Morgunblaðið - 30.06.2018, Side 41

MENNING 41
MORGUNBLAÐIÐ LAUGARDAGUR 30. JÚNÍ 2018
VIÐTAL
Nína Guðrún Geirsdóttir
ninag@mbl.is
Jói Pé og Króli eru ungstirni í ís-
lensku hipphopp-senunni sem skut-
ust hratt upp á stjörnuhimininn síð-
astliðið haust með hressandi textum
og þéttum töktum. Á tæpu ári hafa
þeir gefið út tvær plötur sem sam-
anlagt hafa yfir 10 milljónir hlustana
á streymisveitunni Spotify, sem er
gríðarlega góður árangur ef miðað er
við aðra íslenska tónlistarmenn. Lag
þeirra „B.O.B.A.“ sló í gegn á mynd-
bandasíðunni
Youtube síðast-
liðið haust og allir
og amma þeirra
trylltust yfir gríp-
andi taktinum og
hressandi texta
um unglingsást.
Sjálfir eru þeir Jóhannes Damian
Patreksson og Kristinn Óli Péturs-
son, sem ganga undir listamanna-
nöfnunum Jói Pé og Króli, vel niðri á
jörðinni. Þegar blaðamaður hitti þá í
stúdíói þeirra var Jói Pé seinn til, en
hann hafði verið í ræktinni og tafðist.
Á meðan við biðum eftir Jóa spilaði
Kiddi, eins og hann er kallaður, fót-
boltaleik í FIFA við bróður sinn í
leikjatölvu. Allt eins og það á að vera.
Við setjumst niður í sófa í stúdíó-
herbergi þeirra þar sem þeir hafa
verið með aðstöðu frá því í janúar.
Þegar þeir eru spurðir út í gríðar-
legar vinsældir sínar hér á landi segj-
ast þeir hreint ekki hafa nein svör.
„Ég hef ekki hugmynd, hreinlega
veit ekki af hverju við urðum svona
vinsælir. Þetta er mér hulin ráðgáta,“
segir Kiddi. Jói tekur undir og telur
það líklega sambland af nokkrum
hlutum, ekki sé eitt rétt svar við því.
Stór rappsena á landinu
Engu að síður virðist vera mark-
aður á Íslandi fyrir íslenskt rapp ef
marka má topplista íslenskrar tón-
listar í dag þar sem íslenskir rapp-
arar og hipphop-listamenn ráða ríkj-
um. Jói segir þá félaga leitast við að
fara eigin leiðir í þessu sem öðru:
„Það eru mjög margir að rappa í dag,
hún er orðin svo stór þessi hipphopp-
sena, þess vegna langar okkur að
fara nýjar leiðir.“
Aðspurðir hvort þeir líti sem svo á
að þeir séu að höfða til heillar kyn-
slóðar taka þeir ekki undir það. „Það
er fullt af ungu fólki sem fílar okkur
ekki og við erum lítið að pæla í því.
Við heyrðum umræðu um daginn í
útvarpinu þar sem verið var að ræða
það hvort það skaðaði ímynd okkar
að vera í spilun á Bylgjunni. Mér
finnst það fáránlegt, við erum ekki að
gefa út tónlist fyrir einhverja aðra,
þetta er á okkar forsendum svo það
skiptir ekki máli hver hlustar á okk-
ur. Það er bara snilld ef eldra fólk fíl-
ar okkur,“ segir Kiddi.
Skammdegi og núvitund
Önnur plata þeirra, Afsakið hlé,
kom út í mars og fylgir eftir plötunni
Gerviglingur sem kom út í sept-
ember á síðasta ári. Á Afsakið hlé
tóku þeir örlítið breytta stefnu en
lögin eru mörg hver alvörugefnari og
strákarnir líta heldur inn á við ef eitt-
hvað er, textarnir fjalla í meira mæli
um leitina að sjálfum sér og að lifa í
núinu.
Að þeirra sögn var Afsakið hlé
„konseptplata“, sem þeir gerðu með-
fram miklum önnum við tónleikahald,
yfir sex mánaða tímabil. „Við fórum í
gegnum allan skalann. Á þessum
tíma var klikkað að gera hjá okkur,
vorum að spila tíu sinnum á dag. Svo
vorum við búnir á því í sveittu stúdíói
frameftir. Þetta hafði auðvitað áhrif á
útkomuna,“ segir Jói. Kiddi bætir við
að platan fjalli aðallega um þeirra
daglega líf og tilfinningar. „Það
mætti segja að þessi plata endur-
speglaði svolítið nútvitund, það er
kannski lítið um karaktereinkenni,
við erum meira að yrkja og tala um
það sem var að gerast á þeirri
stundu. Hvernig okkur leið og hvað
við vorum að gera. Kannski mun
platan ekki eldast vel því hún nær
bara yfir ákveðið tímabil hjá okkur
sem unglingum, en kannski, maður
veit aldrei.“
Þá segja drengirnir að skamm-
degið hafi náð til þeirra í vetur sem
geti útskýrt stemninguna á plötunni.
„Við áttuðum okkur á því einn daginn
að við værum að gera mjög „dark“
tónlist. Skammdegið er ekkert grín,
þetta var náttúrlega í desember og
janúar.“
Hæfileikar á ýmsum sviðum
Strákarnir hafa undanfarið verið í
góðu fríi en í vor stimpluðu þeir sig út
úr hinu hefðbundna lífi sem fylgir því
að vera tónlistarmaður. „Það er búið
að gera okkur mjög gott, við höfum
verið að finna okkur svolítið,“ segir
Kiddi. Í millitíðinni hafa þeir sinnt
öðrum áhugamálum sem eru ófá. Jói
spilar með ungmennaliði Hauka í
handbolta og Króli hefur gengið til
liðs við utandeildarlið í fótbolta. Þeir
segjast ekki vilja einskorða sig við
tónlistina, enda liggja hæfileikar
þeirra á ýmsum sviðum; Kiddi hefur
mikinn áhuga á leiklist og Jói þykir
góður listmálari. Hann segir ekki úti-
lokað að hann fari í atvinnumennsku í
íþróttum: „Mig langar að vera bæði
atvinnuhandboltamaður og listamað-
ur. En þetta tvennt passar ekki vel
saman því miður. Mér finnst mjög
gaman í handbolta og langar að halda
áfram að spila, svo togar tónlistin í
mig og ég vil halda áfram að mála.
Þetta verður eitthvert púsl,“ segir
Jói og hlær. „Ef það er einhver í
heiminum sem getur tæklað það, þá
er það Jóhannes,“ segir Kiddi, sem
hefur greinilega tröllatrú á félaga
sínum. Fyrst er þó að klára fram-
haldsskóla en þeir sækja báðir fram-
haldsskóla á veturna og eiga líkast til
rúmlega eitt ár eftir af námi. Í kjölfar
vinsældanna þurftu þeir mikið frá að
hverfa frá skólanum og ákváðu að
taka sér ekki pásu. Þeir hafa ekki
áhyggjur af því að fá innblástur að
nýju efni eftir pásuna: „Um leið og
við erum komnir í rútínu með að gera
tónlist eða listsköpun þá held ég að
það verði eitthvað algjörlega nýtt og
flott,“ segir Kiddi.
Gaman að pæla í tungumálinu
Þegar rappsveitin XXX Rott-
weilerhundar steig fram á sjónar-
sviðið í upphafi 20. aldar vöktu textar
hennar mikla athygli en þeir þóttu
beittir og sýndu jafnframt að texta-
smiðirnir höfðu gott vald á tungumál-
inu. Aðspurðir hvort rímur og orða-
notkun þeirra hafi blundað í þeim í
gegnum tíðina segjast þeir hafa
áhuga á tungumálinu og þá sér í lagi
Kiddi: „Mér finnst gaman að pæla í
tungumálinu og íslenska er örugg-
lega mitt uppáhaldsfag. Ég hef sterk-
ar skoðanir á notkun tungumálsins
og hvernig við ættum að halda því á
lífi. Ég myndi ekki nenna að pæla í að
skrifa og yrkja á málinu nema ég
hefði áhuga á því,“ segir Kiddi. Jói
segir að amma sín hafi verið íslensku-
kennari sem hafi kennt honum ís-
lensku í grunnskóla í mörg ár og
kveikt með honum áhuga á tungu-
málinu.
Blaðamaður spyr í kjölfarið hvort
rapparar þurfi ekki að hafa gott vald
á íslenskri tungu til að geta flutt rím-
ur. „Jú eitthvað, en það er líka hægt
að gera lag með takmörkuðum orða-
forða,“ segja þeir og það geti því ver-
ið persónubundið eftir hverjum og
einum.
Vilja feta nýjar brautir
Nú eru þeir að vinna að nýju efni
þar sem þeir fara ótroðnar slóðir.
„Ég held að þetta sé okkar tilhneig-
ing í að vilja prófa nýja hluti og
teygja eins og við getum á hugtakinu
hipphopp-listamaður. Við viljum ekki
flokka okkur sem bara hipphopp-
artista, við erum að gera bæði aðra
hluti og öðruvísi tónlist,“ segir Króli
og Jói bætir við að eitt lagið sem þeir
hafi gert á Afsakið hlé geti varla tal-
ist hipphopp.
En hver er þeirra framtíðarsýn?
„Mig dreymir um að geta lifað á list-
inni og alltaf geta komið að tónlist-
inni aftur þegar mig langar, að þurfa
ekki að gera plötu til að halda mér á
lífi, við erum sammála um þetta. Við
höfum svo mörg önnur áhugamál og
viljum því kannski ekki festa okkur í
tónlistinni. Þó hún verði alltaf stór
partur af okkur,“ segir Kiddi. Það má
telja líklegt að engin lognmolla verði í
kringum þessa ungu og frjóu lista-
menn í framtíðinni.
„Snilld ef eldra fólk fílar okkur“
 Önnur plata Jóa Pé og Króla, Afsakið hlé, var alvörugefin konseptplata unnin í skammdeginu
 Eru í pásu eftir mikla törn og tvær plötur  Vilja teygja á hugtakinu hipphopp-listamaður
Morgunblaðið/Eggert
Listrænir Jói Pé og
Króli segjast vilja fara
ótroðnar slóðir og ekki
einskorða sig við hipp-
hopp eða tónlist.
ICQC 2018-20
DUXIANA Reykjavik | Ármuli 10 | Reykjavik | +354 5 68 99 50 | www.duxiana.is
GÆÐI OG ÞÆGINDI
SÍÐAN 1926
DUX 1001 - VÍÐÞEKKT ÞÆGINDI
Byggt á fyrsta DUX rúminu sem var framleitt árið 1926, þetta er sannarlega það sem draumar eru byggðir á.