Morgunblaðið - 28.04.2018, Side 16

16 FRÉTTIRInnlent
MORGUNBLAÐIÐ LAUGARDAGUR 28. APRÍL 2018
VIÐTAL
Steinþór Guðbjartsson
steinthor@mbl.is
Veitingamaðurinn Hafsteinn Egils-
son verður með opið hús á Rauða
ljóninu á Eiðistorgi frá klukkan 17 á
þriðjudaginn í tilefni þess að þá verða
50 ár síðan hann hóf störf sem þjónn.
„Ég er orðinn löglegt gamalmenni og
á þessum tímamótum ætla ég að
leggja þjónsslaufuna á hilluna og býð
samferðamönnum að njóta stundar-
innar með mér,“ segir hann.
Þegar Hafsteinn var 17 ára var
hann aðstoðarrótari og vann á
dekkjaverkstæði bifreiðastöðvar
Steindórs. Þáverandi kærasta hans
var ófrísk að Níels, hann fann til
ábyrgðar og sagði við móður sína að
hann þyrfti að finna sér almennilega
vinnu. Hún minnti hann þá á að eitt
sinn, þegar hann hefði komið heim úr
sundi, hefði hann sagt henni að hann
vildi vinna við það sama og maðurinn
sem ætti heima nálægt sundlauginni
og væri alltaf í sundi þegar hann væri
í sundi. „Hann á flott hús, flotta bíla
og vinnur ekki neitt,“ sagði ég við
hana, en áttaði mig ekki á því að um-
ræddur maður, Daníel Stefánsson,
barþjónn á Hótel Sögu, vann á kvöld-
in, þegar ég var sofandi.“
Hafsteinn segir að ábending móð-
urinnar hafi ráðið úrslitum um fram-
haldið. „Ég hafði ekki hugmynd um
út í hvað ég var að fara, hafði aldrei
komið inn á veitingastað fyrir utan
Hressó og hvað þá hótel. Ég mætti
því algjörlega blautur á bak við eyr-
un út á Sögu klukkan tvö 1. maí 1968.
Mér var uppálagt að mæta í svörtum
buxum, svörtum skóm, svörtum
sokkum og hvítri skyrtu með svarta
slaufu. Það varð mér til happs að það
var til slaufa á heimilinu því Siggi
bróðir var nýfermdur. Ég fór því
með fermingarslaufuna hans í vinn-
una.“
Þjónsstarfið reyndist vera sem
sniðið fyrir Hafstein. „Það var gott
að lenda ungur í höndunum á Konráð
Guðmundssyni hótelstjóra, því hann
var góður leiðbeinandi og mótaði mig
til lífstíðar.“ Hann segir að Konráð
hafi verið strangur og rifjar upp að
hann hafi snemma lært að mæta
aldrei of seint. Morgunvaktin byrjaði
klukkan hálf átta og eitt sinn mætti
samstarfsmaður hans tíu mínútum of seint. „Hann bauð góðan daginn en
þá svaraði Konráð: „Hér segjum við
bara góðan daginn á morgnana.““
Ekki skemmdi fyrir að þjónar voru
alltaf flottir í tauinu. „Ég var fatafrík
og skömmu áður en ég byrjaði í þjón-
inum létum við vinirnir Colin Porter
sérsauma á okkur jakkaföt frekar en
að byrja að reykja og drekka. Ég hef
aldrei reykt og ekki drukkið áfengi
undanfarin rúm 17 ár.“
Fyrst þjónustuorða Vigdísar
Hafsteinn lærði í Grillinu á Hótel
Sögu og vann þar í 13 ár. Þegar veit-
ingastaðurinn Broadway byrjaði leit-
aði hugurinn þangað en Konráð bauð
honum þá að vera einn þriggja þjóna
í Átthagasalnum með Trausta Víg-
lundssyni og Sveini Sveinssyni. „Ég
vann með þeim í fimm til sex ár og
það var góður tími,“ rifjar Hafsteinn
upp. „Ég hafði aldrei unnið í stór-
veislum áður og lærði því mikið af
þeim.“ Í kjölfarið var hann veit-
ingastjóri í Súlnasalnum í um átta ár.
„Það var bilun að taka þeirri áskorun
því ég var á vernduðum vinnustað og
á góðum launum, en þetta var mikið
ævintýri.“ Hann bendir á að
skemmtikvöldin með Ladda hafi þá
verið að byrja í Súlnasalnum og fullt
hafi verið út úr dyrum allar helgar.
„Ég kann dagskrána enn utanbókar
og sagði einhvern tíma við Ladda að
ef hann veiktist gæti ég hlaupið í
skarðið, ég kynni þetta örugglega
betur en hann!“
Hafsteinn segir að vinnan í Súlna-
salnum hafi verið eins og á vertíð á
skuttogara. Allir hefðu haft sitt hlut-
verk, góð stemning hefði ríkt og mik-
ið gaman. „Það var heldur ekki leið-
inlegt að fá að stjórna kóngaveislum
og öðrum opinberum veislum,“ legg-
ur Hafsteinn áherslu á. „Ég fékk
fyrstu þjónustuorðuna sem Vigdís
Finnbogadóttir veitti sem forseti og
síðan fékk ég til dæmis orður frá
Frakklandsforseta, forseta Ítalíu,
Danadrottningu og Svíakonungi.
Þetta þykir kannski ekki merkilegt
en í mínum augum var þetta mikil
upphefð og það var sérstök upplifun
að fá að taka þátt í því að undirbúa
þessar veislur og sjá til þess að ekk-
ert færi úrskeiðis.“
Á hestbaki í Súlnasalnum
Ein fyrsta ráðstefnan í Súlnasaln-
um er eftirminnileg.Hún var á vegum
þýska fyrirtækisins IBM og séð var
fyrir öllu. Þjóðverjarnir sögðu að for-
stjórinn vildi koma ríðandi á hesti inn
í salinn og Hafsteinn sagði það ekk-
ert mál, vinnufélögum sínum til mik-
illar furðu. „„Hvernig ætlar þú að
bjarga þessu,“ spurði einn að loknum
undirbúningsfundinum. Ég finn út úr
því, svaraði ég og þar með var það af-
greitt. Ég hringdi síðan í Póra í Lax-
nesi og sagði að mig vantaði gamla
bikkju sem hægt væri að koma upp
stiga. Hann sagði að ég væri klikk-
aður en auðvitað myndi hann bjarga
þessu ef ég útvegaði lopasokka á
hestinn. Þetta gekk upp og þegar
forstjórinn reið inn á sviðið, þar sem
hægt var að hækka það, lyftum við
því upp og hann flutti ræðuna á hest-
baki.“
Hafsteinn hefur marga fjöruna
sopið og lífið var erfiðast á tíunda
áratugnum, þegar hann og Hörður
Sigurjónsson fóru með Naustið í þrot
eftir að hafa keypt það 1991 og rekið
með sóma í um fimm ár. „Haukur
Morthens kom í síðasta sinn fram hjá
okkur og Raggi Bjarna tók við af
honum,“ segir Hafsteinn um besta
tímann í Naustinu. Hann bætir við að
ónefndur maður hafi náð húsinu frá
þeim, hækkað leiguna og þá hafi
fljótt hallað undan fæti. Áfeng-
isneyslan hafi verið í óhófi í nið-
ursveiflunni. „Ég kalla þetta tímabil
týndu helgina, en Örn Garðarsson,
sem rak Hótel Borg, kom mér aftur á
fætur, réð mig sem veitinga- og sölu-
stjóra og ég er honum þakklátur fyr-
ir það. Ég hætti að drekka 1. janúar
2001, fór þá í meðferð og hef verið
edrú í rúm 17 ár.“
Golf og sund
Þegar KR Sport keypti Rauða
ljónið var Hafsteinn ráðinn þangað
en hann segir að reksturinn hafi ekki
gengið og þá hafi hann farið aftur á
Hótel Sögu. Í hruninu keypti fjöl-
skyldan Rauða ljónið og segist Haf-
steinn víða hafa fengið bágt fyrir.
„Við höfum nú rekið staðinn í átta ár
auk þess sem við rekum Steikhúsið,“
segir hann. „Reksturinn gengur vel
og ég get því farið að slaka á, stunda
golfið og sundið, en fjölskyldan held-
ur áfram með staðina. Drengirnir
kalla mig ambassadorinn og ég má
mæta og rífa kjaft þegar mér dettur í
hug, en reksturinn er þeirra og eig-
inkonunnar.“
Ljósmynd/Úr einkasafni
Á Astrabar Hjónin Hafsteinn og María með Herði Sigurjónssyni. Þeir sáu
um Astrabar á Hótel Sögu í nokkur ár og eftir að Hörður hafði starfað á
Broadway í Breiðholti lágu leiðir þeirra aftur saman á Naustinu.
Ljósmynd/Úr einkasafni
Íslandsmeistarakeppni barþjóna 1979 Hafsteinn Egilsson á Sögu, sigur-
vegari fyrir miðju, Kristján Runólfsson á Borginni til vinstri með 2. verð-
laun og Símon Sigurjónsson á Naustinu til hægri í 3. sæti.
Þjónninn leggur slaufuna á hilluna
 Hafsteinn Egilsson rifjar upp skemmtileg atvik í vinnunni á hálfrar aldar ferli sem þjónn  Bíður
samferðamönnum í 50 ár í opið hús á Rauða ljóninu 1. maí  Fjölskyldan heldur rekstrinum áfram
Morgunblaðið/RAX
Fjölskyldan á Rauða ljóninu Eyjólfur Gestur Ingólfsson, fyrir miðju, á fyrirtækið með fjölskyldunni. Til vinstri eru bræðurnir samfeðra Níels Hafsteinsson
og Hilmar Hafsteinsson og hjónin María Hilmarsdóttir og Hafsteinn Egilsson til hægri. Trausti Hafsteinsson, þriðji bróðirinn, er fararstjóri á Tenerife.
Ljósmynd/Úr einkasafni
Orðuhafar Vígdísar Finnbogadóttur Frá vinstri: Hafsteinn, Halldór
Skaftason, Konráð Guðmundsson og Jónas Hvannberg.
Eltak sérhæfir sig í sölu
og þjónustu á vogum