Ægir - 01.06.2017, Blaðsíða 20
„Það verður gríðarleg breyting
fyrir okkur að fara af gamla
Björgúlfi yfir á þetta nýja skip.
Munurinn er mikill á öllum
sviðum, hvort heldur er horft
til stærðar skipsins, vinnuað-
stöðu eða aðbúnaðar áhafnar,“
segir Kristján Salmannsson
skipstjóri á Björgúlfi EA 312
sem hefur verið í brúnni á
gamla Björgúlfi frá árinu 2010.
„Skipið er auðvitað talsvert
stærra og breiðara og kemur til
með að fara betur með okkur.
Breiddin skiptir miklu máli fyrir
sjóhæfnina og gerir að verkum
að það veltur minna. Þetta
breytir miklu fyrir okkur sem
störfum um borð og við þekkj-
um það frá gamla skipinu sem á
til að velta talsvert. Hver metri í
breidd skipanna kemur fram í
bæði minni veltingi og meira
vinnurými innanskips,“ segir
Kristján.
Skrokklagið sannar sig
Margir staldra við þetta skrokk-
lag sem er á nýjum togurum
sem eru að koma til landsins
þessa mánuðina. Hönnuðir
togaranna sem eru með þessu
lagi hafa bent á að í raun sé hér
á ferð áframhaldandi þróun á
perustefninu sem fram kom á
sínum tíma. Með þessu fram-
stæða stefni vinnist margt í sjó-
hæfni, mótstaða verði minni
þegar skipin fara í gegnum öld-
una í sjógangi, auk þess sem á
sama tíma fáist aukið rými inn-
anskips.
„Ég hef fulla trú á að þetta
skrokklag skili sér fullkomlega.
Ég sigldi líka sem stýrimaður á
Kaldbaki EA þegar við komum
með það skip frá Tyrklandi fyrr í
vor og hef séð hvernig skipin
eru í öldu. Þau stinga sér minna
niður í ölduna og svo verður
greinilega minni mótstaða þeg-
ar þau kljúfa hana. Þetta skilar
orkusparnaði, sem skiptir miklu
máli,“ segir Kristján.
Meðal aflahæstu ísfisktogaranna
Björgúlfur EA 312 hefur verið
meðal aflahæstu ísfisktogara
landsins undanfarin ár og segir
Kristján það vera gott skip, þó
40 ára gamalt sé. „Okkur hefur
gengið prýðilega síðustu ár og
höfum verið að veiða að jafnaði
5.500-6.000 tonn á ári. Aleng-
asta túralengdin er fjórir sólar-
hringar og fyrir tveimur árum
var meðalengd veiðiferðar hjá
okkur 3,6 sólarhringar yfir árið.
Það segir talsvert um að við
höfum ekki þurft langan tíma á
miðunum til að sækja aflann,“
segir Kristján og bætir við að
þarfirnar í vinnslunni í landi ráði
mestu um það hversu langar
veiðiferðirnar eru hverju sinni.
„Vinnslan ræður mestu um
þetta en við vitum yfirleitt þeg-
ar við látum úr höfn hvenær
miðað er við að við komum inn
til löndunar. Stundum erum við
kallaðir fyrr inn ef á þarf að
halda vinnslunnar vegna.“
Nú tekur við smíði vinnslu-
búnaðar á millidekk Björgúlfs
og því ekki alveg komið að því
strax að reyna skipið á miðun-
um. „Ég get ekki sagt annað en
að það sé mikil spenna hjá okk-
ur öllum í áhöfninni að halda til
veiða á þessu fína skipi. Þetta
verður algjörlega nýr vinnu-
staður,“ segir Kristján.
Gríðarleg breyting að
fara á þetta skip
segir Kristján Salmannsson, skipstjóri á Björgúlfi EA 312
Kristján Salmannsson í brúnni á nýjum Björgúlfi EA 312.
Gamli og nýi Björgúlfur sigldu saman síðasta spölinn til Dalvíkur þar
sem mikill mannfjöldi fagnaði nýja togaranum.
20