Morgunblaðið - 26.03.2018, Blaðsíða 11

FRÉTTIR 11Innlent
MORGUNBLAÐIÐ MÁNUDAGUR 26. MARS 2018
GÆÐI – ÞEKKING – ÞJÓNUSTA
Eru sparifötin
hrein?
Sigurður Bogi Sævarsson
sbs@mbl.is
Virkjun Tungufljóts í Biskupstung-
um er mikilvægt samfélagsverkefni
sem renna mun styrkari stoðum
undir byggð og atvinnu í uppsveit-
um Árnessýslu. Þetta segir Mar-
geir Ingólfsson á Brú í Biskups-
tungum í Bláskógabyggð.
Sigurður Ingi Jóhannesson, sam-
gönguráðherra tók á föstudaginn
skóflustungu að byggingu Brúar-
virkjunar í efri hluta Tungufljóts í
Biskupstungum sem verður 9,9
MW rennslisvirkjun. Framkvæmd-
in er samstarfsverkefni HS Orku
og vatnsréttarhafa, það er Mar-
geirs á Brú sem á land að Tungu-
fljóti austanverðu og Skógræktar-
innar sem á Haukadalsjörðina sem
liggur að fljótinu í vestri.
Nú í vikunni verður hafist handa
um að setja niður vinnubúðir á
virkjunarstað og strax eftir páska
hefjast starfsmenn Ístaks handa
um framkvæmdir, en áætlaður
verktími eru tuttugu mánuðir.
„Framkvæmdin mun hafa mjög lítil
áhrif á umhverfið, en þetta verður
rennslisvirkjun með litla inntaks-
tjörn þar sem vatnið verður tekið í
niðurgrafna fallpípu 1.700 m leið og
síðan skilað aftur út í farveg
Tungufljótsins ofan byggðar og al-
faraleiða,“ segir Margeir.
Í frétt frá HS Orku segir, haft
eftir Ásgeiri Margeirssyni forstjóra
fyrirtækisins, að virkjunin og raf-
magn frá henni muni styrkja af-
hendingaröryggi raforku í ná-
grannabyggðum, þar sem til að
mynda eru fjölmargar stórar garð-
yrkjustöðvar. Stofnkerfi raforku
styrkist á stóru svæði með lagningu
háspennustrengs frá Brú, sem er
skammt frá Geysi, í Reykholt. Þá
muni þessar framkvæmdir skapa
störf á svæðinu, bæði á bygging-
artíma sem og þegar rekstur hefst.
Atvinnulífið sé sjálfbært
„Undirbúningur að þessu verk-
efni hefur tekið mörg ár og var
þess gætt að hvert stigið skref væri
í sátt við náttúru og samfélag,“ seg-
ir Margeir. „Virkjunin var ekki tal-
in hafa slík áhrif á samfélagið að
mat á umhverfisáhrifum væri nauð-
synlegt en við einfaldlega óskuðum
eftir því að Skipulagsstofnun tæki
verkefnið inn í matsferli og við því
var orðið. Fyrir atvinnulíf hér í
uppsveitum Árnessýslu skiptir
miklu máli að vera sjálfbært um
orku, enda er það forsenda vaxtar
og frekari framgangs. Staðir á
landinu þar sem næg orka er ekki
til staðar hafa lent í vanda, en hér á
Suðurlandi erum við skrefi á und-
an.“
Ljósmynd/HS Orka
Upphaf Sigurður Ingi Jóhannsson samgönguráðherra og Ásgeir Margeirs-
son forstjóri HS Orku þegar fyrsta skóflustungan var tekin sl. föstudag.
Virkjað í sátt
við samfélagið
 Tungufljót í Biskupstungum beislað
Ljósmynd/Margeir Ingólfsson
Virkjunarstaður Tungufljót,
Haukadalsskógur og Bjarnafellið.
Sigurður Bogi Sævarsson
sbs@mbl.is
Fjarðabyggð og Breiðdalshreppur
sameinast í vor skv. niðurstöðu kosn-
inga í sveitarfélögunum sem efnt var
til sl. laugardag. Í Fjarðabyggð, þar
sem kjörsókn var rösklega 36%,
sögðu 87% já og 85% í Breiðdal, þar
sem 64% neyttu
atkvæðisréttar
síns. Stuðningur
við sameiningu
var því yfirgnæf-
andi.
Í Fjarðabyggð
býr í dag 4.961 og
í Breiðdalshreppi
183, skv. nýjustu
tölum Hagstof-
unnar. Samein-
ingin tekur gildi
eftir sveitarstjórnarkosningar í vor
og þar með kemst íbúatala Fjarða-
byggðar upp fyrir 5.000.
Í Fjarðabyggð er Stöðvarfjörður
syðstur staða en nú bætist Breiðdal-
urinn við. Er ljóst að í framtíðinni
verða gagnvegir milli Breiðdals og
Stöðvarfjarðar í þeirri þjónustu sem
sveitarfélagið veitir. Verður í fram-
tíðinni sá háttur hafður á að skóla-
hald á Breiðdalsvík og Stöðvarfirði
verður sameinað enda aðeins 19 kíló-
metrar á milli. Verði kennt tvo daga í
viku á öðrum staðnum og aðra tvo á
hinum en fimmta daginn verði nem-
endur í sínum heimaskóla.
Leikskólar verða áfram starf-
ræktir á báðum stöðum, að sögn
Jóns Björns Hákonarsonar, forseta
bæjarstjórnar í Fjarðabyggð og for-
manns sameiningarnefndar.
Framlag til innviða
og lækkunar skulda
Sameiningunni fylgir 698 millj. kr.
framlag úr Jöfnunarsjóði sveitar-
félaga sem verður greitt út á næstu
fjórum árum. Um 250 millj. kr. af því
fari til innviðauppbyggingar á Breið-
dalsvík, svo sem gatnaframkvæmda
og umhverfisbóta, auk þess sem
skerpa þarf á ýmsu í stjórnsýslu
Fjarðabyggðar vegna sameiningar-
innar. Annað af framlaginu úr jöfn-
unarsjóði fer til þess að greiða niður
skuldir bæjarsjóðs Fjarðabyggðar.
Stuðningur íbúa við sameiningu
sveitarfélaganna var meiri en Hákon
Hansson, oddviti í Breiðdal, bjóst
við. „Það hefur ekki verið neitt svig-
rúm fyrir hrepppinn að fara í fram-
kvæmdir sem kosta eitthvað að ráði.
Ég tel sameiningu því hafa blasað
við,“ segir Hákon um stöðu mála í
Breiðdal þar sem sjávarútvegur,
landbúnaður og ferðaþjónusta eru
undirstöður atvinnulífs. Á síðustu
misserum hafa svo nýir sprotar bæst
við í krafti þróunarstarfs í samvinnu
heimafólks og Byggðastofnunar.
Yfirgnæfandi stuðningur
 Sameining á Austurlandi var samþykkt  Fjarðabyggð
fer yfir 5.000 íbúa markið  Nýir sprotar á Breiðdalsvík
Morgunblaðið/Sigurður Bogi
Breiðdalsvík Þorpið og dalurinn verða hluti af sameinaðri Fjarðabyggð.Jón Björn
Hákonarson
Þrátt fyrir hávær mótmæli íbúa við
Skúlagötu og nágrenni hefur borg-
arstjórn samþykkt nýtt deiliskipulag
á svæðinu. Skipulagið heimilar átta
hæða byggingu á mótum Skúlagötu
og Frakkastígs.
Borgarráð samþykkti í fyrrahaust
að þessi lóð yrði ein þriggja sem
tækju þátt í verkefninu „Reinvent-
ing Cities“ á vegum C40. Þar er kall-
að eftir „framúrskarandi uppbygg-
ingarverkefnum, bæði frá sjónar-
miði borgarþróunar og loftslags- og
umhverfismála“. Hinar tvær lóð-
irnar sem um ræðir eru á Ártúns-
höfða og við Lágmúla 2/Suðurlands-
braut. C40 eru samtök yfir 90
stórborga sem vinna saman í barátt-
unni gegn loftslagsbreytingum.
Atkvæði um nýtt deiliskipulag fyr-
ir Skúlagötureitinn féllu þannig í
borgarstjórn að hún var samþykkt
með tíu atkvæðum borgarfulltrúa
Samfylkingarinnar, Bjartrar fram-
tíðar, Vinstri grænna, Pírata og
Framsóknar og flugvallarvina gegn
fimm atkvæðum borgarfulltrúa
Sjálfstæðisflokksins og Svein-
bjargar Birnu Sveinbjörnsdóttur,
óháðs borgarfulltrúa. sisi@mbl.is
Umdeild lóð verður „græn“
 Deiliskipulag samþykkt þrátt fyrir hávær mótmæli íbúa