Feykir - 25.10.2012, Blaðsíða 5

40/2012 Feykir 5
ÍÞRÓTTAFRÉTTIR FEYKIS > www.feykir.is/ithrottir
Körfubolti : Lengju-bikarinn og Dominos-deildin
Blikar lagðir í parket
Skrifar undir þriggja ára samning
Eddi farinn í Val
Á heimasíðu Tindastóls
segir að besti leikmaður
Tindastóls í sumar, Edvard
Börkur Óttharsson hafi
gengið frá þriggja ára
samningi við sitt
uppeldisfélag, Val.
Edvard kom til Tindastóls
sumarið 2011 en þá spilaði
hann aðallega fyrir 2. flokk
Tindastóls en tók þó þátt í
fimm leikjum fyrir meistara-
flokk félagsins. Í sumar
spilaði Edvard lykilhlutverk
í liði Tindastóls og lék 20
leiki í deildinni. /PF
Sl. sunnudag spiluðu
Tindastólsmenn við
lærisveina Borce Illievski í
Breiðabliki í Lengju-bikarnum
og var leikið í Kópavogi.
Jafnræði var með liðunum í
fyrri hálfleik en í þeim síðari
skildu leiðir og Tindastóls-
menn unnu öruggan sigur,
59-76.
Breiðablik, sem spilar í 1.
deildinni og hefur á að skipa
fyrrum Tindastólsmönnunum
Sigmari Loga Björnssyni og
Pálma Geir Jónssyni, hóf
leikinn af krafti og eftir tæpar 4
mínútur voru þeir sjö stigum
yfir, 11-4, og höfðu áfram
yfirhöndina út fjórðunginn en
aðeins munaði einu stigi að
honum loknum, staðan 15-14.
Arnar og Hreinsi settu niður
þrista í byrjun annars leikhluta
og komu Stólunum yfir en
síðan var leikurinn býsna jafn
fram að leikhléi en þá voru
gestirnir með yfirhöndina,
staðan 30-32.
Tindastóll náði frumkvæð-
inu strax í byrjun síðari hálfleiks
og náðu 10 stiga forystu þegar
Isaac Miles setti niður þrist
þegar tvær og hálf mínúta var
liðin af þriðja leikhluta. Þetta
var þriðja 3ja stiga karfan sem
Miles hefur gert fyrir Stólana í 5
leikjum og 25 skottilraunum.
Munurinn var síðan í kringum
10 stig út fjórðunginn og í
byrjun síðasta fjórðungsins
( LIÐIÐ MITT ) palli@feykir.is
Nafn: Pálmi Geir Jónsson.
Heimili: Heiðarhjallinn í Kóp.
Starf: Fóstra.
Hvert er uppáhaldsliðið þitt í enska boltanum og af
hverju? -Einn af held ég þremur á landinu sem halda
með Aston Villa. Það var nú þannig að þegar ég var í
fyrsta bekk þá hélt íþróttakennarinn minn og þáverandi
körfubolta „legend“ Óli Barðdal með Aston Villa þannig
að ég pikkaði þetta upp hjá honum.
Hvernig spáir þú gengi liðsins á tímabilinu? -Verður
ansi á brattann að sækja í vetur hjá mínum mönnum.
Það þurfa einhver þrjú önnur lið að spila eins og
utandeildarlið ef við eigum að halda okkur uppi. Sæti
okkar í deildinni að ári verður alla vega ekki tryggt með
getu liðsins, því miður..
Ertu sáttur við stöðu liðsins í dag? -Hef aldrei séð
liðið í verra standi en það er núna. Voru alltaf að keppa
um evrópusæti fyrir nokkrum árum en hafa selt alla
bestu leikmenn sína síðustu tvö, þrú árin og misst
besta stjórann í deildinni (Martin O´Neil). Verða að fara
að eyða eitthvað af þessum peningum sem þeir hafa
safnað til að verða keppnishæfir aftur.
Hefur þú einhvern tímann lent í deilum vegna
aðdáunar þinnar á umræddu liði? -Lendi alltaf minna
og minna í því vegna þess hve neðarlega við höfum
verið síðustu tvö tímabil. Síðan lendir Aston Villa
áhugamaður einhvern vegin dálítið fyrir utan svona
þessar almennu deilur sem eru milli topp 4 liðanna
sem allir halda með.
Hver er uppáhaldsleikmaðurinn fyrr og síðar? -Juan
Pablo Ángel, var frammi með Lee Hendrie þegar ég var
gutti og ég hélt mikið upp á þá.
Hefur þú farið á leik með liðinu þínu? -Nei en er alltaf
á leiðinni.
Áttu einhvern hlut sem tengist liðinu? -Já, það er
reyndar ekki um auðugan garð að gresja hérna á
Íslandi í Aston Villa dótinu en ég kaupi alltaf þegar ég
sé eitthvað þegar maður er utanlands. Til dæmis treyjur,
peysu, bolla o.fl.
Hvernig gengur að ala aðra fjölskyldumeðlimi upp í
stuðningi við liðið? -Gæti ekki gengið verr, legg mig
reyndar lítið fram við það.
Hefur þú einhvern tímann skipt um uppáhalds félag?
-Ég byrjaði að halda með Villa í 1. bekk en fyrir það hélt
ég með Man Utd.
Uppáhalds málsháttur? -Betra er að fara í bíó en
taugarnar á fólki.
Einhver góð saga úr boltanum? -Við
vorum einu sinni að spila á Húsavík
og ég stóð á milli stangana. Það var
ekki langt liðið á leikinn þegar ég fer
í langt úthlaup og næ boltanum,
en framherjinn hjá Völsungi var
staðráðinn í að ná til boltans. Það
fór svo að hann hamraði tökkunum
í andlitið á mér. Ég lá óvígur eftir og
leikurinn var stoppaður. Síðan stóð ég upp eins og
ekkert hefði í skorist og tók aukaspyrnuna sem hafði
verið réttilega dæmd. Síðan segja þeir sem voru á
bekknum að ég hafi dottið í teignum þegar boltinn
var kominn inn á miðjan völl. Staðið síðan upp og rölt
áleiðis út að hliðarlínu en dottið aftur niður á leiðinni og
ekki staðið aftur upp. Ég sjálfur man ekkert eftir þessu
enda var ég steinrotaður. Síðan vaknaði ég daginn
eftir á sjúkrahúsinu á Akureyri, minnislaus og með
hausverk. Óli Grétar sem skoraði á mig, sagði að þetta
væri eftirminnilega fyndið að sjá mig hálf rænulausan
röltandi í hringi og dettandi á vellinum, en hann er líka
Satan holdi klæddur.
Einhver góður hrekkur sem þú hefur framkvæmt eða
orðið fyrir? -Fyrir uppskeruhátíðina í fótboltanum fyrir
nokkrum árum þá var ég eitthvað að spyrja strákana
hvernig „dress code-ið“ væri og þeir voru allir sammála
að fara alla leið og klæða sig upp. Þeir fengu mig til
að splæsa í axlabönd og bindi og hatt að mig minnir.
Síðan þegar komið var á uppskeruhátíðina þá voru
menn almennt bara í gallabuxum og bol. Kannski
ekki vígalegasti hrekkurinn en mér leið eins og fávita
standandi þarna eins og puntaður trúður fyrir framan
alla strákana.
Spurning frá Óla Grétari - Af hverju heldur þú ennþá
með Aston Villa þrátt fyrir það að Óli
Barðdal sé búinn að skipta um lið?
Svar... Þrautseigja.
Hvern myndir þú vilja sjá svara
þessum spurningum? -Óli Barðdal.
Hvaða spurningu viltu lauma að
viðkomandi? -Hvaða átti þessi
Júdasar-háttur að þýða að skipta
um lið?
Viðurkenningar veittar á uppskeruhátíð frjálsíþróttafólks
Frábært frjáls-
íþróttalið í Skagafirði
Uppskeruhátíð frjálsíþrótta-
fólks í Skagafirði var haldinn
laugardaginn 20. október, og
var þetta sameiginleg hátíð
frjálsíþróttaráðs UMSS og
frjálsíþróttadeildar Tinda-
stóls.
Hátíðin fór fram í húsnæði
FNV á Sauðárkróki.
Besta ástundun 11-14 ára hlutu:
Óðinn Smári Albertsson
Elínborg Sigfúsdóttir
Mestu framfarir 11-14 ára
Rúnar Ingi Stefánsson
Vala Rún Stefánsdóttir
Besta afrek 11-14 ára
Ari Óskar Víkingsson
Besta ástundun 15 ára og eldri
Daníel Þórarinsson
Þóranna Ósk Sigurjónsdóttir
Mestu framfarir 15 ára og eldri
Sveinbjörn Óli Svavarsson
Þorgerður Bettina Friðriksdóttir
Besta afrek 15 ára og eldri
Jóhann Björn Sigurbjörnsson
Viðurkenningar frjálsíþróttaráðs
UMSS 2012
Efnilegasti piltur 11 – 15 ára
Vésteinn Karl Vésteinsson
Efnilegasta stúlka 11 – 15 ára
Fríða Isabel Friðriksdóttir
Frjálsíþróttakona UMSS
Þorgerður Bettina Friðriksdóttir
Frjálsíþróttakarl UMSS
Jóhann Björn Sigurbjörnsson
Íslandsmeistarar Innanhúss
Fríða Isabel Friðriksdóttir
14 ára Hástökk
Jóhann Björn Sigurbjörnsson
16-17 ára 60m
Daníel Þórarinsson
18-19 ára 200m
Ísak Óli Traustason
16-17 ára Hástökk
Halldór Örn Kristjánsson
20-22 ára Hástökk
Björn Margeirsson
Karlar 800m, 1500m, 3000m
Íslandsmeistari utanhúss
Guðjón Ingimundarson 20-22 ára
110m gr
Unglingalandsmótsmeistari
2012
Fríða Isabel Friðriksdóttir
14 ára Þrístökk
Ragnar Ágústsson
11 ára Spjótkast
/BÞ
Hálf rænulaus
röltandi í hringi
Pálmi Geir Jónsson heldur með Aston Villa
bættu Stólarnir aftur í og þegar
2 mínútur voru liðnar var
munurinn orðinn 19 stig og
náðu heimamenn aldrei að
minnka þann mun svo neinu
næmi og lokatölur 59-76 fyrir
Tindastól sem hefur þá unnið
báða leiki sína í Lengju-
bikarnum.
Tap gegn Ísfirðingum
Tindastólsmenn voru klaufar
að tapa fyrir Ísfirðingum í
Dominos-deildinni sl. föstu-
dagskvöld. Eftir að hafa verið
yfir nánast allan leikinn fóru
heimamenn illa að ráði sínu í
síðasta fjórðungnum og Ísfirð-
ingar gengu á lagið, komust yfir
í fyrsta skipti í leiknum þegar 5
mínútur voru eftir og fögnuðu
kátir sigri, lokatölur 83-86.
Bestir í liði Tindastóls voru
Helgi Viggós og Helgi Margeirs.
Stólarnir eiga því enn eftir að
innbyrða fyrsta sigurinn en
þrjár umferðir hafa verið
spilaðar. /ÓAB