Feykir - 04.06.2015, Blaðsíða 9

21/2015 9
of mikið,“ segja þau. „Það er
ekki hægt að vera í öllu.“
Bónorð í
heita pottinum
Mikill meirihluti gesta sem
koma í Dæli eru erlendir
ferðamenn. Íslendingarnir koma
helst á ættarmót, í sumar eru til
að mynda ættarmót allar helgar
nema verslunarmannahelgina.
Algengast er að ferðafólk staldri
við eina nótt. „Það er varla hægt
að segja að þetta sé áfangastaður
heldur stoppar fólk hér eina nótt
áður en það fer eitthvað annað.
En kannski er þetta að breytast
eftir að Selasetrið kom og
Selasiglingar,“ segir Villi og aftur
nefnir Sigrún að afþreyinguna
skorti. Villi segir að aðsóknin á
jaðartímum sé þó að aukast.
Ferðaþjónustan í Dæli á sína
fastagesti, m.a. hóp frá Skaga-
strönd sem kemur á hverju ári.
„Og maðurinn sem bað kon-
unnar sinnar í pottinum. Þau
koma á hverju ári,“ bætir Kiddi
við. Sigrún segir líka frá eldri
hjónum að sunnan sem koma á
hverju ári og hafa þau hjónin
endurgoldið þeim heimsókn-
irnar, enda myndast stundum
vinatengsl við fastagesti.
Í Dæli er jafnframt rekin
tamningastöð, boðið er upp á
reiðkennslu og nýlega var tekinn
í notkun reiðvöllur á staðnum.
Þessi hestatengda starfsemi er
góð viðbót við það sem fyrir var.
Haffí sér um hana og Kiddi
deilir starfskröftum sínum milli
hennar og ferðaþjónustunnar.
„Húsið tekur 30 hross og það er
fullt,“ segir Haffí aðspurð um
umsvif starfseminnar. Auk þess
að stunda tamningar og keppni
bíður Haffí upp á reiðkennslu
fyrir einstaklinga sem ýmist
geta komið með eigin hesta eða
fengið leigðan hest meðan á
kennslunni stendur, í lengri eða
skemmri tíma.
Reiðvöllurinn er ætlaður
fyrir sýningahald og þjálfun.
Fyrsta sýningin var nýlega
afstaðin þegar blaðamann bar að
garði, en sýningarnar verða að
minnsta kosti vikulega í sumar.
Ferðaskrifstofurnar panta
sýningarnar fyrirfram fyrir hópa
sem eru yfirleitt í hádegismat
líka. „Sýningarnar byggja á sögu
hestsins og hvernig hann hefur
verið notaður. Það er riðið í
söðli, hesturinn flytur hey, sýnt
er hvernig hann var notaður í
gamla daga og við hvaða störf.
Hann var okkar þarfasti þjónn
til að komast á milli staða og til
að geta lifað. Svo færum við
okkur í rólegheitunum nær
nútímann og sýnum hvernig
hann er í dag sem atvinnugrein
og áhugamál,“ útskýra Haffí og
Kiddi.
Sigrún og Villi muna tímana
tvenna í ferðaþjónustunni en
þegar þau voru að byrja voru
Brekkulækur í Miðfirði og
Staðarskáli helstu ferðaþjónustu-
fyrirtækin í héraðinu. Dæli varð
strax aðili að Ferðaþjónustu
bænda. „Ég tel það mjög gott að
hafa fengið þar stuðning. Ég
held að fólk sem er í
Ferðaþjónustu bænda átti sig
margt ekki á því hvað þetta er
gott stuðningsnet hjá Ferða-
þjónustu bænda því það er
haldið vel utan um þá sem eiga
aðild,“ segir Sigrún.

Gott samstarf í
ferðaþjónustunni
Út frá því berst talið að
húsdýragarði sem er rekinn á
Stóru-Ásgeirsá, 2 km frá Dæli.
Þar er einnig hestaleiga og
segjast þau eiga gott samstarf við
ábúendur þar. „Það er bara
frábært, það vantar alltaf
afþreyingu fyrir ferðafólkið,“
segir Sigrún. Hún getur þess
einnig að gott samstarf sé við
Gauksmýri og fleiri ferðaþjón-
ustuaðila á svæðinu. „Við vísum
hvert á annað og reynum að
halda fólki innan héraðsins með
því að finna gistingu fyrir það
hér inn á svæðinu.“
Auk Hvammstanga eru
Við óskum
sjómönnum
til hamingju með daginn
Eyrarvegi 21 Sauðárkróki Sími 455 6600 www.vorumidlun.is
Skagfirðingabraut 29 Sauðárkróki Sími 453 6666
Sæmundargötu 1 Sauðárkróki Sími 453 5481
Útibúið á Sauðárkróki Suðurgötu 1 Sími 410 4161
Borgartúni 1 550 Sauðárkrókur Sími 453 6490
Skagastrandarhöfn | Sími: 455 2700 www.skagastrond.is
Húnaþing vestra | Ráðhús við Hvammstangabraut Sími 455 2400
Hesteyri 1 Sauðárkróki Sími 455 4500
Góð aflameðferð er grunnur gæða – Blæðing og kæling
www.fmis.is
Þverbraut 1 Blönduósi & 452 4932 | Klapparstíg 4 Hvammstanga & 451 2730
Borgarmýri 1 Sauðárkróki Sími 455 6500
Vatnsnes-hringurinn og Kolu-
gljúfur vinsælustu áfangastað-
irnir í Húnaþingi vestra. Þá eru
ýmsar gönguleiðir vinsælar og
segir Sigrún að ferðafólk sæki
mikið í þær. Hún tekur sem
dæmi að fyrir nokkrum árum
hafi sjálfboðaliðar markað
gönguleið við Kolugljúfur.
Sigrún segir að Ferðamála-
félag Vestur-Húnavatnssýslu sé
virkt og nú sé starfandi
stýrihópur skipaður fulltrúum
félagsins, sveitarfélagsins og
atvinnuráðgjöfum. Markmiðið
sé að stýra þróun og upp-
byggingu í ákveðna átt og koma
á skýrari stefnumótun. Hún
telur að oft nýtist fjármagn í
greininni illa og tekur sem dæmi
þegar verið er að úthluta styrkj-
um í verkefni sem aldrei eru
kláruð eða því sem gert er sé
ekki haldið nægjanlega vel við.
Hún telur því þarft að hefja
stefnumótum og fylgja henni
svo sem mest verði úr pening-
unum.
Síðastliðinn vetur var afar
erfiður hvað tíðarfar varðar, sem
gerði það að verkum að fáir
komu án þess að eiga bókað
fyrirfram. „Það var reyndar einn
dagur sem var ágætis lausa-
traffík, þegar björgunarsveitin
kom og keyrði fólk hingað,“
segir Kiddi og brosir, enda þýðir
lítið annað en að reyna að brosa
að minningunni um tíðarfar
vetrarins. Yfir vetrartímann eru
þau Sigrún, Villi, Kiddi og Haffí
öll í fullu starfi í Dæli. Þá er nóg
að gera kringum hestana,
viðhald á öllu húsnæði og
búnaði, bókanir og fleiri
tilfallandi verk. „Þetta er
ótrúlega mikið, ef það er ekki
kíkt á tölvupóstinn einn dag
hrúgast hann upp,“ útskýrir
Kiddi. Þau telja að um 95%
gestanna sem koma séu búnir að
bóka fyrirfram, enda sé varla
orðið hægt að treysta á að ferðast
um landið yfir hásumarið og
ætla að fá gistingu án þess að
vera búinn að bóka.
„Við myndum vilja sjá að
þetta yrði meiri áfangastaður og
ferðamenn stoppuðu lengur.
Við myndum vilja sjá þetta á
næstu fimm árum og þetta þýðir
þá að við þurfum aukna
afþreyingu, fólk þarf að hafa
eitthvað við að vera. Við þyrft-
um líka að auka nýtinguna á
jaðartímum en það er kannski
erfiðara yfir há-veturinn þegar
allra veðra er von. Við myndum
einnig vilja sjá betra viðhald og
markvissari uppbyggingu á
ferðamannastöðum,“ sögðu
ferðaþjónustu-bændurnir í Dæli
í Víðidal að lokum.
Kaffi Sveitó er vinsæll áningarstaður hjá ferðafólki og sveitungum.
MYND: ÚR EINKASAFNI