Feykir - 29.09.2011, Page 12

Feykir
Feykigott blað!
Ertu með fréttaskot? Hafðu samband! feykir@feykir.is og sími 455 7176 / 694 9199 / 861 9842
Dægurmálablaðið á Norðurlandi vestra 29. sept 2011 :: 36. tölublað :: 31. árgangur
VSK-LAUSIR DAGAR
AF ÖLLUM FATNAÐI
FIMMTUDAG & FÖSTUDAG
Nýtt parket í
íþróttahúsið á Sauðárkróki
Vígsluleikir
á sunnu-
daginn
Það var vösk sveit sjálfboðaliða frá
körfuknattleiksdeildinni sem af hörku reif upp
gólfdúkinn í Íþróttahúsinu á Sauðárkróki fyrir
síðustu mánaðarmót en farið var í það verkefni
að skipta um gólfefni. Nutu þeir m.a. aðstoðar
Vinnuvéla Símonar Skarphéðinssonar við
það verk.
Dúkurinn var kominn til ára sinna og var talinn
valdur af ýmsum álagsmeiðslum íþróttafólks enda voru
félögum sem spila í úrvalsdeild KKÍ sett þau skilyrði
að parket væri á gólfum á þeirra heimavöllum.
Nú er svo komið að vígja á gólfið næstkomandi
sunnudag með tveimur leikjum, annars vegar
klukkan 17:15 þar sem framtíðar meistaraflokkskonur
Tindastóls etja kappi við úrvalsdeildarlið Snæfells
og svo klukkan 19:15 þar sem karlalið Tindastóls
tekur á móti Snæfelli. Allur ágóði miðasölu rennur
í styrktarsjóð Magnúsar Jóhannessonar og má
taka það fram að dómarar leiksins sem koma af
suðvesturhorninu ætla að gefa vinnu sína.
Allir í íþróttahúsið! Símon Skarphéðins var óspar á vélarnar sínar enda veitti ekki af. Og svo er bara að mæta í Síkið í vetur og hvetja Tindastól til sigurs í
deildinni... og bikarnum.
Vaskur hópur sjálfboðaliða að verki loknu.
Ekki veitir af að brýna tennurnar. Dúkurinn var ansi fastur og þurfti alvöru menn og græjur í verkið.