Morgunblaðið - 28.04.2018, Page 39

MINNINGAR 39
MORGUNBLAÐIÐ LAUGARDAGUR 28. APRÍL 2018
✝ Sveinn Guð-brandsson
fæddist í Unhól í
Þykkvabæ 28. febr-
úar 1962. Hann lést
16. apríl 2018.
Foreldrar hans
eru Guðbrandur
Sveinsson, f. 28.
maí 1920, d. 15. júní
2010, og Sigurfinna
Pálmarsdóttir, f.
16. ágúst 1925.
Systkini Sveins eru: 1) Pálína
Svanhvít, f. 21. nóvember 1951,
maki Birgir Óskarsson, f. 8.
september 1950, börn þeirra eru
Guðrún Ósk, Guðfinna Björk og
Sveinbjörn Már. Barnabörn
þeirra eru 9. 2) Pálmar Hörður,
f. 19. april 1953, maki Jóna E.
Sverrisdóttir, f. 16. mars 1955,
börn þeirra eru Sigmar Freyr,
Sverrir, Sigurfinna
og Aldís Harpa,
barnabörn þeirra
eru 6. 3) Heiðrún
Björk, f. 10. júní
1955, maki Kristján
Hilmarsson, f. 25.
október 1955, börn
þeirra eru Hilmar,
Sigurfinna og Jón-
ína Margrét, barna-
börn þeirra eru 9,
og eiga þau eitt
langömmu/afa barn. 4) Sigríð-
ur, f. 11. janúnar 1958, maki
Valtýr Georgsson, f. 19. apríl
1956, d. 10. mars 2018, synir
þeirra eru Sindri og Reynir.
Sveinn var ókvæntur og barn-
laus.
Útför hans fer fram frá
Þykkvabæjarkirkju í dag, 28.
apríl 2018, klukkan 13.
Ég sendi þér kæra kveðju
nú komin er lífsins nótt,
þig umvefji blessun og bænir
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum
þín veröld er björt á ný.
Ég þakka þau ár sem ég átti
þá auðnu að hafa þig hér,
og það er svo margt að minnast
svo margt sem um hug minn fer,
þó þú sért horfinn úr heimi
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sigurðardóttir)
Far þú í friði
friður Guðs þig blessi,
hafðu þökk fyrir allt og allt.
(V. Briem)
Mamma.
Það er með sorg í hjarta og
með söknuði sem við systkinin
minnumst Svenna frænda okkar
sem lést þann 16. apríl sl., langt
fyrir aldur fram.
Svenna minnumst við sem
yndislegs frænda sem ávallt var
okkur svo góður.
Hann var hæglátur, hjarta-
hlýr, barngóður, stríðinn, hafði
góðan húmor, var handlaginn og
hafði mikið dálæti á gömlum
Massey Ferguson dráttavélum
og hafði gert upp nokkrar af ein-
stakri nákvæmni og vandvirkni.
Elsku Svenni, takk fyrir sam-
fylgdina sem var allt of stutt .
Elsku amma, mamma, Pálmar,
Heiðrún, Sigga og allir aðstand-
endur.
Missir okkar er mikill en
minningarnar um Svenna er okk-
ar fjársjóður og gott er að hafa
þær til að ylja sér við í sorginni.
Ég held hér út á veginn
mín hugsunin er sú
Í sætinu við hlið mér
Það situr enginn þú.
Hve vont það er að vakna
og hve veröldin er aum
Ég sit því einn og sakna
og syrgi gamlan draum.
Skýin virðast sár,
af himnum falla tár
Þar til að storminn hefur lægt.
Á veginum er bleyta,
vatn í augum mér
regn mun engu breyta
Þótt rigni eins hjá þér.
Ég gæti beðið forláts
en mér finnst það blekking stór
en hvort er betra að vera
nú eða vera sá sem fór.
Skýin virðast sár,
af himnum falla tár
Þar til að storminn hefur lægt.
Þótt himinn sé grár
gefum þessu ár.
Þar til að storminn hefur lægt.
Hvar endar þessi akstur?
Er það hér og nú?
Verður kannski aftur
á vegi mínum þú?
(Calm after the storm.
ísl. texti Sævar Sigurgeirsson)
Guðrún Ósk, Guðfinna Björk
og Sveinbjörn Már.
Elsku Svenni, nú hefur þú
kvatt þennan heim allt of fljótt og
ert floginn á vit nýrra ævintýra.
Það er stutt stórra högga á milli,
það er rétt rúmur mánuður síðan
að þú fylgdir mági þínum, honum
Valtý Georgssyni, til hinstu hvílu
og svo kom annað áfall, þú
kvaddir.
Þú varst frekar hæglátur mað-
ur en þegar maður náði þér á
spjall gátum við talað um allt. Þú
varst góður frændi og vinur,
snyrtimenni mikið, hjálpsamur
og handlaginn sem sást best á öll-
um traktorunum sem þú varst
búinn að gera upp og voru þeir
sem nýir þegar þú varst búinn
með þá, það var þitt áhugamál.
Margar minningar koma upp í
hugann, Bronco-ferðir, traktors-
ferðir og heyskapur, þá var sleg-
ist um að fá að sitja hjá þér inni í
traktor og stundum fengum við
að stýra en með þinni hjálp, kart-
öfluupptaka og atvikið við
hænsnakofann þar sem þú
greipst okkur Simma frænda
glóðvolg við að brjóta egg sem
var verið að reyna að láta klekj-
ast út. Ekki varstu að æsa þig yf-
ir því en þú tókst í buxnastreng-
inn hjá okkur og hélst á okkur
upp á hlað, en okkur var fyrirgef-
ið.
En nú sit ég hér og mér finnst
svo óraunverulegt að þú sért far-
inn frá okkur og hvarflaði það
ekki að mér að ég væri að kveðja
þig í hinsta sinn fyrir mánuði síð-
an. En ég veit að þú ert á góðum
stað í faðmi frelsarans og þangað
til við hittumst á ný þá mun ég
geyma minningar um góðan
frænda í hjarta mínu.
Ég bið góðan guð að styrkja
ömmu, systkini Svenna og fjöl-
skylduna í þessari miklu sorg.
Far þú í friði,
friður Guðs þig blessi,
hafðu þökk fyrir allt og allt.
(V. Briem)
Þín frænka
Sigurfinna.
Ég á eina minning , sem er mér kær
í morgundýrð er vafinn okkar bær
og á stéttinni stendur hann hljóður,
hann horfiir til austur þar ársól rís,
nú er mín sveit eins og Paradís.
Ó, hvað þú, Guð ert góður.
Ég á þessa minning, hún er mér kær.
Og ennþá er vor og þekjan grær
og ilmar á leiðinu lága.
Ég veit að hjá honum er blítt og bjart
og bærinn hans færður í vorsins skart
í eilífðar himninum bláa.
(Oddný Kristjánsdóttir)
Elsku frændi, hafðu þökk fyrir
allt og allt.
Þín frændsystkini í Unuhóli,
Sigmar Freyr, Sverrir,
Sigurfinna og Aldís.
Sveinn
Guðbrandsson
HINSTA KVEÐJA
Þegar raunir þjaka mig,
þróttur andans dvínar,
þegar ég á aðeins þig,
einn með sorgir mínar.
Gef mér kærleik, gef mér trú,
gef mér skilning hér og nú.
Ljúfi drottinn lýstu mér,
svo lífsins veg ég finni,
láttu ætíð ljós frá þér
ljóma í sálu minni.
(Gísli á Uppsölum)
Pálína, Birgir,
Pálmar, Jóna,
Heiðrún, Kristján og
Sigríður.
Ella Þóra kom
vestur til Ísafjarðar
til að leysa af í
dönskukennslu fyr-
ir fjórum árum og starfaði eftir
það í Grunnskólanum á Ísafirði.
Okkur samstarfsfólkinu varð
strax ljóst að þar var á ferðinni
manneskja sem ekki batt bagga
sína neinum venjulegum bönd-
um. Margar sögur sem hún sagði
og orðatiltæki sem hún hafði á
reiðum höndum hafa verið end-
urtekin á kaffistofunni í grunn-
skólanum síðustu daga. Þessar
skemmtisögur voru oftast á
kostnað hennar sjálfrar enda
kunni hún að setja aðstæður sín-
ar fram undir skemmtilegu sjón-
arhorni. Hún gerði líka óspart
grín að ráðamönnum og þjóðmál-
unum og hafði þar ákveðnar
skoðanir sem hún setti fram á
sinn kúnstuga hátt þannig að
ekki var annað hægt en hlæja
með henni.
Ella mætti alltaf fyrst á
morgnana í vinnuna og var búin
að laga kaffi þegar húsvörðurinn
kom til að opna, hún var líka já-
kvæð og viljug og alltaf tilbúin að
Elín Þóra
Friðfinnsdóttir
✝ Elín Þóra Frið-finnsdóttir
fæddist 13. október
1956. Hún lést 9.
apríl 2018.
Útför Ellu Þóru
fór fram 24. apríl
2018.
taka forfallakennslu
ef á þurfti að halda.
Krökkunum fannst
hún sniðug og hún
leyfði þeim ýmislegt
sem öðrum datt
ekki í hug að leyfa,
eins og að búa til
„túttubyssur“ í
myndmenntinni,
það taldi hún vera
nauðsynlega þekk-
ingu fyrir öll börn.
Ella var hæfileikarík kona sem
var endalaust að læra og bæta
við sig þekkingu á ólíkum svið-
um. Við minnumst glaðrar konu
sem alltaf var tilbúin í glens og
grín með okkur og jók á fjöl-
breytnina í samfélaginu í kring-
um sig. Fjölskyldu og vinum
vottum við samúð.
Fyrir hönd starfsfólks GÍ,
Jóna Benediktsdóttir.
Dáin, farin. Harmafregn. Enn
er höggvið skarð í hópinn. Ella
Þóra, vinkona mín, var svo fynd-
in og skemmtileg að það vildi
gleymast hvað hún var eiturklár.
Og þó: gat einhverjum leynst
þvílík greind gat leynst á bak við
snjöllustu, fyndnustu tilsvörin?
Leiðir okkar lágu saman fyrst
haustið 1986, og síðan á tveimur
vinnustöðum næsta hálfan annan
áratuginn. Oftar en ekki var
dóttirin Eva Bergþóra skammt
undan með sama fallega hlátur-
inn, húmorinn og brosið.
Á öllum vinnustöðum eru
prímadonnur, en ólíkt öðrum
vinnustöðum eru allir príma-
donnur á sjónvarpsstöðvum. Og
þá er gott að hafa konu eins og
Ellu Þóru til að skjóta menn nið-
ur þegar þeir eru við það að
verða sér að voða, svífandi á
þöndum vængjum sjálfumgleð-
innar.
Einu sinni sagði Ella Þóra við
dóttur sína og samstarfskonu,
örugg í þeirri vissu að ég væri
innan kallfæris: „Svona svona
Eva mín, þetta gæti verið verra,
þú gætir verið gift Árna Snæv-
arr!“
Ef maður hafði ekki húmor
fyrir svona trakteringum og þar
með sjálfum sér var ekki annað
að gera en að finna sér annan
starfsvettvang. Þegar maður
horfir yfir farinn veg sýtir maður
stundum að maður hafi ekki farið
einföldustu leiðina til fjár og
frama, gerst útrásarvíkingur,
framsóknarmaður eða eitthvað
þaðan af verra, en þá hugsar
maður til litríkra kvenna og
karla eins og Ellu Þóru og veit að
þetta var ekki alvitlaust.
Þegar við vorum að kynnast
var gjarnan hlustað á fyrstu
plötu Robbies Robertsons. Þar
söng hann af mikilli tilfinningu
um „snarvitlaus ár“ og um „fall-
inn engil“, sem varð hallur úr
heimi því hann „fann of mikið
til“. Við hittumst aftur fallni eng-
illinn minn, „somewhere down
the crazy river“.
Guð blessi minningu Elínar
Þóru Friðfinnsdóttur. Ég votta
dætrum hennar Evu Bergþóru,
Hildigunni og Sölku Sól og
þeirra fólki, systkinum hennar,
frændum og vinum innilega sam-
úð mína.
Árni Snævarr.
Elskulegur faðir okkar, tengdafaðir, afi og
langafi,
ÞORSTEINN THEODÓRSSON,
Boðaþingi 1, Kópavogi,
verður jarðsunginn frá Kópavogskirkju
mánudaginn 30. apríl klukkan 13.
Kristín Hlín Þorsteinsdóttir Morten Praem
Sigurður Þorsteinsson Guðrún Guðbjörnsdóttir
Kolbrún G. Þorsteinsdóttir Sigurður Andrésson
Theodóra S. Þorsteinsdóttir Ólafur Viggósson
barnabörn og barnabarnabörn
Móðir okkar,
HELGA JÓNSDÓTTIR THORARENSEN,
Helluvaði,
lést á dvalarheimilinu Lundi þriðjudaginn
24. apríl. Jarðsungið verður frá
Háteigskirkju fimmtudaginn 3. maí
klukkan 13.
Blóm og kransar vinsamlegast afþakkað.
Fyrir hönd aðstandenda,
Börn hinnar látnu
Elskulegur eiginmaður minn, faðir okkar,
tengdafaðir, afi og langafi,
ÓLAFUR ANDRÉSSON
bóndi,
Húsagarði, Landsveit,
lést á gjörgæsludeild Landspítalans
laugardaginn 14. apríl. Útförin fer fram frá Skarðskirkju,
Landsveit, laugardaginn 5. maí klukkan 14.
Ólafía Sveinsdóttir
Dýrfinna Björk Ólafsdóttir Markús Óskarsson
Gunnlaugur Sveinn Ólafsson Ingunn Björg Arnardóttir
Andrés Guðmundur Ólafss. Kristín Sveinsdóttir
Ragnheiður Árbjörg Ólafsd. Eiríkur Ari Valdimarsson
barnabörn og barnabarnabörn
Frænka okkar,
DR. ÞURÍÐUR J. KRISTJÁNSDÓTTIR,
Aflagranda 40,
sem lést á Droplaugarstöðum
miðvikudaginn 18. apríl, verður jarðsungin
miðvikudaginn 2. maí, í Neskirkju.
Athöfnin hefst klukkan 15.
Systkinabörn
Ástkær faðir okkar, tengdafaðir, afi og
langafi,
ÓLAFUR ÓLAFSSON,
Grænumörk 5, Selfossi,
verður jarðsunginn frá Selfosskirkju
fimmtudaginn 3. maí klukkan 14.
Margrét Elísabet Ólafsdóttir Ágúst Þór Árnason
Laufey Þóra Ólafsdóttir Þórður Björn Pálsson
Eva Ólafsdóttir
Kristín Pétursdóttir
Geir Grétar Pétursson
Dagný Pétursdóttir Héðinn Sigurjónsson
Díana Pétursdóttir
og barnabarnabörn
Elskulegur faðir okkar, tengdafaðir, afi,
langafi og langalangafi,
AXEL JÓHANNESSON
húsgagnasmiður,
áður til heimilis að Ægisgötu 15,
andaðist á dvalarheimilinu Hlíð
mánudaginn 23. apríl. Útförin fer fram frá Akureyrarkirkju
föstudaginn 11. maí klukkan 13.30.
Fyrir hönd aðstandenda,
Ásdís A. Colbe Anker Colbe
Björn Þröstur Axelsson Anna Halldóra Karlsdóttir
Steingerður Axelsdóttir
Jóhannes Axelsson Sigrún Arnsteinsdóttir
Frímann & hálfdán
Útfararþjónusta
Frímann
897 2468
Hálfdán
898 5765
Ólöf
898 3075
Sími: 565 9775
www.uth.is
uth@uth.is
Cadillac 2017