Morgunblaðið - 15.05.2018, Page 6

6 FRÉTTIRInnlent
MORGUNBLAÐIÐ ÞRIÐJUDAGUR 15. MAÍ 2018
Ágúst Ingi Jónsson
aij@mbl.is
Ýmissa sjaldgæfra fugla hefur orðið
vart á landinu síðustu daga þó svo að
allir hafi þeir sést áður hérlendis.
Nefna má víxlnef á Selfossi, kana-
duðru sem sást við Mývatn, svölu-
stelk í Sandgerði, fitjatítu við Hvals-
nes á Reykjanesi og til viðbótar má
nefna að veimiltíta sást á Eyr-
arbakka. Yann Kolbeinsson, fugla-
fræðingur hjá Náttúrustofu Norð-
austurlands, segir vorið hafa verið
líflegt fyrir fuglaáhugamenn og tals-
vert af skemmtilegum fuglum hafi
komið til landsins.
Við fyrrnefnda fugla bætir Yann
tegundum eins og laufglóa sem sást í
Nökkvavogi í Reykjavík á sunnudag,
en hann hafði aðeins sést 12 sinum
áður á landinu. Gjóður sást í Gríms-
ey í síðustu viku, en það er lítill rán-
fugl sem veiðir fiska sér til matar og
grípur þá rétt undir yfirborði, stund-
um eru fiskarnir býsna stórir miðað
við stærð fuglsins. Í Miðskeri í Nesj-
um sást trjástelkur í gær, en innan
við 10 fuglar hafa sést á Íslandi af
þeirri tegund. Greint er frá heim-
sóknum sjaldgæfra fugla á fuglar.is.
en einnig á facebook.com/birdingi-
celand.
Litmerktur jaðrakan
Á heimasíðu Náttúrustofu Vest-
fjarða er fjallað um litmerkingar
fugla og heimsókn jaðrakans sem
merktur var í Portúgal. Þar segir að
fuglar séu litmerktir til að auðveld-
ara sé að fylgjast með ferðum þeirra
og lífsháttum. Hver fugl beri ein-
staka samsetningu lithringja eða lit-
flagga og megi þekkja þá á löngu
færi án þess að ná þeim aftur.
Jaðrakan sem sást til 7. maí í Bol-
ungarvík sé slíkt dæmi, en fuglinn
var merktur í Portúgal í nóvember
2011. Síðan þá hefur sést til hans
nokkrum sinnum í Portúgal, einu
sinni í Hollandi og síðast tvisvar í
Vorsabæ í Árnessýslu vorið 2017.
Ekki hefur sést til hans á Vest-
fjörðum fyrr en núna, segir á síðunni
nave.is
Á vef Náttúrustofu Austurlands
er m.a. fjallað um kjarnbít, en þessi
flækingsfugl hefur sést í Neskaup-
stað og á Stöðvarfirði í vor. Þar er
greint frá því að kjarnbítur hafi
fyrst sést hér á landi í Hornafirði 20.
apríl 1975, en í vor hafa sést 5-6 fugl-
ar af tegundinni, sem er óvenju mik-
ið.
Ljósmynd/Alex Máni Guðríðarson
Sjaldgæfur Víxlnefur sást fyrst hér á landi árið 2009 og sást í þriðja skipti á Selfossi á föstudaginn. Fuglinn er af
finkutegund og er einn fjögurra finka í Evrópu sem eru með krosslögð nef. Krossnefur er þeirra útbreiddastur.
Líflegt vor og margir
forvitnilegir fuglar
 Víxlnefur, kanaduðra, gjóður, laufglói og trjástelkur
Ljósmynd/Kristín Hávarðardóttir
Í góðu yfirlæti Kjarnbítur svipast
um í Neskaupstað fyrr í vor.
Síðari umferð kosningar vígslu-
biskups í Skálholti lauk í gær. Bú-
ist er við að niðurstaða liggi fyrir
um næstu helgi, þá verði atkvæði
talin.
Tveir prestar voru í kjöri, Krist-
ján Björnsson, sóknarprestur í
Eyrarbakkaprestakalli, og Eiríkur
Jóhannsson, prestur við Háteigs-
kirkju.
Kosningin var póstkosning. Nóg
var að póstleggja atkvæði síðdegis
í gær. Þess vegna verður ekki tal-
ið fyrr en hæfilegur frestur er lið-
inn og nokkuð öruggt að öll at-
kvæði hafi skilað sér til Biskups-
stofu.
Tveir vígslubiskupar eru í Þjóð-
kirkjunni og hafa þeir aðsetur á
hinum fornu biskupsstólum, í Skál-
holti og á Hólum. Þeir hafa tilsjón
með kristnihaldi í umdæmum sín-
um og eiga að vera biskupi til að-
stoðar um kirkjuleg málefni og
annast þau biskupsverk sem bisk-
up Íslands felur þeim.
helgi@mbl.is
Atkvæði í vígslu-
biskupskjöri verða
talin um helgina
Sæferðir munu ekki bjóða upp á
ferðir á milli Akraness og Reykja-
víkur í sumar. Ekki tókst að fá til
verkefnisins hentuga ferju sem upp-
fyllir kröfur yfirvalda hér.
Sæferðir tóku á leigu ferjuna
Akranes og stóðu fyrir áætlanasigl-
ingum á milli Akraness og Reykja-
víkur í fyrrasumar og fram á vetur.
Var þetta tilraunaverkefni sem unn-
ið var að í samvinnu við Reykjavík-
urborg og Akraneskaupstað. Gekk
verkefnið vel en að því loknu var
skipinu skilað aftur út til Noregs af
því að það fékk ekki haffærn-
isskírteini til siglinga á þessari leið.
Áhugi var á því hjá sveitarfélög-
unum og Sæferðum að halda áfram í
sumar. Gunnlaugur Grettisson,
framkvæmdastjóri Sæferða, segir
að ekki hafi tekist að fá skip sem
uppfyllir kröfur yfirvalda hér. Leit-
að var víða fanga, bæði í Noregi og
Skotlandi. Gunnlaugur segir að þeir
hafi átt kost á skipi frá Noregi en
ekki fengið vilyrði um að það fengi
leyfi til siglinga hér. Aðrar kröfur
séu gerðar til skipa af þessari gerð
hér en í Noregi.
Gunnlaugur segir að þó ljóst sé að
ekki verði siglt í sumar sé vel hugs-
anlegt að þráðurinn verði tekinn upp
síðar. helgi@mbl.is
Morgunblaðið/Eggert
Akranes Festar landfestar þegar
siglingar hófust á síðast ári.
Engin Akranesferja
gerð út í sumar
Ágúst Ingi Jónsson
aij@mbl.is
Til stendur að gera breytingar á fyrirkomulagi
krabbaveiða með það að markmiði að gefa áhuga-
sömum útgerðum kost á krabbaveiðum án tak-
markana. „Í ljósi lítillar veiði er til skoðunar
breytt fyrirkomulag krabbaveiða, sem hefði það
markmið að gefa áhugasömum útgerðum kost á
krabbaveiðum án takmarkana,“ segir á vef stjórn-
arráðsins.
Sjávarútvegsráðuneytið hefur því óskað eftir
athugasemdum við drög að nýrri reglugerð fyrir
25. maí. Reiknað er með að nýtt fyrirkomulag taki
gildi 1. september í haust.
Þrjú leyfi í gildi á innanverðum Faxaflóa
Krabbaveiðum við strendur landsins er nú
stjórnað annars vegar með reglugerð um veiðar á
kröbbum í innanverðum Faxaflóa og hins vegar
reglugerð um takmarkanir á heimild til veiða á
kröbbum. Þannig er krabbaveiðum utan Faxaflóa
stjórnað með tilraunaleyfum og eru þau veitt af
ráðneytinu skv. umsókn viðkomandi. Öllum bátum
á aflamarki eða krókaaflamarki er heimilt að
sækja um slíkt leyfi.
Í innanverðum Faxaflóa byggjast veiðar á
reglugerð og eru veiðarnar takmarkaðar. Á svæð-
inu eru í gildi þrjú veiðileyfi og má hver bátur vera
með 500 gildrur í sjó og skylda er að landa fjórum
tonnum til að halda forgangi við úthlutun veiði-
leyfa.
Í upplýsingum á vefnum kemur fram að sérleyfi
um veiðar á kröbbum í innanverðum Faxaflóa hafa
ekki verið nýtt sem skyldi og veiðarnar lítt verið
stundaðar. Tilgangur eldri reglugerðar hafi verið
að skapa útgerðum ákveðinn fyrirsjáanleika og
rými til veiða.
Samkvæmt drögum að nýrri reglugerð verður
tekið upp nýtt leyfisveitingakerfi. Samkvæmt því
skal Fiskistofa gefa út leyfi til krabbaveiða óháð
svæðatakmörkunum eða fjölda leyfa. Sérreglur
vegna innanverðs Faxaflóa verða þannig felldar
niður og tilraunaleyfi ráðherra utan Faxaflóa
verða óþörf. Gert er ráð fyrir sérreglum um veið-
arfæri, vitjun og merkingu lagna, afladagbækur,
vigtun, skráningu og samsetningu afla eins og var
í eldri reglugerð.
Hröð útbreiðsla
Samkvæmt yfirliti á vef Fiskistofu hefur Fjóla
GK 121 verið afkastamest við veiðar á grjótkrabba
síðustu ár, að undanskildu fiskveiðiárinu 2016-17.
Það sem af er þessu ári hefur báturinn komið með
hátt í sex tonn að landi. Grjótkrabbinn fannst fyrst
við Ísland árið 2006 í Hvalfirði og hefur aukning
útbreiðslu hans hefur verið mjög hröð.
Vilja örva krabbaveiðar
 Sérleyfi ekki verið nýtt sem skyldi  Grjótkrabbi hefur breiðst hratt út
Morgunblaðið/Reynir Sveinsson
Grjótkrabbi Fannst fyrst hér fyrir 12 árum.
Sjóvá hagnaðist um 749 milljónir
króna á fyrstu þrem mánuðum árs-
ins, en til samanburðar var hagnað-
urinn 1.100 milljónir króna í sama
ársfjórðungi í fyrra. Samsett hlutfall
var 97,2%. Þetta kemur fram í af-
komutilkynningu félagsins til Kaup-
hallar.
„Þegar litið er til samsetts hlutfalls
er þetta besti fyrsti ársfjórðungur
okkar frá árinu 2014. Sú niðurstaða
staðfestir það sem greint hefur verið
í undanförnum uppgjörum, að mark-
viss bæting hefur verið í afkomu af
vátryggingastarfsemi. Þess er vænst
að sú þróun haldi áfram og að eigin
iðgjöld vaxi umfram eigin tjón líkt og
undanfarin misseri,“ er haft eftir
Hermanni Björnssyni, forstjóra
Sjóvár, í afkomutilkynningunni.
Iðgjöld Sjóvár námu 4.251 milljón
króna samanborið við 3.849 milljónir
á sama tímabili í fyrra. Hagnaður af
vátryggingarekstri félagsins var 396
milljónir og hækkaði um rúmlega
192%, úr 136 milljónum króna á sama
tíma í fyrra. Heildarhagnaður dróst
hins vegar saman um tæp 32% sem
að mestu leyti skýrist af lakari af-
komu af fjárfestingarstarfsemi.
Hagnaður af henni minnkaði um tæp-
lega 59% milli ára. Tjónahlutfall
lækkaði úr 76,7% niður í 71,6%.
steingrimur@mbl.is
Tryggingar Hermann væntir þess að
iðgjöld vaxi umfram tjónakostnað.
Sjóvá hagnaðist
um 749 milljónir
á fyrsta fjórðungi
 Mikill bati í vátryggingastarfsemi en
fjárfestingatekjur drógust saman