Víkurfréttir - 24.05.2018, Blaðsíða 31
31UMRÆÐAN Á SUÐURNESJUM f immtudagur 24. maí 2018 // 21. tbl. // 39. árg.
Skýr framtíðar
sýn með ábyrgri stefnu
Þetta eru kjörorð okkar í Lista Grindvíkinga. Það er ekki
að ástæðulausu sem við setjum þau fram því þau fanga sýn
okkar um hvert skuli stefna í Grindavík. Við ætlum að fara
í heildstæða stefnumótun og skapa skýra framtíðarsýn í
öllum málaflokkum. Að okkar mati er slíkt nauðsynlegt
svo framtíðarstjórnendur, bæjarfulltrúar og forstöðumenn
bæjarins viti hvernig við sjáum fyrir okkur þjónustuna og
ramma hvers málaflokks til lengri tíma. Fjármálin eru ofarlega á baugi
hjá okkur enda eru þau grunnur þess að geta veitt góða þjónustu, án þess
að álögur á íbúa séu of miklar. Stefna okkar fyrir komandi kosningar er
metnaðarfull og unnin á breiðum grunni. Hver málaflokkur er okkur
mikilvægur og það sést í ábyrgri stefnu G-listans.
G-listinn hefur sýnt það undanfarin tvö kjörtímabil að hann er traustsins
verður. Við hvetjum þig til að kynna þér okkar fólk og málefni á vefsíðu
okkarhttp://www.glistinn.is
Vilhjálmur Ragnar Kristjánsson
2. sæti á Lista Grindvíkinga
Fyrir fjórum árum
kynntum við bæjar-
búum nýja sýn í að-
draganda kosning-
anna, vildum móta
samfélagið okkar í
anda lýðræðis, gegn-
sæis og reka Reykjanesbæ á ábyrgan
hátt.
Við jukum áhrif íbúa á mótun bæjar-
ins okkar. Á kjörtímabílinu voru
haldnir 15 íbúafundir og íbúakosning
var haldin að frumkvæða íbúa um
deiliskipulag í Helguvík, sú fyrsta
á landinu.
Við endurskoðuðum rekstur sveitar-
félagsins og komum honum í lag. Fjár-
hagsleg staða bæjarins er öll önnur
og sterkari nú.
Við settum skýr mörk á milli stjórn-
málamanna og rekstrar bæjarins.
Réðum ópólitískan bæjarstjóra,
tryggðum að allar ráðningar eru án
afskipta stjórnmálamanna og gerðum
stjórnsýsluna gegnsærri.
Við höfum stjórnað bænum okkar
undanfarin fjögur ár á opnari og
ábyrgari hátt en áður og okkur
tókst að hlífa fjölskyldum bæjarins
á erfiðum tímum með því t.d. að þre-
falda hvatagreiðslur, hækka styrki til
íþróttafélaga og umönnunargreiðslur
til dagforeldra.
Samfélag í sókn
Tiltektin var drjúg og verkefnið stórt
en með samstilltu átaki bæjarbúa og
bæjarstjórnar tókst það. Nú getur
uppbyggingin og sóknin hafist að
fullu.
Nú er tími til að láta samfélagið njóta
árangursins sem við höfum öll náð
saman. Gott er að geta byrjað á því
að skila árangrinum í ábyrgari rekstri
bæjarins til fjölskyldanna og lækka
útsvarið á næsta ári um 300 milljónir
eins og ákveðið hefur verð.
Takk fyrir stuðninginn og þolinmæð-
ina við endureisn bæjarins okkar. Við
munum skila árangrinum til bæjar-
búa - með ykkar hjálp.
XS - Samfélag í sókn.
Friðjón Einarsson
skipar 1. sæti S-lista
Samfylkingar og óháðra
Föngulegur hópur
fæddur 1991 gekk í
grunnskóla Grinda-
víkur og áttu þau eftir
að ganga í gegnum
ýmislegt. Það voru
sigrar, gleði en einn-
ig sorg. Við vorum skóluð til af eðal
fólki. Góðir kennarar sáum um okkur
og vorum við útskrifuð eftir að goð-
sagnirnar Kristín Mogensen og Pálmi
höfðu lagt okkur lífsins reglurnar í
10.bekk. Það var yndislegt að alast
upp í Grindavík. Árið 2017 hittust við
nokkur skólasystkyni eitt kvöld um
haustið, sumir fluttir aftur til Grinda-
víkur. Umræðurnar fóru á þá leiðina
hvort að við ætluðum að setjast að í
Grindavík eða ekki. Heitar umræður
hófust um málefnin í okkar frábæra
bæjarfélagi en voru mjög sammála
um að hægt væri að gera betur.
En hvað á að gera? Ekkert gerist ef
við höldum áfram að rökræða heima
hjá okkur, en öll vorum við sammála
að vilja ekki setjast á lista hjá neinum
núverandi flokkum. Flest okkar höfðu
áður fengið boð um slíkt en tilfinn-
ingin var oft sú að um væri að ræða
skrautfjaðra sæti til þess að hafa einn
ungan á lista. Það var því ákveðið
að stofna framboð óháð pólitískum
skoðunum og föngulegur hópur feng-
inn með í starfið. Staðreynd málsins
er sú að ungu fólki í dag finnst hið
pólitíska umhverfi ekki spennandi og
hræðast það jafnvel. Að þurfa svara
fyrir rótgróna flokka og láta skilgreina
sig eftir honum er ekki aðlaðandi
sérstaklega ekki ef þú ert að stíga
þín fyrstu skref í pólitík. Rödd unga
fólksins er framboð sem snýst ekki
um hægri eða vinstri stefnu, heldur
en um þjónustustefnu.
Sveitarfélag er rekið af íbúum þess
og sveitafélag er þjónusta við íbúa.
Bæjarfulltrúar eiga að sjá starf sitt
sem þjónustufulltrúar bæjarins og
vera sýnilegir í bæjarfélaginu. Með
þjónustmiðaðri stjórnsýslu þarf að
gera þjónustustefnu og gera allt starf
þjónustumiðað. En hvað er átt við
með því ? Sem dæmi má nefna um-
hverfið okkar, við þurfum að horfa á
það að þjónusta íbúa við að flokka svo
að það sé sem aðgengilegast, fjölga
ruslatunnum um bæinn svo það sé
aðgengilegra henda rusli á göngu
mynda þannig umhverfi að þú sérð
ekkert annað í stöðunni en að stefna
að grænni Grindavík. Þjónustan þarf
að vera þarfagreind svo hægt sé að
vinna fyrst að þar sem þörfin er mest
og taka ákvarðanir með tölulegar
staðreyndir á bak við. Til þess að
koma í veg fyrir þjónustufall, þarf
bæjarstjórn að vera meðvituð um
væntingar og óskir íbúa. Til þess að
þjónustan verð sem best á er kosið
skiptir máli að starfsmennirnir sem
starfa við þessa þjónustu viti hlut-
verk sín og að starf þeirra sér virt og
metið. Starfsmennirnir þurfa að finna
fyrir því að það sé brugðist við þeim
aðstæðum sem koma upp í þeirra
starfi af skilning og virðingu og að
skoðanir þeirra skipti máli.
Ég tel mikilvægt að breiðar skýr-
skotun sé við ákvörðunartöku borðið
og einnig tel ég það veita aðhald. Við
getum ekki tekið því sem sjálfsögðum
hlut að vera kosin til sveitastjórnar,
það eru forréttindi og það á enginn
neitt í pólitík. Aðhald er góður hlutur
það heldur fólki á tánum og hvetur
fólk til þess að koma fram með hug-
myndir sem það hefur eldmóð fyrir.
Rödd unga fólksins heyrist hæst þegar
við stöndum saman. Verum samfélag
sem hefur eldmóð og metnað fyrir að
vera leiðandi og fyrirmyndar bæjar-
félag.
Við hjá Rödd unga fólksins sækjum
því um í þessu kosningum um að vera
þjónustufulltrúi þinn á næstkomandi
kjörtímabili. Hvaða umsókn ætlar
þú að samþykja þann 26.maí næst
komandi ?
Helga Dís Jakobsdóttir Viðskipta-
fræðingur og mastersnemi í Þjón-
ustustjórnun og í 1.sæti hjá Rödd
unga fólksins
Hvaða umsókn ætlar þú að samþykkja þann 26.maí ?
Skilum árangrinum til bæjarbúa
Gamalt og gott á timarit.is