Ægir - 01.08.2017, Side 14

14
Snorri Snorrason, skipstjóri á
Drangey SK 2, hefur langa
reynslu af skipstjórn og fer nú
með áhöfn sinni af Klakki SK yf-
ir á Drangey SK 2. Hann sigldi
nýja skipinu heim frá Tyrklandi
og er hæstánægður með skipið.
Þegar siglt var í gegnum Eyja-
og Miðjarðarhaf var mikil hita-
bylgja, sló hátt í 40 gráður og
þurfti að slá af keyrslunni á
skipinum vegna yfirborðshita í
sjónum. Snorri sagðist því hafa
verið feginn þegar fór að nálg-
ast Ísland og kunnugleg norða-
náttin tók við.
Algjör bylting fyrir áhöfnina
„Við fengum reyndar kolvitlaust
veður suður af Íslandi, beint á
móti. Skipið var engu að síður
mjúkt og fínt og þarna fundum
við greinilega hversu vel það
mun fara með okkur í framtíð-
inni þegar allt verður komið um
borð, búnaður og fullir tankar.
Auðvitað hreyfast öll skip eitt-
hvað en eftir að hafa siglt bæði
Drangey heim og Björgúlfi þá
fullyrði ég að þetta eru mjög
góð sjóskip. Fyrir okkur í áhöfn-
inni verður þetta vægast sagt
mikil bylting frá gamla Klakk,“
segir Snorri.
Fyrir skipstjórann er líka mik-
il bylting að hafa nýja skjávegg-
inn sem er í brúnni á Drangey
SK en þar er um að ræða risa-
vaxinn skjá þar sem hægt er að
raða upp þeim valmyndum í
stjórnbúnaði skipsins sem þörf
er á hverju sinni. „Þessi veggur
er mikil bylting. Hér fyrir framan
mig get ég haft allt að 24 skjái
uppi í einu og þetta einfaldar
stjórnina mikið.“
Eins og höll miðað við Klakk
Snorri segir ósanngjarnt að
bera saman þetta nýja skip og
Klakk SK sem Drangey leysir af
hólmi. „Það er miklu meira en
himinn og haf þarna á milli.
Drangey er eins og höll í sam-
anburðinum. Klakkur og aðrir
ogarar sem þessi nýju skip leysa
af hólmi eru börn síns tíma.
Sjálfsagt má alltaf finna einhver
atriði við þetta nýja skip sem
mættu vera öðruvísi en í heild
sinni er þetta bara stórkostlegt
skip að mínu mati. Almennt eru
togararnir hjá okkur Íslending-
um orðnir of gamlir og standast
illa þær kröfur sem gerðar eru í
dag um meðferð á aflanum.
Þess vegna er svo gleðilegt að
fá að taka þátt í því að halda til
veiða með nýtt skip, búið nýj-
ustu tækni og besta aðbúnaði
til að skila sem allra bestu hrá-
efni að landi. Mér liggur við að
segja að við séum svolítið á
bleiku skýi af tilhlökkun að fara í
fyrstu veiðiferð á skipinu,“ segir
Snorri Snorrason.
„Stórkostlegt
skip í alla staði“
segir Snorri Snorrason, hæstánægður skipstjóri Drangeyjar SK
Snorri Snorrason, skipstjóri Drangeyjar SK 2, í skipstjórastólnum í brúnni.
N
ý
tt fisk
isk
ip