka ég til að
skella mér í rússíbanann sem
árið 2015 færir mér með það
að leiðarljósi að muna eftir því
að hrósa og þakka meira fyrir
það sem ég er þakklát fyrir.
Lilja Gunnlaugsdóttir
Eigandi Skrautmen
Vangaveltur á nýju ári
AÐSENT LILJA GUNNLAUGSDÓTTIR SKRIFAR
Jöfnun kostnaðar við hús-
hitun og dreifingu raforku
Víða á landsbyggðinni var
mikið fjallað um jöfnun
raforkukostnaðar fyrir síðustu
kosningar.
Flestir
stjórnmála-
flokkar og
þar með
talinn
Framsóknar-
flokkurinn
lögðu áherslu á að jafna
þennan kostnað.
Til þess að það náist til fram-
búðar þá þarf að endurskoða
núverandi löggjöf hvað þetta
snertir. Þessi stefna er mörkuð í
stjórnarsáttmála ríkisstjórnar-
innar en þar segir orðrétt:
„Unnið verður að jöfnun raf-
orku- og húshitunarkostnaðar.“
Til að þrýsta á framgang málsins
þá hefur undirritaður ítrekað
tekið málið upp, nú síðast í um-
ræðum á Alþingi 2. febrúar sl.
Staða málsins er sú að
Iðnaðar- og viðskiptaráðherra
hefur lagt fram frumvarp um
jöfnun á dreifingarkostnaði
raforku en það mál er nú í
vinnslu á Alþingi og klárast nú á
vorþingi. Frumvarpið gerir ráð
fyrir að lagt verði sérstakt
jöfnunargjald á þá raforku sem
fer um dreifikerfi dreifiveitna
með það að markmiði að standa
undir fullri jöfnun kostnaðar við
dreifingu raforku til almennra
notenda, þ.e. heimila og
fyrirtækja sem fá raforku sína
beint frá dreifiveitunum. Þetta
þýðir að kostnaður við dreifingu
raforku verður sá sami óháð því
hvort viðkomandi er búsettur í
þéttbýli eða dreifbýli.
Það er einnig réttlætismál að
jafna raforkukostnað þeirra sem
búa á köldum svæðum og þar
hafa verið til skoðunar ýmsar
leiðir. Ríkisstjórnin mun á næstu
vikum leggja fram þingmál á
Alþingi sem miðar að því að
jafna að fullu húshitunarkostnað
á köldum svæðum. Það er síðan
mikilvægt að Alþingi nái að
klára það mál nú á vorþingi
þannig að þetta komist til
framkvæmda sem fyrst.
Ríkisstjórnin mun jafna
húshitunarkostnað á köldum
svæðum og dreifikostnað
raforku í dreifbýli. Það er
mikilvægt að aðgerðirnar séu til
frambúðar og að þær komist til
framkvæmda fyrr en síðar. Með
tilliti til byggðasjónarmiða og
jafnræðis til búsetuvals, er ekki
verjandi að verð á jafn
mikilvægum nauðsynjum og
rafmagni og húshitunarkostnaði
skuli vera jafn breytilegt milli
landsvæða og raun ber vitni.
Ásmundur Einar Daðason
Alþingismaður
Framsóknarflokksins
AÐSENT ÁSMUNDUR EINAR DAÐASON
Dagana 25.-31. janúar var rúmum 39 tonnum landað á Skagaströnd, 783 kílóum á Hvamms-
tanga, 6,5 tonnum á Hofsósi og 116 tonnum á Sauðárkróki. Alls gera þetta rúm 160 tonn á
Norðurlandi vestra. /KSE
SKIP/BÁTUR VEIÐARFÆRI KG SKIP/BÁTUR VEIÐARFÆRI KG
Harpa HU 4 Dragnót 783
Alls á Hvammstanga 783
Alda HU 112 Landbeitt lína 10.851
Dagrún HU 121 Þorskanet 2.211
Guðmundur á Hópi Landbeitt lína 16.352
Gulltoppur GK 24 Landbeitt lína 8.360
Sæfari HU 200 Landbeitt lína 1.402
Alls á Skagaströnd 39.176
Geisli SK 66 Landbeitt lína 1.960
Skáley SK 32 Línutrekt 4.614
Alls á Hofsósi 6.574
Hafborg SK 5 Þorskfisknet 1.274
Klakkur SK 5 Botnvarpa 115.017
Alls á Sauðárkróki 116.291
Klakkur fer úr höfn á Sauðárkróki sl. mánudag. MYND: BÞ
Aflatölur 25.-31. janúar 2015
Klakkur með 116 tonn
Greiðsluseðlar sendir beint í heimabanka er ódýrari kostur en
heimsendir. Einnig er hægt að nota greiðslukort.
Áskrift er nú innheimt mánaðarlega til hagræðingar fyrir áskrifendur.
Áskriftargjald Feykis er með þeim lægstu á landinu og
vonum við að áskrifendur haldi tryggð við blaðið.
Til að breyta í pappírslaus viðskipti eða færa
á greiðslukort hringið í síma 455 7171 / 455 7176
Pappírslaus viðskipti