Morgunblaðið - 26.06.2018, Blaðsíða 26

26 ÍSLENDINGAR
MORGUNBLAÐIÐ ÞRIÐJUDAGUR 26. JÚNÍ 2018
Sigríður Svavarsdóttir, kennari í Fjölbrautaskóla Norðurlandsvestra (FNV) og fyrrverandi forseti sveitarstjórnar á Sauðár-króki, á 60 ára afmæli í dag. Hún sat í sveitarstjórn í átta ár og
var forseti bæjarstjórnar í fjögur ár, en ákvað að gefa ekki kost á sér
fyrir sveitarstjórnarkosningarnar í vor. „Ég ákvað að minnka við mig
niður í 100 prósent vinnu, ætla að gefa golfinu meiri tíma og barna-
börnunum.“ Sigríður er einnig í skokkhópi en hún hefur hlaupið 13
maraþon og einu sinni Laugaveginn.
Sigríður er umsjónarmaður fjarnáms og kennir upplýsingatækni
og viðskiptagreinar, en hún hefur kennt við FNV frá stofnun hans ár-
ið 1979, fyrst sem stundakennari en í fastri stöðu frá 1987.
„Ég ætla að halda upp á afmælið, ég veit ekki hversu lengi,“ segir
Sigríður, spurð hvað eigi að gera í tilefni dagsins. „Ég var með gott
partí á laugardaginn og svo fer ég í 6 daga gönguferð um hálendi
Skotlands á fimmtudag. Dætur mínar ætla með mér í bíltúr í dag og
við förum í Spákonuhof á Skagaströnd og skyggnumst sjálfsagt inn í
framtíðina. Þær ásamt tengdasonum mínum gáfu mér síðan óvissu-
ferð til útlanda í nóvember með dætrunum og þá mæti ég bara í Leifs-
stöð og veit ekki meir.“
Sigríður er í sambúð með Kristjáni Bjarna Halldórssyni, áfanga-
stjóra FNV. Dætur hennar með Halli Sigurðssyni eru Guðrún Ösp,
Margrét Helga og Bryndís Lilja og Kristján á soninn Halldór Snæ.
Barnabörnin eru orðin átta.
Á Spáni Sigríður og Kristján á golfvellinum Bonalba fyrr á árinu.
Ætlar að halda
lengi upp á afmælið
Sigríður Svavarsdóttir er sextug í dag
G
uðni Thorlacius Jóhann-
esson fæddist 26. júní
1968 í Reykjavík. Hann
bjó fyrsta æviár sitt á
horni Ægisgötu og Mýr-
argötu í Reykjavík en fluttist síðan í
Garðabæ (þá Garðahrepp) og ólst þar
upp, nánar tiltekið á Blikanesi á
Arnarnesi.
„Ég var mikið í íþróttum sem barn
og unglingur og lék handbolta og blak
með Stjörnunni en var aldrei neitt sér-
stakur.“ Þegar Guðni var síðan í námi
á Englandi lék hann með skólaliðinu
Warwick Jaguars og varð bikarmeist-
ari Miðlandadeildarinnar, einn örfárra
Íslendinga sem hafa náð bikarmeist-
aratign í boltaíþrótt á Englandi.
Guðni útskrifaðist árið 1987 með
stúdentspróf frá Menntaskólanum í
Reykjavík. Hann stundaði nám í sögu
og stjórnmálafræði við Warwick-
háskóla á Englandi og útskrifaðist
þaðan með BA-gráðu árið 1991. Hann
lærði um skeið þýsku í Bonn í Þýska-
landi og nam rússnesku á árunum
1993-1994 við Háskóla Íslands. Guðni
útskrifaðist með meistaragráðu í sagn-
fræði frá HÍ árið 1997. Hann nam
sagnfræði á árunum 1998-1999 við Ox-
ford-háskóla á Englandi og útskrif-
aðist þaðan árið 1999 með MSt-gráðu í
sögu. Árið 2003 lauk hann doktorsprófi
Guðni Th. Jóhannesson, forseti Íslands – 50 ára
Morgunblaðið/Ómar
Forsetahjónin Guðni Th. Jóhannesson, forseti Íslands, og Eliza Reid forsetafrú veifa til mannfjöldans frá svölum
Alþingishússins á Austurvelli eftir embættistökuna 1. ágúst 2016. Guðni er sjötti forseti lýðveldisins.
Forseti og bikarmeistari
Feðgin Guðni ásamt elstu
dóttur sinni.
Morgunblaðið/Eggert
Í bíói Guðni ásamt yngri börnunum sínum.
Akureyri Móeiður
Kristín Andrésdóttir
fæddist 29. ágúst
2017. Hún vó 3.908 g
og var 49 cm löng.
Foreldrar hennar eru
Andrés Vilhjálmsson
og Helga Sif Eiðs-
dóttir.
Nýr borgari
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
Á opnunni „Íslendingar“ í Morgunblaðinu
er sagt frá merkum viðburðum í lífi fólks,
svo sem stórafmælum, hjónavígslum,
barnsfæðingum og öðrum tímamótum.
Börn og brúðhjón
Allir þeir sem senda blaðinu mynd af nýjum borgara eða mynd
af brúðhjónum fá fría áskrift að Morgunblaðinu í einn mánuð.
Hægt er að senda mynd og texta af slóðinni
mbl.is/islendingar eða á islendingar@mbl.is