Feykir - 18.02.2016, Side 9
07/2016 9
Ég var ímyndunar-
veikt barn - eða
kannski frekar
ímyndunarfullfrískt
barn. Ég las mikið
og fékk úr bókunum
mínum alls konar
hugmyndir um
veruleika gjörólíkan
þeim sem ég lifði í
raun og veru. Stundum
var ég galdramaður,
stundum var ég
lögfræðingur með
stresstösku, stundum
var ég söguhetjan
í hryllingssögu ala
Gæsahúð, stundum
var ég fréttakona
sem las mikilvægar
fréttir inná kasettu
ábúðarfullri röddu.
Ég var líka dugleg
að semja sögur. Til
að byrja með voru
flestar sögurnar sem
ég skrifaði niður um
sérstakan skóla fyrir
ketti, skólinn hét
því frumlega nafni
„Kattaskólinn“ og í
honum lærðu kettirnir
ýmislegt sem ótrúlega
mikilvægt er fyrir
talandi ketti að kunna.
Eftir því sem ég eltist
voru sögurnar flestar
um drauga og sagðar
með því markmiði að
hræða litla frænda
sem trúði öllu því sem
viskubrunnurinn, stóra
frænka, sagði en yfirleitt
endaði ég sjálf með
hjartað í buxunum yfir
eigin lygasögum.
Í dag er ég 27 ára
og ég er ennþá
ímyndunarveikt
(ímyndunarfullfrískt)
barn. Stundum er ég
ennþá galdramaður -
sjö ára sonur vinkonu
minnar hefur fulla
trú á því með mér að
ég kunni að galdra.
Þegar ég les yfir
lögfræðiverkefni fyrir
skil er ég orðin farsæll
lögfræðingur með
stresstösku, tilbúin
í að tækla glæpona
með orðklækjum og
bjarga Íslandi úr klóm
hverskyns skúrka.
Við skuggalegar
aðstæður er ég
undireins aðalpersóna
í klisjukenndri
hryllingsmynd úr
Hollívúdd, tilbúin
að taka verstu
ákvarðanirnar um
leið og grímuklæddur
ÁSKORENDAPENNINN
UMSJÓN berglind@feykir.is
Ása María H. Guðmundsdóttir frá Sauðárkróki skrifar
Að vera fullorðið barn
morðingi hoppar út
úr næsta runna. Flest
það sem ég les fyrir
skólann er á ensku og
þá nýti ég tækifærið
og æfi snobbaðasta
breska hreiminn minn
með því að þykjast
vera snjöll fréttakona
hjá BCC sem flettir
ofan af sannleikanum
um loftlagsbreytingar.
Ég sem ennþá sögur
um flestallt það sem
gerist í kring um
mig, sambýlingar
mínir hafa lifað ótal
lífum, vinkonur mínar
lent í ótrúlegustu
ævintýrum og dýrin
sem ég kynnist eru
flest búin að upplifa
meira en margir gera
á lífsleiðinni. Þetta er
hluti af því að vera
fullorðið barn.
Ég viðurkenni það
að oft finnst mér
raunveruleikinn bara
hundleiðinlegur,
stundum á ég það
til að sjá allt grátt
í kringum mig og
neikvæðnin getur
annað slagið yfirtekið
allt. Sama hversu
leiðinlegur mér getur
þótt hann, þá er
raunveruleikinn þó
óumflýjanlegur og lítið
þýðir að ætla sér að
sleppa undan honum
algerlega. En þegar
hversdagsleikinn
er óendanlega
yfirþyrmandi er gott
að geta gripið til allra
varalífanna minna.
Þegar hversdagsleikinn
er óendanlega
yfirþyrmandi er ég fegin
að vera fullorðið barn.
- - - - -
Ég ætla að skora
á vinkonu mína
Fanneyju Skúladóttur,
stjórnmála- og
förðunarfræðing að
skrifa næsta pistil.
Hýsing og rekstur á öllum miðlægum kerfum
PAPCO til samstarfs við Fjölnet
Pappírsvörufyrirtækið PAPCO
hefur nú gert nýjan
viðskiptasamning við Fjölnet.
Samkvæmt samningnum
tekur Fjölnet að sér hýsingu
og rekstur á öllum miðlægum
kerfum og nær hann jafnframt
til afritunar á öllum gögnum
fyrirtækisins. Starfsmenn
PAPCO fá einnig aðgang að
þjónustuveri Fjölnets.
„PAPCO er traust og öflugt
fyrirtæki sem einkum fer með
framleiðslu, sölu og dreifingu á
hreinlætispappír, hreinlætis-
vörum og öðrum rekstrarvörum
til birgja og neytenda innan-
lands. Fyritækið hefur einnig
haslað sér völl með sölu á vör-
um til skólafélaga, íþróttafélaga
og annarra félagasamtaka á
vörum til endursölu í fjár-
öflunarskyni. Fjölnet fagnar
hinum nýja viðskiptavini,“ segir
í fréttatilkynningu.
Fjölnet er vaxandi tækni-
fyrirtæki sem sérhæfir sig í
hýsingu og rekstri tölvukerfa
auk þess að bjóða upp á
persónulega og örugga alhliða
tölvuþjónustu, ráðgjöf og
kennslu. Unnið er með gæða og
öryggisvottunina ISO 27001.
Fjölnet er með tvær starfsstöðv-
ar, Sundagörðum Reykjavík og
Hesteyri á Sauðarkróki. /KSE
Frá vinstri á mynd: Ólafur Kárason, framleiðslustjóri PAPCO og Sigurður Pálsson,
rekstrarstjóri Fjölnets í Reykjavík handsala samninginn. MYND: PAPCO
Óásættanlegt að skerða opinbera þjónustu
við 1/3 hluta íbúa á Norðurlandi vestra
Stjórn SSNV ályktar vegna fyrirhugaðrar skerðingar á póstþjónustu
Stjórn Samtaka sveitarfélaga á Norðurlandi vestra,
SSNV, hefur sent frá sér ályktun þar sem harðlega er
mótmælt þeirri ákvörðun Póst- og fjarskiptastofnunar
að heimila Íslandspósti að draga úr póstdreifingu í
aðildarsveitarfélögunum sjö sem standa að SSNV.
Einnig mótmælir stjórn SSNV ákvörðun Íslandspósts þess
efnis að draga úr þjónustu við íbúa Norðurlands vestra.
„Ákvarðanir ofangreindra aðila gera það að verkum að enn er
vegið að þeirri grunnþjónustu sem sjálfsögð og eðlileg þykir
víðast hvar. Vert er að geta þess að þjónustuskerðingin tekur til
um eitt þúsund (um 1/3 hluta) heimila/fyrirtækja á Norðurlandi
vestra,“ segir í ályktuninni.
Stjórn SSNV efast um lögmæti ákvörðunar Íslandspósts og
Póst- og fjarskiptastofnunar og þess ákvæðis í lögum og
reglugerð sem stuðst er við í réttlætingu á þjónustuskerðingunni.
„[SSNV] minnir á að samkvæmt 21. gr. laga nr. 19/2001 skal
Póst-og fjarskiptastofnun tryggja að alls staðar á landinu sé alla
virka daga borinn út póstur sem fellur undir skilgreiningu á
alþjónustu nema kringumstæður og landfræðilegar aðstæður
hindri slíkt.“
Vísað er í greinargerð með frumvarpi að ofangreindum
lögum segir um 21. gr.: „Hér er fært í lög að póstsendingar innan
marka alþjónustu skulu bornar út alla virka daga alls staðar á
landinu nema kringumstæður eða landfræðilegar aðstæður
komi í veg fyrir útburð. Slíkar kringumstæður geta verið ófærð
og óveður eða sérstakar landfræðilegar aðstæður. Póst- og fjar-
skiptastofnun gerði árið 1999 könnun á möguleikum þess að
koma á útburði pósts hvern virkan dag alls staðar á landinu.
Kostnaður á ári var þá áætlaður tæplega 100 millj. kr. umfram
þáverandi kostnað við útburð pósts. Með því að fella útburð
pósts á virkum dögum undir alþjónustukvaðir verður að gera
ráð fyrir að almenn gjaldskrá rekstrarleyfishafa sem veitir
alþjónustu verði að hækka samsvarandi.“
Þá segir að hvergi í lögunum sé gefin heimild fyrir afslætti á
þessum skyldum öðrum en að einungis „kringumstæður eða
sérstakar landfræðilegar aðstæður“ komi í veg fyrir að póst-
dreifing eigi sér stað alla virka daga. „Heimild til skerðingar
póstdreifingar á fjárhagslegum forsendum er ekki til staðar. […]
Er það að mati stjórnar SSNV algerlega óásættanlegt að skerða
eigi opinbera þjónustu sem þessa við 1/3 hluta íbúa á Norðurlandi
vestra og skerða með því samkeppnishæfni svæðisins enn frekar.
Í ljósi ofangreinds mótmælir stjórn SSNV harðlega ákvörðunum
Póst- og fjarskiptastofnunar og Íslandspósts og krefst þess að
fyrrgreindar stofnanir draga ákvarðanir sínar til baka,“ segir
m.a.í ályktun en hana má lesa í heild sinni á Feyki.is. /BÞ & KSE
Alls kyns ævintýri á Vetrarhátíð
Vetrarhátíð í Tindastólnum dagana 26.–28. febrúar
Vetrarhátíð Tindastóls fer
fram í Skagafirði 26.-28.
febrúar nk. Af því tilefni er
búið að setja saman skemmti-
lega dagskrá með fjölbreyttri
skemmtun fyrir alla fjölskyld-
una. „Vetrarhátíðin snýst um
að hafa gaman saman,“ segir
Viggó Jónsson staðarhaldari
Tindastóls í samtali við Feyki.
Á föstudeginum opnar
svæðið kl. 14 og er opið til kl.
21. Kveikt verður í varðeldi og
tónlistin mun óma í fjallinu.
Opið er á laugardegi frá kl. 11-
16 og það verða þrautir og stuð
allan tímann. „Við skiptum
krökkunum og fólkinu upp í
hópa þar sem við förum í leiki í
fjallinu. Hópstjórar stjórna
þeim. Svo höfum við fengið
skátana í lið með okkur og
björgunarsveitina,“ segir Viggó.
Þá verður bátur frá Viking
Rafting í fjallinu og Crazy
Roller á sínum stað. „Svo ætlum
við að loka deginum með því að
fara upp á topp. Ég verð búinn
að troða leið þar sem þú getur
skíðað alveg niður á veg, sem
við köllum Skíðað út í buskann.“
Í tilefni af Vetrarhátíð er lengri
opnunartími hjá Sundlaug
Sauðárkróks á laugardeginum,
til kl. 18. Á sunnudeginum er
opið frá kl. 11:00-16:00, með
tilheyrandi tónlist en þá verður
einnig Brettabrun kl. 13:00.
„Það verða alls kyns ævintýri.
Ég vona bara að fólk hafi gaman
að þessu,“ segir Viggó.
Sameiginleg markaðssetning
skíðasvæðanna að skila sér
Þá er einnig að draga til tíð-
inda í markaðssetningarmálum
Skíðasvæðis Tindastóls, í sam-
vinnu við skíðasvæðin á
Akureyri, Dalvík, Ólafsfirði og
Siglufirði, undir heitinu Ski
Iceland. Skíðasvæðin hafa verið
að kynna og selja skíðapassa
erlendis, svokallaðan 5x5 passa.
Passarnir eru seldir á 170 evrur
og þá er hægt að renna sér í
brekkum allra þessara skíða-
svæða í fimm skipti. „Það
skiptir ekki máli hvort þú takir
þetta á fimm dögum í beit eða á
tíu dögum,“ útskýrir Viggó.
Sem liður í þeirri markaðs-
setningu hefur fjölmiðlafólki,
erlendu sem innlendu, verið
boðið í ferðir til að skoða þessi
svæði síðustu ár og er sú
markaðssetning að skila sér, að
sögn Viggós. Farið verður í slíka
ferð í lok mars. /BÞ