Ægir - 01.08.2017, Síða 22

22
Nýtt fiskveiðiár hófst þann 1. september síðastliðinn og úthlutaði
Fiskistofa aflamarki fyrir árið sem nemur 375.589 tonnum í þorsk-
ígildum talið. Það er 10.500 meira í þorskígildum en á síðasta fisk-
veiðiári. Úthlutun í þorski er um 203 þúsund tonn og eykst um tæp
9.000 tonn frá fyrra ári. Ýsukvótinn er 31.732 tonn og eykst um
4.200 tonn og er sama aukning í ufsakvótanum. Tæplega 1.700
tonna samdráttur er úthlutun á gullkarfa og tæplega 1.100 tonna
samdráttur í djúpkarfa. Þá er úthlutun í íslenskri sumargotssíld
29.000 tonnum minni en í fyrra. Úthlutað aflamark er alls 422.786
tonn sem er tæplega 6.600 tonnum minna en á fyrra ári. Alls 2.042
þorskígildistonnum er úthlutað nú í upphafi árs sem skel- og
rækjubótum en það er um 500 tonnum meira en í fyrra og fara þau
til 40 báta samanborið við 30 báta á fyrra ári.
Við úthlutunina vakti Fiskistofa athygli á því, líkt og fyrr, að síðar
á árinu verður úthlutað aflamarki í deilistofnum og ekki sé óalgengt
að aukið sé við aflamark í uppsjávarfiski, benda megi sérstaklega á
að engri loðnu var úthlutað að þessu sinni. Þess vegna eigi heildar-
aflamark einstakra skipa og hafna og innbyrðishlutfall þeirra eftir að
breytast í kjölfar slíkra úthlutana þegar líði á fiskveiðiárið.
Enn fækkar togurunum
Alls fengu 489 skip úthlutað aflamarki að þessu sinni samanborið
við 499 á fyrra fiskveiðiári. Nýjasti frystitogari landsmanna, Sólberg
ÓF 1, er það skip sem fær mestu aflamarki úthlutað á fiskveiðiárinu
eða 9.716 þorskígildistonnum. Það svarar til 2,6% af úthlutuðum
þorskígildum.
Bátar með krókaaflamark eru nú 277 eins og í fyrra. Skipum í afla-
markskerfinu fækkar um 10 á milli ára og eru nú 212. Athygli vekur
að togurum fækkar enn, þetta árið um fimm en þeim hefur fækkað
um 17 frá upphafi fiskveiðiársins 2013/2014. Togararnir eru nú 39 í
íslenska flotanum. Samkvæmt útgerðarflokkun Fiskistofu fá skuttog-
arar úthlutað rúmum 206 þúsund tonnum af því heildaraflamarki
sem úthlutað var að þessu sinni og skip með aflamark fá 165 þúsund
tonn. Smábátar með aflamark og krókaaflamarksbátar fá tæp 51.700
tonn. Vakin er athygli á því að krókaaflamarksbátar fá eingöngu út-
hlutað þorski, ýsu, ufsa, gullkarfa, löngu, keilu og steinbít.
Fimmtíu stærstu
Fimmtíu stærstu fyrirtækin fá úthlutað sem nemur um 87,8% af því
aflamarki sem úthlutað er og er það 1,2 prósentustigum hærri tala
en í fyrra. Alls fá 372 fyrirtæki eða lögaðilar úthlutað nú eða um 26
aðilum færra en í fyrra. Sé litið til þeirra 10 fyrirtækja sem eru með
mesta úthlutun fær HB Grandi, líkt og í fyrra, mestu úthlutað til
sinna skipa eða 9,48% af heildinni, næst kemur Samherji með 5,89%
og þá Þorbjörn hf. með 5,5%. Þetta er sama röð efstu fyrirtækja og
undanfarin ár og raunar er aðeins sú breyting á þessum 10 fyrir-
tækja lista í ár að Síldarvinnslan er nú komin í 10. sæti þar sem
Hraðfrystihúsið Gunnvör ehf. var á liðnu fiskveiðiári. Vinnslustöðin
færist einnig úr 9. sæti upp í það fimmta en í heild ráða þessi 10 fyr-
irtæki yfir 49,74% af heildaraflamarki fiskveiðiársins. Hlutfallið á síð-
asta fiskveiðiári var 49,76%.
Listi 10 stærstu er þannig í ár:
Samtals Hlutfall
ÞÍG kg % af heild
HB Grandi hf. 35.621.397 9,48%
Samherji Ísland ehf. 22.027.795 5,86%
Þorbjörn hf. 20.740.377 5,52%
FISK-Seafood ehf. 18.398.365 4,90%
Rammi hf. 15.800.597 4,21%
Vísir hf. 15.633.297 4,16%
Brim hf. 15.447.406 4,11%
Skinney-Þinganes hf. 15.193.825 4,05%
Vinnslustöðin hf. 15.079.259 4,01%
Síldarvinnslan hf. 12.889.674 3,43%
Úthlutun eftir heimahöfnum
Þrjár heimahafnir skera sig úr eins og undanfarin ár með að skip
sem þeim tilheyra fá töluvert mikið meira úthlutað í þorskígildum
talið en þær hafnir sem á eftir koma. Mest fer til skipa með heima-
höfn í Reykjavík eða 12,27% af heildinni samanborið við 12,1% í
fyrra. Næstmest fer nú til Grindavíkur, eða 10,8% af heildinni sam-
anborið við 10,6% á fyrra ári. Skip með heimahöfn í Vestmannaeyj-
um ráða fyrir 9,9% úthlutunarinnar eins og í fyrra. Sú breyting verð-
K
v
ótin
n
2
0
1
7
-2
0
1
8
Nýtt fiskveiðiár
meiri heimildir í helstu botnfisktegundum