Morgunblaðið - 24.05.2018, Síða 8

8 MORGUNBLAÐIÐ FIMMTUDAGUR 24. MAÍ 2018VIÐTAL
Það var sérlega ánægjulegt fyrir blaðamann
ViðskiptaMoggans að fá tækifæri til að hitta
og ræða við tvo Advania-forstjóra samtímis í
höfuðstöðvum Advania á Íslandi í Guðrún-
artúni nú á dögunum. Þeir eru ekki ólíkir í
viðkynningu, hávaxnir báðir tveir, léttir í
skapi og viðkunnanlegir. Ægir stýrir 600
manna starfsliði Advania á Íslandi, en Gestur,
sem er fyrrverandi forstjóri Advania á Ís-
landi, stýrir nú samstæðu Advania AB, með
höfuðstöðvar í Svíþjóð. Alls starfa 1.250
manns hjá þeim félögum sem mynda Advania-
samsteypuna og veltan á síðasta ári nam um
35 milljörðum króna. Íslenski hlutinn velti
12,6 milljörðum króna og óx um 11% milli
ára. Ör vöxtur félagsins hérlendis hefur hald-
ið áfram á þessu ári, þar sem tekjur á fyrsta
ársfjórðungi voru 23% hærri en á sama tíma-
bili í fyrra.
Advania á rætur að rekja aftur til ársins
1939 þegar Einar J. Skúlason stofnaði við-
gerðarþjónustu fyrir skrifstofubúnað í
Reykjavík, en eins og flestum þeim sem fylgj-
ast með íslensku atvinnulífi ætti að vera í
fersku minni varð Advania til í núverandi
mynd árið 2012. Ráðist var í mikla vinnu sam-
hliða stofnuninni, með tilheyrandi nafnabreyt-
ingu, nýju markaðsefni og nýrri ásýnd hvar-
vetna. Markmiðið var að sameina undir einum
fána starfsfólk úr mörgum ólíkum upplýsinga-
tæknifélögum og skapa fyrirtækjamenningu
sem höfðaði til allra. Að sögn Ægis Más tókst
sú vinna afar vel, því þótt verkefnið hafi verið
krefjandi var vegferðin bæði lærdómsrík og
skemmtileg.
Nær hvert mannsbarn á Íslandi þekkir nú
vörumerkið Advania og veit að þar er leiðandi
upplýsingatæknifyrirtæki á innlendum mark-
aði. Færri þekkja til starfseminnar erlendis,
þar sem áherslur í rekstrinum eru ólíkar og
taka mið af viðkomandi markaði. Gestur segir
að tekjulega sé Advania Svíþjóð stærsta fé-
lagið innan samstæðunnar, Advania Ísland
komi næst, þá Advania Noregi en umfang
starfseminnar sé minnst í Danmörku, enn
sem komið er. Félagið á eftir að nema land í
Finnlandi, en viðbúið er að það breytist á
næstu árum enda er langtímamarkmiðið að
fyrirtækið bjóði upp á sömu gæðaþjónustuna
alls staðar á Norðurlöndunum. „Hér á Íslandi
geturðu beðið leigubílstjóra að keyra þig nið-
ur í Advania og hann veit umsvifalaust hvert
skal halda. Það er ekki raunin í Svíþjóð enn
sem komið er, en þótt vörumerkið sé ekki
orðið jafn þekkt þar, þá erum við farin að
vekja athygli,“ segir Gestur og Ægir tekur
undir.
Fjögur risafyrirtæki
Á Norðurlöndunum keppir Advania m.a. við
fjögur risafyrirtæki, sem veita þjónustu og
ráðgjöf á sviði upplýsingatækni. Gestur segir
árstekjur þeirra hlaupa á 10 til 20 milljörðum
sænskra króna (120-240 milljarðar íslenskra
króna) og starfsmennina vera hátt í 20 þús-
und talsins. „Í stærð þeirra felast mörg tæki-
færi fyrir okkur, enda erum við um margt
ólík okkar keppinautum. Við erum nógu stór
til að geta þjónustað viðskiptavininn vel og
við erum nógu lítil til að geta þjónustað við-
skiptavininn vel. Við erum í góðri stöðu til að
vinna þétt með okkar viðskiptavinum og ætl-
um að varðveita þá sérstöðu. Það er gott að
stækka, en það er fín lína á milli þess að vera
lipur og að verða að bákni.
Það má segja að markaðurinn á Norður-
löndunum sé þrískiptur. Á eftir risunum fjór-
um koma þónokkur fyrirtæki á stærð við okk-
ur og þar á eftir fjöldinn allur af smærri
fyrirtækjum. Ég trúi því að þeim eigi eftir að
fækka mikið á næstu árum, þar sem samein-
ingar og samþjöppun á markaðnum verða að
teljast líklegar,“ segir Gestur.
Ægir Már segir að upplýsingatæknin verði
sífellt fyrirferðarmeiri í rekstri fyrirtækja al-
mennt, og það sé meðal annars ástæðan fyrir
miklum vexti Advania á Íslandi á síðasta ári.
EBITDA félagsins nam þá 1.150 milljónum
króna og jókst um 15% frá fyrra ári.
EBITDA-hlutfall félagsins á árinu 2017 var
9,1% og hækkaði um 0,4% á milli ára. Hagn-
aður félagsins hækkaði um 20% á milli ára og
nam 420 milljónum króna.
„Það er skilgreind stefna okkar að vera brú
á milli fyrirtækjanna og upplýsingatækninnar.
Við tengjum fyrirtækin við allt það sem upp-
lýsingatæknin hefur að bjóða, og sinnum
þörfum atvinnulífsins fyrir upplýsingatækni.
Þetta snýst um að mæta þörfum,“ útskýrir
Ægir Már, og heldur áfram: „Skilvirk og
markviss notkun á upplýsingatækni er lykill-
inn að árangri. Þetta á við á öllum sviðum; í
Þóroddur Bjarnason
tobj@mbl.is
Sex ár eru liðin síðan upplýsinga-
tæknifyrirtækið Advania varð til með
sameiningu Skýrr hf., HugurAx,
Kerfi í Svíþjóð og Hands í Noregi.
Rekstur Advania á Íslandi hefur
aldrei gengið betur að sögn Ægis
Más Þórissonar forstjóra og 11%
tekjuvöxtur síðasta árs heldur áfram
af krafti á þessu ári. Rekstur móður-
fyrirtækisins er einnig í vexti undir
stjórn forstjórans Gests G. Gests-
sonar, enda gengur rekstur Advania
vel í Svíþjóð og Noregi. Þar hyggst
félagið vaxa enn frekar og skjóta
rótum í Finnlandi og Danmörku.
Margar fréttir hafa verið fluttar á síðustu misserum af uppbyggingu gagnavera Advania
Data Centers hér á landi, en starfsemi þeirra er orðin umtalsverð og tekjurnar sömuleiðis.
Það kemur hins vegar á óvart að gagnaverin skuli ekki vera hluti af samstæðu Advania.
„Advania Data Centers er rekið sem sérrekstrareining og tilheyrir hvorki Advania á Íslandi
né heldur er félagið hluti af Advania-samstæðunni,“ segir Gestur.
Hann segir að ákvörðunin um þá skipan mála hafi verið tekin vegna þess að mikilvægt
væri að standa vörð um sjálfstæði gagnaveranna. „Okkur fannst skakkt að beina öllum
okkar viðskiptavinum að einum hýsingaraðila. Það væri mun betra að hafa hann sjálf-
stæðan, þannig að hann keppti um okkar viðskipti sem og annarra, á móti öðrum gagna-
verum.“
Gestur segir að gagnaversgeirinn sé enda allt annar en sá geiri sem Advania starfi á og
önnur lögmál gildi.
Gagnaverin hvorki hluti af samstæðunni né Advania á Íslandi
Erum bæði nógu stó