Feykir - 04.06.2015, Blaðsíða 2

2 21/2015
Það er gamall og góður siður að fylgja gestum úr hlaði og
bjóða þá velkomna aftur. Við hjá Feyki sem og aðrir íbúar
svæðisins viljum taka vel á móti gestum okkar og erum fús
til að kynna þeim heimahagana.
Partur af þeirri viðleitni er þetta
þemablað Feykis sem er tileinkað
ferðalögum á Norðurlandi
vestra. Jafnframt því að vísa
aðkomufólki veginn ætti það að
vera heimamönnum gagnlegt
uppflettirit.
Vonandi eru ferðamenn með-
vitaðir um það að ferðalög eru
annað og meira en salernisstopp og
kók og pylsa, þó það verði vissulega
oft að fylgja. Að ferðast og upplifa
ókunnar slóðir af eigin raun skilur mun meira eftir heldur en
allar stundirnar sem vafrað er á veraldarvefnum eða ljúfar
myndir sem skoðaðar eru á öldum ljósvakans. Slíkt er þó
vissulega vel til þess fallið að vekja áhugann á raunverulegri
upplifun. Áhugann á að ferðast um slóðir sem markaðar eru
sögu, örnefnum, búsetu og menningu sem á sér engan líka.
Landslag væri lítils virði ef það héti ekki neitt og í hverjum
stokk og hverjum steini leynist lítil saga. Minnumst þess ætíð á
ferðalögum okkar um Norðurland vestra.
Hér háttar svo til að tiltölulega stutt er frá vestasta hluta
héraðsins til hins austasta og ekki eins miklar krókaleiðir eins
og víða annars staðar. Fyrir vikið er kannski ákveðin tilhneiging
til að þjóta án þess að njóta. Það þýðir þó ekki að akstursskilyrði
séu alls staðar góð og þarf að haga ferðinni eftir því. Eftir á getur
líka hið óvænta ævintýri orðið eftirminnilegast, jafnvel þó að
það sé blautt tjald, kalt kakó eða sprungið dekk. Vonandi skilur
upplifun ferðafólks og heimafólks af ferðum um svæðið eftir
jákvæðar minningar.
Ferðaþjónusta á Norðurlandi vestra hefur vaxið ört á síðustu
árum. Stórauknir gistimöguleikar, fjölbreytt afþreying, gómsæt
krásir bjóðast víða, auk stórbrotinnar náttúru. Hvort sem þú
nýtur upplifunar í alfaraleið í Húnaþingi vestra, skoðar þig um
milli fjalls og fjöru í Austur-Húnavatnssýslu eða ferð á slóðir
Sturlunga og stóðhesta í Skagafirði, munu gestgjafar kappkosta
að gera dvölina sem ánægjulegasta. Eigðu góða og ánægjulega
ferð um Norðurland vestra og heila heimakomu.
Kristín S. Einarsdóttir, blaðamaður
Útgefandi: Nýprent ehf., Borgarflöt 1, Sauðárkróki
Póstfang Feykis: Borgarflöt 1, 550 Sauðárkrókur
Ritstjóri & ábyrgðarmaður:
Berglind Þorsteinsdóttir – berglind@feykir.is & 455 7176, 694 9199
Blaðamenn:
Kristín Sigurrós Einarsdóttir – kristin@feykir.is & 867 3164
Óli Arnar Brynjarsson – oli@feykir.is Þóra Kristín Þórarinsdóttir – thora@nyprent.is
Áskriftarverð: 530 kr. hvert tölublað með vsk. Lausasöluverð: 650 kr. með vsk.
Áskrift og dreifing: Nýprent ehf. Sími 455 7171. Umbrot og prentun: Nýprent ehf.
Óháð fréttablað á Norðurlandi vestra - alltaf á fimmtudögum
LEIÐARI
Fylgt úr hlaði
Tveir nemendur
hlutu verðlaun
Afhent út minningarsjóðum við skólaslit
Gleðilegan
sjómannadag!
Hátíðarhöld um allt Norðurland vestra
Að venju verður mikið
húllumhæ fyrir alla
aldurshópa á Hvammstanga,
Hofsósi, Sauðárkróki og
Skagaströnd í tilefni af
sjómannadegi. Boðið verður
upp á skemmtisiglingar og
annað fjör við hafnir bæjanna.
Síðan verður gleðin áfram við
völd fram á rauða nótt.
Feykir óskar sjómönnum til
hamingju með daginn. /BÞ
Skipaður 32 manna
samráðsvettvangur
Sóknaráætlun landshlutanna
Á síðasta stjórnarfundi SSNV lagði framkvæmdastjóri fram
tillögu að gerð sóknaráætlunar fyrir landshlutann. Samkvæmt
samningi um sóknaráætlun munu sveitarfélögin innan SSNV
skipa 32 manna samráðsvettvang vegna hennar.
fulltrúa og verður skipting þeirra
sem hér segir: Sveitarfélögin í
Skagafirði - 14 fulltrúar; Sveitar-
félögin í A-Húnavatnssýslu - 11
fulltrúar; Húnaþing vestra: 7
fulltrúar. „Mikilvægt er að við val
á fulltrúum í samráðsvettvanginn
gæti sveitarfélögin þeirra sjónar-
miða sem fram koma í samn-
ingnum og tilgreind eru hér að
ofan,“ segir í fundargerð stjórnar
SSNV frá 13. maí sl.
Fyrsti fundur samráðsvett-
vangsins verður haldinn í
Menningarhúsinu Miðgarði 10.
júní nk. kl. 17:00 og er hann
öllum opinn. /KSE
Með samráðsvettvangnum
skal tryggð sem breiðust aðkoma
sveitarstjórna, stofnana, atvinnu-
lífs, menningarlífs, fræðasam-
félags og annarra haghafa í
landshlutanum. Gæta skal lýð-
ræðis, búsetu, aldurs og kynja-
sjónarmiða. Samráðsvettvangur-
inn skal m.a. hafa beina aðkomu
að gerð sóknaráætlunarinnar.
Sveitarstjórnum sveitarfélag-
anna hefur verið falið tilnefna 32
Við skólaslit Tónlistarskóla
Skagafjarðar í sal frímúrara á
Sauðárkróki þann 22. maí
voru að venju veitt verðlaun úr
minningarsjóðum Jóns
Björnssonar frá Hafsteins-
stöðum og Aðalheiðar Erlu
Gunnarsdóttur frá Syðra-
Vallholti.
Eiður Guðvinsson afhenti
Guðmundi Elí Jóhannssyni,
nemanda Tónlistarskólans,
viðurkenningu úr minningar-
sjóði Jóns Björnssonar frá
Hafsteinstöðum og er hann
tólfti nemandinn sem fær veitt
úr þessum sjóði. Það var Magnús
Gunnar Mánason sem hlaut
verðlaun úr minningarsjóði
Aðalheiðar Erlu. /BÞ
Fimm kúabú
verðlaunuð
Húnavatnssýslur
Fimm kúabú í Húnaþings-
deildum voru meðal alls 63
verðlaunahafa af landinu
öllu þegar verðlaun voru
veitt fyrir framleiðslu á
úrvalsmjólk á árinu 2014.
Flestir voru verðlauna-
hafarnir í Norðausturdeild.
Þeir sem hlutu verðlaun í
Húnaþingsdeildum voru:
Brúsi ehf. Brúsastöðum
A-Hún., Jens Jónsson,
Brandaskarði A-Hún, Loftur
S. Guðjónsson, Ásbjarnar-
stöðum V-Hún., Pétur Sigur-
valdason, Neðri-Torfustöð-
um V-Hún og Ásgeir
Sverrisson, Brautarholti
V-Hún. /KSE
Feykir.is
Þú finnur
þínar fréttir á
vefnum þínum
Guðmundur Elí Jóhannsson og Eiður Guðvinsson. MYND: SVEINN S.
Flott tilþrif á gólfinu
Fyrsta júdómótið á Sauðárkróki í meira en áratug voru keppendur á Vormótinu alls
31, á aldrinum 7 til 12 ára, og
komu frá JR í Reykjavík, Pardus á
Blönduósi, Draupni á Akureyri
og Tindastóli. Áður en mótið
hófst var haldin sameiginleg
æfing allra keppanda þar sem
tekist var á í glímu og farið í ýmsa
júdóleiki. Keppendum var svo
boðið upp á heita súpu eftir
æfinguna.
Á mótinu var keppendum
skipt upp í tíu flokka eftir stærð,
getu og aldri. Flestir kepptu því
tvær glímur og fengu allir
verðlaun að lokum. „Keppendur
stóðu sig mjög vel og var enginn
skortur á flottum tilþrifum á
júdógólfinu, áhorfendum til
mikillar skemmtunar. Eftir mót
var keppendum síðan boðið í grill
áður en þeir héldu saddir og sælir
heim á leið eftir frábæran júdó-
dag,“ segir í tilkynningu. /BÞ
Vormót Tindastóls í júdó fór
fram í Íþróttahúsinu á
Sauðárkróki sl. laugardag en
um var að ræða fyrsta
júdómótið á Sauðárkróki í
meira en áratug.
Þetta var jafnframt í fyrsta
sinn sem nýja júdógólfið var
notað í fullri stærð en það var
keypt í haust eftir vel heppnaða
peningasöfnun júdódeildarinnar
á meðal fyrirtækja, stofnana og
einstaklinga á Sauðárkróki.
Samkvæmt fréttatilkynningu
Sprækir júdóiðkendur. MYND: MHH