Morgunblaðið - 12.06.2018, Síða 29

DÆGRADVÖL 29
MORGUNBLAÐIÐ ÞRIÐJUDAGUR 12. JÚNÍ 2018
Stjörnuspá
21. mars - 19. apríl 
Hrútur Þú leggur hart að þér til að ná
þeim markmiðum sem þú setur þér en
þarft að gæta þess að gleyma ekki sjálfum
þér í öllu kappinu.
20. apríl - 20. maí 
Naut Þú hefur tekið þá ákvörðun að láta
einkalífið ganga fyrir öllu öðru. Nýleg sam-
skipti vekja forvitni þína og þú spáir í hvað
muni gerast næst.
21. maí - 20. júní 
Tvíburar Þótt það sé mikið um að vera og
mikið að gera í vinnunni þarftu að gefa þér
tíma til hvíldar. Vertu opinn fyrir nýrri
reynslu.
21. júní - 22. júlí 
Krabbi Þú vinnur þér aðdáun vinnufélaga
þinna fyrir einstaka ósérhlífni, en þarft að
gæta þess að ganga ekki fram af þér.
23. júlí - 22. ágúst 
Ljón Vinur leitar til þín og biður þig að
endurgjalda sér löngu gerðan greiða. Pass-
aðu þig á einhverjum sem reynir að slá ryki
í augun á þér með vanmætti sínum.
23. ágúst - 22. sept. 
Meyja Þú hefur átt í erfiðleikum sem nú
eru að baki. Notaðu þann byr sem þú hef-
ur. Taktu þér tak sem fyrst og komdu lagi á
hlutina.
23. sept. - 22. okt. 
Vog Þú hefur lagt hart að þér til þess að
ljúka við verkefni, sem þér var falið. Mis-
skilningur og tafir hafa sett svip sinn á líf
þitt að undanförnu.
23. okt. - 21. nóv.
Sporðdreki Það liggur vel fyrir þér að
gera einhvers konar umbætur í vinnunni í
dag. Þú hefur samt efasemdir um fram-
kvæmd máls sem þér er ætlað að hafa
áhrif á.
22. nóv. - 21. des.

Bogmaður Ástríðan tekur völdin hjá þér
næstu daga. Gerðu ráð fyrir að fá lán, gjaf-
ir eða kaupauka, hugsanlega í gegnum
maka þinn.
22. des. - 19. janúar 
Steingeit Þú færð frábært tækifæri til
þess að ýta undir starfsframa þinn og gott
mannorð í dag. Það mun koma þér á óvart
hversu margir vilja hlýða á mál þitt.
20. jan. - 18. febr. 
Vatnsberi Þrátt fyrir að jákvætt viðhorf
stuðli að árangri er nauðsynlegt að vera
með báða fætur á jörðinni. Veltu þér ekki
upp úr því þótt eitthvað fari úr skorðum.
19. feb. - 20. mars

Fiskar Þú ættir að hlusta á vin sem hvetur
þig til að gera eitthvað nýtt og ögrandi.
Taktu þér tíma til þess að gera fortíðina
upp og haltu svo lífinu ótrauður áfram.
Um miðja síðustu viku skrifarÓlafur Stefánsson í Leirinn að
það sé síðast að frétta af meiri-
hlutaviðræðum í Reykjavík að þar
sé svo skemmtilegt og mikið hlegið.
– „Guð láti gott á vita!“ bætir hann
við:
Við þurfum á göturnar „gravel“
svo gangi smurt viðskipti’ og „travel“
Einn höfum kjóa,
og ein er hér Lóa,
– en heyrði’ einhver hlæja’ ann Pawel ?
Og á laugardag hafði hann við
orð „hvikið þér nú allir nema
Skammkell“:
Það nær ekki nokkurri átt,
að Nýhaldið*, áður svo blátt,
stjórnað af Degi,
stýrt bænum megi,
á viðsjálan Viðreisnarhátt.
* nýhald er nýyrði lögverndað.
Sigurlín Hermannsdóttir hefur
orð á því að nú ætli Alþingi að koma
skikki á rafrettureykingar. – „Sýn-
ist sitt hverjum um ágæti þeirrar
nýjungar“:
Hann Eldar Sig. gasprar og geipar
og gjarnan sig hulunni sveipar
því að þungbúið loft
hann þekur svo oft
og einkum er ódámur veipar.
Ármann Þorgrímsson yrkir „á
leið að jarðarför“:
Okkar tilvist ekki skil,
eitt þó með á hreinu,
að upphafið var aldrei til
og aldrei lýkur neinu.
En áður hafði Ármann spurt:
„Hefur stjórnarandstaðan flutt til-
lögur á alþingi um bætt kjör aldr-
aðra og öryrkja?“ og bætir síðan
við :„Það hlýtur eitthvað að hafa
farið fram hjá mér!“:
Skömmuð Kata alltaf er,
ástæður þess flestum kunnar,
en fóru eitthvað fram hjá mér
frumvörp stjórnarandstöðunnar?
Um fundarstjórnun forsetans
flytja margir langar ræður.
Með gullkálfum svo ganga í dans,
gleymast þeirra minnstu bræður.
Ég á von á því að fleiri en ég geti
tekið undir með Pétri Stefánssyni:
Á Fróni er allt í fínu standi,
fólk í gleði unir sér,
og ég er alveg óstöðvandi
ástfanginn af sjálfum mér.
Karl Bjarnason orti:
Fisksalarnir fram um stig
fala silfrið gljáa:
þeir eru að bjóða sjálfa sig, –
saltaða, úldna, þráa.
Halldór Blöndal
halldorblondal@simnet.is
Vísnahorn
Af nýhaldi, rafrettum
og jarðarför
„ÞAU VILJA LÍKLEGA BARA FÁ
LYKILORÐIÐ OKKAR. SKRÍMSLI ELSKA
FRÍTT WI-FI.“
„HALTU ÁFRAM ÞVÍ SEM ÞÚ ERT AÐ GERA!
HANN ER AÐ VERÐA BORUBRATTUR.“
Ferdinand
Hrólfur hræðilegi
Grettir
... þegar hún brosir til
þín og sveiflar hárinu.
Í klípu eftir Mike Baldwin eftir Jim UngerHermann
VILTU
HALDAST Í
LOPPUR?
ER MATUR Í
LOPPUNNI
ÞINNI? NEI
JÆJA? ÉG ER AÐ REYNA
AÐ SKILJA
BEIÐNINA
HVAÐ FINNST
ÆTTINGJUM ÞÍNUM
UM FERIL ÞINN SEM
BÖÐULL?
KALLI
FRÆNDI
MINN
REYNDI
AÐ
STOPPA
MIG…
EN ÞAÐ VORU OF MARGIR VERÐIR
SEM HÉLDU HONUM NIÐRI.
Englendingar unnu sigur á Toulon-mótinu í knattspyrnu um
helgina þriðja árið í röð en þar reyna
með sér landslið skipuð leikmönnum
21 árs og yngri. Sem sérlegur
áhugamaður um sparklegan efnivið
renndi Víkverji yfir nafnalista liðs-
ins og stoppaði sérstaklega við nafn-
ið Ronaldo Vieira. Sá ágæti maður
gat af augljósum ástæðum aldrei
orðið annað en knattspyrnumaður.
Vieira, sem verður tvítugur í
næsta mánuði, fæddist á Gíneu-
Bissá en ólst upp í Portúgal til þrett-
án ára aldurs. Þá ákvað fjölskylda
hans að freista gæfunnar á Eng-
landi. Vieira komst að hjá hinu forn-
fræga félagi Leeds United og braust
inn í aðalliðið fyrir tveimur árum og
á þar nú fast sæti.
x x x
Við nánari eftirgrennslan kom íljós að hann heitir í höfuðið á
gamla góða Ronaldo, sem varð
heimsmeistari með Brasilíu árið
2002. Ekki nóg með það, Ronaldo á
tvíburabróður. Og hvað skyldi hann
nú heita? Jú, rétt hjá ykkur, Rom-
àrio. Það er vitaskuld eftir miðherj-
anum sem fór fyrir liði Brasilíu sem
varð heimsmeistari árið 1994.
x x x
Romàrio Vieira var einnig á málahjá Leeds United en var leystur
undan samningi í vor. Hann náði þó
að vera í leikmannahópi Leeds
snemma á þessu ári og urðu tvíbur-
arnir þar með þriðju bræðurnir til
að vera á sama tíma í hóp hjá liðinu;
hinir eru Eddie og Frank Gray og
Rod og Ray Wallace.
x x x
Líkurnar á því að bræðurnir leikisaman landsleik eru á hinn bóg-
inn engar þar sem Ronaldo hefur
valið að leika fyrir hönd Englands
meðan Romàrio ver heiður Gíneu-
Bissá. Hefur meira að segja þegar
leikið einn A-landsleik.
Þess má til gamans geta að Ron-
aldo Vieira á alnafna sem einnig
leggur stund á knattspyrnu. Sá er
brasilískur að uppruna og leikur nú
með Boston City FC í Bandaríkj-
unum. Gaman að þessu.
vikverji@mbl.is
Víkverji
Ég hef Drottin ætíð fyrir augum, þeg-
ar hann er mér til hægri handar hnýt
ég ekki.
(Sálm: 16.8)