Morgunblaðið - 14.02.2018, Síða 4

4 FRÉTTIRInnlent
MORGUNBLAÐIÐ MIÐVIKUDAGUR 14. FEBRÚAR 2018
Sterkir í stálinu
Skipastál • Lunningajárn • Bakjárn
Kælirör • Fíber- og galvanhúðaðar ristar
Svört- og ryðfrí rör og fittings
Ál • Ryðfrítt stál • PVC plötur
POM öxlar • PE plötur
Lokar af ýmsum gerðum
Opið virka daga kl. 8-17
Skútuvogi 4, Rvk
Rauðhellu 2, Hafnarfirði
Sími 568 6844 | ga@ga.is | ga.is
Meindýravarnir Reykjavíkurborgar
fengu á síðasta ári 56 færri kvartanir
vegna rottugangs en árið áður en
heldur fleiri kvartanir vegna músa-
gangs.
Alls bárust 385 kvartanir um
rottu- og músagang, samkvæmt
skýrslu rekstrarstjóra meindýra-
varna sem lögð var fram á fundi um-
hverfis- og skipulagssviðs. Meiri-
hlutinn var vegna ágangs af rottum,
237 talsins. Að meðaltali kallar hver
kvörtun á að minnsta kosti fjórar
ferðir til eftirlits og skoðunar. Rott-
um og músum var eytt á þessum
stöðum. Kvartanirnar leiddu auk
þess til þess að í niðurföll og í fjörur
borgarinnar var eitrað með tæplega
700 kílóum af beitu. Í forvarnarskyni
var eitrað í 5.460 holræsabrunna
með 1.174 kg af beitu.
Meindýravarnir fást við fleira en
rottur og mýs. Ein kvörtun barst um
óþægindi af völdum villidúfna og sjö
vegna kanína og voru 70 kanínur af-
lífaðar. 36 kvartanir bárust vegna
katta og voru þeir fluttir í Kattholt.
Sjö kvartanir bárust vegna minka.
Veiddir voru 120 minkar á árinu í
gildrur og með hundum. Aðeins var
kvartað einu sinni vegna refa á þessu
ári og voru engin greni unnin. Í vetr-
arveiði á Kjalarnesi og í Víðinesi
voru skotnir 18 fullorðnir refir.
Skotnir voru yfir 5.300 vargfuglar
og nákvæmlega 59 egg tekin.
Kvartanir bárust vegna 184 geit-
ungabúa við göngustíga, leikskóla,
skóla og á opnum svæðum borgar-
innar og var þeim öllum eytt.
helgi@mbl.is
Kvartað 385 sinnum vegna
rottu- og músagangs
 Færri rottur á ferðinni en heldur fleiri mýs  Mikið eitrað
Morgunblaðið/Arnaldur
Meindýr Rotta að spóka sig á aðal-
verslunargötu borgarinnar.
Sex bílar fuku út af veginum vestan
við Höfn í Hornafirði í gær, en glæru-
hálka var á veginum. Þök fuku af
þremur húsum, en sterkur vindur var
á svæðinu sökum krapprar lægðar
sem gekk yfir í gær.
Spáð er norðaustanroki syðst á
landinu snemma í dag, frá Hvolsvelli
og austur fyrir Öræfi, og mjög snörp-
um vindhviðum undir fjöllum. Aust-
an- og norðaustanhvassviðri eða
stormur verður á landinu í dag, lægir
eftir hádegi sunnanlands og síðar
einnig í öðrum landshlutum. Víða
verður allhvass austanvindur undir
kvöldið. Snjókoma, slydda eða rign-
ing verður um land allt, einkum aust-
antil, og má því búast við að færð
spillist. Frost verður framan af deg-
inum en hiti um og yfir frostmarki
síðdegis.
Enn er varað við snjóflóðum á
Vestfjörðum, Austfjörðum og ut-
anverðum Tröllaskaga. ernayr@mbl.is
Úrkoma og
hvasst í dag
Magnús Heimir Jónasson
mhj@mbl.is
„Þetta er alveg búið að vera rosa-
lega mikið að gera hjá okkur frá
morgni til kvölds. Í síðustu viku
vorum við með yfir 120 mál, frá
mánudegi til föstudags,“ segir
Kristján Kristjánsson, rekstrar-
stjóri hjá Árekstri.is.
Fyrirtækið aðstoðar þá sem
lenda í umferðaróhöppum og sér
um að koma upplýsingum til
tryggingafélaganna. Einungis eru
þrír bílar í rekstri hjá fyrirtækinu
sem og nær þjónustusvæðið yfir
Reykjavík, þar á meðal Kjalarnes,
Kópavog, Garðabæ, Hafnarfjörð,
Seltjarnarnes og Mosfellsbæ.
Þjónustan hjá Árekstri.is er ein-
ungis opin frá 7.45 til 18.30 frá
mánudegi til föstudags og voru öll
120 málin sem komu upp í síðustu
viku innan þess tíma .
Nýlega var tekin ákvörðun um
að fjölga um bíl og starfsmann til
að sinna þessu aukna álagi. „Við
erum með þrjá bíla núna en það er
ekki nóg. Það er ástæða þess að
við erum að bæta við bíl og ráða
aukamann.“
Verður nýjum bíl og aukastarfs-
manni bætt við hjá fyrirtækinu 1.
mars. næstkomandi.
Almennt vel búnir bílar
Spurður hvort starfsmenn verði
varir við það að bílar séu illa búnir
í snjónum eða hvort einhverjir séu
á sumardekkjum segir Kristján
það vera afskaplega sjaldgæft.
„Það er talið á fingrum annarra
handar í vetur, þetta er bara færð-
in. Það kemur hálka og snjór og
svo frystir undir og snjóar yfir.
Þetta eru bara keðjuverkandi áhrif
af leiðinlegu veðri.“
Mikill erill
Þeir sem hafa nýtt sér þjónustu
Áreksturs.is hafa þurft að sýna
þolinmæði vegna erilsins hjá fyr-
irtækinu og segir Kristján að
reynt sé eftir bestu getu að stytta
biðtíma.
„Við gerum okkar að besta en
það hefur verið það mikið að gera
að við náum ekki að sinna þessu á
þeim hraða sem við viljum sinna
þessu á, því miður. Það er leið-
inlegt að segja það en það hefur
gerst en þess vegna erum við að
bregðast við því með að bæta við
aukamanni.“
Sinntu 120 málum í vikunni
 Mikill erill hjá Árekstri.is á síðustu dögum  Bæta við sig aukabíl og starfs-
manni til að sinna eftirspurn  Langflestir vel dekkjaðir, segir rekstrarstjóri
Ljósmynd/Atli Sturluson
Slys Mikill erill hjá Árekstur.is í að
sinna umferðaróhöppum í hálkunni.
Ingveldur Geirsdóttir
ingveldur@mbl.is
„Það virðist vera brotalöm á því að
sjúkraflutningamenn þekki sitt um-
dæmi. Það hefur ekki beinlínis
komið að sök ennþá en ef ég þarf að
hringja aftur eftir sjúkrabíl veit ég
að það verður að tilgreina leiðina
ennþá betur eða að fá að tala beint
við bílstjórann,“ segir Lilja María
Gísladóttir, bóndi í Króki í Flóa-
hreppi í Árnessýslu, en bærinn
stendur rétt við Þjórsárósa.
Hún hefur tvisvar lent í því að
sjúkrabíll sem hún hefur kallað eft-
ir hefur villst af leið. Síðast á föstu-
daginn fyrir rúmri viku þegar eig-
inmaður hennar fékk smá
blóðtappa í heila. Lilja hringir í
Neyðarlínuna og lýsir staðsetning-
unni nákvæmlega m.a. með örygg-
isnúmeri og er sagt að bíllinn sá
farinn af stað. Eftir þónokkurn
tíma fara þau að undrast um bílinn,
enda ekki nema um 20 mínúta akst-
ur frá Selfossi á Krók, en svo birtist
hann ofan að sem þeim fannst skrít-
ið. Síðar frétti Lilja af því að sveit-
ungi hennar hafi séð bílinn koma
rétta leið, en svo stoppa og fara í
aðra átt, svokallaðan Hamarsveg
sem er nokkuð lengri og seinfarnari
leið. Á bakaleiðinni þurfti maður
Lilju að lóðsa þá rétta leið upp á
sjúkrahús.
Nokkur ár eru liðin frá fyrra at-
vikinu en þá þurfti Lilja að hringja
eftir bíl fyrir aldraða móður sína.
Bíllinn var mjög lengi á leiðinni og
komst móðir hennar að því eftir á
að hann hafði farið út fyrir á á Sel-
fossi.
„Ég sagði að Krókur væri við
hliðina á Arabæ svo þeir færu ekki
að villast á einhvern annan Krók en
þá fóru þeir upp í Árbæ sem er
húsaþyrping í Ölfusi,“ segir Lilja.
„Svo þurfti mamma þar sem hún lá
á börunum í bílnum að benda þeim
á stystu leið upp á sjúkrahús.“
Fimm bæir bera nafnið Krókur í
Árnessýslu. Þar af þrír í Flóahreppi
eftir að þrír hreppar voru samein-
aðir í einn. Lilja hefur líka lent í því
að til hennar hefur komið sjúkrabíll
sem var að sækja ábúenda á Króki í
næsta hreppi.
Lilja er með öryggisnúmer bæj-
arins og gefur það upp þegar hún
hringir í Neyðarlínuna. „Þetta er
eins númer og er á sumarbústöðum,
með lengdar- og breiddargráðum.
Ég gaf það upp síðast en samt gátu
þeir ekki keyrt beina leið hingað.“
Á að velja bestu leiðina
Styrmir Sigurðarson, yfirmaður
sjúkraflutninga hjá Heilbrigðis-
stofnun Suðurlands á Selfossi, segir
að Neyðarlínan sé með kortagrunn
sem gefi þeim upplýsingar um hvar
innhringjandinn er. „Við fáum send-
ar upplýsingar í snjallsímana okkar
með staðsetningu. Í bílunum er líka
aksturstölva, svipuð GPS-tæki, sem
er með leiðarbestunarkerfi um um-
dæmið. Það á að velja stystu og
bestu leiðina.“
Styrmir segir að í tilviki Lilju
virðist vera eitthvert rugl í tækninni
sem sendi bílinn ekki stystu leiðina.
Spurður hvort sjúkraflutn-
ingamenn fari á námskeið í að
þekkja umhverfi sitt segir Styrmir
að alla jafna sé reynt að ráða fólk
sem sé af svæðinu. „Að sjálfsögðu
förum við mjög vel yfir allt og látum
fólk kynna sér kortin og hvað er
hvað. Ef fólk hefur lent í misskiln-
ingi með staðsetninguna er best að
biðja Neyðarlínuna um að koma
símanúmerinu til bílstjórans og
biðja hann um að hringja.“
Sjúkrabíllinn
fór vitlausa leið
 Ábúandi á Króki tvisvar lent í að
sjúkrabílar fari ranga eða lengri leið
Morgunblaðið/Kristinn Magnússon
Sjúkrabíll Bílstjórarnir fá upplýsingar um staðsetningu frá Neyðarlínunni og þá er leiðarbestunarkerfi í bílunum.
Lilja segir það auðvitað vera
ruglandi að svo margir bæir
heiti Krókur í sama umdæmi.
Það ætti Pósturinn t.d. að vita
en ábúendur á Króki í Bisk-
upstungum hafa t.d. oft fengið
sendan póst sem á að fara til
Lilju. „Við þekkjum ábúendur
þar og fáum því oftast póstinn.
En fyrir um tveimur árum fengu
þau þrjú bréf í einu sem áttu að
koma til okkar. Þau fara með
bréfin aftur á pósthúsið og bú-
ast við að þau skili sér þá í rétt-
ar hendur en við höfum aldrei
séð þessi bréf og hefðum ekki
frétt af þeim nema út af því að
við þekkjum ábúendurna á
Króki í Tungum. Við höfum líka
fengið bréf sem eiga að fara til
ábúenda á Króki í Holtum sem
er í Rangárþingi og Króki í Ölf-
usi en þeir bæir eru nú í öðru
póstnúmeri.“
Sáu aldrei
bréfin sín
PÓSTURINN RUGLAST LÍKA