Feykir - 20.12.2012, Blaðsíða 15

48/2012 Feykir 15
( LJÓÐ )
Á aðventu 2010
Nóttin er dimm
og dagarnir styttast enn.
Draumur um ljósið
sækir á suma menn,
sem að vaka, vona og bíða,
þeir vita að nóttin er lengi að líða
en ljósið það kemur senn.
Ljósið sem Kristur kveikti forðum,
kærleikann sem var öllum gefinn
er þyggja vildu og þekkja hann,
það var ljóðið um sannleikann.
Og söngur um lífið er líður hjá
og ljósið sem dimmu deyfir.
Nóttin er dimm
en dagana lengir senn.
Oss dreymir um stjörnu,
stafi og undrandi menn,
fátæka þjóð sem frelsarann hýsti
í fyrsta sinni,og ljósið sem lýsti
og lifir í heiminum enn.
Sigurður Hansen
Lífið er yndislegt
Gengu í það heilaga þann 12. 12. 2012 klukkan 12:12
VIÐTAL
Páll Friðriksson
Það hefur verið vinsælt hjá
fólki að gera eitthvað
skemmtilegt á eftirminni-
legum dögum og varð einn
slíkur fyrir stuttu þegar 12.
desember gekk í garð. Voru
margir sem notuðu hann til
trúlofunar eða giftingar og af
einni slíkri athöfn heyrðist
frá þeim heiðurshjónum á
Hofsósi Guðbjörgu Særúnu
Björnsdóttur og Jóni G.
Jóhannessyni.
Særún segir að þau hjóna-
kornin höfðu gantast með það í
nokkurn ár að ganga í hjónaband
en þau hafa verið saman í 33 ár
sem telst nokkuð gott í óvígðri
sambúð. Ekki höfðu þau samt
fundið rétta tímann fyrr en Jón
sá smá smugu en það var að
kveldi 11. desember sem Jón
segir við Særúnu að hún yrði að
skjótast úr vinnunni um tólf
leitið daginn eftir vegna þess að
von væri á tryggingasölumanni.
–Ha, sagði ég. Ertu að skipta um
tryggingafélag, segist Særún hafa
svarað en Jón vildi nú ekki
ákveða það strax: -Veit það ekki,
sjáum til, segir hann og boðar
einnig dæturnar á heimilið. -Svo
minnti hann mig á þetta
morguninn eftir, nema hvað að
ég fer í vinnu, sameinilegur
föndurdagur í skólanum og
leikskólanum og ég náttúrulega
þar og stelpurnar mínar líka með
öll barnabörnin okkar sex, segir
Særún og mikið fjör í gangi þar
en það var rétt að byrja því heim
mætti hún rétt fyrir 12 en þá
kom Jón hlaupandi á móti henni
með símann á eyranu og skipaði
henni að fara inn í búð og kaupa
pylsur, einn eða tvo pakka en
hún yrði að vera fljót. -Ég skildi
ekki hvað gekk á nema hvað ég
brunaði í búðina og var snögg en
þegar ég kom til baka var Inga
Dögg elsta dóttir okkar mætt.
Þegar ég kom inn mætti ég
prestinum í fullum skrúða á
ganginum heima og ég varð eins
og asni, lýsir Særún heimkom-
unni og skildi ekkert í þessu,
hvað presturinn væri að gera
þarna. -Svo kom yngri dóttir
okkar Gréta Dröfn og henni brá
svolítið, hélt að eitthvað hefði
komið fyrir líkt og mér. Svo
hringdi Jón í son okkar, Daníel
Frey, og sagði honum að drífa sig
heim. Elstu dóttir okkar grunaði
þetta þegar pabbi hennar talaði
við hana kvöldið áður en yngri
dóttirin gat ekki sofið nóttina
áður vegna þess að pabbi hennar
gerði hana svo forvitna. Jæja,
presturinn pússaði okkur saman
og allir voru í skýjunum, segir
nýkrýnda eiginkonan en Jón
bauð öllum upp á pylsur. -Þá var
farið að ræða málin og upp kom
að hann hafði planlagt þetta
kvöldið áður og hafði farið
nokkrar ferðir til að hitta
prestinn en hann ekki heima svo
Jón sat fyrir honum þegar hann
kom úr heitapottinum. Hinn
nýkvænti Jón rær á Geislanum á
línu með Páli Magnússyni og var
ákveðið daginn áður að róið
skildi þannig að Jón eyddi brúð-
kaupsnóttinni með skipstjór-
anum.
-Ég var svolítinn tíma að átta
mig á þessu, en þetta kallar
maður að koma manni á óvart,
ég átti ekki von á þessari uppá-
komu, segir Særún alsæl og
vonast til þess að þau hjóna-
kornin geti skroppið í brúð-
kaupsferð fljótlega ef tími vinnst
til. -En þetta var flottur dagur,
eyddum honum með börnunum,
barnabörnum og tengdasonum.
12.12.2012 kl. 12:12 gerist ekki
flottara. Lífið er svo yndislegt,
segir sú hamingjusamlega gifta
kona, Guðbjörg Særún.
ANDL ÁT
Faðir okkar, tengdafaðir og afi
Hróðmar Margeirsson
Ögmundarstöðum
andaðist á Heilbrigðisstofnuninni Sauðárkróki
fimmtudaginn 13. desember.
Útför hans verður gerð frá Sauðárkrókskirkju
föstudaginn 21. desember klukkan 14.00.
Jarðsett verður að Reynistað.
Sigríður Hróðmarsdóttir Guðmundur Kr. Eydal
Jón Margeir Hróðmarsson María Jónsdóttir
Hróðmar G. Eydal Ríkey G. Eydal
Urður Jónsdóttir Hörn Jónsdóttir
Þar sem ekki er farið með
rétt mál í viðtali við Ingólf
Sveinsson í opnuviðtali 1.
nóv. sl. vil ég koma því á
framfæri að Arnór Sig-
urðsson keypti Suðurgötu
20 árið 1957 af Kalla þýska
sem bjó aldrei „fyrir ofan
hann“ eins og segir í
greininni. Múrpípan sem
um er rætt var ekki ofan við
innganginn, en hafi Arnór
nefnt hana tilgreinda nótt,
þá er til önnur skýring á
henni.
Stefanía Arnórsdóttir
Leiðrétting við opnuviðtal við Ingólf
Sveinsson í Feyki, 1. nóvember sl.
útgáfan hefur fengið flestar
tilnefningar til íslensku tón-
listarverðlaunanna og platan
hefur einnig verið tilnefnd til
norrænu tónlitarverðlaunanna.
Ásgeir Trausti er sannarlega
fyrirmynd ungs fólks sem er að
stíga sín fyrstu spor á
tónlistarbrautinni.
Björn Þór Kristjánsson
athafnarmaður á Blönduósi
Björn hefur með dugnaði komið
á fót Eyvindarstofu á Blönduósi
sem er menningarlega mjög
mikilvægur staður fyrir
Norðurland vestra.
Guðjón Óli Jónsson
og fjölskylda á Blönduósi
Hefur barist hetjulegri baráttu í
veikindum Guðjóns en hann
varð fyrir alvarlegu heilsutjóni í
mars 2012. Fjölskyldan hefur
þurft að taka á stóra sínum á
erfiðum tímum.
Kári Kárason
framkvæmdastjóri á Blönduósi
Fyrir frækilegt björgunarafrek í
mars er hann bjargaði manni úr
bíl sem oltið hafði ofaní Laxá.
Svo skemmir ekki fyrir hvað
hann er skemmtilegur.
Kolbrún Birna Jökulrós
Þrastardóttir í Skagafirði
Var viðstödd slysið á Þórkötlu
systur sinni í sumar, sem lenti
undir sláttuvél, og sýndi þar
einstaka stillingu við að aðstoða
föður þeirra systra við að stoppa
blóðflæði og sinna fyrstu hjálp á
slysstað. Fékk hún einnig það
hlutverk að halda upp sam-
ræðum við Þórkötlu og passa að
hún missti ekki meðvitund. Þar
sýndi hún mikla hetjudáð og
hélt systur sinni vakandi allan
tímann.
Skúli Jónsson
altmúligmaður á Sauðárkróki
Tilnefndur fyrir að veita góða
þjónustu í kringum knatt-
spyrnudeild Tindastóls en hann
hefur verið einkar liðlegur í
yngriflokka starfinu. Fyrir þau
yngstu hefur hann verið óþreyt-
andi að snúast í kringum, sótt
þau í Árvist til að koma þeim á
æfingu, jafnvel keyrt þau heim á
eftir. Þá hefur hann gripið inní
sem þjálfari, línuvörður eða
hvað sem þarf að gera.