Feykir - 04.06.2015, Blaðsíða 8

8 21/2015
VIÐTAL
Kristín Sigurrós Einarsdóttir
Sigrún og Villi rifja upp fyrir
blaðamanni að þau hafi byrjað
reksturinn árið 1988. „Það var
skorið niður hjá okkur vegna
riðu og við vorum fjárlaus í þrjú
ár. Þá vantaði okkur eitthvað að
gera og við byrjuðum með einn
sumarbústað, svo kom annar
árið eftir. Svo tókum við gamla
bæinn í gegn og gerðum hann
upp,“ segja þau. „Það voru
hænur í honum þegar ég kom,“
segir Sigrún og brosir og Villi
bætir því við að það hafi ekki
verið gler í gluggum og snjóað
hafi inn í húsið. „Það var annað
hvort að rífa hann eða gera hann
upp.“ Eftir þetta hafa bæst við
smáhýsi, tjaldstæði aðstöðuhús
við tjaldsvæðið og tvö hús með
herbergjum með baði.
Í Dæli hefur verið byggt upp
Ferðaþjónustan í Dæli í Víðidal í Húnaþingi vestra er eitt af rótgrónari fyrirtækjum í ferðaþjónustu
á Norðurlandi vestra. Dæli er aðili að Ferðaþjónustu bænda og þar hefur reksturinn vaxið jafnt og
þétt og er nú orðin að umfangsmiklu fyrirtæki sem skapar fjögur heilsársstörf og nokkur
sumarstörf að auki. Tvær kynslóðir sjá um reksturinn, hjónin Sigrún B. Valdimarsdóttir og
Víglundur Gunnþórsson, ásamt syni sínum Kristni Rúnari og tengdadótturinni Hallfríði
Sigurbjörgu Óladóttur. Feykir heimsótti þau á björtum vordegi og fékk að vita meira um
þennan fjölsótta ferðaþjónustustað rétt utan við þjóðveginn.
Ferðaþjónustan í Dæli í Víðidal hefur verið rekin síðan 1988
Bjóða gesti velkomna
í „Sólardalinn“
hægt og rólega, eftir efnum og
aðstæðum. Við smíðarnar eru
hæg heimatökin því Villi er
smiður og Kiddi er að læra
smiðinn. Fyrsta sumarhúsið var
að vísu flutt tilbúið á staðinn og
smáhýsin, sem eru bjálkahús,
keypt ósamansett en annað er
heimasmíðað. Tvö hús í viðbót
eru á teikniborðinu, samskonar
þeim sem standa næst íbúðar-
húsinu og voru smíðuð á
staðnum. Til stendur að tengja
þessi fjögur hús saman og verða
þá komin 18-20 herbergi með
baði og hægt að taka á móti
hópum. Þess má einnig geta að á
næsta ári verður lögð hitaveita
sem verður mikil búbót fyrir
heimili og fyrirtæki í Víði-
dalnum.
Byggt við
í allar áttir
Alls eru í Dæli uppbúin rúm í 14
herbergjum og allt að 30
svefnpokapláss í smáhýsum og
sumarbústöðum. Þegar allt er
fullt eru um 60 gistipláss. Neðri
hæð íbúðarhússins hýsir nú um
100 manna matsal og eldhús.
Aðspurð segja Sigrún og Villi að
búið sé að byggja við húsið í allar
áttir. „Þetta hús var bara fer-
kantað með lágu risi. Það er búið
að byggja vestur úr því, sólstofu
sunnan úr, íbúð ofan á, þvottahús
og frystiklefa norðan við,“ segir
Villi og Sigrún bætir því við að
það hafi legið beint við að finna
eitthvað til að byggja austan við
en þar er nýi matsalurinn, þegar
búið var að byggja í allar aðrar
áttir! Sjálf búa þau hjónin í
íbúðinni á efri hæðinni.
Kiddi fór sem unglingur í
skóla á Sauðárkróki og síðan til
Reykjavíkur og lærði bílamálun
og er komin af stað í húsasmíði.
Haffí lærði til reiðkennara á
Hólum og segir hún að hestar
hafi alltaf verið sitt líf og yndi,
enda komin af Skagfirðingum
sem hafa lifað og hrærst í
hestamennsku. Unga parið býr
nú á Árbakka, sem er nýlegt
íbúðarhús skammt frá. Um tvö
ár eru síðan þau komu í sveitina
og segir Haffí, sem er frá
Sauðárkróki, að þar sé dásamlegt
að vera. Sigrún segir frábært að
fá þau inn í reksturinn og
hlakkar til að fara að „hægja á“
en heyra má að þau hjónin eru
nú ekki á leiðinni að setjast í
helgan stein, enda auðheyrilega
mikið athafnafólk.
Allur húsakostur á bænum er
gjörnýttur og fjárhúsinu og
flatgryfjunni hefur verið breytt í
vandað hesthús og reiðskemmu.
Fé var tekið aftur eftir niður-
skurðinn en 1998 lagðist fjárbú-
skapur af á bænum. „Þetta var
orðið dálítið strembið,“ segir
Sigrún. „Við vorum í skólaakstr-
inum, svo rak ég dagvist í átta ár,
tók börnin hérna í sveitinni í
pössun og við vorum með fé og
vorum í Norðurlandsskógum,
þannig að vorin voru orðin erfið.
Þarna var ferðaþjónustan farin
að aukast og þetta var bara orðið
Tjaldsvæðið á fallegum degi.
MYND: ÚR EINKASAFNI
Kiddi, Haffí, Villi og Sigrún. MYND: TATJANA GERKEN
Í Dæli eru fjölbreyttir gistimöguleikar.
MYND: ÚR EINKASAFNI