Feykir - 04.06.2015, Blaðsíða 14

14 21/2015
Fyrir góðan dag
Við óskum sjómönnum til hamingju með daginn
Ártorgi 1 550 Sauðárkrókur & 455 4500 www.ks.is
N
Ý
PR
EN
T
eh
f
SAMANTEKT
Þóra Kristín Þórarinsdóttir
Nýtt á söfnum og
setrum í sumar
Sumarsýningar á Norðurlandi vestra
Þau eru mörg söfnin og setrin á
Norðurlandi vestra og hvert öðru
áhugaverðara. Mörg af þeim
halda sama sniði milli ára en
önnur bjóða upp á eitthvað nýtt,
og þá oftast á sumrin.
Blaðamaður Feykis náði tali á
nokkrum framkvæmdastjórum
safna og fræddist um sýningar
sumarsins.
Vesturfarasetrið á Hofsósi
Vesturfarasetrið mun í júlí opna nýja
sýningu, Brasilíufarana, um ferðir
Íslendinga til Brasilíu. Um 40
manns fluttust frá Íslandi til Brasilíu
1873 og voru áform um að stofna
íslenska nýlendu þar í landi. Saga
þessa fólks verður rakin í máli og
myndum á sýningunni, auk þess
verður aðdragandi ferðanna skoð-
aður, ferðalagið og síðan hvernig
Brasilía kom Íslendingum fyrir sjónir.
Fjallað verður um fjölskyldurnar sem
fóru og afkomendur þeirra. Fyrir-
huguð er ferð íslenskættaðra
Brasilíumanna til Íslands í sumar og
er ætlunin að opna sýninguna í
tilefni af þeirri heimsókn. Annars
verða sýningarnar Annað land
annað líf, Akranna skínandi skart
og Þögul leiftur allar í gangi í
sumar.
Heimilisiðnaðarsafnið Blönduósi
Heimilisiðnaðarsafnið hefur opnað
sýninguna Fínerí úr fórum for-
mæðranna en hún er tileinkuð því
að 100 ár eru liðin frá því að konur
fengu kosningarrétt á Íslandi.
Ásamt henni verður boðið upp á
ýmsa viðburði í safninu í sumar en
að svo stöddu er ekki búið að
dagsetja þá.
Selasetrið Hvammstanga
Selasetrið var stofnað af heima-
mönnum og áhugamönnum um sel
árið 2005 og fagnar því 10 ára
afmæli í ár. Verslun Selasetursins
var stækkuð og hefur vöruval verið
aukið til mikilla muna. Í sumar
stendur sem hæst vinna við hönnun
á uppfærslu sýningar Selasetursins
í tengslum við styrk frá Vaxtar-
samningi Norðurlands vestra. Axel
Hallkell leikmyndahönnuður hefur
verið verið fenginn til verksins í sam-
vinnu við starfsmenn Selasetursins.
Hann hefur m.a hannað landnáms-
sýninguna í Borgarnesi, Eldheima
og Surtseyjarstofu í Vestmanneyjum
og fuglasafnið við Mývatn. Stefnt er
að því að þeirri vinnu ljúki fyrir
haustið og framtíðarsýn fyrir sýning-
una verði tilbúin á afmælisárinu.
Samgönguminjasafn
Skagafjarðar
Á safninu er nýuppgerður Willis
jeppi sem verður til sýnis þegar
safnið opnar og svo koma nokkrir
nýir bílar inn í sumar. Jeppinn er
árgerð 1962 og Sigurmon í Kolku-
ósi átti hann.
Samgönguminjasafnið stefnir á að
bjóða upp á kaffihlaðborð aðra
hverja helgi í sumar sem verður
auglýst á facebook síðu safnsins,
ásamt öllum öðrum viðburðum.
Byggðasafn Húnvetninga
og Strandamanna
Í sumar verða settar upp á safninu
tvær sýningar sem opna seinnihluta
júnímánaðar. Önnur er um Spán-
verjavígin 1615 en það ár brotnuðu
þrjú spönsk skip í Reykjarfirði á
Ströndum. Vestfirðingar undir for-
ystu Ara sýslumanns í Ögri fóru að
skipbrotsmönnunum og myrtu þá.
Mál þetta er kallað Spánverjavígin
og er talið eitt mesta grimmdarverk
Íslandssögunnar. Þetta er spjalda-
sýning og er hönnuð af Ólafi J.
Engilbertssyni.
Hin sýningin er í tilefni af 100 ára
kosningaafmæli kvenna. Á henni
verða til sýnis munir í eigu safnsins
sem sérstaklega tengjast sögu
kvenna á safnasvæðinu. Með mun-
unum eru ýmsir textar sem tengja
þá við sögu kvenna í gegnum tíðina.
Vélageymsla í Lindarbæ
í Sæmundarhlíð
Sigmar Jóhannsson stefnir að því
að opna Vélasafn í lok júní í
Lindarbæ í Sæmundarhlíð. Þar
verður hægt að sjá traktora af öllum
stærðum og gerðum ásamt smá-
vegis af hestaverkfærum, eins og
hestakerrum. Þar verða allt upp
undir 20 traktorar sem búið verður
að gera upp.