Morgunblaðið - 15.05.2018, Page 26

26 ÍSLENDINGAR
MORGUNBLAÐIÐ ÞRIÐJUDAGUR 15. MAÍ 2018
Ármúla 24 - s. 585 2800
ÚRVAL ÚTILJÓSA
Ég er búin að halda upp á afmælið, hélt stórveislu um næstsíð-ustu helgi. Það mættu hátt í 100 manns og það var dásamlegt,geggjuð hljómsveit og fínerí,“ segir Ingibjörg Hlíðkvist Inga-
dóttir sem á 40 ára afmæli í dag.
Þegar blaðamaður ræddi við hana í gær var Inga, eins og hún er
alltaf kölluð, ekki búin að ákveða hvað hún ætlaði að gera í dag. „Ég
er ekki svona skipulögð en ætli ég reyni ekki að nýta einhverjar af
þessum dekurafmælisgjöfum sem ég fékk og halda áfram að njóta
lífsins í botn.“
Inga er grafískur hönnuður og tækniteiknari að mennt, en eftir að
hún lenti í læknamistökum hefur hún að mestu verið heimavinnandi.
Hún er virk í kristilegu starfi og hefur tekið að sér ýmis verkefni á
þeim vettvangi. Hún hefur einnig unnið við umbrot bóka, garðyrkju
og ljósmyndaverkefni. „Ég og kærastinn erum með fyrirtækið Ice-
land Photo Tours þar sem við förum með fólk í ljósmyndaferðir.“
Áhugamál Ingu eru ótal mörg fyrir utan fjölskylduna og ber þar
hæst ferðalög og útivist. „Ég fór síðast til Póllands en foreldrar mínir
gáfu mér í afmælisgjöf ferð á heilsuhótel og spa rétt hjá Gdansk. Ég
elska að vera úti í íslenskri náttúru og reyni að fara á flesta staði þar
sem maður er ekki að drukkna í ferðafólki. Ég er frá Grundarfirði og
það er alltaf einhver dreifbýlistútta í manni, hún fer ekkert. For-
eldrar mínir eiga sumarbústað í Skorradal og ég reyni að fara mikið
þangað.“
Kærasti Ingu er Bent Marinósson, ljósmyndari og tónlistarmaður
og rekur sitt eigið markaðsfyrirtæki. Synir Ingu eru Helgi sem er tíu
ára og Hjörtur sem er að verða níu ára. Dóttir Bents er Anna Marín,
15 ára.
Í Grundarfirði Inga stödd í ljósmyndaferð að mynda Kirkjufell.
Búin að halda
afmælisveisluna
Inga Hlíðkvist Ingadóttir er fertug í dag
P
álmi Jónasson fæddist á
Seltjarnarnesi 15.5.
1968 og ólst þar upp. Á
sumrin var hann í sveit
á Laugum í Reykjadal,
á æskuheimili móður sinnar, en
þegar hann var í bænum æfði hann
fótbolta í KR, handbolta í Gróttu og
var valinn í landsliðið rétt áður en
hann hætti: „Ég segi því stundum
að ég sé fyrrverandi landsliðsmaður
í handbolta, en jafnframt tvöfaldur
heimsmeistari í skák. Það er rétt
svo langt sem það nær. Ég var níu
ára þegar ég setti heimsmet í fjöl-
tefli með tékkneska stórmeistar-
anum Vlastimil Hort og 549 öðrum
í Valhúsaskóla árið 1977. Alda-
mótaárið 2000 setti ég svo heims-
met með Garrí Kasparov þegar fjöl-
mennasta fjöltefli á jökli var haldið
á Langjökli og var síðastur til að
tapa fyrir meistaranum.“ Pálmi var
í Mýrarhúsaskóla og Valhúsaskóla
á Seltjarnarnesi, lauk stúdentsprófi
frá MH 1988, BA-prófi í sagnfræði
1992, stundaði nám við Nordisk Jo-
urnalistcenter huvudkurs 2006 og
lauk MBA-prófi í stjórnun frá HR
2015.
Pálmi var fréttamaður á DV,
Pressunni, Morgunpóstinum og
Helgarpóstinum 1989-95, fréttarit-
ari DV í Kaupmannahöfn 1995-96,
hefur verið fréttamaður á RÚV frá
1998 og er þar vaktstjóri og
umsjónarmaður Spegilsins.
Pálmi hefur sent frá sér bæk-
urnar Íslenskir auðmenn, 1992;
Herra forseti, Ólafur Ragnar
Grímsson, 1996; Íslenskir millj-
arðamæringar, 2001, og Sverrir –
Skuldaskil, 2003.
Pálmi fetar í föðurfótspor þegar
kemur að skrifum, fréttamennsku
og matseld: „Ég hef alltaf hugsað
best á lyklaborði og skrifað frá því
að ég man eftir mér, aðallega frétt-
ir náttúrlega en líka greinar í skóla-
blöð, þessar bækur og um vín
Pálmi Jónasson, fréttamaður á RÚV – 50 ára
Með dætrunum Pálmi slakar á úti í guðs grænni íslenskri náttúru með dætrunum sínum fjórum.
Fetar í föðurfótspor –
greindur og glaðsinna
Hjónin Sigrún og Pálmi uppáklædd,
tilbúin að fara út og skoða mannlífið.
Hlutavelta
Þessir hressu krakkar héldu tombólur á Borgarbókasafni í Spönginni, Sól-
heimum og Grófinni á laugardaginn. Alls söfnuðu þau 36.129 krónum sem renna
í hjálparstarf Rauða krossins.
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.