Feykir - 04.06.2015, Blaðsíða 6

6 21/2015
Fyrsta fuglastígskortið
fyrir Norðurland
vestra gefið út
Unnur Valborg Hilmarsdóttir skrifar
Fyrsta útgáfa af fuglastígskorti
fyrir Norðurland vestra
er komið út. Á kortinu
eru merktir 17 staðir sem
þykja áhugaverðir fyrir
fuglaskoðunaráhugamenn
allt frá Borðeyri í vestri að
Þórðarhöfða í austri.
Fuglaskoðun er vinsælt áhuga-
mál um heim allan og eru
vinsældir hennar ört vaxandi.
Fuglaskoðaðar, sem og annað
ferðafólk sem hefur áhuga á
náttúruskoðun, sækjast eftir
að skoða áhugaverða staði
þar sem náttúran er óspillt og
fuglarnir lifa í sínu náttúrulega
umhverfi. Fuglaskoðarar ferðast
margir hverjir gagngert til
ákveðinna landa og svæða til
fuglaskoðunar. Þetta er almennt
séð hópur sem kaupir nokkuð
mikla þjónustu og staldrar við
í lengri tíma á hverjum stað en
hinn hefðbundni ferðamaður.
Þetta er líka hópur sem ber
virðingu fyrir náttúrunni og
gengur vel um.
Vonir eru bundnar til að
fuglastígurinn muni efla ferða-
mennsku á Norðurlandi vestra
með því að víkka út þann hóp
ferðamanna sem hingað kemur
sem og lengja þann tíma sem
ferðamenn sækja landsvæðið
heim. Stígurinn getur verið
einn af vaxtarbroddum ferða-
þjónustunnar og lengt ferða-
mannatímabilið snemma á
vorin þegar til dæmis tún á
Norðurlandi vestra fyllast af
helsingjum, álftum og gæsum
og á haustin þegar fuglar koma
saman í stórum hópum til að
undirbúa sig undir flugið á
vetrarstöðvarnar. Norðurland
vestra er mjög vel til fugla-
skoðunar fallið og er aðgengi
að fuglategundum sem þykja
eftirsóknarverðar til skoðunar
gott.
Verkefnið er unnið af Ferða-
málasamtökum Norðurlands
Tildrur á flugi við ósa Blöndu. MYND: RÓBERT DANÍEL JÓNSSON
vestra í samvinnu við Selasetur
Íslands, Ferðamálafélag V-Hún,
Ferðamálafélag A-Hún, Félag
ferðaþjónustunnar í Skagafirði
og Ferðamáladeild Háskólans
á Hólum. Verkefnið er styrkt af
Vaxtarsamningi Norðurlands
vestra og hefur verkefnastjórn
verið á höndum Selaseturs
Íslands.
Dreift á einni af stærstu
fuglasýningum heims
Vinna við verkefnið hefur
staðið í á þriðja ár. Sumarið
2014 var Ellen Magnúsdóttir
fuglafræðingur ráðin til starfa
og skoðaði hún vænlega staði
og taldi tegundir sem þar sáust.
Byggt á hennar athugunum
voru staðirnir valdir sem eru á
þessari fyrstu útgáfu kortsins.
Vert er að vekja athygli á því
að þessir staðir eru langt frá
því að vera þeir einu sem koma
til greina til fuglaskoðunar
á svæðinu. Fjölmargir aðrir
staðir eru áhugaverðir í þessu
augnamiði og stefnt er á að
fjölga þeim jafnt og þétt í
síðari útgáfum. Sótt hefur verið
um styrki til áframhaldandi
athugana á fuglum á svæðinu til
að halda áfram að þróa stíginn.
Kortinu verður dreift til
ferðaþjónustuaðila á svæðinu
án endurgjalds en mælst til
þess að þeir selji kortið á vægu
verði (200 kr.). Þannig má
stemma stigu við því að mikið
magn kortanna lendi í ruslinu
en afar kostnaðarsamt er að
vinna verkefni af þessum toga.
Kortinu verður einnig dreift á
einni af stærstu fuglasýningum
heims í Bretlandi næsta haust.
Verkefnið var unnið í
nánu samstarfi við fuglastíg á
Norðurlandi eystra og er kortið
sem kemur út á næstu dögum í
sama útliti og kortið á Norður-
landi eystra. Þar með er náð
fram samfellu og fuglaskoðarar
geta þá hæglega sett saman
þessa tvo stíga til að sjá enn fleiri
staði á Norðurlandi öllu.

Kortið er hannað og sett upp af
Blokkinni á Húsavík og prentað í
Nýprent á Sauðárkróki.
Stofnar ferðaskrifstofu
í Skagafirði
Anna Lilja Pétursdóttir ákvað að eitthvað þyrfti að gera til
að gera Norðurlandi vestra hærra undir höfði sem heild
Anna Lilja Pétursdóttir er
nýflutt í Varmahlíð eftir
áralanga búsetu fjarri heima-
högunum, en undanfarin 13
ár hefur hún búið í Reykjavík,
í Alicante og Granada á Spáni
og loks Leeds á Englandi. Í
sumar ætlar Anna Lilja að
taka sumartraffíkina á Hótel
Varmahlíð, en er einnig farin
að vinna fyrir sjálfa sig, hjá
nýstofnaða fyrirtækinu sínu,
North West Adventures.
„Ég er að verða eins og Georg
Bjarnfreðarson og nálgast
fimm háskólagráður. Ég er
stúdent frá Menntaskólanum
á Akureyri, með BS í Sálfræði
frá HÍ, diplómu í íslensku frá
HÍ og er að klára meistarapróf í
ferðamálafræði frá Háskólanum
á Hólum. Þá lærði ég spænsku
við Háskólann í Granada,“
segir Anna Lilja sem segist vera
hreinræktaður Skagfirðingur,
ólst upp í því dýrðar póstnúmeri
560, í Varmahlíð nánar tiltekið.
Hún er dóttir þeirra Þórdísar
Friðbjörnsdóttur, sem býr í
Varmahlíð og er ættuð frá
Hofsósi, og Péturs Stefánssonar í
Víðidal.

North West Adventures
Eins og áður kom fram var Anna
Lilja að stofna ferðaskrifstofu
í Skagafirði sem heitir North
West Adventures. „Ferðaskrif-
stofan mun einbeita sér að því að
markaðssetja og kynna Norður-
land vestra og þá afþreyingu
og gistingu sem þar er í boði.
Eins og nafnið gefur til kynna
kemur fyrirtækið til með að
kynna allt Norðurland vestra en
fyrst um sinn hef ég þó verið að
einbeita mér að Skagafirði en næ
vonandi að koma mér í tengsl við
Húnvetninga seinna á þessu ári.
Allir þeir sem vilja vera með eru
velkomnir.“ Aðspurð um af hverju
hún ákvað að stofna ferðaskrifstofu
í Skagafirði segist Anna Lilja hafa
ferðast víða erlendis í fyrri vinnu
sinni og heimsótt ýmsar sýningar
og viðburði og hafi alltaf verið jafn
hissa á því hvað fáir útlendingar
þekktu til Norðurlands vestra.
„Þeir sem þekktu Ísland gátu bent
á Mývatn á Norðurlandi en annað
ekki. Skagfirðingurinn í mér var
orðinn ansi leiður á þessu og ég
ákvað því að eitthvað þyrfti að
gera til að gera Norðurlandi vestra
sem heild hærra undir höfði. Ég
hef lengi verið með annan fótinn í
ferðamennsku og hef síðustu árin
fundist vanta einhvern óháðan
aðila sem kynnir og markaðssetur
svæðið sem heild.“
Nú er komið að okkur
Anna Lilja segir grundvöll fyrir
rekstri ferðaskrifstofu á Norður-
landi vestra vera mikinn. „Þetta
landsvæði á svo mikið inni hvað
varðar ferðaþjónustu og ég lít svo
á að nú sé komið að okkur. Við
verðum vissulega að skapa okkur
vinsældir sjálf en með fjölbreytta
afþreyingu og gistimöguleika og
dásamlega náttúru á það ekki
að verða óvinnandi verkefni. Ég
vona að North West Adventures
dragi ekki bara fleiri ferðamenn
á svæðið heldur fái þá líka til að
stoppa lengur á svæðinu og nýta
sér betur það sem Skagafjörður
og Húnavatnssýslur hafa upp
á að bjóða. Að fyrirtækið geti
síðan í framtíðinni verið atvinnu-
skapandi fyrir svæðið er líka mjög
spennandi finnst mér.“
Aðspurð hvort ferðaþjónusta
hér eigi eftir að vaxa segist Anna
Lilja vera sannfærð um það.
„Annars hefði ég aldrei lagt af
stað í þetta ævintýri sem stofnun
North West Adventures hefur
verið. Landshlutinn hefur hingað
til einungis fengið brotabrot til
sín af þeim ferðamönnum sem
árlega heimsækja Ísland og við
getum aldrei annað en sótt á í
þessum málum. Svo hlakka ég
til að takast á við þetta verkefni
- það er ekkert nema tilhlökkun
yfir framhaldinu,“ segir Anna
Lilja að lokum.
Anna Lilja opnar fljótlega heimasíðuna
www.northwestadventures.is en þar
verður hægt að skoða hvað er í boði á
svæðinu og þar geta ferðamenn sett
saman sína eigin afþreyingarpakka og
greitt fyrir þá í gegnum síðuna. Hún
hefur verið að vinna að því að safna
samstarfsaðilum inn á heimasíðuna
og hefur nú þegar náð sambandi við
góðan fjölda ferðaþjónustufyrirtækja
sem hafa tekið henni vel. Þeim sem
ekki hafa heyrt frá Önnu Lilju en hafa
áhuga á samstarfi er bent á að senda
tölvupóst á annalilja2@yahoo.com
eða hringja í Önnu Lilju í síma
867 8133.
Anna Lilja ásamt Helgu systur sinni (t.v.) og Pétri pabba sínum. MYND: ÚR EINKASAFNI
VIÐTAL
Þóra Kristín Þórarinsdóttir